Dagblaðið Vísir - DV - 23.12.2002, Blaðsíða 21

Dagblaðið Vísir - DV - 23.12.2002, Blaðsíða 21
20 MÁNUDÁGÚR 23. DESEMBÉR 2002 MÁNUDAGUR 23. DESEMBER 2002 37 Utgáfufélag: Útgáfufélagið DV ehf. Framkvsmdastjóri: Hjalti Jónsson Aðalritstjóri: Óii Björn Kárason Ritstjóri: Sigmundur Ernir Rúnarsson Aðsto&arritstjóri: Jónas Haraldsson Ritstjðrn, skrifstofur, auglýsingar, smáauglýsingar, blaöaafgreiösla, áskrift: Skaftahlíö 24,105 Rvík, sími: 550 5000 Faju Auglýsingar: 550 5727 - Rítstjórn: 550 5020 - Aðrar deildir: 550 5749 Ritstjórn: ritstjorn@dv.is - Auglýsingar: auglysingar@dv.is. - Dreifing: dreifing@dv.is Akureyri: Kaupvangsstræti 1, sfmi: 462 5000, fax: 462 5001 Setning og umbrot: Útgáfufélagið DV ehf. Plötugero og prentun: Árvakur hf. DV áskilur sér rétt til að birta aðsent efni blaösins í stafrænu formi og í gagnabönkum án endurgjalds. DV greiðir ekki viðmælendum fyrir viötöl viö þá eða fyrir myndbirtingar af þeim. Hátíð mannúðar Jólahátíöin gengur í garð á morgun með þeim fagra og einlæga boðskap sem henni fylgir. Hátiðin minnir fólk á gildi sem lifa tíma og menn, gildi sem mörg hver virðast á nokkru undan- haldi i hraða og ati samtím- ans, gildi sem sum hver hafa gleymst i sókndirfsku manna eftir lífsins gæðum og prjáli. Efnisheimurinn freistar hvar sem farið er og orð dagsins eru miklu fremur „tilboð" og „verðfall" fremur en ihygli og beiðsla um samhygð og frið. Strikamerkin óma um heimsins ból. íslendingar eiga auðvelt með að týna sér í vöruúrvali og verslanamiðstöðvum. Á örfáum áratugum hefur þjóðin horfið úr illa byggðum hreysum í vönduðustu hibýli jarð- arinnar og kynnst þvi besta og mesta sem i boði er af þæg- indum nútímans. Þessar öfgar hafa ef til vill sett svip á þjóðina sem oft á tíðum sést ekki fyrir í ákafri og æsilegri einstaklingshyggju. Þjóðin er nokkuð upptekin af eigin skinni og er gjarnt að meta orðspor fólks eftir eignum, umsvifum og glæsileika. Á þessu harðaspani hefur íslenska þjóðin tileinkað sér marga af verstu löstum milljónaþjóðanna þar sem fátækt og örbirgð liggja inni í fúlum sundum firringarinnar. Nægir þar að nefna fíkniefnaneysluna sem vaxið hefur óskaplega á allra síðustu árum, ekki síst meðal ungmenna sem mörg hver alast upp í vímu innbrota og óeðlis og eiga vart annan bakgrunn þegar þau eru komin á fullorðinsár en tapaða og tætta æsku. Þessi hópur fólks fer stækkandi með hverju árinu sem líður. Almennt virðist harkan vera að aukast til muna í is- lensku samfélagi og þar á meðal virðingarleysi fyrir eign- um og friðhelgi alls almennings. í leiðurum DV á þessu ári sem senn er á enda hefur oftlega mátt lesa um þessa þjóðfélagsþróun sem illu heilli er að verða æ sýnilegri á meðal fólks á hvaða tíma sólarhrings sem er. Þjófar spyrja ekki lengur að stundu og stað. Gripdeildir eru stundaðar fyrir opnum tjöldum. Síbrotamennirnir yppta öxlum og sanka að sér brotum i kippum. Fimm manns hefur verið banað á íslandi það sem af er ári. í eitt skiptið var fórnarlambið barn. Aðeins einu sinni fyrr hafa jafn margir íslendingar verið myrtir, en það var fyrir tveimur árum. Lögregla, læknar, blaðamenn og aðr- ir sem gerst þekkja til þess ofbeldis sem ríður húsum hér á landi eru sammála um að ástæða þessarar fjölgunar á manndrápum sé fyrst og fremst fíkniefnaharka; þessa skuggalegu harmleiki megi rekja til vitfirrtrar neyslu og æðisgenginnar keppni um næsta skammt. Það er undarlegt að