Dagblaðið Vísir - DV - 28.11.2002, Blaðsíða 19
18
FIMMTUDAGUR 28. NÓVEMBER 2002
FIMMTUDAGUR 28. NÓVEMBER 2002
23
; - '
Stórsöngvarinn
Bjarni Arason meb
fimmtu sólóplötuna -
og syngur dúett meb
eiginkonu sinni:
Látúnsbarki
á beinni braut
„Ef til vill má segja að ég sé söngvari
minna sígildu dægurlaga, ef hægt er að
nota einhverja slíka flokkun í tónlist.
Mest er ég fyrir melódíur og lög sem
hafa góða laglínu. Ég tel lika að nýja
platan mín sé einmitt í þeim anda,“
segir Bjarni Arason söngvari. Fyrir fá-
einum dögum kom út hans fimmta
sólóplata, Er ástin þig kyssir. Þar er að
finna lög úr ýmsum áttum, meðal ann-
ars allmörg erlend lög með innlendum
textum. Einnig eru á plötunni tvö lög
eftir söngvarann sjálfan sem nú lætur í
fyrsta sinn kveöa að sér sem lagahöf-
undur. Einnig sætir tíðindum að í
tveimur lögum á plötunni syngur með
Bjarna eiginkona hans, Silja Rut Ragn-
arsdóttir; það er í rómantískum lögum
vel að merkja.
Ekki strákur úr Keflavík
Fimmtán ár eru liðin síðan fyrst
heyrðist opinberlega til Bjama Arason-
ar sem söngvara. Það var sumarið 1987.
Þá var hann fulltrúi Reyknesinga í Lát-
únsbarkakeppni Stuðmanna sem hald-
in var í Tívolíinu í Hveragerði og sýnd
í Sjónvarpinu.
„Þá var hann Bjami litli nú bara
fimmtán ára og óharðnaður strákur.
Ég hef mikið lært síðan,“ segir viömæl-
andi okkar og bætir við að enn í dag sé
fólk að tala um keppnina frægu við sig.
„Ég kom þarna inn sem fuiltrúi
Reykjaness þar sem ekkert pláss var
fyrir mig í keppninni í Reykjavik þar
sem ég átti þó heima. En fyrir vikið
töldu margir mig vera strák úr Kefla-
vík og halda jafnvel enn,“ segir Bjarni,
þegar við sitjum og skröfum saman á
mánudagssíðdegi í Reykjavík. Það er
stund milli stríða hjá annars önnum
köfnum söngvara og útvarpsmanni,
sem hefur á þessum tíma árs i mörg
horn að líta.
Erfitt a& höndla álagið
ungur
„Reynslan sem ég fékk af frægðinni
og því að verða vinsæll söngvari svona
kornungur er ekkert endilega góð,“
segir Bjarni og heldur áfram frásögn
sinni.
„Hlutirnir hefðu gjarnan mátt þróast
öðruvísi. Álagið var mikiö og erfitt fyr-
ir mig aö höndla það. í tónlist tók ég
síðan aö mér fullt af verkefnum og
söng inn á plötur lög sem ég hefði í dag
viljað sleppa. En í einhveiju ungæði
tók maður allt sem bauðst og taldi öll
tækifæri vera stóran happdrættisvinn-
ing. Þannig held ég að hollt sé fyrir
unga tónlistarmenn sem eru að hasla
sér völTað hafa sér reyndari menn til
að bera sínar bækur við og geta sótt til
þeirra ráð og leiðbeiningar. Að
minnsta kosti er slíkt aldrei til skaða,“
segir Bjarni.
Sukk og skuggahliðar
Velgengni Bjama í tónlistinni haföi
sínar skuggahliðar. „Maður sukkaði
heilmikið og það vatt upp á sig. Innst
inni vissi ég alltaf að ég yrði að taka
mér tak. Það var óumflýjanlegt. Þegar
ég var 23 ára fór ég í meðferð, þá algjör-
lega búinn, hvort heldur var andlega,
peningalega eða likamlega. í meðferð-
inni ákvað ég strax að taka þeirri leið-
sögn sem mér stóð til boða og fara eft-
ir henni, fremur en að vera í meðferð á
eigin forsendum eins og sumir gera
víst. Þetta kom mér á beinu brautina
og ég hef ekki drukkið síöan,“ segir
Bjarni sem í dag er hamingjusamur
fjölskyldufaðir og býr i Hafnarfirði.
