Dagblaðið Vísir - DV - 02.09.2003, Blaðsíða 4

4 FRÉTTIR ÞRIÐJUDAGUR 2. SEPTEMBER 2003
Árangurslaus margra ára barátta ungrar konu sem keypti stórgallaða íbúð:
íbúðin mín er að
legaja mig í gröfina
Rakamettað ioftið og sterkur
þefur af klóaki, myglu og fúkka
ætlar að kæfa þá sem koma inn.
Morknaðir veggir, ónýt gólfefni
og stórt gat niður í grunninn,
fullt af vatni, blasir við. Þannig
er aðkoman í kjallaraíbúð í Hlíð-
unum í Reykjavík.
„Ibúðin mfn er hreinlega að
Jeggja mig í gröfina," segir eigandi
limræddrar kjallaraíbúðar, Thelma
Pétursdóttir. „Ég er algjörlega farin
á sál og líkama eftir látlausa baráttu
fyrir að fá viðurkennt að hún er í
raun og veru ónýt. Eins og málið
stendur í dag er ég algjörlega eigna-
laus því að öll húsgögn, gardínur,
rúmföt, fötin mín og annað sem ég
hef geymt í henni er einnig ónýtt af
völdum raka og fúkka. Tjónið sem
ég hef orðið fyrir hleypur á milljón-
um króna."
Thelma festi kaup á íbúðinni fyr-
ir um þremur og hálfu ári. Rúmlega
viku eftir að hún flutti inn tók hún
eftir rakaskemmd á vegg í stofunni.
Hún tilkynnti fasteignasölunni um
það og fékk jafnframt fulltrúa frá
tryggingafélaginu sínu til þess að
koma og skoða skemmdina. Hann
tjáði henni að mikill raki væri f
íbúðinni, m.a. í veggjum hennar og
sennilega væri það af völdum utan-
aðkomandi vatns. Fyrri eigandi
íbúðarinnar hafði tjáð henni að nýtt
dren hefði verið lagt í kringum hús-
ið og ekki þyrfti að óttast að það
væri ekki í lagi.
Hrun úrvegg
,Á einum vegg íbúðarinnar var
þykkt pappaþil bak við ofh og vegg-
fóðrað þaryfír," sagðiThelma. „Dag
einn varð ég vör við að veggfóðrið og
stykki úr pappanum var tekið að
hrynja niður á gólf. Ég tók þilið
burtu og þá hrundu steinsteypu-
stykkin á gólfið. Annar matsmaður
var þá kallaður til og taldi hann að
þama væri gamall raki að þorna
upp. Allt næsta ár héldu þó stein-
steypustykkin áfram að hrynja á
gólfið, bæði f stofunni og inni í bað-
herbergi. Enn var kallaður mats-
maður sem tók undir með þeim
fyrri og taldi ekki þurfa að hafa mikl-
ar áhyggjur af ástandi íbúðarinnar."
Rakinn fór þó vaxandi og fúkka-
lyktin fylgdi í kjölfarið. Thelma fékk
mann til að fara með röramynda-
vélar um lagnir undir húsinu. Þær
reyndust vera lélegar og götóttar.
SLlTANDI BARÁTTA: Thelma Pétursdóttir (forstofunni heima hjá sér. Þar er nú opið niður í grunn en hann sést raunar ekki vegna vatnsins sem liggur ofan á jarðveginum. Hundruðum
lítra hefur verið dælt upp úr holunni en vatn hefur lekið aftur undir íbúðina jafnóðum.
Heitavatnslögn var í sundur og virt-
ist hafa verið svo nokkuð lengi.
Enn fékk Thelma pípulagninga-
mann sem komst að því að
klóaklögnin undir húsinu var í
sundur og drenið lagt með röngum
halla þannig að það skilaði ekki
þeim árangri sem til var ætlast.
Dæmd óíbúðarhæf
Thelma hefur leitað til fjöimargra
aðila til að freista þess að fá leiðrétt-
ingu mála sinna. „En allir hafa þeir
skellt á nefið á mér eins fljótt og þeir
geta," sagði hún. „Hvorki hefúr
gengið né rekið að leita til fasteigna-
sölunnar sem seldi mér íbúðina,
fyrrum eigenda né tryggingafélags-
ins um viðurkenningu á þessum
galla. Útlagður kostnaður vegna
viðgerða, matsmanna og lögfræð-
inga nemur milljónum króna. Allir
Tjónið sem ég heforðið
fyrir hleypur á milljón-
um króna.
þeir peningar sem ég hef sett í íbúð-
ina hefðu eins getað farið út um
gluggann því að þær viðgerðir eru
nú ónýtar. Þegar steypa átti gólfið
upp kom í ljós að jarðvegurinn und-
ir henni var mjög blautur. Og enn er
allt ónýtt, opið niður í gmnn og allt
fljótandi í vatni undir húsinu."
Málið er nú hjá gatnamálastjóra,
Lagnafélaginu og Heilbrigðiseftirlit-
inu. Hjá hinu síðastnefnda fékk DV
staðfest að það hefði sent tvo starfs-
menn á staðinn. Þeir úrskurðuðu að
íbúðin væri ekki íbúðarhæf í núver-
andi ástandi.
Komin í þrot
„Allt leggst þetta mjög þungt á
mig og mér finnst það hreinlega
vera að leggja mig í gröfina," sagði
Thelma að lokum. Ég er þunglynd,
stöðugt með óþægindi í hálsi og
öndunarfærum. Mér líður illa af því
að fötin mín anga stöðugt af fúkka-
lykt og það er erfitt að fara í vinnuna
þannig. Auk allrar ólyktarinnar og
rakans í íbúðinni er mikið um allra
handa pöddur sem skríða yfir allt og
eira engu.
Mér hefur einnig gengið illa í
vinnunni því að ég hef stöðugt þurft
að vera að hlaupa frá til að taka á
móti matsmönnum, framkvæmda-
aðilum, sitja fundi með lögfræðing-
um og hitta ijölda manna vegna
þessara vandamála. Fjómm sinn-
um hef ég þurft að flytja út um
lengri eða skemmri tíma vegna
framkvæmda og ýmissa óþæginda.
Ég á engar eignir nema þessa
íbúð. Auk alls kostnaðar og vinnu-
taps þarf ég að greiða af henni. Ég á
því ekki annarra kosta völ en að
reyna að berjast áfram. En ég er al-
gjörlega komin í þrot, bæði hvað
varðar íjárhag, heilsu og þrek til
þeirrar baráttu. Eftir stendur ónýt
íbúð." jss@dv.is
STOFUVEGGUR: Þannig lítur einn veggurinn í stofunni út. Eins og sjá má er hann ekki
bara rakamettaður heldur hreinlega blautur.
ÓNÝT GÓLFEFNI: Öll gólfefni (fbúðinni eru ónýt eins og sjá má á þessari mynd sem tek-
in var (svefnherberginu.
SNYRTINGIN: Séð inn ganginn og inn á
snyrtinguna. Þar þurfti að brjóta gólfið af
því að talið var að hitaveitulagnir lækju
enn. Svo reyndist ekki vera.