Dagblaðið Vísir - DV - 03.12.2002, Blaðsíða 15

Dagblaðið Vísir - DV - 03.12.2002, Blaðsíða 15
ÞRIÐJUDAGUR 3. DESEMBER 2002 I>V Menning Steinunn Sigurðardóttir rithöfundur Semur enn eitt tilbrigðið við ástina sem hún er snillingur í að fjalla um. Paradís er hér UNN — niiil saga „Ég var að fá mér indverskan hádeg- ismat á Place Toudouze þegar ég fann hvað vantaði. Elskhuga. Alvöru elsk- huga með hjali og handayfirlagningum og öllu tilheyrandi. Að mér skyldi ekki hafa dottið þetta í hug fyrr." Á þessum orðum hefst nýjasta skáld- Steinunnar Sigurðardóttur, Hundrað dyr í golunni. Það er Bryn- hildur, aðalpersóna bókarinnar, sem fær þessa snjöllu hugmynd en verst fmnst henni að hafa ekki fengið hana fyrr. Hún er í stuttu fríi í Paris og þar sem dóttir hennar er væntanleg verður hún að hafa hraðan á því dóttirin er jarðbundin og myndi aldrei líða neitt svona. (11) Brynhildur hefur lifað góðu lífi og á margar ánægjuleg- ar minningar, er enn á besta aldri, full af fjöri og lífsþrótti. Það að hún skuli taka ákvörðun um að finna sér elskhuga í hvelli og hrinda ákvörðuninni í framkvæmd vekur ákveðna furðu því Brynhildur virðist sæl í lífi og hjóna- bandi. En fljótlega kemur í ljós að hún lifir í skugga gam- allar ástar. 1 París hellast minningarnar yfir og Brynhildur minnist mannsins sem hún kolféll fyrir á námsárunum í þessari sömu borg. Hann kenndi henni grísku, var helm- ingi eldri en hún og ómótstæðilegur! Hún eyðir dýrmætum árum i að láta sig dreyma um hann til þess eins að komast að því að hún mun aldrei eignast hann. Þá lokar hún sig af í nokkra daga uns óvæntur bjargvættur lokkar hana aftur út í sólskinið. Með honum gengur hún á vit lífsins og allt virðist vera í lukkunnar velstandi. En hugmyndirnar um það sem hún hefði getað fengið en fékk aldrei eitra bæði hennar líf og eiginmannsins og það þótt Brynhildur reyni alla tíð að kæfa hina fornu ást. Á miili hjónanna er ósýnilegur veggur sem veldur báðum hugarangri og svo fer um síðir að maðurinn tekur upp leið- Hljómdiskar an sið sem Brynhildur umber vegna þess að hún kennir sjálfri sér um ástandið. Þar sem hún þráir ást og rómantík fleygir hún sér umhugsunarlaust í faðm skermakaupmanns sem daðrar við hana með augunum og spilar fyrir hana á lútu. Saman eiga þau dýrlegan ástarfund en um leið ljúkast upp hundrað dyr sem fram til þessa hafa verið lokaðar og læstar. Og Brynhildur kemst að þeirri niðurstöðu að „Para- dís var veruleikinn og ég átti heima þar. Enn sem komið var." (137) Bókmenntir Hundrað dyr í golunni er enn eitt tilbrigðið við ástina sem Steinunn Sigurðardóttir er snillingur í að fjalla um. Bókin kallast skemmtilega á við Tímaþjófmn, fyrstu skáld- sögu Steinunnar, þar sem Alda kalda fórnar lífi sínu á alt- ari ástarinnar. Þegar elskhuginn hafnar henni tekur hún til við að næra sorg sína af miklum móði og lokar smám saman á vini og ættingja með sinu sterkasta vopni, kald- hæðninni. Og hún endar lif sitt, alein, yfirgefin og ástlaus. Brynhildur lendir í sömu hremmingum og Alda en hún vinnur sig út úr þeim vegna þess að hún er ekki jafn hörð við sjálfa sig og Alda. Hún sættir sig við sjálfa sig eins og hún er, viðurkennir mistök sín og sigrast á aðstæðum. Mis- kunnarlaus kaldhæðnin í Tímaþjófhum hefur vikið og í stað hennar ríkir sjarmerandi og æðrulaus glettní. í Tima- þjófnum er lífið sárt af því að ástin svíkur en i Hundrað dyrum í golunni er lífið gott þó ástin svíki. Hundrað dyr í golunni