Dagblaðið - 09.04.1979, Side 14

14
DAGBLAÐIÐ. MÁNUDAGUR 9. APRÍL 1979.
handblásarinn
verðfrá
kr.16.020.-
RQNSQN
Bráðskemmttleg lamn á mörgum vanda. Ýmsar
breiddir og gerðir. Atmk-eik, Palisander, Santos-
palhander, Orgpine, Askur, Fura, Coto, Almur,
^ Mahony, hnota, teak.
______________________________
Byggingavörudeild
Jón Loftsson hf.
Hringbraut 121 Sími 10600
Frábaer
feradngaigjöf
BYGGUNG SF REYKJAVÍK
Aðalfundur verður haldinn þriðjudaginn 10. apríl kl. 20.30 að Hótel
Esju. Á fundinn er boðið borgarstjóra Agli Skúla Ingibergssyni,
borgarráðsmönnunum Albert Guðmundssyni, Birgi ísl. Gunnars-
syni, Björgvin Guðmundssyni, Kristjáni Benediktssyni og Sigurjóni
Péturssyni og framkvæmdastjóra Húsnæðismálastjórnar, Sigurði
E. Guðmundssyni.
Pungamiðja pðskamyndar lónabiós er samband Woody Allens við Diane Keaton
sem hér sjást í myndinni.
Nú er orðið stutt í páskana og af
því tilefni er ætlunin að kynna
lauslega það sem kvikmyndahúsin
bjóða viðskiptvinum sínum að sjá um
hátíðina. Að öllum líkindum munu
sum kvikmyndahúsin þegar vera
farin að sýna páskamyndirnar þegar
þetta birtist á prenti, en önnur munu
hafa frumsýninguna á hinum hefð-
bundna frumsýningardegi, annan í
páskum. En hér kemur listinn.
Austurbæjarbíó
Austurbæjarbíó mun taka til
sýningar bandarisku Myndina Dog
Day Afternoon sem Sidney Lumet
leikstýrði 1975. Myndin fjallar um
sérstætt bankarán sem var framið í
Brooklyn 1972. Þrír vopnaðir menn
réðust inn í bankann og tóku allt
starfsfólkið til fanga. Áður en þeim
tókst að ljúka verkinu hafði
lögrelgan um kringt bankann og
skipað þeim að gefast upp. Tals-
maður ræningjanna, Sonny að nafni,
krafðist þess að flogið yrði með þá úr
landi gegn því að þeir slepptu gíslun-
um. Þar með var þetta orðið að stór-
máli í fjölmiðlum. Síðar krafðist
Sonny að lögregtan sækti eiginkonu
sína, en þá fyrst kom í ljós tilgangur
ránsins. Eiginkonurnar reyndust
tvær en önnur þeirra var ,,karl-
maður” sem Sonny ætlaði að fjár-
magna kynskiptingu á með ráninu.
Þessi mynd hefur hvarvetna
fengjð góða dóma og þótt ótrúlegt sé
er hún byggð á sönnum atburði.
Heyrst hefur að Sonny seldi kvik-
myndaréttinn af atburðinum fyrir dá-
góöa summu sem hann notaði siðan
til að borga kynskiptinguna enda gaf
ránið eins og gefur að skilja lítið af
sér. A1 Pacino fer á kostum í hlut-
verki Sonny.
Gamla Bíó:
Að þessu sinni verður Gamla Bíó
með tvær myndir í gangi um
páskana. Fyrir krakkana verður
Disneymynd á boðstólum. Er það
myndin GUS með þeim Edward
Asner og Don Knotts í aðalhlutverk-
um. Fyrir þá sem eldri eru, tekur
kvikmyndahúsið til sýningar spán-
nýja breska mynd, sem ber heitið The
Passageog var hún gerð í fyrra undir
stjórn J. Lee Thompson. Myndin er
byggð á bókinni The Perilous Pass-
age eftir Bruce Nicolaysen og fjallar
um svaðilför flóttafólks yfir Pyrenea-
fjöllin. Myndin gerist í seinni heims-
styrjöldinni og segir frá visindamanni
sem flýr frá Frakklandi ásamt fjöl-
skyldu sinni yfir til Spánar með hjálp
frönsku neðanjarðarhreyfingarinnar.