vel innan við þrjú hundruð þúsund ibúar þessarar eyju við ysta haf geti ekki lengur verið ör- uggir um sig á gangi eftir götum borgar og bæja. Æðið sem virðist renna á marga landsmenn í drykkju og eitur- brasi síðkvöldanna er meira en svo að þylverði jafnað við andrúmsloftið á torgum og stéttum stærstu borga heims. Reykjavik er að verða heimsfræg fyrir drykkjuskap og það ölæði sem gripur borgarbúa á sjö daga fresti allt árið um kring. Sér er nú hver landkynningin! Það er mikilvægt að gleyma sér ekki í amstri daganna. Og enn mikilvægara er að tapa ekki áttum. Það er rétt að minna á orð herra Karls Sigurbjörnssonar, biskups ís- lands, sem sagði í DV i siðustu viku að kærleikurinn væri dýrmætastur alls. „Boðskapur jólanna er alveg óháður umbúðunum," segir biskup og minnir á að grundvallar- þættir í perónu mannsins séu ástin, trúin og siðgæðið. Hér verður tekið undir þessi orð um leið og landsmönn- um er óskað gleðilegra jóla. Sigmundur Ernir "M'"%'1[|1' Skoðun Arfurinn [fólahald; svör og andsvör Jakob Ágúst Hjálmarsson dómkirkjuprestur Þegar jólahátíðin gengur í garð hverfur hugurinn ósjálfrátt til liðinna daga, einkum bernskudaganna. Það er af því að jólin eru sérstök hátíð barnanna og við lifum þau jafnan í gegnum þær minningar sem við eigum um bernskujól okkar. Við endurlifum eigin eftirvænt- ingu í gegnum tilhlökkun barnanna í kringum okkur og miðum allt að því að gera þeim gleðileg jól. Jólin eru hátíð barnsins, barnsins í okkur og barnanna okkar. Það undirstrika þemu hátíðarinnar um gleði, frið- semd og gjafmildi. Við horfum á það góða í lífinu og jákvæða og hömpum því, verðum meyr og sæt. Þakklætið breiðir sig um brjóstið og vekur notaleik. Við þökkum lífið, þökkum ástvinina og aílt gott sem okkur hef- ur fallið í skaut. Þegar við settum saman bú og héld- um okkar fyrstu jól var þörf á samn- ingaviðræðum í einhverri mynd. Hvað áttum við að taka úr arfi hvors um sig? Með tlmanum urðu þannig til okkar jólasiðir mismunandi fastmót- aðir. Börnin okkar munu svo taka með sér í sitt bú einhverjar þessara hefða og skila þeim áfram. Hvers konar fólk erum við? En jólasiðirnir eru ekki eini arfur- inn sem við þiggjum frá foreldrum okkar og forfeðrum. Þeir eru kannski fyrst og fremst tákn og ferj- ur sem flytja hugsjónirnar og við- „Það að ala upp börn snýst því ekki síst um að ála upp sjálfan sig. Ungt fólk með börn þarfþvíað gefa þvígaum og láta ékki skeika að sköpuðu um það verkefni." horfin milli kynslóða. Þegar skoðað er kemur í ljós hversu bundin við erum þeirri innrætingu sem við hlut- um þegar við vorum i foreldrahúsum og hjá ömmu og afa. Þessa vegna er hollt að hugsa og nauðsynlegt að gera sér grein fyrir þvi sem við skil- um áfram til barna okkar og afkom- enda: Hvers konar fólk erum við? í samskiptunum við börnin dylj- um við ekkert. Allt kemst það upp með einhverjum hætti og emhvern tíma hvers konar fólk við erum, og allt hefur það áhrif i samræmi við eðli sitt. Það að ala upp börn snýst því ekki síst um að ala upp sjálfan sig. Ungt fólk með börn þaif því að gefa því gaum og láta ekki skeika að sköpuðu um það verkefni. Það þarf að skoða vandlega arfinn sem því var látinn eftir og taka afstöðu til þess hvað af því er rétt að bera áfram til næstu kynslóðar. Svo erum við líka oft tvö um þetta og komum hvort úr sinni átt. Við höfum dýpt- ina i myndinni vegna mismunandi sjónarhorna. Hafin yfir