Dagblaðið - 24.08.1976, Blaðsíða 4

DAGBLAÐIÐ. ÞRIÐJUDAGUR 24. ÁGIIST 1976
' ................ \
4
....
Borgin brá skjótt við óskum íbúanna:
Völlurinn verður opinn í rúma viku
— nú þegar er aðsóknin orðin mjög góð
— Viö opnuðum hérna á
föstudaginn i síðustu viku þó
manni finnist hálfundarlegt að
setja þetta í gang fyrir rúma
viku, njóta krakkarnir þess svo
sannarlega, sagði Guðbjörg
Hákonardóttir, starfsstúlka á
nýja starfsvellinum í Breiðholti
III.
Það mun aðallega vera fyrir
þrýsting frá Framfarafélagi
Breiðholts að völlurinn var
opnaður en hann verður starf-
ræktur daglega til 1. septem-
ber, frá klukkan níu til fjögur.
Sams konar völlur hefur verið
opinn í neðra Breiðholti frá því
í júlí og hefur starfsemin verið
öllum hlutaðeigandi til sóma.
Það er Reykjavíkurborg sem
sér völlum þessum fyrir bygg-
ingarefni og öðrum nauðsynj-
um og kemur bíll þangað reglu-
lega með birgðir.
— Þegar hafa um 50 börn
látið skrá sig, sagði Guðbjörg,
en starfið er allt á byrjunar-
stigi, okkur vantar ýmislegt,
svo sem liti og fleira handa
börnunum til að dunda við inni
þegar illa viðrar.
Alls eru þrjár stúlkur starf-
andi á þessum nýja starfsvelli.
Krakkarnir voru auðsjáan-
lega mjög ánægðir með þessar
framkvæmdir og liöfðu á orði
að það væri sko hvergi betra að
eiga heima en í Breiðholti,
þegar þessi völlur væri kominn.
Þar er nefnilega alltaf svo
mikið að gera og nóg að smíða,
sagði einn snáðinn.
Starfsemin mun, ef allt
gengur að óskum, hefjast aftur
snemma næsta sumar og verður
þá hafizt handa, við að bæta
enn byggingum við þessa
stærstu svefnborg á landinu.
—JB
Þarna eru krakkarnir að reisa grunninn að einu þeirra stórhýsal
sem þau hyggjast byggja á starfsvellinum.
mMl
1 ^ i ssr < 1 ■ ' •: t"'Ju
•cxsö1
-■«<> & &
*X<ir «**»>J'&*'
SPARIÐ BENSÍNIÐ
Með
Fœst hjó
SHELL og
yOLÍS(BP)
bensínstöðvum
Þegar illa viðrar geta börnin dundað sér inni við margs konar afþreyingu og þangað koma þau til að
borða nestið sitt.

Rœðismaður íslands í Venezuela í heimsókn
w
ÞAR VERÐA ALUR AÐ KJOSA
EN VERÐA SEKTAÐIR ELLA
,,Ég hef komizt að því að til að
njóta þess að ferðast um ísland
þarf maður að hafa góða regn-
kápu og stígvél meðferðis," sagði
Victor Bentata, en hann er aðal-
ræðismaður íslands í Caracas í
Venezuela. Hann og kona hans
hafa dvalið hérlendis í um það bil
tvær vikur. Þau hafa ferðazt
mikið um landið, ekið hringveg-
inn og séð nokkuð af hálendinu.
„Þetta er mjög harðbýlt land og
fólkið þarf að vera hraust, eins og
t.d. víða á Austfjörðum þar sem/
vegir lokast hluta af árinu,“ sagði
Bentata.
Bentata hefur dvalið nokkuð á
Norðurlöndúnum, einkum I Sví-
þjóð. Hann talar sænsku og er vel
kunnugur málefnum Norður-
landa. ísland kom honum þess
vegna ekki eins ókunnuglega
fyrir sjónir og ætla mætti. Hann
ætlar ekki að láta þar við sitja, og
heimsækir Grænland einnig.
Menning Grænlendinga kemur
honum ekki á óvart vegna þess að
hann er vel kunnugur sýningum
ínúk-leikflokksins. Hann tók á
móti flokknum þegar hann var á
sýningarferðalagi um -"Suður-
Ámeríku nú í sumar.
,,Ég held að fólk hér á Vestur-
löndum hafi nokkuð einhæfa og
einfalda mynd af ríkjum Suður-
Ameríku. Það stafar af því að
fréttaflutningur frá þessum lönd-
um er allt of neikvæður. Ég hef
rekið mig á að fólk heldur að þar
ráði einræðisherrar öllu. í mínu
heimalandi verða allir að kjósa.
Ef fólk trassar það er það sektað.
Annars held ég að hafréttarráð-
stefnan, sem haldin var í Caracas,
hafi breytt nokkru hér um.
Þangað komu fréttamenn
hvaðanæva úr heiminum og
fluttu svo fróðleik um land og
þjéð til sinna heimalanda,“ sagði
Bentata.
—KP
Victor Bentata, aðalræðismaður Islands í Venezuela, og kona hans.
ORGELTÓNLEIKAR AUSTAN FJALLS
Glúmur Gylfason organisti á
Selfossi hyggst bjóða þorpsbúum
og öðrum, sem áhuga hafa á orgel-
tónlist. upp á tónleika i Selfoss-
kirkju í kvöld klukkan 21. A
efnisskránni verða verk eftir J.S.
Baeh, Max Reger Messiaen og dr.
Hallgrím Helgason.
Tónleikar Glúms verða síðan
endurteknir í Skálholti næstkom-
andi sunnudag, 29. ágúst.
—ÁT