Dagblaðið Vísir - DV - 03.12.2002, Side 10

10
ÞRIÐJUDAGUR 3. DESEMBER 2002
Útlönd
DV
REUTERSMYND
Kóngurinn í heimsókn
Jóhann Karl Spánarkóngur kannaöi í
gær olíumengunina viö þorpiö Muxia
í Galisíu á norövestanveröum Spáni.
Ný olíubrák ógn-
ar Spánarströnd
Hætta er talin á aö risastór olíu-
brák úr olíuskipinu Prestige, sem
liggur á hafsbotni undan Spánar-
ströndum, nái landi á norðurströnd
Spánar eftir aö hafa mengað vestur-
ströndina.
Spænskir embættismenn sögðu í
gær að franskur smákafbátur sem
fór niður að flaki olíuskipsins hefði
ekki orðið var við nýjan leka úr
skipsflakinu. Ekki verður þó hægt
að útiloka það endanlega fyrr en í
dag eða á morgun.
Þykk olíubrák ógnaði í gær skel-
fiskmiðum sjómanna í sunnanverðu
Galisíu-héraði. Hluti brákarinnar
rak fyrir vindum í átt til Asturias-
héraðs við Biskajaflóann.
Oliuskipið brotnaði í tvennt 19.
nóvember og voru þá um sjötíu þús-
und tonn af olíu í tönkum þess.
Saddam sakaður
um gróf brot á
mannréttindum
Bresk stjómvöld sökuðu Saddam
Hussein íraksforseta í gær um gróf
mannréttindabrot, allt frá þvi að
setja óvini sína í sýrubað, stinga úr
þeim augun, standa fyrir hópnauðg-
unum og íjöldaaftökum.
í 23 síðna skýrslu utanríkisráðu-
neytisins, sem ætlað er að styrkja
málstað stjómvalda ef til hernaðar-
aðgerða kemur gegn írak, kemur
meðal annars fram að þrjár til fjór-
ar milljónir íraka, eða funmtán pró-
sent þjóðarinnar, hafi flúið land í
stað þess að búa við ofríki Saddams.
Þeir sem heima sitja mega búa við
„grimmdarlega og tilfmningalausa
óvirðingu hans við mannslíf og
þjáningar", eins og segir í skýrslu
breska utanríkisráðuneytisins.
REUTERSMYND
VIII stofna her
Hamid Karzai, forseti Afganistans,
ætlar aö stofna þjóöarher og banna
vopnaöar einkasveitir herstjóra.
^Tengdasonur
Ómars gómaður
Yfirvöld í Afganistan hafa hand-
tekið tengdason Ómars klerks, and-
legs leiðtoga talibana, sem hrakinn
var frá völdum í fyrra. Ómar sjálfur
hefur hins vegar gufað upp af yfir-
borði jarðar.
Hamid Karzai, forseti Afganist-
ans, tilkynnti í gær að hann ætlaði
að stofna þjóðarher og jafnframt að
banna allar vopnaöar sveitir sem
ekki lúta stjóm yfirvalda. Átök
milli stríösherra undanfama daga
em hins vegar til marks um það erf-
iða verkefni sem fram undan er.
Vopnaeftirlitið í írak:
Leit hafin í höllum
Saddams forseta
Vopnaeftirlitsmenn Sameinuðu
þjóðanna heimsóttu i morgun i fyrsta
skipi hallir Saddams Hussein íraks-
forseta síðan vopnaeftirlit hófst aftur
eftir fjögurra ára hlé um miðja síð-
ustu viku.
Sijood-höllin í Karkh-hverfi í Bag-
dad varð fyrst fyrir valinu, en hún er
ein af átta höllum forsetans þar sem
grunur leikur á að bönnuð vopn gætu
verið falin.
Vopnaeftirlitsmennimir biðu utan
við höllina í tíu mínútur áður en þeim
var hleypt inn, en áður höfðu þeir
kallast á og deilt við öryggisverði
áður en stórar járnhurðir hallarinnar
vom opnaðar upp á gátt.