Allan tímann meðan á ferðinni
stendur eltir þau þýskur SS foringi
sem Malcolm McDowell leikur. Af
öðrum leikurum má nefna Anthony
Quinn sem leikur leiðsögumanninn
og James Mason.
Hafnarbíó:
Ekki var búið að ákveða endan-
lega hvaða mynd yrði sýnd í kvik-
myndahúsinu um páskana, en talið
líklegt að það yrði Nasty Habits.
Myndin er byggð á bókinni The
Abbess of Crew og fjallar á gaman-
saman máta um valdatafl í
nunnuklaustri eftir andlát abba-
dísarinnar. Myndin er gerð í
„Watergate” stil og er Michael
Lindsay-Hogg leikstjóri en aðalhlut-
verkin eru í höndum Glendu Jackson
og Geraldine Page.
Háskólabíó:
Háskólabió mun skarta hinni
umtöluðu stórmynd Superman um
páskana. Flestir sem kynnst hafa
teiknimyndablöðum á sínum yngri
árum kannast við Superman. Þessi
ódauðlegi kraftakall vann sér fastan
sess í hugum ungmenna um viða
veröld, enda sló myndin rækilega í
gegn þegar hún var frumsýnd.
Arið 1948 fannst komabarn í
Bandaríkjunum sem hjónin Jonathan
Kent og kona hans, tóku að sér.
Barnið sýndi undraverða hæfileika á
unga aldri en sagan segir að það hafi
komið frá plánetunni Krypton. Plá-
netan var að falla í átt til sólar, svo
foreldrar barnsins sendu það með
eldflaug til jarðarinnar, þar sem Kent
hjónin fundu það. Eftir lát fósturfor-
eldra sinna, fór snáðinn í norðurátt
þar sem hann hitti anda föður síns,
sem fór með hann í ferðalag um
himingeiminn í 12 ár til að fræðast.
Þegar hann snýr til baka þrítugur að
aldri, fáum við að kynnast honum
sem Clark Kent, öðru nafni
Superman, en Kent starfar sem
blaðamaður við Daily Planet. Það
sem eftir er af myndinni sýnir Super-
man listir sínar og ekki má gleyma
rómantísku hliðinni sem er ástar-
ævintýri hans og samstarfskonu
hans.
Óþarfi er að kynna þessa mynd
nánar þar sem hún hefur þegar hlotið
mikla kynningu. Þó skal getið að
Christopher Reever í hlutverki Super-
man hefur fengið mjög góða dóma en
hann var lítt þekktur leikari áður.
Aðrir helstu leikendur eru Marlon
Brando, Gene Hackman, Margot
Kidder og Valerie Perrine.
Laugarásbíó:
Laugarásbíó er þegar byrjað að
sýna páskamyndina sína sem er
Vígstirnið (Battleship Galactica).
Þetta er ævintýramynd, sem l'jallar
um samnefnt risastórt flugstöðvar-
skip. Þetta er eina geimskipið, sem
nýlendubúar fjarlægs sólkerfts eiga,
eftir að hafa lent í stríði við hina hálf-
mennsku Cylona og borið lægri hlut.
Eina lausnin sem flóttafólkið telur
ráðlega er að leita plánetu sem ber
heitið Jörð en þar mun hægt að fá
fæði og húsaskjól. En leiðin er löng
og hættuleg og Cylonar gera allt sem
í þeirra valdi stendur til að koma í veg
fyrir að þeir nái takmarki sínu.
Vígstirnið er fyrsta myndin hér á
landi sem sýnd verður með
sensurroundtækni, sem er nýleg
hljómburðartækni er byggist á
hljóðbylgjum af lágri tíðni sem hefur
þau áhrif að áhorfendur ekki aðeins
heyra tóninn heldur skynja áhrif hans
einnig. Af þessu tilefni hefur
Laugarásbíó sett upp mikið hátalara-
kerfi sem samanstendur af átta há-
tölurum fremst i salnum, auk
fjögurra aftast. Hefur kvikmynda-
húsið hug á að endursýna a.m.k.
Earthquake, sem var ein fyrsta
myndin sem tekin var upp með
sensurround tækninni.