Eiginkona hans er áður nefnd hér til
sögunnar og eiga þau saman tvær dæt-
ur, Thelmu Ósk sem er sjö ára og
Kamillu Rós, þriggja ára.
„Stelpumar era famar að syngja
mikið, enda áhersla lögð á tónlist svo
sem i leikskólanum. Dætumar hafa
líka orðið til þess að breyta sýn manns
á veröldina á ýmsan hátt, maður verð-
ur auðmýkri og þakklátari fyrir tilver-
una, hafandi þessa sólargeisla í kring-
um sig,“ segir Bjami.
Grunsamlega vel inni í tón-
list
Niu ár eru að verða liðin síðan
Bjami og Silja Rut, eiginkona hans,
rugluðu saman reytum sínum. Hann
segist lengi vel hreint ekki hafa haft
nokkra hugmynd um þá ágætu söng-
hæfileika sem Silja hefur, eins og vel
heyrist í lögunum tveimur á plötunum
þar sem þau syngja saman dúett.
„Reyndar fannst mér stundum grun-
samlegt hversu vel hún var inni í tón-
list og þekkti til laga. Oft gaf hún mér
finar leiðbeiningar um ýmsa hluti þeg-
ar ég var að fara að syngja. Hún kom
mér í opna skjöldu þegar hún söng i
þrítugsafmælinu mínu í júlí á sl. ári.
Einmitt við það tilefni bað ég hennar
og saman sungum við síðan saman fyr-
ir gesti í kirkjunni, í brúðkaupinu okk-
ar í sumar.“
Set mig í spor syrgjenda
Á seinni árum hefur Bjami sungið
minna á öldurhúsum en áður en þeim
mun oftar við ýmis hátíðleg tækifæri.
Þar má nefna brúðkaup og slíkar at-
hafnir og gjarnan hefur hann verið
fenginn tO að syngja við jarðarfarir.
„í fyrstu þegar ég var beðinn um
slikt neitaði ég því alltaf og sagðist
ekki treysta mér í það. Síðar lét ég und-
an. Oft getur söngur við slíkt tækifæri
tekið á, sérstaklega þegar í hlut á fólk
sem hefur farið í slysum eða látist um
aldur fram. Það er útilokað að koma
fram við jarðarfarir nema maður nái
sambandi við sig sjálfan og hjartastöðv-
amar og setji sig í spor þess fólks sem
syrgir. Þetta hvorki á né má verða eins
og maður sé að syngja upp úr síma-
skránni," segir Bjami.
í þessu tilviki nefnir hann meðal
annars þegar hann söng við útfór skip-
verja af bátnum Svanborgu SH sem
fórst við Öndverðames á Snæfeilsnesi
fyrir um ári síðan. Lík þess eina fannst
en þrír fórust í þessu slysi.
„Þessi athöfn var í Ólafsvíkurkirkju
og var mjög átakanleg - og fólkið sem
þama syrgði tengist fjölskyldu Silju.
Lítill drengur grét fööur sinn og ég
skynjaði mig í hans sporum því sjálfur
var ég aðeins þriggja ára gamall þegar
ég missti pabba minn í sjóinn þegar
. hann, ásamt tyeimur öðrum, tók út af
Guðbjörginni ÍS frá ísafirði, en ég til-
einka fóður mínum eitt lag á nýju plöt-
unni. Því upplifði ég þessa athöfn mjög
sterkt," segir Bjami Arason.
Rúmbur oq seiðandi
sambatakfur
Auk þess að syngja einn og sjálfur
við ýmis tækifæri er Bjami söngvari
Milljónamæringanna, stórsveitinni
sem best er þekkt fyrir dillandi rúmbu-
slagara og sambataktinn seiðandi. „Við
erum að spila allt árið en þó minnst á
sumrin. Hjá okkur eru tvö böll alltaf
árviss. Annars vegar annan í jólum og
síðan helgina eftir verslunarmanna-
helgi. Hvorutveggja eru böll sem draga
marga að og eru skemmtileg."
Bjarni segir að í önnum daganna
hafi hann aldrei eignast sérstök áhuga-
mál, utan tónlistarinnar, fjölskyldunn-
ar og daglegrar vinnu. „Ég er að
minnsta kosti ekki eins og sumir félaga
minna sem era komnir í golfið og fara
og taka kannski nokkrar holur milli sjö
og átta á morgnana áður en þeir fara i
vinnu,“ segir Bjami ög kímir.
