Dagblaðið Vísir - DV - 06.10.2003, Síða 8

8 FRÉTTIR MÁNUDAQUR 6. OKTÓBER 2003
-I
i
Aðalfundur Samtaka fiskvinnslustöðva:
Þorskeldis bíður
hörð samkeppni
AÐALFUNDUR: Árni M. Mathiesen sjávarútvegsráðherra ræðir við Arnar Sigurmundsson,
formann SF, á aðalfundi Samtaka fiskvinnslustöðva í Skíðaskálanum í Hveradölum. Fjær
stendur Ármann Ólafsson, aðstoðarmaður sjávarútvegsráðherra.
Aðalfundur Samtaka fisk-
vinnslustöðva var haldinn í
Skíðaskálanum í Hveradölum
sl. föstudag.
í ávarpi sjávarútvegsráðherra,
Árna M. Mathiesen, kom m.a. fram
að mikilvægi útrásar sjávarútvegs-
ins byggðist fyrst og fremst á að
auka virði sjávarfangs sem ekki
livað síst fælist í eldi sjávardýra og
að auka samspil aukinna aflaheim-
ilda í einstökum tegundum og
markaðssókn. Aðeins 11 þjóðir
draga meiri afla að landi en Islend-
ingar.
Sjávarútvegsráðherra segir það
ekki nú í fyrsta skipti sem hafðar
eru miklar væntingar þegar fískeldi
sé annars vegar. Eflaust setji hroll
að sumum þegar þeir minnast hins
svokallaða fiskeldisævintýris sem
reið hér yfir á níunda áratugnum.
Þvert á móti sé reynslan til að læra
af henni og hvar við stæðum í vís-
indum og þekkingu ef aldrei hefðu
verið gerðar tilraunir og sumar
kostnaðarsamar.
„Fyrirtækjunum hefur vaxið fisk-
ur um hrygg og þeim er nú ætlað að
hafa alla forystu um uppbyggingu
þessa atvinnuvegar en ekki hinu
opinbera eins og áður var í alltof
ríkum mæli. Hið opinbera mun þó
hafa hlutverki að sinna.
Útrás sjávarútvegsfyrir-
tækja er alls ekki einföld
og margar hættur sem
þarfað varast. ísumum
tilfellum er því eflaust
um að kenna að fjár-
hagslegt úthald hefur
ekki verið nægilegt.
Þannig kappkostum við í sjávar-
útvegsráðuneytinu að hafa forystu
um að móta meginstefnu og setja
atvinnugreininni trausta regluum-
gjörð í nánu samstarfi við greinina
sjálfa. Hitt er ekki síður mikilvægt
að hið opinbera stuðli að uppbygg-
ingu þekkingar á þessu sviði. Þar
munu styrkir úr AVS-rannsókna-
sjóðnum reynast mikilvægir, auk
starfsemi þeirrar sem fram fer á
vegum Hafrannsóknastofnunar-
innar, Rannsóknastofnunar fisk-
iðnaðarins og hjá skólastofnunum
landsins, s.s. við Hólaskóla og Há-
skólann á Akureyri, en við báðar
þessar stofnanir hefur ráðuneytið
átt gott samstarf, m.a. á vettvangi
AVS-verkefnisins," sagði sjávarút-
vegsráðherra.
Hörð samkeppni í þorskeldi
„Hingað til hefur meira afli verið
beint að eldi ferskvatns- en sjávar-
fisks og mun meiri þekking er
þannig til staðar um t.d. laxeldi
heldur en þorskeldi. Gildir þetta
bæði um erlenda sem innlenda
þekkingu. Hvað varðar uppbygg-
ingu þorskeldis getum við þó mikið
lært af laxeldinu, bæði hvað varðar
yfirfærslu þekkingar og þróunar í
markaðsmálum. I laxeldinu er t.d.
þekkt hvernig verðið hrundi þegar
hin gríðarlega framleiðsla Chile-
manna flæddi inn á Evrópumark-
aðinn. Þannig varð dýr lúxusmatur,
eins og lax, allt í einu að tiltölulega
ódýrum hversdagsmat. Þetta hefur
breytt öllum rekstrarforsendum
laxeldis, auk þess sem þessi mikla
magnframleiðsla hefur aukið um-
hverfisálagið mikið þar sem fram-
leiðslan fer fram. Við þurfum jafn-
framt að vera þess meðvituð að í
þorskeldinu, eða í eldi á hvítfiski yf-
irleitt, bíður okkar hörð sam-
keppni, ekki hvað síst frá Chile-
mönnum sem nú eru hvað óðast að
þróa eldi sitt á lýsingi. Við því er
ekkert að gera annað en einfaldlega
að gera betur. Mikil reynsla okkar á
hvítfiskmörkuðunum erlendis mun
reynast ómetanleg, auk þess sem
við erum ekki að fást við sölu með
einhvern hverfulan lúxusmat sem
fólk getur einn góðan veðurdag
orðið leitt á. íslenskir bankar og
fjármálafyrirtæki eiga samleið í út-
rásinni og í framtíðinni munu þess-
ir aðilar taka höndum saman ásamt
íslenskum fyrirtækjum og fara í
landvinninga í Evrópu og jafnvel
víðar. Við höfum á síðustu árum
séð nokkur dæmi þess að útrás er
alls ekki einföld og margar hættur
sem þarf að varast. í sumum tilfell-
um er því eflaust um að kenna að
fjárhagslegt úthald hefur ekki verið
nægilegt en í öðrum tilfellum hefur
það verið til staðar en útrásin mis-
tekist af einhverjum öðrum orsök-
Um.“ gg@dv.is
EKKERT SLOR: Aðalfundarfulltrúar koma vel „ríðandi" til fundarins í Hveradölum; enginn maður með mönnum nema vera á jeppa.
