Dagblaðið - 18.03.1980, Side 23

DAGBLAÐIÐ. ÞRIÐJUDAGUR 18. MARZ 1980.
8
Útvarp
23
Sjónvarp
I
ÓVÆNT ENDALOK—sjónvarp kl. 22,00:
Gjöfin reynist
henni dýrkeypt
Úr nýja myndaflokknum Óvænt endalok. Sandra Payne og Julie Harris í hlutverkum sinum.
„Fyrsti þátturinn nefnist
Hefndargjöf. Hann fjallar um
miðaldra konu sem er gift tannlækni.
Hún á i ástarsambandi við piparsvein
á sama aldri sem býr nokkuð fjarri.
Hún heimsækir hann á þriggja
mánaða fresti og segir þá manni
sínum að hún sé að fara að heim-
sækja fjörgamla frænku sina,” sagði
Kristmann Eiðsson, þýðandi nýs
myndaflokks sem sjónvarpið hefur
sýningu á í kvöld.
Myndaflokkurinn nefnist Tales
Of The Unexpected. Er hann
byggður á smásögum eftir Roald
Dahl, norskan rithöfund, sem lengi
hefur verið búsettur í Banda-
ríkjunum. Myndaflokkurinn, sem er
brezkur og i tólf þáttum, hefur hlotið
nafnið Óvænt endalok á islenzku.
Nafnið er dregið af hversu óvænt
endalokin eru á hverjum þætli.
„Það kemur i ljós að eiginmaður
konunnar er ekki við eina fjölina
felldur heldur. Eitt sinn þegar konan
er að kveðja ofurstann, það er pipar-
sveininn, eftir eina heimsóknina, þá
leysir hann hana út með gjöf sent á
eftir að reynast henni dýrkeypl,”
sagði Kristmann ennfremur um efni
þáttarins.
-ELA.
ERINDI — útvarp kl. 21,05:
Hugleiðingar í nýju umhverf i
,,í þessu síðara erindi minu fjalla
ég um dvöl mina i smábæ á
Mallorca bæði að vori og hausti.Frá-
sögnin er ekki með ferðasögusniði,
þótt ég hafi ferðazt um eyjuna og
farið í stuttar sjóferðir,” sagði Þór-
unn Elfa Magnúsdóttir í samtali við
DB. Þórunn flytur i kvöld síðara
erindi sitt i úlvarpi. Nefnist það Sól
rís, sól sezt, sól bætir flest.
,,Eg mun fjalla um reynslu og
hugleiðingar i nýju umhverfi, skyndi-
kynni min af fólki sem ég hitti i
einkaferðum minum. Þá fékk ég vitn-
eskju um tilhögun stórrar erlendrar
ferðaskrifstofu með sérmenntuðum
fararstjórum, sem fengu starfsrétt-
indi eftir langt námskeið.
Ég fræddist einnig um hvernig þeir
stóðu að fararstjórn, búnir undir að
leysa hvern þann vanda sem að
höndum bæri og láta sér annt um
hvern cinstakling svo að ferðin yrði
öllum sem jafnast til ánægju og fróð-
leiks. Flcira verður ekki sagt í stuttu
máli en að mörgu er vikið í erind-
inu," sagði Þórunn Elfa.
Erindið er á dagskrá útvarpsins kl.
21.05 og tekur flutningur þess um
fjörutiu mínútur. -F.I.A
TF-FRU og kvikmyndavélin
Þó skömm sé frá að segja, þá
gefur það mánudagsmorgnum
nokkurtgildi að þurfa ekki að hlusta
á hið hlutdræga og furðulega val
frétta, sem þeir Páll og Sigmar velja
úr dagblöðunum aðra virka daga
vikunnar. Svo furðulegt er þetta val
oft, að það endurspeglar ekki aðeins
hve litil þekking þeirra er á fréttum
og kapphlaupi fjölmiðla um fréttir,
heldur smakkast morgunverður betur
og skapheilsan er betri þegar maður
losnar við að svekkjast yfir flokks- og
atvinnubundnu vali þeirra á dag-
blaðsfréttum. Jafn nýtilegt og
skemmtilegt og slíkt frétta- og eða
fyrirsagnayfirlit gæti verið, er sú á-
gæta hugmynd svo gott sem eyðilögð
i þeirra höndum.
Þessu er hér skotið inn því kvöld-
dagskráin, sem fyrir valinu varð
krafðist vart langrar umfjöllunar.
Flugvélin og kvikmyndavélin
sköpuðu sjónvarpinu enn i gær
möguleikann á að segja þjóðinni
skýrast frá atburðunum á gos-
svæðinu í jaðri Mývatnsöræfa. Ómar
segir hressilega frá, en ekkert betur
en aðrir blaðamenn. En það er í flug-
I vélinni hans, með hann undir stýri og
góðan kvikmyndatökumann sér við
hlið, sem þjóðin hefur æ ofan í æ
verið nánast i einu lagi flutt til þeirra
staða, þar sem atburðir eru að gerast,
hvort sem það eru gossvæði, flóða-
svæði eða einhver raunasvæði
bænda, þar sem grös ýmist spretta
ekki vegna kulda eða ofvaxin grös
nást ekki i hús vegna rigninga eða
annarrar uppákomu. Gleymum ekki
þætti kvikmyndatökumannanna i
þessum fræðsluþáttum. Kvikmynda-
vélin er ekki skrúfuð á TF—FRÚ og
það verður ekki hvaða ljósmyndara,
sem er hent upp í flugvél svo tryggt sé
að myndir verði á filmum hans eftir
flugferðina — hvað þá góðar myndir.