hversdagsleikann Umræður okkar af þessu tilefni eru oftar en ekki frjóar og einkar ábatasamar. Helst er að þolinmæði skorti til þess að komast i gegnum þær svo verulegt gagn verði af. Líka brestur oft á einurðina að láta nauð- synlegar breytingar verða, einkar- lega á eigin háttsemi. Það er nefni- lega jafnan erfiðast að takast á við sjálfan sig. Og hvað svo með trú- ararfinn? Þegar ég ræði við verðandi brúðhjón kemst ég jafnan að því að þau hafa talsvert hugsað um hann og aö hann skiptir þau máli. Hann verð- ur hugstæðastur þegar hátíð er hald- in eða þegar við erum af einhverjum ástæðum hafin yfir hversdagleikann. Jólin snúast um vonina jafnt og liðna tíð, þau birta kærleikann og innihald þeirra grundvallast á trú okkar. Gefum gaum að þessu um komandi jól. Hver var hann þessi litli sveinn í jötunni? Frelsarinn - frá hverju? Drottinn - í hvaða skiln- ingi? Mætti hugsjón hans leiða okk- ur frá því sem bindur lágt og lyfta okkur til sigurs með honum. - Gleði- leg jól! Birgir Tjörvi Pétursson lögfræöingur Fyrir tæpum tveimur vik- um fylgdist ég með tvenns konar jólahaldi í Kaupmannahöfn. Það var söngur og Ijósadýrð í Tívolí, jólaglögg og epla- skífur um stræti og torg, hlaðborð veitingastaða svignuðu undan dönskum jólamat og nóg var um að vera á Strikinu. Dönsk jólastemning í sinni bestu mynd, eftir því sem ég kemst næst. Ég gat þvi miður ekki gefið mig mikið að þessu þvi ég fylgdist grannt með annars konar jólahaldi. í Bella Center var boðið upp á aðild- arsamninga við ESB og vinaleg bros vestur og austur í myndavélarnar. Þetta var út af fyrir sig hin notaleg- asta sýning. Þrátt fyrir að margir hefðu óttast deilur á fundinum féll allt i ljúfa löð að lokum og leiðtog- arnir gátu skálað með Margréti Þór- hildi fyrir háttatíma eins og vonir stóðu til. Eyrun í Brussel Á meðan leiðtogarnir föðmuðust og kysstust í kóngsins tók ég þátt í ráðstefnum og sat fundi um Evrópu- mál í borginni. Þar hitti ég meðal annarra nokkra þingmenn Evrópu- þingsins og gafst færi á að ræða við þá, auk fólks sem starfar að Evrópu- málum í Brussel. Samtöl mín við þetta fólk staðfestu rökstuddan grun minn um að ef ísland gengur i ESB er dregið úr möguleikum ís- lendinga til að taka þátt í að móta samfélagið sitt. Kannski finnst ein- hverjum erfitt að ná eyrum ís- „/ fyrirspurnatíma í Stórþinginu norska sagði Bondevik enn fremur eftirfarandi: „Kjósendur geta ver- ið alveg vissir um að við stöndum við það sem við höf- um lofað í þeirri stefnu sem við nú fylgjum, þ.e.a.s. að við stöndum við EES-samninginn og segjum nei við ESB-aðild. Málið er ekkert flóknara." lenskra stjórnvalda í dag. En viljiðí prófa Brussel! Langt í lýðræðið Það verður orðið ansi langt að fara til að hafa áhrif á mótun samfélagsins ef ísland er aðili að ESB. Við getum ekki látið óánægju eða ánægju okkar í ljós gagnvart framkvæmdastjórn- inni í Brussel með sama hætti og gagnvart íslensku ríkisstjórninni. Framkvæmdastjórn ESB byggist ekki á lýðræðislegu umboði og þangað er auk þess langt að fara. Við getum ekki tekið þátt í kosningum í Þýskalandi og Frakklandi til að velja þá leiðtoga sem flestu ráða innan ráðherraráðs ESB. En við munum geta kosið 3 ís- lendinga á rúmlega 700 manna Evr- ópuþing (eftir stækkun). Gallinn er sá að Evrópuþingið er einmitt sú stofn- un sem ræður minnstu í ESB. Þegar ég spurði fólkið frá Brussel: Munum við hafa einhver áhrif? var bara hleg- ið að