Dagblaðið - 24.10.1981, Qupperneq 24
Af leiðingar loðnuverðslækkunar:
Meiríhluti loönuflotans
sækir íþorskstofninn
— „Útilokað að neita skipunum um leyfi til bolfiskveiða,” segja útgerðarmenn
Fari svo fram sem horfir stefnir
allt í að 60-80% loðnuflotans geri út
á troll á næsta ári eftir að
loðnuveiðum lýkur. Útgerðarmenn,
sem DB ræddi við í gær, voru sam-
mála um að útilokað væri með öllu
að gera skipin einungis út til
loðnuveiða þegar verðið væri
jafnhlægilega lágt og raun ber vitni.
Mörg útgerðarfélög nýrri og
stærri skipanna hafa átt í verulegum
rekstrarerfiðleikum vegna þungrar
lánabyrði og í nokkrum tilvikum
hafa síldarbræðslur keypt skipin og
gert út. Þá voru útgerðarmenn sam-
mála um að erfitt væri að fá
mannskap á skipin með þá vitneskju i
huga að verkefnin stæðu ekki yfir
nema þriðjung ársins.
,,Ég á erfitt með að trúa því að
hægt verði að neita loðnuskipunum
um leyfi til bolfiskveiða þegar
loðnuvertíðinni lýkur,” sagði einn
útgerðarmannanna við DB í gær.
„Það er ekki verjandi að neita þeim
um leyfi á sama tíma og verið er að
kaupa til landsins skip, sem stunda
eiga bolfiskveiðar, í flota sem þegar
er allt of stór.”
Mörg loðnuskipanna bjuggu sig í
sumar undir útgerð á troll og með
bættri tækni — svokölluðum kassa-
trollum í stað flottrolls—er mun
auðveldara fyrir loðnuskipin að
breyta yfir. Þetta þýðir í raun ekki-
annað en stórkostlega aukna sókn í
þorskstofninn. Töldu menn að eina
lausnin væri sú að skipunum yrði
skammtaður ákveðinn kvóti þorsks
ef auðnast ætti að halda afianum
innan skynsamlegra marka.
-SSv.
Matreiðslumennirnir Snorri Steinþórsson (t. v.) og Daníel Þórisson sem dags daglega eldafyrir mötuneyti Miðfells. Milliþeirra er Jóhannes verzlunarstjóri I Austurveri.
DB-mynd Bjamleifur.
Það vantaði ekki góðar undirtektir
þegar- þeir hjá SS í Austurveri hófu að
grilla heila lambaskrokka í gær og gefa.
fólki að smakka þetta lostæti sem
ófryst lambakjöt er.
Til voru fengnir tveir matreiðslu-
menn og áður hafði verzlunin látið
smíða forláta útigrill fyrir heila
skrokka. Grillað var úti fyrir húsinu en
framreiðsla fór síðan fram inni.
„Þetta er bara uppákoma án annars
tilefnis en að slátursölu er að ljúka hjá
okkur og þar með sláturtíðinni,” sagði
Jóhannes verzlunarstjóri Jónsson, ,,og
það á enginn þátt í þessum traktering-
um nema búðin ein.” -A.St.
„Engin leyndarmál”:
Myndin um Snorra þrefalt
dýrari en áætiað var?
—erfiðlega gengur að koma saman niðurstöðutölum kostnaðar við myndina
,,Það eru engin leyndarmál,”
sagði Hinrik Bjarnason, for-
stöðumaður lista- og skemmtideildar
sjónvarpsins, er hann var inntur eftir
því fyrir skömmu hvort kostnaður
við gerð myndarinnar um Snörra
hefði farið úr böndunum. Að öðru
leyti vildi hann ekki tjá sig um málið
en vísaði alfarið á fjármálastjóra
ríkisútvarpsins, Hörð Vilhjálmsson.
Eftir heimildum, sem DB hefur
aflað sér, á kostnaðurinn við gerð
myndarinnar að hafa farið svo hrika-
lega fram úr áætlun að forráðamenn
sjónvarpsins reyni nú með öllum
tiltækum ráðum að fela útgjöldin
undir hinum ýmsu kostnaðarliðum
sjónvarpsins. Heimildarmaður DB
fullyrðir að kostnaðurinn hafi
þrefaldazt frá þeim tíma er áætlun
var gerð og þar til töku og vinnslu
myndarinnar lauk. Hafi verið
bruðlað með alla skapaða hluti, s.s.
efni í búninga og sviðsgerð. Þá
hafi yfirvinna við myndina farið
fram úr öllum áætlunum.