Hans daglega starf er dagskrárstjórn
Bylgjunnar og kveðst Bjarni una sér
ákaílega vel á þeim vettvangi. Útvarps-
mennska og fiölmiðlun sé heillandi
starfsvettvangur, ekki síst þegar vel
gangi.
'Æj&. 'fM v -••.
^0r:
V >
m
t ■ - t* ■v ■ •>*'', ,lA
■ .
„Þessi athöfn var í Ólafsvíkurkirkju og var mjög átakanleg - og fólkið sem þarna
syrgbi tengist fjölskyldu Silju. Lítill drengur grét föbur sinn og ég skynjabi mig í
hans sporum því sjálfur var ég abeins þriggja ára gamall þegar ég missti pabba
minn í sjóinn þegar hannf ásamt tveimur öbrum, tók út af Gubbjörginni IS frá
lsafirbif en ég tileinka föbur mínum eitt lag á nýju plötunni. Því upplifbi ég þessa
athöfn mjög sterktf" segir Bjarni Arason.
Magasín-myndir E.ÓI.
\ \
\______
Söíiœaí'í
M
agasm
DV
DV
M
agasm
^'l|a1SÍ, *?e? Þ'í! tónHstarfólki sem er aö láta aö sér kveöa í dag,“ segir Bjarnl. „Margt af þessu listafólkl er líka alveg frábært, hljómsveitir eins og tll dæmis írafár, Land og synlr og í svörtum fötum svo ég nefni nú elnhveria úr þessum
hopl. Mlðað vlð hoföatoluna viöfrægu er Ijoldl goöra listamanna her otrulega miklll. Og þessu folkl eigum viö auövitaö að gefa aukin tækifæri, tll dæmls til aö koma hugverkum sínum á framfærl erlendis. Þar heföi ég viljaö sjá stuöning af hálfu stjórnmálamanna meö einhveri-
um aögeröum," segir Bjami meöal annars í viötallnu.
Bylgjan á gó&ri siglingu
„Við erum á góðri siglingu með
Bylguna í dag,“ segir Bjami. „Kapp-
kostum að leika gæðatónlist fyrir alla
aldurshópa og það virðist fólk kunna
vel að meta enda mælist hlustun á stöð-
ina í dag í sögulegu hámarki. í dag eru
Norðurljós með einar sex útvarpsstöðv-
ar í loftinu og hver þeirra einbeitir sér
að ákveðnum markhópum eða tónlist-
arstefnu. Þetta eru einsog véitingahús-
in, þau eru sérhæfð hvert á sínu sviði.
Sum bjóða upp á hamborgara og
franskar, önnur eru með fiskrétti og
enn önnur eru fín steikhús. í mínum
huga er Bylgjan alveg fyrsta flokks
veitingahús," segir Bjami og kveðst
vera stoltur af sinni útvarpsstöð.
Dagskrársfióm á útvarpsstöð gefur
tónlistarmanni gott tækifæri til þess að
fylgjast með kviku íslenskrar dægur-
tónlistar, en óhætt er að segja að hún
hafi veriö í mikilli þróun á undanfóm-
um árum. Margir nýir og athyglisverð-
ir listamenn hafa veriö að stíga fram á
sviðið og náð góðum árangri. Bjami
kveðst í starfi sínu njóta þess að fylgj-
ast með íslensku tónl istarfólk i.
A& vera sáttur vi&
verlc sín
„Mér hefur fundist mjög gaman að
fylgjast með því tónlistarfólki sem er
að láta að sér kveða í dag,“ segir
Bjami. „Margt af þessu listafólki er
líka alveg frábært, hljómsveitir eins og
til dæmis írafár, Land og synir og í
svörtum fótum svo ég nefrti nú ein-
hverja úr þessum hópi. Miðað við
höfðatöluna víðfrægu er fiöldi góðra
listamanna hér ótrúlega mikill. Og
þessu fólki eigum við auðvitað að gefa
aukin tækifæri, til dæmis til að koma
hugverkum sínum á framfæri erlendis.