mér. Auðvitað ekki. Kannski á einhver smáatriði, einhvern tíma. En engar grundvallarákvarðanir munu lúta okkar vilja, nema fyrir tilviljun. Það er fullkomin tálsýn að halda öðru fram. Það er vissulega rétt að það er ekkert sérstakt fyrir okkur að vera i þeirri stöðu að hafa lítil áhrif á EES- gerðir. En að leysa það vandamál með því að ganga í ESB og framselja allt vald í hendur sambandsins er eins og að ætla að slökkva eld með olíu. Rök óskast Svanfríöur Jónasdóttir alþingis- maður skrifaði grein i DV á dögunum þar sem hún gerði því einmitt skóna að við myndum hafa einhver áhrif innan ESB. Ég bara botna ekkert í því hvernig henni dettur það í hug. Áhrif okkai' á mótun íslensks samfé- lags geta aldrei annað en minnkað við aðild að ESB. í grein sinni veltir Svanfríður því líka fyrir sér hvort við séum jafnvel efnislega meiri aðilar að ESB nú þegar en Bretar og Danir af því að þeir hafi svo margar undan- þágur! Ekki fæ ég meiri botn í þessi skrif Svanfríðar en hin fyrri. Ég verð að óska eftir því að hún rökstyðji þetta nánar. Norðmenn kjurir í grein sinni fjallaði Svanfríður loks um að nú væri allt að gerast í Noregi í Evrópumálum. Að Bondevik, forsætisráðherra Noregs, væri tilbú- inn aö endurskoða afstöðu sína til að- ildar Noregs að ESB. Enn fremur að viðræður Norðmanna við ESB, sem hefjast í janúar og varða EES-samn- inginn og stækkun ESB, gætu þróast út í að verða aðildarviðræður Noregs að ESB. Þarna var ég alveg hættur að skilja í Svanfríði því Bondevik sagði að málið yrði kosningamál 2005 og að hugsanlega yröi þjóðaratkvæða- greiðsla um aðild fyrir 2010 í Noregi. í fyrirspurnatíma á norska Stórþing- inu sagði Bondevik enn fremur eftir- farandi: „Kjósendur geta verið alveg vissir um að við stöndum við það sem við höfum lofað í þeirri stefnu sem við nú fylgjum, þ.e.a.s. að við stönd- um við EES-samninginn og segjum nei viö ESB-aðild." Málið er ekkert flóknara. Svar við svari Ég tel rétt 1 lok þessarar greinar að nota tækifærið og svara gagnrýni á gagnrýni. í grein í DV fyrir hálfum mánuði gagnrýndi ég Eirík Bergmann Einarsson stjórnmálafræðing fyrir það að gefa sig út fyrir að vera hlut- laus sérfræðingur í Evrópumálum. Ég gagnrýndi sömuleiðis fjölmiðla fyrir að gera því skóna að hann væri hlut- laus þegar viðtöl eru tekin við hann um mál sem eru pólitískt umdeild og hann hefur ákveðna pólitíska afstöðu til. Ég gerði þetta „grímulaust", eins og Eiríkur orðaði það í svargrein sinni. Eiríkur tók þessu öllu mjög per- sónulega, gagnrýndi mig og reyndi að mála mig sem „ómálefnalegan". Ég taldi þetta vera mjög málefnalega gagnrýni af minni hálfu og tel enn því hún á við rök að styðjast. Ég tók dæmi máli mínu til stuðnings og vísa til þeirra en greinina er að finna á vef Heimssýnar (www.heimssyn.is). Ég tel að Eiríkur Bergmann Einarsson sé eins mikill stuðningsmaður aðildar og ég er andstæðingur, sem er gott og blessað. Við getum báðir lagt gott til málanna, eins og ég sagði í greininni minni, en veit ekki hvort Eiríkur hirti um aö lesa. Afstaða okkar á ekki að útiloka okkur frá því að taka þátt í umræðunni. En þegar við viðrum skoðanir okkar eigum við ekki að villa á okkur heimildir heldur tjá okk- ur grímulaust. Sandkorn Davíð í Ármúlanum Flestum er eflaust í fersku minni hörð gagnrýni Davíðs Oddssonar for- sætisráðherra á Kaupþing í tengslum við einkavæðingu Fjárfestingarbanka atvinnulifsins. Hafa margir