Dagblaðið - 23.08.1976, Blaðsíða 28
Starfsmenn í f jarskiptastöðvum varnarliðsins af almennum
vinnumarkaði í Bandaríkjunum og ekki undir herlögum:
FJOLDIUTLENDINGA
SKATTFRJÁLS HÉR OG
NÝTUR TOLLFRÍÐINDA
— íslendingar gœtu allt eins unnið þessi störf
Stór hópur útlendinga,
jafnvel um 300 manns, vinnur
hér á landi á vegum erlendra
fyrirtækja, en nýtur þeirra
forréttinda fram yfir aóra
útlendinga hér aö þurfa ekki
atvinnuleyfi og þeirra for-
réttinda fram yfir þá og
íslendinga að þurfa ekki aö
greiða skatt til íslenzka rikisins
og fa allar nauðsynjavörur, svo
sem matvæli, föt' og bíla, toll-
frjálsar.
Menn þessir vinna við fjar-
skiptastöðvar hersins, en önnur
stöðin er nálægt Höfn Horna-
firði og hin nálægt Sandgerði.
Hingað til hefur verið litið svo
á þessa menn að þeir séu að
vinna einhver leynileg störf við
stöðvarnar sem leiddi af sér að
óeðlilegt væri að íslendingar
ynnu þau.
Það virðist hins vegar vera
misskilningur því bandaríski
herinn býður þessi störf út á
almennum markaði í Banda-
ríkjunum. Þarlend símafyrir-
tæki gera svo tilboð í verkið og
fær það fyrirtæki, sem
hagstæðast býður, verkið.
Síðan ræður viðkomandi
fyrirtæki starfsmenn til þess og
eru þeir ekki undir herlögum
og fá þeir laun sín ekki greidd
beint frá Bandaríkjastjórn, en
það fa hinir tæplega 50 erlendu
starfsmenn utan hersins, sem
vinna fyrir hann á Keflavíkur-
flugvelli.
Páll Ásgeir Tryggvason, for-
maður varnarmáladeildar utan-
rikisráðuneytisins, vissi ekki
hversu stór þessi hópur er, er
blaðið leitaði til hans um
nanari upnlvsingar, en taldi að
í stöðvunum báðum ynnu
nálægt 400 manns, bæði her-
menn og fyrrnefndir menn.
Vísaði hann til upplýsingafull-
trúa hersins, en ekki náðist
samband við hann fyrir helgi
og hefur hann ekki svarað
skilaboðum urn að hafa sam-
band við blaðið.
Páll Ásgeir sagði að vera
þessara manna hér og fríðindi
þeirra, féllu vísast undir
ákveðna grein varnarsamnings
og taldi hann æsiskrif að fjalla
um þetta mál á prenti.
Ekki vildi hann skjóta á
neina tölu, þegar blaðið spurði
hann hvort einhvern tímann
hefði verið hugleitt hversu
miklar tekjur ríkið hefði, væru
þessir menn skattlagðir hér og
tolla af
gert að greiða
neyzluvörum sínum.
Þá vildi hann ekki tjá sig um
hvort íslendingar gætu hugsan-
lega unnið þessi störf, fyrst
mennirnir eru valdir á al-
mennum vinnumarkaði í
Bandaríkjunum en ekki úr
hernum.
Þá hefur blaðið það eftir
ábyggilegum heimildum að
umræddir menn séu utan
bandarískra stéttarfélagá
vegna veru sinnar hér og greiða
hin erlendu fyrirtæki þeim
laun undir taxta miðað við
sömu störf í Bandaríkjunum,
en starfsmennirnir ná þeim
mismun upp og gott betur
vegna þeirra forréttinda, sem
þeir njóta hér.
-G.S.
STALU BIL UPPTÖKUHEIMILISINS — enduðu inni í húsagarði
Þrír ungir piltar ásamt
nokkrum stúlkum tóku í gær
ófrjálsri hendi Volkswagen-
rúgbrauð, sem er í eigu Upp-
tökuheimilis ríkisins í Kópa-
vogi. Öku þeir bifreiðinni smá-
spöl og enduðu inni í húsagarði.
Atburðurinn gerðist á sjötta
tímanum í gær. Óku þau niður
Kópavogsbraut í átt frá Upp-
tökuheimilinu, þar sem hópur-
inn er búsettur, og eftir um
3—400 m akstur enduðu þau
inni í garðinum við hús nr. 12.
Allmiklar skemmdir urðu á lóð-
inni og grindverki sem um
hana lykur, en bíllinn slapp til-
tölulega óskemmdur.
Að sögn Olafs Einarssonar,
starfsmanns við Upptökuheim-
ilið, er þetta í fyrsta skipti sem
þessir krakkar lenda í verknaði
sem slíkum. Mun hér vera um
unglinga frá svonefndum vand-
ræðaheimilum að ræða. Fundur
var haldinn í gær um málið og
reynt að sýna unglingunum
fram á að lítið væri á aðgerðum
þessum að græða. Þau verða
ekki beitt neinum beinum refs-
ingum öðrum en þeim, að ferða-
frelsi beirra, sem annars er
mjög mikið. verður takmarkað
til muna, og sagðist Qlafur telja
það eina þyngstu refsingu sem
unnt væri að beita þau.
