Dagblaðið Vísir - DV - 13.03.2003, Blaðsíða 6

6
Fréttir
FIMMTUDAGUR 13. MARS 2003
NAMSKEIÐ
í MARS!
14. MARS
08.00 til 12.30
Þjónusta og sala
Reykjavík Fullbókað
15. MARS
10.00 til 17.00
Gæðasala og listin að loka sölu
Akureyri Fullbókað
17. MARS
09.00 til 12.30
Gæðasala (tveir morgnar f röð)
Reykjavík Skráning stendur yfir
17. MARS
19.30 til 22.45 (tvö kvöld (röð )
GÆÐASALA
Reykjavík Skráning stendur yfir
19. MARS
19.00 til 22.45
Gæðasala 1+1=3
Reykjavík Fullbókað
22. MARS
10.00 til 16.30
Listin að loka sölu
Reykjavfk Fullbókað
24. MARS
09.00 til 12.30
Gæðasala (tveir morgnar (röð )
Reykjavík Skráning stendur yfir
24. MARS
19.30 til 22.45 (tvö kvöld (röð )
GÆÐASALA
Reykjavík Fullbókað
31. MARS
09.00 til 12.30
Gæðasala (tveir morgnar í röð )
Reykjavík Skráning stendur yfir
Við höfum
sameiginlegt
markmið
- að þér gangi vel
Söluskóli Gunnars Andra (SGA) er
fimm ára þekkingar- og þjónustu-
fyrirtaeki sem sérhæfir sig ( nám-
skeiðum og fyrirlestrum fyrir
einstaklinga og smærri sem stærri
fyrirtæki.
Markmið SGA er að hjálpa viðskipta-
vinum sínum að ná fram aukinni sölu,
bættri þjónustu og laða fram
hámarksárangur hjá starfsfólki.
SÖLUSKÓLI
GUNNARSANDRA
Sími 822 8855 www.sga.is
Sjávarútvegsráöherra stígur skref í átt til hvalveiða:
Vísindaveiðar
komnar á áætlun
Rauður Hvalfjöröur
Ný kynslóö er aö vaxa úrgrasi á íslandi sem þekkir ekki hvalskurð.
„Eigum að veiða
allar tegundir af hval"
Ámi M. Mathiesen sjávarút-
vegsráðherra hefur ákveðið að
leggja fram í næstu viku áætlun
um hvalveiðar í vísindaskyni við
vísindanefnd Alþjóða hvalveiði-
ráðsins. íslendingar hafa ekki
veitt hval síðan 1989. Þetta þýðir
ekki að ákvörðun um að hefja
veiðar í atvinnuskyni hafi verið
tekin, það liggur ekki fyrir fyrr en
vísindanefndin og Alþjóða hval-
veiðiráðið hafa fjallað um tillögu
íslendinga og þaö tengist einnig
alþjóðlegum viðskiptum með
hvalaafurðir, því þaö er mun
kostnaðarsamara að stunda hval-
veiðar í vísindaskyni en í atvinnu-
skyni og tryggja verður að hægt
verði að flytja afurðirnar inn til
Japans.
„Enn sem komið er hefur Norð-
mönnum ekki tekist að fá þann
markað opnaðan. Þegar umfjöllun
um tillögu okkar um vísindaveið-
ar lýkur 19. júní nk. á fundi Al-
þjóða hvalveiðiráðsins þarf að
meta stöðuna og taka þá tilllit til
þessara þátta, og þá hvort og með
hvaða hætti veiðarnar hefjast. Það
eru því enn spurningamerki við
vísindaveiðarnar. En þetta er síð-
asta skrefið í ferli frá því að þings-
ályktunin var samþykkt í því að
undirbúa það að við getum tekið
þessa ákvörðun. Fyrst var það
inngangan í Alþjóða hvalveiðiráð-
ið með fyrirvaranum um að hefja
ekki veiðar í atvinnuskyni sem þó
verður ekki virkur fyrr en árið
2006, síðan vísindaáætlunin og
loks veiðar í atvinnuskyni. Það
kann að vera að við verðum að
vinna eitthvað meira að vísindaá-
ætluninni, það fer eftir því hvaða
viðbrögð við fáum. Þetta skref nú
er því mjög mikilvægt tæknilega
og lagalega, en alls ekki það sið-
asta. Þar skiptir markaðsaðgang-
urinn líka miklu máli, er raunar
grunnurinn að því að þetta sé
hægt. En fyrirvarinn er ekki
þröskuldur í vegi þess að hefja
veiðar í vísindaskyni. Það hafa
allar þjóðir rétt til þess að hefja
veiðar í vísindaskyni, burtséð frá
O-kvótanum, ef þær eru á annað
borð aðilar að Alþjóða hvalveiði-
ráðinu," segir Ámi M. Mathiesen
sjávarútvegsráðherra. -GG
Sævar Gunnarsson, formaður Sjó-
mannasambands íslands, segir að sér
lítist mjög vel þá hugmynd að hefja
hvalveiðar í sumar. „Þó fyrr hefði
verið, en ég trúi ekki að það verði
gert fyrr en ég sé
það.“ Að sögn Sæv-
ars hefur það verið
stefna Sjómanna-
sambandsins í ára-
tug eða meira að
heíja hvalveiðar að
nýju. „Þar á ég ekki
bara við smáhvelið
heldur allan hval.