Dagblaðið hefur undanfarna viku
reynt ítrekað en árangurslaust að fá
heildarniðurstöður kostnaðar þrátt
fyrir loforð þar um. Áttu niðurstöður
að liggja fyrir sl. mánudag og þá
aftur í gær en dæmið hafði enn ekki
verið fyllilega gert upp. Virðist því
ætla að ganga fremur treglega að
koma dæminu heim og saman.
Samkvæmt upplýsingum Harðar
Vilhjálmssonar fjármálastjóra hefur
kostnaður ekki farið úr böndum.
„Við erum alls ekki óánægðir með
útkomuna,” sagði hann og taldi
líklegt að heildarniðurstöður yrðu á
bilinu 2,5—2,7 milljónir króna.
Heimildir DB segja hins vegar
kostnaðinn vera miklu meiri.
Danir og Norðmenn tóku þátt í
gerð myndarinnar með RUV og
lögðu Norðmenn 350.000 nkr. til en
Danir 200.000 danskar. Hluti þeirra
er því aðeins brot af heildar-
upphæðinni. Myndin um Snorra
hefur enn ekki verið seíd til annarra
landa að því bezt er vitað og telja sér-
fróðir menn hana þess eðlis að mjög
erfiðlega muni ganga að selja hana til
annarra landa.
-SSv.
frýálst, óháð dagblað
LAUGARDAGUR 24. OKT. 1981.
Spáfyrírnæstaár:
Minnkandi
þjóðartekjur
ámann
Þjóðhagsspá bendir til þess að fram-
leiðsla þjóðarinnar vaxi um 1 prósent á
næsta ári. Það er heldur minni vöxtur
en á yfirstandandi ári. Viðskiptakjör
okkar við útlönd eru talin munu versna
á árinu 1982. Útkoman verður sam-
kvæmt því að þjóðartekjur á hvert
mannsbarn í landinu dragast dálítið
saman á komandi ári.
Framleiðslan er í ár talin vaxa um
rúmlega 1 prósent. Miklu skiptir að
viðskiptakjörin við útlönd hafa farið
batnandi á árinu. Horfur eru á að við-
skiptakjörin reynist í ár að meðaltali
1,5—2% betri en í fyrra. Þessi
bati eykur vöxt þjóðartekna í ár um-
fram framleiðslu svo að þjóðartekjur
á hvern mann eru í ár taldar vaxa um 1
prósent. Kaupmáttur ráðstöfunartekna
heimilanna, eftir skatta, er talinn verða
í ár 1% meiri á mann en var í fyrra.
-HH.
Bifreiðin
óökufærer
að var komið
— en enginn ökumaður
fannst
Um þrjúleytið í fyrrinótt var Kópa-
vogslögreglunni tilkynnt um að bifreið
hefði verið ekið gegnum grindverk og á
trjágróður í garði við hús við Tungu-
heiði. Fannst enginn ökumaður þrátt
fyrir leit.
Við athugun kom í ljós að bifreiðinni
varð ekki lengra ekið, en sýnilegt þó að
síðasti áreksturinn ætti ekki sök á nema
síðasta þætti málsins. Síðar kom í ljós
að sömu bifreið hafði verið ekið á kyrr-
stæða Broncobifreið á Álfhólsvegi, því
þar fundust greinileg verksummerki um
hvaða bifreið ætti sök á ákeyrslunni.
Mál þetta var í rannsókn í Kópavogi í
gær og ekki upplýst, að því bezt var vit-
að, hvort bifreiðinni hefði verið stolið
eða forráðamenn hennar átt hlut að
máli. -A.St.
Áskrifendur
DB athugið
Vinningur I þessari viku er
Crownsett frú Radlóbúðinni, Skip-
holti 19, Reykjavlk, og hefur hann
verið dreginn út. Næsti vinningur
verður kynntur I blaðinu ú múnu-
daginn.
hressir betur.