Dagblaðið - 31.01.1979, Blaðsíða 4

4 DAGBLAÐIÐ. MIÐVIKUDAGUR 31. JANÚAR 1979.
— ........................................................................................................................... '
VORT DAGLEGA BRAUÐ ^
Enginn vafi er á þvi að brauðát
Islendinga hefur aukizt á undanförn-
um árum. Er það ekki sízt að þakka
eða kenna bökurunum sem hafa lagt
sig eftir því að hafa á boðstólum fjöl-
breyttara úrval en áður af alls kyns
gómsætum brauðum. Undanfarna
daga höfum við gert viðtæka könnun
á því hvaða brauð eru á boðstólum í
brauðgerðarhúsum borgarinnar og ná-
grannabæjunum Hafnarfirði og Kópa-
vogi. Höfum við því rætt við nokkuð
marga bakara og bakarameistara
undanfarið.
Brauðin notuð til að
falsa vísitöluna
Einn af þeim sagðist vera hræddur
um að brátt kæmi að því að hin svo-
kölluðu „visitölubrauð" féllu út af
markaðinum vegna þess að verð
þeirra væri alls ekki raunhæft. Sagði
þessi bakari að brauðin væru notuð til
þess að.falsa vísitöluna.
Annar bakari sagði að nýju brauð-
tegundirnar væru á mun hærra verði
en visitölubrauðin, hreinlega vegna
þess að þau væru notuð af bökurunum
til þess að greiða niður „visitölubrauð-
in".
En flestum kom saman um að
brauðát hefði aukizt til muna á undan-
förnum árum með tilkomu grófu
brauðanna á markaðinum. Hins vegar
hefur ekki orðið neinn verulegur sarn-
dráttur I neyzlu hvitu brauðanna.
Þjóðfélagsbreytingar
„Það er þjóðfélagið sem hefur
breytzt," sagði einn bakarinn. „Fólk er
farið að borða allt öðruvisi heldur en
áður. Nú er æ algengara að fólk hafi
með sér nesti og borði siðan heitan
mat heima hjá sér á kvöldin.”
Einnig hefur aukin fræðsla um holl-
ustuhætti orðið til þess að grófu
brauðin eiga frekar upp á pallborðið
hjá neytendum nú en fyrir nokkrum
árum.
Flestir neytendur hafa þann háttinn
á að þeir kaupa sin ákveðnu brauð I
sömu bakariunum. Þó eru auðvitað
margir sem hafa gaman að þvi að aka
á milli brauðgerðarhúsanna og reyna
framleiðslu fleiri bakara. Þá getur
stundum verið dálitið erfilt að átta sig
á verði brauðanna vegna þess að vigt
þeirra er svo mismunandi.
Til hagræðingar fyrir neytendur
höfum við nú haft samband við alla
bakara í Reykjavík, Kópavogi og
Hafnarfirði, sem eru nokkuð á þriðja
tug talsins, og fengið hjá þeim upplýs-
ingar um framleiðsluna, vigt og verð.
Síðan reiknum við út hvað hver 100
g kosta af hverju brauði fyrir sig.
Þannig er hægt að fá nokkurn saman-
burð á verðinu. — Hins vegar er ekki
á okkar valdi að bera saman gæði
brauðanna — e.t.v. er meira borið i
eitt brauðið en annað og það þar af
leiðandi dýrara en hitt. Það munar þó
ekki svo miklu á verði brauðanna að
nokkur láti það á sig fá og sennilega er
ekki nokkur leið að dæma um hvort
eitt brauðið sé betra en annað. Við
eigum snjalla brauðgerðarmenn og
allir vita að nýbakaða brauðið sem
smakkað er á hverju sinni er alltaf það
langbezta!
Allir með nema einn
Allir bakarar sem við ræddum við,
með einni undantekningu, tóku vel i
þessa könnun okkar og gáfu okkur
greinargóð og skýr svör. Sá eini sem
ekki vildi vera með var Alexander
bakari hjá Bridde á Háaleitisbraut.
Sagðist hann ekki sjá neinn tilgang
með þvi að svara okkur og er Bridde
þvi ekki með í könnuninni!
Um könnun okkar getið þið lesið á
Neytendasíðunni á morgun.
A.Bj.
Sjúkraliðar
Sjúkraliðaskóli íslands heldur endurmenntun-
arnámskeið í marz 1979 ef næg þátttaka fæst.
Uppl. í síma 84476 kl. 10—12.
