Dagblaðið - 08.08.1979, Qupperneq 24

Ljósin loga
vegna viðgerða
í hverfum
,,Já, það er rétt, það hefur logað
ljós á staurunum nú síðustu daga,”
sagði Svanur Tryggvason hjá Raf-
magnsveitu Reykjavíkur þegar hann
var inntur eftir þvi af hverju ljós
logar á ljósastaurum i borginni yfir
hábjartan daginn.
„Það er nú sá tími þegar perur eru
athugaðar og þá verður að loga ljós i
þeim hverfum þar sem gert er við.
Það munar því núna, að þetta er gert
á daginn, en áður var þetta gert á
kvöldin,” sagði Svanur.
„Borginni er skipt niður í fjögur
hólf og það logar í einu hólfinu í
einu. Það hefur mikið verið hringt
hingað til að spyrjast fyrir um þetta,
fólki hefur ekki fundizt við vera að
spara orkuna, en skipta verður um
ljósaperurnar og það verður ekki gert
með öðru móti,” sagði Svanur.
-ELA.
frfálst, óháð dagbJað
MIÐVIKUDAGUR 8. ÁGÚST 1979.
Hans G. Andersen
sendiherra um
Jan Mayen málið:
Heimiltað
taka skip á
umdeilda
svæðinu
„Já, ég mundi segja það,” svaraði
Hans G. Andersen sendiherra og for-
maður íslenzku sendinefndarinnar á
hafréttarráðstefnunni sem nú stendur
yfir í New York. Hann var spurður að
því hvort hann teldi, að taka mætti er-
lend veiðiskip sem væru að veiðum
innan við 200 mílna efnahagslögsögu
íslands þar sem skemmra er en fjögur
hundruð mílur til Jan Mayen.
Hans G. Andersen, sem um áratugi
hefur verið aðalþjóðréttarfræðingur
íslenzkra stjórnvalda, sagði að aðal-
reglan samkvæmt gildandi reglum væri
að ríki mætti taka sér efnahagslögsögu
allt að 200 milum en þar sem skemmra
væri á milli landa en 400 mílur eigi
rikin aðsemja um mörkin.
Sendiherrann var þá enn spurður
hvort íslenzk stjórnvöld hefðu heimild
til að taka veiðiskip innan 200 míln-
anna sem sneru að Jan Mayen á grund-
velli áðurgreindra reglna. ,,Já, þetta
eru íslenzk lög,” svaraði hann.
-ÓG.
HM ungiingaískák:
Margeir með
2 spennandi
biðskákir
EUefu umferðum er lokið á heims-
meistaramóti unglinga í skák í Skien í
Noregi. Efstur er nú Seiravan frá
Bandaríkjunum með 8 vinninga, annar
er Duven frá Hollandi með 8 vinninga
og þriðji er Chernin frá Sovétríkjunum
með 7 1/2 vinning. Þeir Seiravan og
Chernin eiga báðir ólokið biðskákum
við Margeir Pétursson. Seiravan hafði
um tíma betur í viðureigninni við
Margeir en fróðir menn telja að nú sé
staða Margeirs betri.
Margeir Pétursson er með 6
vinninga, en á möguleika á að hreppa
allt að tvo í dag ef heppnin verður með
honum.
Tvær umferðir eru eftir á mótinu og
segja þeir sem fylgjast með að allt geti
gerzt og mikil spenna sé ríkjandi.
SJ. Osló/GM
Borgarráð:
Frestarráðningu
framkvæmdastjóra
æskulýðsráðs
A fundi borgarráðs i gær var lögð
fram fundargerð æskulýðsráðs þar sem
mælt er með Ómari Einarssyni í starf
framkvæmdastjóra ráðsins. Að ósk
Kristjáns Benediktssonar, borgarfull-
trúa Framsóknarflokksins, var
afgreiðslu málsins frestað til næsta
fundar.
-GM.
i
i
i
i
i
i
\
Eldur kom upp I hjóla- og barnavagnageymslu f fjölbýlishúsinu að Kóngsbakka 4 I
gærkvöldi. Slökkviliðið slökkti eldinn á svipstundu, áður en hann náði nokkurri út-
breiðslu. Hins vegar lagði reyk um stigagang og inn i nokkrar fbúðir. Lfklegt er talið
að um fkveikju hafi verið að ræða og eru það tfðir viðburðir f fjölbýlishúsum. Mikinn
mannfjölda dreif að og hafa sjaldan jafnmargir horft á jafnlftinn eld.
DB-mynd: Ragnar Th. -GS.