haft á til- finningunni síðan aö fyrirtækið væri ekki í sérstöku uppáhaldi hjá Davíð. Starfsmenn ráku því upp stór augu í síðustu viku þegar það spurðist að hann væri væntan- legur í heimsókn í höfuðstöðvarnar i Ármúla til þess að lesa upp úr nýrri bók sinni, „Stolið frá höfundi stafrófs- ins". Mun það hafa verið í boði fyrirtækisins. Davíð mætti á föstudaginn var og var gerður ágætur rómur að Ummæli Þvert á móti! „Það er ekkert sem segir að framboð Ingibjargar til þings muni leyða [sic] til verri útkomu Framsóknar og Vinstri grænna. Jafnvel þvert á móti. Ef Ingibjórg kemur hreyfingu á kjósendur býður það upp á sóknarfæri fyrir alla - líka Framsókn og Vinstri græna." Gunnar Smári Egilsson í Fréttablaðinu á föstudag, sama dag og DV birti skoðanakönnun sem sýndi að Ingibjörg Sólrún næöi kjöri í Reykjavík en Halldór Ásgrímsson ekki. Smámenni og fífl „Þeim er vorkunn, smámennunum sem þessa dagana engjast yfir þeirri ákvörðun Ingibjargar Sólrúnar Gisla- dóttur, borgarstjóra Reykjavíkur, að gefa kost á sér í fimmta sæti framboðslista Samfylkingarinnar í öðru hvoru Reykjavíkurkjórdæmanna. Þeim er vorkunn af þvi að þeir finna svo tilfinnanlega fyrir vanmætti sinum gagnvart borgarstjóra að þeir skirrast ekki við að gera sjálfa sig að fifli ítrekað í því skyni að koma í veg fyrir að þessi frambærilegasti srjórnmálamaður landsins sækist eftir meiri áhrifum en borgarstjórastóllinn i Reykjavík veitir." Magnús Árni Magnússon á Kreml.is. sandkorn@dv.is heimsókn hans, þótt ekki muni hann hafa reytt af sér brandarana eins og stundum við slík tækifæri... Bœttur skaðinn Hagyrðinga skortir ekki yrkisefni um þessar mundir. Jóhannes Sig- mundsson brást svona við fréttum af þingframboði borgarstjóra: Imba sagði: „Ei skal vikja." Er nú bœói aö Ijúga og svíkja. En Reykjavíkfœr stork i staðinn; stórlega er bœttur skaðinn. skipta á borgarstjórnarstólnum og frama sem varaþing- maður Samfylkingarinnar." Huginn Freyr Þorsteinsson á vef Ungra Vinstrigrasnna. Glundroði „Um leið hlýtur borgarstjóri að sjá að vera hennar í embætti mun héðan af aðeins valda sundrungu og glund- roða. Ef henni er annt um Reykjavíkurlistann hverfur hún brátt úr stóli." Stefán Pálsson á Múrnum.is. Volg kveðja Á framabraut „Menn mega ekki gleyma því að það er hennar ákvörð- un sem setur málið í þennan farveg. Hún ákveður að „Tvennt stendur upp úr við ákvörðun Ingibjargar Sólrúnar. Annars vegar hef- ur hún gengið svo berlega á bak orða sinna að hún stendur sködduð eftir. Hins vegar kallar framkoma Samfylk- ingarinnar fram spurningar um hæfni hennar til samstarfs við aðra stjórn- málaflnkka. Þetta tvennt verður Samfylkingunni til vandræða í komandi þingkosningum. Ingibjörg Sólrún á fullt erindi í landsmálin, en þá verður hún að fórna borgarstjórastólnum. Það hafa orð- ið þáttaskil. Nú lít ég á Ingibjörgu Sólrúnu Gísladóttur sem hvern annan andstæðing minn i pólitík. Því kveð ég hana sem samherja og þakka fyrir samstarfið." Valgeröur Sverrisdóttir á vef sínum. Sögulegur afleikur Ingibjargar Hjörleifur Guttormsson w fyrrverandi alþingismaður Ingibjörg Sólrún Gísla- dóttir hefur valið að taka svonefnt baráttusæti á framboðslista Samfylking- arinnar í Reykjavík. Með því gengur hún ekki að- eins á bak orða, sem féllu fyrir fáeinum mánuð- um, heldur setur hún samstarfið innan Reykja- víkurlistans í uppnám. Óraunsætt er að hún geti stund- inni lengur haldið stöðu