Skólastjóri.
Þorrablót
Þingeyingafélags Suðurnesja
verður haldið í Stapa laugardaginn 3. febrúar
kl. 19. Miðasala verður í Stapa fimmtudag 1.
ogföstudag 2. febrúar kl. 16—19.
Skemmtinefndin.
Tilkynninq
f rá borgarfógetaembættinu
í Reykjavík
Þinglýsingadeild borgarfógetaembættisins í
Reykjavík, Skólavörðustíg 11, verður fram-
vegis opin frá kl. 10—15 mánudaga til föstu-
daga.
Borgarfógetinn í Reykjavík
Grófu og dökku brauðin eiga vaxandi vinsældum að fagna meðal landsmanna. Við höfum gert viðtæka markaðs- og verð-
könnun á brauðum scm eru á boðstólum og komizt að þeirri niðurstöðu að ekki sé með réttu hægt að segja að brauð sé
dýr matur. Á Neytendasiðunni á morgun getið þið lesið um könnunina sem nær til á þriðja tugs brauðgerðarhúsa i
Rcykjavik og nágrannabæjunum Hafnarfirði og Kópavogi.
Ekki sjóða og ekki
steikja hangikjötið
— segir danskur matarsérf ræðingur
Hvernig á að matreiða islenzkt
hangikjöt? spyr danskur blaðalesandi i
úrklippu úr dönsku vikublaði sem les-
andisendiokkur.
Það er enginn annar en matvælasér-
fræðingurinn Kirsten Húttenmeier
sem svarar spurningunni ogsegir m.a.:
„Aldrei má sjóða eða steikja hangi-
kjöt. Það er bezt að framreiða hangi-
kjötið hrátt, skorið í næfurþunnar
sneiðar og hafa með því sperglajafn-
ing, spínatjafning eða hrærð egg —
eða jafnvel þetta allt. Hægt er að
bjóða sex manns i meðalstórt hangi-
kjötslæri. Hangikjöt má geyma i frysti
í allt að því heilt ár.
Illt að vera án eldavélar og
ísskáps í lengri tíma
Neytendasamtökin á Akranesi koma til hjálpar
Neytendasamtökin á Akranesi hafa
auglýst eftir aðstoð þeirra sem eiga
heima hjá sér nothæf heimilistæki sem
þeir þurfa ekki sjálfir að nota. Er sér-
staklega átt við eldavélar og isskápa.
Hyggjast samtökin koma því til leiðar
að slík tæki yrðu lánuð eða leigð gegn
vægri þóknun til þeirra sem eiga að
stríða við langvarandi bilanir á heim-
ilistækjum vegna lélegrar þjónustu
umboðs- og innflytjendafyrirtækja!
Rúlluterta með ban-
önum og valhnetum
Margir halda að það sé einhver
leyndardómur fólginn í þvi að baka vel
heppnaða rúllutertu. Þetta er þó næsta
einfalt en auðvitað er heppilegra að
hafa þar til gert rúllutertuform sem
fæst I flestum búsáhaldaverzlunum.
Það er form sem er af svipaðri stærð
og venjuleg bökunarplata, með lágum
kanti i kring.
Hægt er að nota rúllutertu i ábæti.
Hérna er uppskrift að ábætis-rúllu-
tertu:
3egg
200 g sykur
I matsk. hveiti
40 g karftöflumjöl
1 tsk. lyftiduft
2 msk. kakó.
Uppskrift
dagsins
Fylting og skraut
3 bananar
2 1/2 dl rjómi
2 tsk. vanillusykur
valhnetukjarnar
Þeytið saman egg og sykur. Blandið
lyftiduftinu út í hveitið, kartöflumjölið
og kókóið og látið saman við eggja-
massann. Smyrjið rúllutertuformið
vel og látið deigið i. Hitið ofninn
vel (250°C) og bakið tertuna í ca 5—8
mín. Henni er síðan hvolft úr forminu
á sykurstráðan smjörpappír, takið
hana varlega úr forminu. Gott er að
láta vel uppundið hreint léreftsstykki á
kökuna áður en á að rúlla henni
saman. Skerið bananana í þunnar
sneiðar og raðið ofan á kökuna, látið
helminginn af þeytta rjómanum ofan
á og rúllið kökunni varlega saman.
Siðan er afgangurinn af rjómanum
látinn utan á kökuna og valhnetu-
kjörnum raðað á til skrauts.
Hráefnið í þessa rúllutertu kostar
íkringum810kr.