Það á að fara út í
allsherjar hvalveiðar ef menn eru að
byrja á þessu á annað borö. Ég leggst
svo sem ekki á móti því að það verði
byrjað á smáhvelinu en að mínu mati
er rétta leiðin, í ljósi þeirra viðbragða
sem við megum eiga von á utan úr
heimi, að ganga alla leið.“
Sævar segist eiga erfitt með að
trúa á alvöruna bak við hugmyndina.
„Það eru fjögur ár síðan það var flutt
tillaga á þingi um að hefja hvalveiðar
að nýju og núverandi sjávarútvegs-
ráðherra hefur haft fjögur ár til að
taka ákvörðun um málið en hefur
ekki gert það þannig að það er erfitt
að trúa því aö menn séu að tala í al-
vöru.“
„Þetta er með ólíkindum"
„Mér vitanlega er
ekkert farið að gera í
þessu máli nema
tala um það,“ segir
Kristján Loftsson,
framkvæmdastjóri
Hvals hf. Hann segir
að í sínum huga sé
þetta óskhyggjutal
og að hann taki ekki
mikið mark á orðum
sjávarútvegsráðherra i þessu máli.
„Menn hefja ekki veiðar í vísinda-
skyni eftir reglum hvalveiðiráðsins
því að ef veiðar eru án ábata, hver á
þá að borga brúsann. Ég hef enga trú
á að þetta fari nokkum tíma í gang,
miðað við þær upplýsingar sem
liggja fyrir í dag.“
Hann segir ræðuna hjá sjávarút-
vegsráðherra vera mikið frumhlaup,
í ljósi þess að málið sé illa undirbúið
hjá honum og billegt útspil nokkrum
vikum fyrir kosningar. „Þetta er með
ólíkindum," segir Kristján. -Kip
Kristján
Loftsson.
Búnaöarbankinn og Noröurljós:
Hafa náð fullri sátt
Búnaðarbanki íslands hf. og
Norðurljós hf. hafa náð sáttum í
hörðum deilum félaganna. Búnað-
arbankinn ákvað í gær að falla frá
ákvörðun um gjaldfellingu á 350
milljóna króna láni til Norður-
ljósa samskiptafélags hf. Búnaðar-
bankinn og Norðurljós hafa farið
saman yfir skilmála lánsins og
rekstrarstöðu Norðurljósa. Sam-
hliða þessu hefur orðið að sam-
komulagi milli Búnaðarbankans
og Norðurljósa að falla frá öllum
málarekstri fyrirtækjanna hvors á
hendur öðru sem rætur eiga að
rekja til umræddrar gjaldfelling-
ar.
Búnaðarbankinn telur að í ljósi
verulegs afkomubata Norðurljósa
og þess að sambankalán félagsins
er í fullum skilum séu þær for-
sendur sem lágu til grundvallar
gjaldfellingunni á sínum tíma
ekki lengur fyrir hendi. Norður-
ljós munu greiða vaxtagreiðslur
og afborganir af láninu í samræmi
við skilmála þess.
Árni Tómasson, bankastjóri
Búnaðarbankans, segist í yfirlýs-
ingu vegna málsins telja að við
þau umskipti sem orðið hafa í
rekstri Norðurljósa og bættri
rekstrarstöðu félagsins séu allar
horfur á að það nái að standa í
skilum með umrætt lán.
Fjölmiðlarisinn Norðurljós hf.