Haft var eftir vopnaeftirlitsmönn-
um í gær aö írakar hefði viðurkennt
að hafa reynt framleiðslu álhólka sem
nota átti við vopnaframleiðslu, en
aðeins til framleiðslu hefðbundinna
vopna en ekki kjamavopna eins og
Bandaríkjamenn og Bretar hafa sakað
þá um. Mun þetta í fyrsta skipti síðan
Vlð eina forsetahöll Saddams.
vopnaeftirlitið hófst sem írakar við-
urkenna að hafa brotið sett vopna-
framleiðslubann, en að sögn íraka að-
eins til framleiðslu á hólkum í marg-
hlaupa eldflaugaskotpalla.
Þeir halda því fram að þrátt fyrir
margar tilraunir hafi þeim ekki tekist
að hanna hólka sem brúklegir voru í
framleiðsluna og því gefist upp við
verkefnið.
Bush Bandaríkjaforseti sagði í
ræðu í Pentagon i gær að fyrstu vís-
bendingar í vopnaleitinni væru ekki
uppörvandi og benti á nokkur dæmi
eins og það sem áður er nefnt og
einnig að búnaður sem fundist hefði
við fyrra eftirlit fyrir fjórum árum í
vopnaverksmiðju í nágrenni Bagdad
hefði ekki enn komið í leitirnar.
Skýring íraka á málinu er að bún-
aðurinn hafi eyðilagst í loftárásum
Bandaríkjamanna á verksmiðjuna.
Þetta eru fyrstu opinberu viðbrögð
Bush Bandaríkjaforseta síðan vopna-
eftirlitið hófst, en hann notaði einnig
tækifærið til þess að minna á það að
frestur íraka til að skila trúverðugri
skýrslu um kjarna-, efna- og sýkla-
vopnabirgðir sínar rynni út á sunnu-
daginn. Engir frestir eða undantekn-
ingar yrðu leyfðar og ef ekki yrði stað-
ið við sett skilyrði myndu Bandaríkja-
menn leiða skilyrðislausar hemaðar-
aðgerðir gegn írökum.
REUTERSMYND
Inn í lestina skal hann
Oft getur veriö þröng á þingi í farþegalestum í Asíulöndum á borö viö Indónesíu. Þá er eins gott aö járnbrautarstarfs-
menn séu liölegir og allir af vilja geröir til aö aöstoöa farþegana sem veröa aö komast meö lestinni, sama hvaö taut-
ar og raular. Þessi mynd var tekin á Senen-brautarstööinni í miöborg Jakarta í morgun. Ástæöa mannmergöarinnar er
sú aö milljónir manna eru á leiö til heimaslóöa aö haida upp á lok föstumánaöarins Ramadans.
Israelar sprengdu upp birgða-
geymslu Matvælahjálpar SÞ
Matvælaaðstoð Sameinuðu þjóö-
anna, WFP, mótmælti í gær árásum
ísraelsmanna á birgðastöð WFP í
Jabalya-flóttamannabúðunum á Gaza-
svæðinu á sunnudagsnóttina og fer
fram á rannsókn málsins og bætur
fyrir skaðann sem metinn er á meira
en 270 þúsund dollara.
í yfirlýsingu frá WFP segir að bygg-
ingin hafa verið sprengd í loft upp
með þeim afleiðingum að meira en 500
tonn af matvælum hafi eyðilagst og er
ísraelski herinn jafnframt sakaður
um að hafa hindrað starfsmenn mat-
vælahjálparinnar við að fjarlægja
birgðimar áður en byggingin var lögð
í rúst.
ísraelski herinn hefur viðurkennt
að hafa sprengt bygginguna í loft upp
í árásunum en ekki vitað að birgða-
geymsla WFP væri þar til húsa.
„Okkur hefur verið tjáð að palest-
ínskir hryðjuverkamenn hafi faliö sig
í rústum birg&astöðvarinnar.
á annarei og þriðju hæð byggingar-
innar og að herinn hafi ekki vitað um
matvælabirgðirnar. Hemum var
aldrei tilkynnt um að matvæli væm
geymd í byggingunni," sagði talsmað-
ur hersins og bætti við að málið væri
enn í rannsókn.