er bók sem sjálfkrafa stillir sér upp við hlið bestu verka Steinunnar Sigurðardóttur. Hér er skyggnst inn í dýpstu skot sálarinnar og leyndustu þrár og langanir mannsins útlistaðar í fallegri og ljúfsárri sögu sem gleður. Sigríður Albertsdóttir Stelnunn Siguröardóttir: Hundrað dyr i golunni. Mál og menning 2002. Blátt áfram og áferðarfalleg Það verður að segjast eins og er að diskur þeirra Óskars Guðjónssonar og Skúla Sverrissonar, Eftir þögn, kom mér allverulega á óvart, bæði hvað varðar útlit og innihald, tón- smíðar og tækni. Hér leika saman einn þekktasti tenóristi okkar hérlendis, Óskar Guðjónsson, og Skúli Sverrisson rafbassagítaristi, einn reyndasti djassleikari okkar erlend- is. Þeir leika eigin tónsmíðar, sem hhóma misvel við fyrstu hlustun. Tvíleikur á bassagitar og tenórsax þarf mikla sköpunar- gleði flyrjenda (og tónsmiða) ef flutningurinn á ekki að vera einhliða og Mjómurinn flatur til lengdar. í fyrstu hlustun var ekki laust víð aö maður spyrði sjálfan sig hver ástæð- an væri fyrir þessari hhoðritun - og útgáfu hennar á sölu- disk. Voru strákarnir að dúlla þetta fyrir sjálfa sig eða er einhver tilgangur með þessu öllu? Ekki er auðvelt að finna svarið á umslaginu sem veitir manni aðeins einfaldar upplýsingar, þ.e.a.s. nöfn tónsmíð- anna, flutningstíma þeirra og það að „þessi tónlist [sé] upp- haflega samin fyrir fjölskyldur og vini." Gott og vel. Þessi setning skýrir ef til vill útlit umslags- ins, sem er einungis skreytt „fjölskyldumyndum" - senni- lega frá brúðkaupi, jólahaldi, jarðarför og tilheyrandi um- hverfi, blómum í vasa og kökuskreytingum. Enginn titill. Enginn texti. Nöfn laganna eru svo í moll við myndefnið, þ.e.a.s. anna kveður, okkar á milli, mammamma, höfhun, sætti o.s.frv. Á diskinum sjálfum er svo að fínna titil hans, Eftir þögn, með smáu letri. í djassleik sem og öðrum list- greinum er einfaldleikinn oftast mælikvarðinn sem skilur hið góða og áheyrilega frá miður vel heppnuðum tilraunum og tæknibrellum. Á diski þeirra Óskars og Skúla ræður ein- faldleikinn ríkjum; skýrar línur og formföst stefjun mynda látlausa, þægilega tónlist. Flutningurinn virðist áreynslu- laus og tónsmíðarnar blátt áfram. Tónn Óskars, sérstaklega eftir að hann hóf að leika á beinan saxófón, er mildur og persónulegur. Stíll hans er það sem kalla mætti „Laid back" á útlensku - still sem hef- ur notið sín sérlega vel t.d. í túlkun hans á verkum Jóns Múla með Eyþóri Gunnarssyni píanóleikara. Þessi stfll er dálítið einlitur, það vantar oft dálítinn kontrapunkt í flutn- inginn. Skúli sannar hér enn einu sinni að hann er í fremstu röð bassagítarista. Með margbreytilegum línum og frösum heldur hann tvíleiknum saman og gerir hann áhugaverðan, bæði í hljóm og samleik. Það er ekki ástæðulaust að Skúli nýtur mikils álits sem tónlistarmaður meðal nýbylgju- manna í New York. Eftir þögn er magnaður djassdiskur fyrir þá sem fylgjast með samtímadjassi. Það er ekki hægt að segja að tónlist þeirra félaga sé „fyrir alla" en hún vinnur á við hverja hlustun. Ólafur Stephensen Skúli Sverrisson og Óskar Guojónsson: Eftir þögn. Ómi jazz 007, 2002. 15 Munið að slökk a|/Ai4 ¦ ini inri SjáiÖ til þess aö Ijósaskreytingar ofhitni ekki og séu ekki of nálægt brennanlegum hlutum. Gijmp Pair! é fk Xá ÖRYGGISNET SECNET ¦I Rauði kross íslands ym* Ríkislögreglustjórinn LOGGILDINGARSTOFA iWSLÖKKVILIÐ HÖFUÐBORQARSVÆÐISINS

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.