Dagblaðið - 10.04.1979, Blaðsíða 4

4
DAGBLAÐIÐ. ÞRIÐJUDAGUR 10. APRÍL 1979.
Ferð fyrir f jóra með Smyrli til Bergen losar800 þúsund:
„Þar með er sá draumur búinn líka”
„Þetta er verð sem við búumst við,
að muni geta staðizt í allt sumar, við
reiknuðum það út með tilliti til
gengissigs, aukins kostnaðar og þar
fram eftir götunum,” sögðu forráða-
menn ferðaskrifstofunnar Úrvals,
sem er umboðsaðili fyrir ferjuna
Smyril, en fyrsta ferð hennar frá
íslandi til Noregs verður 2. júní nk.
Það er langt i það, en að sögn Úrvals
er óðum að seljast upp í feröirnar.
Vekur það nokkra athygli, þvi far-
gjaldið fyrir manninn aðra leiðina
Seyðisfjörður/Bergen hefur hækkað
um rúmar 20 þúsund krónur frá því í
fyrra.
„Þá er þessi draumur búinn,”
sagði einn bíleigandi, sem hafði
hugsað sér að spara með því að taka
bílinn með á ferjunni fyrir mun
minni upphæð y fir til meginlandsins.
Hann á tvo krakka, 13 ára stelpu
og strák sem verður 15 ára í sumar.
Bíllinn er af venjulegri gerð og
stærð, en þau höfðu ætlað sér að fara
með viðleguútbúnað og gista við og
við á hótelum. „Fara einhvern hring
eins og gengur og gerist, til Þýzka-
lands og aftur norður eftir,” sagði
frúin.
Hækkun fargjaldsins setur hins
vegar verulegt strik í reikninginn.
Það er nefnilega ekki langt í að far-
gjald fram og til baka fyrir fjöl-
skylduna og bílinn með uppihaldi á
leiðinni og ferðum til og frá Seyðis-
firði til Reykjavíkur nálgist
milljónina.
Fargjaldið fyrir þrjá fullorðna og
stelpuna í fjögurra manna klefa er kr.
491.400. Seyðisfjörður / Bergen fram
og til baka fyrir utan fæði. Það má
reikna með fæði fyrir þau fjögur ca
15.000 kr. á dag og ferðirnar fram og
tilbakataka 11 daga.
Þaðersamtals kr. 165.000.
Fyrir bílinn, sem er rétt um fimm
metrar að lengd, kostar kr. 68.400.
Ferðirnár með Smyrli einum fram og
til baka Seyðisfjörður / Bergen sam-
tals kosta kr. 724.800.
Ferðin Reykjavík / Seyðisfjörður
með bénsini og mat á leiðinni fer ekki
undir 40.000 hvor leið, svo þar eru
80.000! viðbót.
Ferðin Reykjavík / Bergen /
Reykjavík kostar því 804.800 kr.
Og þá er til þess að taka, að maður
er staddur í Bergen og á eftir að aka
langar vegalengdir, vUji maður fara
niður til miðhluta Evrópu.
Til samanburðar má geta þess, að
þrátt fyrir allt kostar far fyrir þau
fjögur fram og til baka til Kaup-
mannahafnar með flugvallarskatti
alls kr. 286.500 kr. og er þar miðað
við farmiða sem gUdir mest í einn
mánuð.
Bílaleigubíll (Golf) kostar um
294.000 kr. í þrjár vikur og bens'm
fyrir 5000 km akstur um 80.000 kr.
Samtals kostar ferð fyrir fjóra fram
og til baka tU Kaupmannahafnar með
bUaleigubil í þrjár vikur og 5000 km
akstri þá um 660.000 kr. Mismunur-
innerum 144.000 kr.
Miðað er við bensínverð eins og
það er í Þýzkalandi i dag, eða rúmar
146 krónur lítrinn.
Þess má einnig geta, að að sögn
forráðamanna Úrvals er eftirspurn í
ferðirnar með Smyrli, þrátt fyrir
þessa hækkun, mikil.
Færeyska ferjan Smyríll hefur þegar flutt fjölda Islendinga til Evrópu og bfla þeirra en nú hcfur orðið umtalsverð hækkun á fargjaidinu.
LIFRARBUFF
Raddir neytenda
L. A
Vi
500 g nautalifur
125 g smjörliki
1 stk. egg
3 dl vatn
2stk. laukur
1—2 bollar rasp
salt og pipar
Lifrin er hökkuð einu sinni, egg,
rasp með salti og pipar hrært vel
saman við. Laukurinn skorinn í
sneiðar og brúnaður.
Bufftn mótuð og velt upp úr hveiti,
einnig brúnuð í feitinni, vatni hellt
yfir og látið krauma í 5— 6mínútur.
Verðáuppskrift: 800 kr.
I
Frá og með þriðjudeginum 10. apríl endurbætum við rjómann til að
auðvelda þeytingu.
Fituinnihaldið er aukið úr 33% í 36%.
Ahrifin verða:
• Miklu auðveldari þeyting. • Auðveldara er að sprauta rjómanum
• Rúmmál þeytirjómans eykst, og skreytingar halda sér betur.
hann verður u.þ.b. 10% drýgri
en fyrr, þegar búið er að
þeyta hann.
Neytendur eru beðnir velvirðingar á því að gömlu umbúðirnar verða í
notkun meðan beðið er eftir nýjum.
MJÓLKURSAMLÖGIN UM LAND ALLT.
* '
„Hvar fæst full
frystikista?...”
-
Ég skal viðurkenna i byrjun, að
ég er ekki pennafær manneskja, enda
aldrei skrifað í blöð, en nú finnst mér
ég mega til.
Ég skil ekki þessar konur, sem eru
með þennan búreikning. Þær stæra
sig af litilli eyðslu, en klykkja svo út
með því, að þær eigi stóra frystikistu
sem sé full. Hvernig er það, þurfa
þær aldrei að kaupa í þessar kistur
sínar?
Ég á 310 1 kistu, sem ég fylli á
haustin. Svo smáeyðist úr henni yfir
árið, maður gerir oft betri kaup með
því að kaupa í stórum slumpum, en
það er nú ekki þar með sagt, að það
kosti ekki neitt!
Mér fmnast dæmin villandi, þar
sem ekki kemur fram sú tala sem fer í
kaup á mat í frystikistuna. Maður
gæti haldið að stund gömlu ævintýr-
anna væri að renna upp, kistan væri
alltaf full, hversu mikið sem úr henni
væri tekið.
Það væri nógu gaman að fá vitn-
eskju um það hvar þær fengjust, það
eru ábyggilega margir sem myndu
spara til þess aðeignast slíkan grip.
Væri ekki skynsamlegra að áætla
verð á þeim mat sem úr kistunni er
tekinn í það og það skiptið og færa
það með öðru inn á búreikninginn?
Þannig finnst mér að það ætti að
vera til þess að eitthvert vit væri í
slíkum reikningum.
Svava Sigurðar,
Selfossi