Þessu mótmælir Jean-Luc Siblot,
talsmaður WFP, og segir að byggingin
hafi verið rækilega merkt.
„Þeir hefðu alla vega átt að leyfa
okkur að rýma bygginguna áður en
hún var sprengd í loft upp. Þetta er
vítavert athæfi og bein árás gegn
mannúöarviðleitni alþjóðasamfélags-
ins,“ sagði Siblot.
ísraelski herinn sprengdi í leiðinni
upp heimili þriggja meintra hryöju-
verkamanna í Beit Lahiya-flótta-
mannabúðunum í nágrenni Jabalya
og í gær var tilkynnt um ráðagerðir
hersins um að sprengja upp palest-
ínskar íbúðabyggingar í útjaðri Hebr-
on til þess að rýma til fyrir vamar-
vegg sem ísraelar hyggjast reisa á
milli Hebron og nálægra landtöku-
byggða gyðinga.
Þrír Palestínumenn munu hafa fall-
ið í aðgerðum fsraela á Gaza-svæðinu
i gær.
Stuttar fréttir
Howard ekki í vígahug
John Howard,
forsætisráðherra
Ástralíu, sagði í
morgun að hann
hefði ekki verið í
vígahug þegar hann
lýsti því jdir um
helgina að Ástralar
væru reiðubúnir til
að gera fyrirbyggjandi árásir gegn
hryðjuverkamönnum í nágranna-
ríkjunum. Hann neitaði þvi að um-
mælin hefðu spillt samskiptunum
við Asíuríki.
Viija meira fé frá ESB
Einhver ríkjanna tíu sem vilja i
Evrópusambandið hafa farið fram á
að í lokaviðræðunum um aðild í
næstu viku leggi ESB fram meira fé.
Gegn góðgerðarféiögum
Stjómvöld í Sádi-Arabíu munu
greina í dag frá aðgerðum gegn góð-
gerðarfélögum sem kunna að vera
notuð til að koma fé til hryöjuverka-
manna, að því er Washington Post
greindi frá.
Verkfallið framlengt
Stjómarandstæðingar í Venesú-
ela tilkynntu í gær að þeir hefðu
framlengt verkfall sem ætlað er að
þröngva Chavez forseta til að flýta
kosningum í landinu.
Meintur nauögari tekinn
Breska lögreglan hefur handtekið
48 ára gamlan mann sem grunaður
er um að hafa nauðgað tíu konum í
suðaustanverðu Englandi.
Kerry vill verða forseti
Öldungadeildar-
þingmaðurinn John
Kerry, sem þykir
frjálslyndur í skoð-
unum, lýsti því yfir j
í gær að hann sækt- !
ist eftir útnefningu
sem forsetaefni
demókrata fyrir for-
setakosningamar 2004. Kerry varð
þar með fyrstur til að gefa kost á sér
og hann ætlar þegar að hefjast
handa við að safna fé.
Lest fram af hengiflugi
Grísk farþegalest flaug fram af 40
metra háu þverhnípi eftir að hún
fór út af sporinu seint í gjörkvöld.
Nokkrir farþegar slösuðust.
Powell snýr sér að öðru
Colin Powell, ut-
anríkisráðherra
Bandarikjanna, ætl-
ar að taka sér smá-
hvíld frá oröaskak-
inu við írak þegar
hann heldur til
Bogota, höfuöborg-
ar Kólumbíu, í dag,
rúmu ári eftir að áformað var, til að
stappa stálinu í stjórnvöld í baráttu
þeirra við vinstrisinnaða uppreisn-
armenn og fíkniefnasala.
Gjaldþrot ótímabært
Talsmaöur kaþólsku kirkjunnar í
Boston sagði ótímabærar fréttir af
því aö kirkjan hygðist lýsa sig gjald-
þrota til að verjast lögsóknum
vegna bamaníðinga í röðum presta.
Gæludýr í jólaskreytingu
Laura Bush, forsetafrú í Banda-
ríkjunum, sagðist í gær hafa ákveð-
ið að gæludýr forseta og villtir fugl-
ar yrðu þema jólaskreytinganna í
Hvíta húsinu þetta árið.