borgar- stjóra og leikið þannig tveim skjöld- um. Sjálfstæðisflokkurinn mun nú leita eftir samstarfi við aðra flokka um stjórn Reykjavíkurborgar og trúlegt að dagar R-listans verði brátt taldir. Fari svo byrjar Ingibjörg af- skipti sín af landsmálum á nýjan leik með sviðna jörð að baki sér, ekki ósvipað og þegar hún greiddi Kvennalistanum náðarhöggið fyrir um það bil árarug. Ekki verður annað séð en hér sé um sögulegan afleik af hennar hálfu að ræða. Hver getur treyst stjórn- málamanni til frekari forystu sem gengur jafn rækilega á bak orða sinna? Nóg var fyrir Samfylkinguna að hafa Össur á oddinum með þann ótrúverðuga blæ sem lengi hefur fylgt honum sem stjórnmálamanni, þótt meinsæri Ingibjargar bættist ekki við i áru flokksins. Illa sviðsett leikrit Aðalskýring Ingibjargar á kúvendingu sinni nú er að brýnt sé að koma málefhum Reykjavíkur sem sveitarfélags meira á dagskrá á Alþingi. „Borgarmálavettvangurinn er að flytjast sífellt meir yfir á þing- málavettvanginn", sagði hún 1 fjöl- miðlum kvöldið sem hún tilkynnti um ákvörðun sína. Hvers konar rugl er þetta? Telur Samfylkingin að breyta eigi Alþingi meira en hingað til I togstreituvettvang milli sveitar- srjórna í landinu og hræra öllu í einn graut, sveitarsrjórnarmálum og landsmálum? Telja menn þá stefnu Sjálfstæðisfiokksins til eftirbreytni að hafa Gunnar Birgisson og Björn Bjarnason í tvöfeldu gervi sem al- þingismenn og sveitarstjórnarmenn - og hirða jafnframt tvöfóld laun? Er öll gagnrýni á kjördæmapot gleymd og grafin ef höfuðborgarsvæðið á í hlut? Æskilegast væri að lögleiðabann við því að alþingismenn gegni öðr- um verkefnum samhliða þing- mennsku, bæði setu í sveitarstjórn- um og ráðherrastarfi. Ætli sé ekki nóg að Reykjavík hafi sem kjör- dæmi 22 þingmenn að loknum næstu alþingiskosningum, þótt ekki bætist við aö borgarstjórinn í Reykjavík sé í þeirra hópi? Ingibjörg Sólrún Gísladóttir borgarstjóri. - „Ekki verður annað séð en hér sé um sögulegan afleik af hennar hálfu að rœða. Hver getur treyst stjórnmálamanni til frekari forystu sem gengur jafn rækilega á bak orða sinna?" Ötrúverðugur samstarfsaðili Ingibjörg leggur á það áherslu að allur munur sé á hvort hún skipi 1. eða 5. sæti á lista Samfylkingarinn- ar. Einnig það er tilraun til sjón- hverfinga. Ljóst er að henni verður teflt fram í komandi kosningabaráttu sem aðaltrompi og leiötogaefni Sam- fylkingarinnar. Össur fær að vera með sem leikbrúða enn um skeið, en í reynd er hann að afhenda svilkonu sinni lyklavöldin í flokknum. Fari svo að Ingibjörg nái kjöri hefur Samfylkingunni á Alþingi bæst eindreginn talsmaður fyrir að- ild íslands að Evrópusambandinu. Einmitt Evrópumálin urðu á sínum tíma tilefni hennar til aö skilja sig frá öðrum forystukonum í Kvenna- listanum og ganga þvert gegn yfir- lýstri stefnu eigin flokks. Nú kynnir össur hana til leiks til að undir- rstrika að Samfylkingin standi fyrir stefnu sem sé sérstaklega hliðholl þéttbýlinu, hinu er sleppt á kostnað hvers sú áhersla muni verða. Síðustu leikfiéttur forystu Sam- fylkingarinnar eru varla til þess fallnar að auka trú manna á flokkn- um sem landsmálaafli. Fólk sem hleypur frá hátíðlegum yfirlýsing- um getur varla vænst þess að verða tekið alvarlega þegar á reynir um samstarf. Það kæmi því ekki á óvart að sól Samfylkingarinnar færi lækk- andi í kjölfar síðustu atburða.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.