átti í erflðleikum með afborganir
af sambankaláni sem Landsbanki
íslands, ásamt fjórum erlendum
bönkum með Chase Manhattan-
bankann í New York í farar-
broddi, samþykkti að veita fyrir-
tækinu til að leysa úr fjárhags-
vandræðum fyrirtækisins um ára-
mótin 1999 og 2000. Samkvæmt
upplýsingum í DV í júlí á síðasta
ári var sambankalánið talið vera
að upphæð tæpir 6 milljarðar
króna sem svarar til 70 tO 80 miUj-
óna doUara. Var fyrirtækið þá
talið gríðarlega skuldsett og var
talað um aUt að 10 miUjarða króna
í því samband. Höfðu skuldirnar
vaxið gríðarlega á skömmum tíma
vegna verðfalls krónunnar og
mikillar styrkingar á doUar, en
það dæmi fór að snúast við um
mitt síðasta ár.
Sigurður G. Guðjónsson, for-
stjóri Norðurljósa, kvaðst í morg-
un vera mjög ánægður með sam-
komulagið sem náðst hefði. Hann
segir stöðu lána félagsins hafa
gjörbreyst, ekki síst vegna gengis-
breytinga. „Staðan er mjög góð og
svo seldum við einnig Tal í fyrra.“
Sigurður segist þó ekki gefa upp
að svo stöddu hvernig skuldastað-
an er í dag. - „Við erum að senda
frá okkur ársreikning eftir þrjár
vikur,“ sagði forstjórinn. -HKr.
DV
Aðstoðarforstjórinn
verður forstjóri Kaupþings
Hreiðar Már Sigurðsson, sem áöur
var aðstoðarforstjóri Kauþings, hef-
ur tekið við starfi forstjóra Kaup-
þings banka. Sigurður Einarsson
verður hins vegar stjórnarformaöur
fyrirtækisins í fullu starfi. Þetta er
meðai þess sem ákveðið var á aðat-
fundi félagsins sem fram fór í gær.
Fleiri breytingar urðu á stjórn fyrir-
tækisins - nýir menn í stjórn eru
Antonios Yeralemou, Ásgeir Thorodd-
sen og Sigurður Einarsson. Hagnað-
ur Kaupþings nam 3.075 milljónum
eftir skatta sem er sá mesti í sögu
bankans. Arðsemi eiginfjár Kaup-
þings var 32,4% í fyrra.
Samskip:
Afkoman
batnaði um
hálfan milljarð
Samskip hf. heldur aðalfund
sinn í dag í Salnum í Kópavogi
og hafa eigendur fyrirtækisins
ástæðu tO að fagna, því verulegur
bati hefur orðið á afkomu fyrir-
tækisins frá árinu 2001 þegar tap
varð á starfseminni upp á 242
milljónir króna. Árið 2002 varð
viðsnúningur sem um munaði,
hagnaður þess árs er 249 miUjón-
ir og afkomubatinn þannig rétt
um hálfur miUjarður.
Helstu ástæður betri tíma hjá
Samskipum eru að í fyrra varð
gengishagnaður í stað verulegs
gengistaps árið á undan. Enn
fremur kemur til endurskipulagn-
ing og hagræðing í rekstri auk
þess sem betur hefur gengið með
starfsemi félagsins erlendis. -JBP
íslensk tónlist
í háloftunum
íslenskt tónlist verður leikin og
kynnt sérstaklega flugfarþegum
um borð í vélum Flugleiða um
allan heim. Á fimmtudag var
undirritaður samningur miUi
Samtóns og írska fyrirtækisins
Inflight Audios um spilun á verð-
launaefni frá íslensku tónlistar-
verðlaununum á sérstakri tónlist-
arrás um borð í vélum Flugleiða.
Inflight Audios hefur séð um tón-
list um borð í vélum Flugleiða í
mörg ár en sér einnig um tónlist
fyrir 70 stærstu flugfélög í heim-
inum. Nú hefur Samtónn samið
við fyrirtækið um að íslenskt tón-
list verði notuð í flugvélar fleiri
félaga á þeirra vegum. -HKr.
Varafopseti
Interpride
Heimir Már Pét-
ursson, fram-
kvæmdastjóri
Hinsegin daga í
Reykjavík, hefur
verið skipaður
varaforseti Inter-
pride, alþjóðlegra
samtaka lesbía,
homma, tvikyn-
hneigðra og kyn-
skiptniga sem standa fyrir
hinsegin dögum um heim aOan.
Heimir Már hefur starfað innan
hreyfingarinnar frá 1999 og hefur
verið ötuO talsmaður hinsegin
samtaka á Norðurlöndum. -EKÁ
Pétursson.