Sem kunnugt er er Upptöku-
heimilið einmitt sá staður sem
afbrotaunglingar eru settir á,
áður en þau ná lögaldri, en
fyrrnefndir unglingar
aldrinum 14—15 ára.
voru
JB
Þarna stendur bifreið Upptökuheimilisins eftir akstur ungmennanna um Kópavogsgötur í gær, — en
honum iauk inni í húsagarði. (DB-mynd Árni Páii).
Milljón krónur laxinn
— og betur þó
Laxinn kostaði eina milljón
og tvö hundruð þúsund krónur
stykkið að meðaltali fyrir hóp
bandarískra manna, sem tók á
leigu tiltekið veiðisvæði í Laxá
í Þingeyjarsýslu fyrir skömmu.
Á svæði því. sem hér um
ræðir, er heimilt að veiða með 7
stöngum. Heimildarmaður Dag-
blaðsins kveður leigugjaldið
fyrir 1 mánuð hafa verið 7.2
milljónir króna. en innifalið
var allt uppihald og flutningur
hópsins á veiðisvæðinu. Eftir-
tekjan var heldur rýr, því að
samtals fengust þarna 6 laxar
allt tímabilið á þessu svæði.
Laxá í Þingeyjarsýslu er ekki
aðeins meðal fegurstu veiðiáa
landsins, heldur og einhver hin
fengsælasta. Þó telja kunnugir
að þarna sé ekki auðtekinn lax
nema fyrir listamenn í veiði-
skapnum með glögga staðhátta-
þekkingu. Má vera, að eitthvað
hafi á skort um þessi atriði hjá
útlendingunum. sem hér
greinir frá, en ekki leggja allir
upp úr miklu aflamagni. Meira
þykir um vert hinn eina sanna
anda laxveiðiíþróttarinnar.
Hvað sem því líður. mun
flestum þykja það dýr soðning,
sem þarna veiddist, ef þannig
er á málin liliö.
BS
HUNDADAGARENDA
Hundadagar eru á enda í dag og
er það gömul trú að þá muni
verða breyting á veðurfarinu.
Þegar Reykvíkingar risu úr
rekkju í morgun virtist óvenju
létt yfir á höfuðborgarsvæðinu og
bjartsýnustu menn vonuðu að
gamlar sagnir væru að rætast. DB
hringdi i Pál Bergþórsson veður-
fræðing og innti hann eftir þessu.
„Jú, það eru gömul munnmæli
að veðrið eigi að breytast þegar
hundadagar enda,“ sagði Páll.
,,Ég sé nú ekki fram á, að það séu
einhverjar breytingar i vændum.
Það er alveg útilokað að einstakir
dagar geti breytt einhverju um
veðurfar.
En það verður sæmilegasta
veður hér i Reykjavík í dag, skúr-
unum er að létta. Það er líka
ljómandi veður austanlands. þar
hefur létt vel til. en svolítið svalt
þar. hiti var ekki nema 5 stig í
frjálst, nháð dagblað
MÁNUDAGUR 23. ÁGUST 1976.
Fékk fíkni-
efnasprautu í
fyrsta sinn
Allmiklu af sterkum
lyfjum, ópíum og morfíni,
var stolið úr bát í gærdag.
M.b. Gunnsteinn heitir bát-
urinn sem stolið var úr. Var
hann í Slippnum í gær er
hann fékk hina óvæntu
heimsókn. Hirzlur og skápar
í bátnum voru illa leikin
eftir heimsóknina.
Innbrotið var tilkynnt
skömmu eftir hádegi á
sunnudag. Síðar þann dag
fundu lögreglumenn á Mið-
borgarstöð mann illa á sig
kominn vegna lyfjaneyzlu.
Þar var á ferð „góð-
kunningi" lögreglumanna
og reyndist hann hafa verið
viðriðinn innbrotið í m.b.
Gunnstein. Hafði hann þó í
f.vrsta skipti þennan dag
fengið spraulu með sterku
fíknilyfi. . Handtaka hans
"leiddi til þess að fleiri menn
sem aðild höfðu átt að inn-
brotinu í m.b. Gunnstein í
Slippnum, voru sóttir heim
og handteknir.
— ASt.
ELDUR EYÐI-
LEGGUR BÍL
Eldur kom upp í Ford
Cortina bifreið er henni yar
ekið um Heiðargerði á
sunnudaginn. Mikill eldur var
í bifreiðinni og má hún heita
ónýt eftir. Slökkviliðsmenn
voru til kvaddir og réðu þeir
niðurlögum eldsins, en þá
hafði eldurinn leikið um bif-
reiðina nokkuð lengi. Komst
hann frá vélinni í framsæti
bílsins og brunnu þau ásamt
toppklæðningu og fleiru.
Myndin sem Einar G.
Einarsson tók fyrir Dagblaðið
segir útfararsögu bílsins.
-ASt.
morgun á austanverðu landinu.
Það verður hlýtt austanlands í
dag, en skúrir vestanlands Það er
— því miður engin
veðurfarsbreyting
komin lægð við Grænland og
boðar hún suðaustanátt og
rigningu í höfuðborginni. —A.Bj.