Aldraðir Italfufarar í Kópavogi óhressir
meðfararstjórann
Forstöðumaður starfs
aldraðra sagði upp
„Mér finnst mælirinn fullur, ef
svo er hægt að komast að orði og hef
sagt starfinu lausu,” sagði Ásthildur
Pétursdóttir, forstöðumaður starfs
aldraðra í Kópavogi. Hún hefur
starfað að málefnum aldraðra i tíu ár
og hafði m.a. frumkvæði að orlofs-
ferðum aldraðra Kópavogsbúa til út-
landa. Hún hefur og annazt farar-
stjórn í ferðunum. Tómstundaráð
Kópavogs hefur nú ráðið Grétar
Norðfjörð lögreglumann sem farar-
stjóra í Ítalíuferð í september.
Viðmælendur DB úr hópnum eru
auðheyrilega ekki ánægðir með þessa
ráðstöfun og segjast ekki skilja hvers
vegna Ásthildi var ekki falin farar-
stjómin.
„Það er langt síðan Ásthildur lét í
ljós að hún ætlaði að segja upp starfi
af persónulegum ástæðum og þess
vegna leituðum við á aðrar slóðir til
að fá fararstjóra,” sagði Skúli Sigur-
grímsson, formaður tómstundaráðs.
„Það reynir hver að laga til fyrir
sér málin, svo þau líti vel út,” sagði
Ásthildur, þegar ummæli Skúla voru
borin undir hana. „Mér var einfald-
lega tilkynnt að ég færi ekki til Ítalíu.
En ætli geti ekki verið að bæjar-
pólitíkin blandist inn i þetta, án þess
að ég fullyrði nokkuð um það. Þó get
ég sagt að hingað til hef ég ekki
fundið fyrir slíku í starfinu.”
-ARH.
Aftur bilar Fokker:
Lent á öðrum hreyfli á Akureyri
Fokker Friendship flugvél Flug-
leiða bilaði í gærkvöldi á leiðinni til
Akureyrar þannig að lenda varð á
einum hreyfli. Ekki mun bilunin hafa
verið alvarleg en fiugmenn tóku þó
þann kost að drepa á öðram
hreyflinum. Flugvél kom frá Reykja-
vík til að taka farþegana sem höfðu
ætlað suður með vélinni. Gert var við
bilunina í nótt. Að sögn starfsmanns
á flugvellinum á Akureyri munu far-
þegar hafa tekið biluninni og töfinni
mjög vel og ekkert mun hafa verið
um það að menn fylltust hræðslu og
afpöntuðu farsuður.
-FAX/DS.
Loðnuveiðar Norðmanna við Jan Mayen:
16 ÞUSUND T0NNUM
LANDAÐ í N0REGI
—20 bátar á leið til lands með afla
1 gær voru 20 norskir loðnubátar á
leið til Noregs með afla, en 10—12
bátar hafa þegar landað um 16
þúsund tonnum. Þetta er stór og
falleg loðna segir í fréttum. Loðnan
stendur djúpt og það eru bara bezt
útbúnu skipin sem afla. Sjómenn
segja að loðnumagnið sé mikið og
búast við góðum afla á næstu
dögum. Það mun‘ þ\i ekki taka
langan tíma að veiða þau 90 þúsund
tonn sem minnzt var á í samninga-
viðræðunum í Reykjavík.
Sjávarútvegsráðherra Noregs,
Eyvind Bolle, sagði í samtali við
norska útvarpið í gær að það væri
rangt með farið að Norðmenn hefði
lofað íslendingum að veiða ekki
meira en 90 þúsund tonn. Þar sem
slitnað hefði upp úr samningavið-
ræðum við íslendinga væru Norð-
menn ekki skyldugir að standa við
þann kvóta sem talað hefði verið um i
Reykjavík. Fiskveiðar við Jan Mayen
væra frjálsar en ef ríkisstjórnin teldi
hættu á ofveiði í sumar kynni hún að
setja aflatakmörk.
Sovézki sjávarútvegsráðherrann,
Vladimir Kamencfev, sagði á fundi
með norskum fréttamönnum í Osló í
gær að hann teldi ekki rétt af Norð-
mönnum að færa út við Jan Mayen
meðan hafréttarráðstefna Sameinuðu
þjóðanna stæði yfir í New York. Þeir
ættu að bíða með aðgerðir þangað til
ráðstefnunni væri lokið.
Ráðherrann sagði að Sovétmenn
mundu virða róttækar takmarkanir á
þorskveiðum í Barentshafi, en fiski-
fræðingar hafa lagt til að minnka
veiðarnar úr rúmlega 700 þúsund
tonnumá ári í 390 þúsund tonn.
-SJ. Osló/GM.