Aldrei fleiri góðar veiðisögur
Veiðisumarið er úti, einn og
einn veiðimaður streitist þó á
móti og neitar að hætta
veiðiskapnum, sjóbirtingurinn
er ennþá til staðar og sumir eru
ennþá að veiða í klak.
Veiðimenn voru fyrir fáum dögum í
klakveiði í Kjarará í Borgarfirði og
fengu víst vel í klakkistuna, klakveiðin
hefur gengið vel víðast hvar.
En það hafa verið sagðar margar
veiðisögur í sumar og margar af þeim
eru mjöggóðar.
Veiðimaður var í Laxá í Dölum fyrir
skömmu, hann var að veiða í
Kristnapolli núna undir það síðasta
og veiðiskapurinn gekk rólega hjá vini
okkar, hann kastaði flugunum yfir
hylinn hvað eftir annað, en fiskurinn
vildi alls ekki taka, sama hvað hann
reyndi. Veiðimaðurinn smækkaði
fluguna og setti undir rauða franses.
Fiskurinn stökk um allan hylinn en
vildi alls ekki taka hjá
veiðimanninum. Hann var að falla á
tíma, hann hafði lofað konunni að
koma heim um kvöldið og
veiðifélagamir vom mættir við hylinn,
hann kvaddi þá og sagði að hann
hefði reynt smá-flugu, rauða franses,
undir lokin en flskurinn væri tregur að
taka. Vinurinn sem hafði barið hylinn
hélt á brott heim á leið, en áfram var
kastað íhylinn.
Hann var rétt kominn ffá
Kristnapolli þegar hann stoppaði
bílinn, vom menn virkilega búnir að
setja í lax? Hann var varla kominn frá
hylnum, nei, hann trúði því alls ekki.
Hann hélt áfram og hann hugsaði
mikið á leiðinni, en stóðst ekki mátið
að hringja í veiðifélagana þegar hann
var kominn yfir Bröttubrekku, en þeir
vom að veiða og svömðu ekki. Hann
hélt áfram og það var komið kvöld,
veiðitíminn var úti og hann komin
undir Hafnarfjall.
Fiskurinn var kominn
útí í hylinn og var að
losa sig úr peysunni,
en laxinn sáu þeir
ekki meir.
Stóðust ekki mátið
Veiðifélagamir vom í símanum og
þeir stóðust ekki mátið að hringja í
hann, þeir höfðu veitt 10 Iaxa í
Kristnapolli og allir höfðu laxamir
tekið smá rauða franses og fyrsti
laxinn tók þegar hann var rétt kominn
af stað niður á þjóðveginn í áttina til
Búðardals. Veiðimaðurinn þurfti ekki
að vita meira., konan fengi að heyra
það um kvöldið. Hennar tími var
kominn.
Annar veiðimaður var að veiða í
Straumfjarðará um daginn og hann
lenti í skrýtnu máli, áin var vatnsmikil
og það var komið kvöld, fiskurinn var
víða um ána og veiðin hafði gengið
vel. Hann var veiða og setti víst
stöngina frá sér og var kíkja í kringum
sig, en þegar hann lítur við er stöngin
horfin og sést hvergi. Veiðimaðurinn
leitar lengi en finnur ekki neitt og
hann gafst upp á því að leita að
stönginni enda fannst hún hvergi.
Nokkmm dögum seinna fór víst
kunnugur maður á staðinn og fann
stöngina, en enginn fiskur var
endanum á henni. Það hefur
greinilega einhver þurft að fá hana
lánaða um stundarsakir.
Þetta minnir nokkuð á
veiðimennina sem vom að veiða fyrir
austan og þeir fengu lax sem þeir
settu inn í peysu, því það var mjög
heitt. Hófu þeir aftur veiðiskapinn
eftir að laxinum hafði verið landað og
köstuðu um allan hylinn.
Allt í einu bankar annar
veiðimaðurinn fast í bakið á hinum og
spyr hvort hann hafi einhvem tímann
séð lax í peysu. „Nei,“ sagði
veiðifélaginn strax, en skömmu
seinnasáhannþað með eigin augum.
Fiskurinn var kominn út í í hylinn og
var að losa sig úr peysunni, en laxinn
sáu þeir ekki meir. En peysuna fengu
þeir fljótlega aftur. G. Bender
Erum byrjuð að bóka veiðileyfi fyrir sumarið 2004!
STANGVEIÐIFÉLAGIÐ BB.LAX-Á
Sími 557 6100 • Tölvupóstur lax-a@lax-a.is • www.lax-a.is
vá/á;: ... .________________________________________ ' _____