Nýr iþróttafréttamaður kom með
athyglisverl efni en mætti bæði
temja sér meiri mýkt í svip og röddu,
sem hann vafalaust á til.
Þátturinn um A. Kolontay var
góður hvað sögusvið snerti en of lang-
dreginn. Hann sýndi að jafnvel í
Rússlandi, sem og öðrum einræðis-
löndum er til fólk, sem á gott hjarta
og góðar hugsanir, þó það fylgi í
blindni og jafnvel tilbiðji
einræðisherrana. Líklega vottar fyrir
sömu tilfinningum i íslenzka stjórn-
mála- og embættismannakerfinu
lika.
-A.St.
Ingvi Hrafn Jónsson þingfréttamaður sjónvarpsins og umsjónarmaður Þingsjár.
r DB-mynd Bjarnleifur.
ÞINGSJÁ — sjónvarp kl. 21,05:
„Fjármálaráðherra
„grillaður” íbeinni
útsendingu”
—allt um fjárlögin í Þingsjánni
„í þessum þætti ætla ég að skýra út
hvernig fjárlögin verða til. Ég ætla að
reyna að útskýra hvernig þessi hrika-
lega bók myndast þá fyrst í fjárlaga- og
hagsýslustofnun, siðar i meðförum Al-
þingis og fjárveitinganefnd og loks
hvernig ráðuneytið útfærir sína hlið,”
sagði Ingvi Hrafn Jónsson, þingfrétta-
maður sjónvarpsins, i samtali við DB er
hann var spurður um þáttinn sinn Þing-
sjá sem er á dagskrá sjónvarpsins í
kvöldkl. 21.05.
„Eftir það verður fjármálaráðherra,
Ragnar Arnalds „grillaður” í beinni
útsendingu af Jóni Baldvin Hannibals-
syni, ritstjóra Alþýðublaðsins, Ellert B.
Schram, ritstjóra Vísis, og mér,” sagði
Ingvi Hrafn ennfremur.
Stjórnandi upptöku er Órn Harðar-
son og er þátturinn tæplcga klukku-
stundar langur.
- F.I.A
j Li

Tölvuþróunin er gifurleg eins og fram kemur í þáttunum um örtölvubyltinguna. Eitt
sinn sátu nemendur sveittir með blað og blýant og reiknuðu, nú þekkist ekki annað en
notaðar séu vasatölvur i skóium, eins og þessar stúlkur sýna okkur.
0RT0LVUBYLTINGIN - sjónvarp
kl. 20,40:
„Og þá koma
armbandssímar”
„Þriðji þátturinn um örtölvubylting-
una nefnist Þjóðfélagsbylting. í þætt-
inum er lýst hvernig örtölvan muni létta
svo til öllum störfum og amstri af fólki.
Það þarf ekki lengur að fara á kjörstað
til að kjósa i almennum þingkosningum
og sveitarstjórnarkosningum,” sagði
Bogi Arnar Finnbogason, þýðandi Ör-
tölvubyltingarinnar, í samtali við DB,
er hann var spurður um þriðja þáttinn.
„Nú koma menn skoöunum sínum á
mönnum og málefnum á framfæri á
mun ótvíræðari og fljótvirkari hátt en
áður, um sjónvarpstæki sín. Tilraunir
eru þegar hafnar með slik kerfi í
Bandaríkjunum og Japan. Liklegt er
talið að sjónvarpstæki geri flokka-
kerfið úrelt. Sýndur er þráðlaus simi
sem þegar er i notkun og er þvi spáð að
innan fárra ára komi á markað arm-
bandssimar. Póst og símamálastofnun í
Bretlandi veitir mönnum nú þegar
aðgang að geysistórri upplýsingatölvu
um símalínur. Hið stóraukna upplýs-
ingastreymi manna á meðal mun valda
verulegri breytingu á þjóðfélögum
Vesturlanda, en geysimiklu umróti i
kommúnislaríkjum.
Valdamenn um allan heim munu
ncyðast til að endurskoða stjórnkerfi
sin. En hvernig mun almenningur i
þróunar- og harðræðislöndum heims-
ins bregðast við er sjónvarpsauglýs-
ingar frá Vesturlöndum taka að
streyma um alla heimsbyggðina frá ótal
sjónvarpshnöttum?” sagði Bogi Arnar
ennfremur. Þátturinn er á dagskrá kl.
20.40 íkvöld. Þulur er Gylfi Pálsson.
- F.I.A