Dagblaðið - 22.08.1981, Blaðsíða 5

DAGBLAÐIÐ. LAUGARDAGUR 22. ÁGÚST 1981.
Fangelsismálin:
„Engum gerður greiði með
því að ýfa upp þessi mál”
—segir Friðjón Þórðarson dómsmálaráðherra „en leggjumst á eitt um að sjá til þess að hver
einstaklingur fái notið réttaröryggis og almennra mannréttinda”
„Ég hef rætt bæði við sr. Jón
Bjarman fangaprest og Hallvarð Ein-
varðsson rannsóknarlögreglustjóra
og staðgengil hans, Þóri Oddsson,”
sagði Friðjón Þórðarson þegar DB
hafði samband við hann til að for-
vitnast um viðbrögð dómsmálaráðu-
neytisins við skoðunum sr. Jóns
Bjarman sem fram komu í viðtali hér
í blaðinu sl. mánudag.
Það er skoðun sr. Jóns að við yfir-
heyrslur yfir gæzluföngum í svoköll-
uðum Guðmundar- og Geirfinnsmál-
um hafi vinnubrögðum rannsóknar-
lögreglumanna og fangavarða verið í
ýmsu áfátt, vægast sagt, og réttinda
fanganna ekki gætt sem skyldi.
Ef sr. Jón hefur rétt fyrir sér kunna
játningar gæzlufanganna að vera
fengnar á vafasaman hátt og þar með
eru forsendur fyrir eftirfarandi
hæstaréttardómum brostnar.
Sr. Jón heldur þvi ennfremur fram
að í rannsókn sem síðar var fram-
kvæmd á vinnubrögðum við yfir-
heyrslur, svokallaðri harðræðisrann-
sókn, hafi rannsóknarlögreglan nán-
ast rannsakað sjálfa sig og tæpast
nógu gaumgæfilega. Síðan hafi þessir
atburðir verið sveipaðir þögn af hálfu
yfirvalda, þögn sem ekki hafi verið
rofin heldur dýpkað síðan Stefán
Unnsteinsson gerði ítarlega grein
fyrir þeim i bók sinni um Sævar
Ciesielski, sem út kom fyrir ári síðan.
1976 — erfittár
f róttarsögunni
„Bæði fangapresturinn og yfir-
menn rannsóknarlögreglunnar tjáðu
mér að árið 1976 hefði verið mjög
erfitt ár í sögu íslenzkra dómsmála,
einmitt vegna þessara flóknu og um-
fangsmiklu sakamála,” sagði Friðjón
Þórðarson, núverandi dómsmálaráð-
herra. Ennfremur sagði hann:
„Séra Jón óskaði á sinum tima
eftir sérstakri rannsókn vegna meints
harðræðis við fanga í yfirheyrslum.
Sú rannsókn var framkvæmd af
vararannsóknarlögreglustjóra, Þóri
Oddssyni.
Síðan var hún send ríkissaksókn-
ara, Þórði Björnssyni, með venju-
bundnum hætti. Taldi hann ekki
ástæðu til frekari aðgerða af því til-
efni.”
Hefur dómsmálaráðuneytið í
hyggju að taka þessi mál til endur-
skoðunar?
Friðjón Þórðarson taldi tormerki á
því.
„Rannsókn þessi er nú fyrir löngu
um garð gengin,” sagði hann, „og
hæstaréttardómur fallinn í máli sak-
borninganna. Ég tel að engum sé
greiði gerður með því að fara nú að
ýfa þessi viðamiklu og viðkvæmu
mál upp aftur í fjölmiðlum. Það væri
nær, að allir þeir sem á einhvern hátt
þurfa að koma nærri slíkum rann-
sóknum og meðferð grunaðra manna
og fanga leggi kapp á að vinna saman
af heilum hug að því að upplýsa mál,
koma í veg fyrir að saklaust fólk sé
fangelsað og sjái til þess að hver ein-
staklingur fái notið réttaröryggis og
almennra mannréttinda.”
-IHH
DB-mynd Bjarnleifur.