Þar hefði ég viljað sjá stuðning af hálfu
sfiómmálamanna með einhverjum að-
gerðum. Það felst mikið í þessu lista-
fólki. Við þurfum að gefa þvi aukin
tækifæri," segir Bjami, sem viður-
kennir að alltaf búi i brjósti sínu
draumurinn um að geta einbeitt sér að
tónlistinni, heill og óskiptur. Það tæki-
færi hafi hins vegar ekki komið enn,
enda þótt verkefnin séu mörg.
„Fyrir mörgum áram fór ég út til
Bandarlkjanna í prufu í skemmtana-
borginni Las Vegas. Hún skilaði engu.
í sjálfu sér er draumurinn svo sem
ekki að slá í gegn erlendis, heldur
miklu frekar að geta helgað mig tónlist-
inni. Og þá er helsta forsendan fyrir ár-
angri að vera sáttur við verk mín,“ seg-
ir Bjami.
Óskiljanlegir undrakraftar
Um dagana hefur tilvera Bjama Ara-
sonar verið allavega, eins og gerist hjá
okkur öllum. Hann hefur ekki alltaf átt
sjö dagana sæla, eins og sagt er þó þeir
hafi heldur ekki verið honum verri en
hverjum öðrum. En reynslan hefur
hins vegar mótað hann, eins og hann
viðurkennir sjálfur. „Ég trúi á ein-
hveija forsjón og ekki er verra að vita
af karlinum þama uppi,“ segir hann.
„Fyrir fáeinum árum var ég úti að
skokka í Garðabænum og þar sem ég
stóð á götuhorni að kasta mæðinni með
hendur á hnjám vissi ég ekki fyrr en
bíll stefndi að mér á nokkrum hraða.
Ég fraus á staðnum og taldi mína síð-
ustu stund ranna upp. 1 sjónhendingu
rann ævin öll í svipmyndum í gegnum
hugsun mína. En með einhverjum
óskiljanlegum undrakrafti hentist ég tfi
um einhverja metra og út að næsta
húsvegg. Mér er hulin ráðgáta hvemig
þetta gerðist, það er eins og tekið hafi
verið í axlimar á mér. Þar sem ég lá
þama utan I veggnum fór bíllinn fram-
hjá. Hvemig get ég útskýrt þetta öðru-
vísi en svo að hér hafi verið yfirskilvit-
legir kraftar að verki?"
Fuglar hafa flogið framhjá
Bjami Arason er hamingjusamlega
giftur maður og nafn nýju plötunnar,
Er ástin þig kyssir, er vel við hæfi. Sem
fyrr segir eru tvö laganna þar eftir
hann; annað þeirra samdi hann i sum-
arhúsi fyrir austan fiall i ágúst síðast-
liðinn en þangað fór hann gagngert til
að leika sér við lagasmíðar.
„Mig langar að fást meira við að
setja saman lög i framtíðinni. Það sem
ég hef samið hingað til er eins og fugl-
ar sem hafa flogið framhjá, eitthvað
sem ég hef fangað á stundinni. Vonandi
gefst mér tækifæri til þess í framtíð-
inni að sinna tónsmíðum," segir
Bjarni.
Frá fyrsta til sí&asta reits
Fjöldi valinkunnra hljóðfæraleikara
leggur Bjama lið á nýju plötunni hans,
svo sem kappar á borð við Friðrik
Karlsson, Gunnlaug Briem og Jóhann
Ásmundsson, liðsmenn Mezzoforte, og
ýmsir fleiri. Þórir Úlfarsson upptöku-
sfióri skilaði sínu vel og vandlega,.
og sá ég ekki eftir því að fá hann í verk-
ið. Björgvin Halldórsson kom að þess-
ari plötu einnig, hann stjómaði upptök-
um á söng í fióram lögum. Diddú syng-
ur með mér eitt lag og Gospelkór
Reykjavíkur undir stjórn Óskars Ein-
arssonar söng með okkur Silju í laginu
Up where we belong. í rauninni hef ég
fengið að vera þátttakandi í þessu ferli
alveg frá fyrstu hugmyndavinnu og um
daginn var ég að raða plötunni í hulstr-
in áður en hún fór í verslanir. Ég hef
sem sagt komið að þessu alveg frá
fyrsta til siðasta reits í ferlinu sem er
mjög skemmtilegt. Ekki síst þegar mað-
ur er að gefa út það sem maður er mjög
sáttur við, eins og raunin er með þessa
plötu, Er ástin þig kyssir."
-sbs