Frjáls verslun - 01.04.1939, Blaðsíða 17

Myndina, sem nú er framan á kápunni, hefir Vigfús
Sigurgeirsson ljósmyndari teldð.
*
Hið breytta þjóðmálaviðhorf, sem skapazt hefir við
nýmyndun landsstjórnarinnar, hefir sem eðlilegt er ver-
ið aðalumræðuefni manna nú síðustu vikur. Afstaða
manna er nokkuð misjöfn, en flestir munu þó telja
rétt, að dæma fremur eftir þeim verkum, sem í ljós
koma, heldur en að dæma hina nýju stjórn dauða, áður
en hún tekur til starfa. Verzlunarstéttin hefir gert skýra
grein fyrir sinni afstöðu og kemur hún glöggt í Ijós í
grein þeirri, sem birt er hér að framan um þetta efni.
Allir vona, að samvinna stjórnarflokkanna megi vel
takast og bera árangur fyrir allar stéttir þjóðfélags-
ins; en verzlunarstéttin sættir sig ekki við að tvenn lög
séu látin gildi fyrir íslenzka þegna i þeim málum, sem
hana varða mestu, og krefst þess ákveðið, að um henn-
ar rétt verði fjallað af sanngirni.
*
„Frjáls verzlun11 vill benda kaupsýslumönnum á hina
nýju viðskiptaskrá, sem út er komin. Hún er til góðrar
hjálpar fyrir verzlunarmenn. Ritið er góð byrjun til
þess, að samin verði ýtarleg íslenzk viðskiptahandbók.
Eðlilegast væri, til að fyrirbyggja allar villur, að félög
hverrar þeirrar greinar, sem tekin er inn í bókina,
gerðu grein fyrir því, hverjir til hennar teldust.
*
Á verzlunarþinginu síðasta upplýsti dr. Oddur Guð-
jónsson athyglisverð atriði í sambandi við verðlag er-
erlendra og innlendra vara. — Sé vísitalan 1914 sett
= 100, er vísitala erlendu vörunnar 1938 = 164, en inn-
lendu vörunnar = 221. Nánar sundurliðað hefir verð-
hækkunin síðan 1914 orðið þessi:
Erlend vara:
1914 1938
Korn ................ 100 153
Sykur ............... 100 107
Kaffi ............... 100 153
Innlend vara:
1914 1938
Mjólk................ 100 209
Kjöt ................ 100 243
Fiskur .............. 100 195
*
í febrúarhefti þessa rits sagði Björn Kristjánsson
frá nokkrum minningum frá fyrstu verzlunarárum sín-
um og lýsti nokkuð baráttunni við erlent verzlunarvald.
í þessu hefti birtast nokkrar endurminningar gamals
Hafnar-kaupmanns, Dines Petersen, um verzlun Dana
á íslandi á síðustu árum aldarinnar, sem leið, í>essi
FRJÁLS VERZLUN
FRJALS VERZLUN
MÁN AÐARRIT
ÚTGEFANDI:
VERZLUNARMANNAFÉLAG REYKJAVÍKUR
FORMAÐUR:
FRIÐÞJÓFUR Ó. JOHNSON
RITSTJÓRI:
EINAR ÁSMUNDSSON
RITNEFND:
BJÖRN ÓLAFSSON
PÉTUR ÓLAFSSON
VILHJÁLMUR Þ. GÍSLASON
SKRIFSTOFA í HAFNARSTR. 5 (MJÓLKUR-
FÉLAGSHÚSINU, HERBERGI 16—17). SÍMI
5293. — OPIN KL. 9. F. H. TIL KL. 5 E. H.
ÁSKRIFTARGJALD 5 KRÓNUR.
LAUSASALA 50 AURAR
ÍSAFOLDARPRBNTSMIÐJA H.F.
grein hefir að vísu ekki mikinn fróðleik að geyma um
verzlunarháttu og landshagi á þeim tíma, en hún gefur
nokkra hugmynd um afstöðu dönsku kaupmannanna. —
Dines Petersen viðurkennir, að danska verzlunin hafi
ekki verið heppileg fyrir efnalegar framfarir þjóðar-
innar, og það er ekki fjarri því, að lesa megi milli lin-
anna eftirsjá þess, að Danir skyldu ekki gæta meira
þarfa landsmanna og freista með því að halda íslands-
verzluninni i sínum höndum.
*
Fulltrúi skipulagsnefndar ríkisins, Hörður Bjarna-
son, tekur til meðferðar í þessu hefti nokkur atriði við-
víkjandi verzlunarhýsingu. Þetta er nýtt efni, sem vert
er að gaumur sé gefinn, og margra umbóta þörf í
Reykjavík í þeim efnum.
*
Alþingi hefir nú lögfest, að klukkunni skuli flýtt um
klst. frá því í apríl og þar til í okt. Hér i blaðinu hefir
nokkuð verið rætt um vinnutíma og búmannsklukku,
en skiptar eru skoðanir um það mál. Ekki hefir þó
borið á neinni óánægju með þá ákvörðun, að breyta
klukkunni svo, sem gert er ráð fyrir, enda eru mikil
líkindi til, að menn venjist því vel. Á Alþingi var tölu-
verður hópur þingmanna á móti því, að flýta klukk-
unni, og báru helzt fyrir sig, að meiri eftirvinna yrði
t. d. í sambandi við fiskþurrkun, og því dýrara fyrir
útgerðina. Með samkomulagi við verkalýðsfélögin ætti
að vera auðvelt að komast fram hjá agnúum, sem
þessum,
17