„Það var hringt að sunnan í simstöð-
ina á Brú og sagt að nafnið mitt væri í
blaðinu. Símstöðin hringdi svo í veit-
ingaskálann þar sem ég vinn. Blöðin
koma hingað ekki fyrr en deginum
seinna þannig að ég sá sjálf ekki blaðið
fyrr en daginn eftir.”
Erna vann sl. vetur í Kaupfélagi
Hrútfirðinga á Borðeyri en þegar
ferðamannastraumurinn fór að aukast
með vorinu færði hún sig í veitinga-
skálann við Brú. Þar hefur hún í sumar
matreitt hamborgara, kjúklinga og
fleira góðgæti ofan í soltna ferðalanga.
„Ég fer í skóla í haust í Reykjavík.
Ég fer í Ármúlaskóla og þar verð ég á
viðskiptabraut. Ég sé því ekki fram á
að ég geti notað vinninginn í vetur.
Skólinn fer að byrja,” sagði hin lukku-
lega úr Hrútafirði.
Við vonum að henni gefist sem fyrst
tækifæri til að njóta vinningsins því
hún hefur ekki enn ferðazt út fyrir
landsteinana.
-KMU
Ingólfur Guðbrandsson, forstjóri Útsýnar, afhcndir Ernu Hilmarsdóttur ávisun á sólarlandaferð.
Hættulegar gryf jur í
Suðurhlíðahverfi:
Öryggisvörður
kvartar yf ir
slysahættu
Nokkrar kvartanir hafa borizt að
undanförnu frá foreldrum í nágrenni
Öskjuhlíðarskóla vegna þeirra fram-
kvæmda sem standa þar yfir. Er unnið
þar að gatna- og holræsagerð í svoköll-
uðu Suðurhlíðahverfi, en mörgum
hefur fundizt að ekki væri tryggilega
gengið frá vinnusvæðinu og að börn og
unglingar gætu farið sér þar að voða.
— Ég er búinn að kvarta yfir þessu
við verktakann og vonast til að hann
bæti úr þessu hið bráðasta, sagði
Kjartan Ólafsson öryggisvörður hjá
embætti gatnamálastjóra í samtali við
DB. Sagði Kjartan að það væri vissu-
lega rétt að börnum gæti stafað hætta
af gryfjunum á svæðinu og því hefði
hann haft samband við verktakann.
Það er fyrirtækið Háfell sem sér um
gatna- og holræsagerðina í þessu nýja
hverfi og verður þess varla langt að
bíða að vinnusvæðið verði girt af.
-ESE
Bílaklúbbur Akureyrar áformar
að halda sandspymukeppni sunnudaginn 30. ágúst
efnœg þátttaka fœst.
Skráning til keppninnar er í síma 96-23715 og
96-22615 millikl 19og21.
Vœntanlegir keppendur þurfa að skrá sig
með vikufyrirvara, þ.e. ísíðasta lagiþann
23. ágúst. Keppt verður eftir reglubók L.Í.A.
Þegar eru skráðir til leiks
öf lugustu bílarnir á
Akureyri.
Við skorum á ykkur að koma og veita þeim
verðuga keppni. Vegleg verðlaun í boði.
BÍLAKLÚBBUR
AKUREYRAR
„Ég er ekki búin að vera áskrifandi
nema í tæpt hálft ár. Ég gerðist áskrif-
andi í marz, vildi fylgjast með því sem
er að gerast,” sagði Erna Hilmars-
dóttir, 18 ára stúlka úr Hrútafirði. í.
síðustu viku gafst henni kostur á að
tryggja sér sólarlandaferð með Útsýn
að verðmæti 8.000 krónur með því einu
að svara spurningum vikunnar í áskrif-
endaleik Dagblaðsins.
„Það var mjög einfalt að svara,”
sagði Ema, sem er frá bænum
Kolbeinsá í Strandasýslu. Bærinn
stendur við vestanverðan Hrútafjörð,
ekki langt frá Borðeyri.
DB-vinningur í viku hverri:
18 ára stúlka
af Ströndunum
vann sólarlandaferð
<