Frjáls verslun - 01.09.1969, Síða 27

FRJÁLB VERZLUNJ
lestir seinar og gamaldags. Bíla-
stæðavandrœði eru þau sömu og í
öðrum stórborgum. Þar við bæt-
ist, að verkföll starfsmanna í þess-
um flutningum eru mjög algeng.
Ferðalög og hvers kyns útilíf er
auðvelt og ódýrt. Nóg er af ó-
byggðum landsvæðum, strand-
lengjan falleg og víða óbyggð,
landslag skemmtilegt og veðurfar
hentugt til útilífs. Benzín kostar
innan við tíu krónur líterinn.
Vegakerfið er sæmilega gott, en
ekki mikið af hraðbrautum.
Fiugsamgöngur eru góðar, bæði
ábyggilegar og tiltölulega ódýrar,
með fullkomnustu þotum.
Verð á bílum er mjög mismun-
andi. 15 ára gamall ryðkláfur
kostar enn 50—60 þúsund krón-
ur. Einna beztu kaupin eru í
tveggja ára gömlum bílum. Sem
dæmi má nefna sex sylindra
Holden (hliðstæður Chevy 11)
og Ford Falcon, sem kosta um
150 þúsund tveggja ára gamiir,
og Austin Mini og Volkswagen í
kring um 110 þúsund. Mini kost-
ar nýr um 180 þúsund og nýr
Holden, Chrysler eða Ford Fal-
con með V8 vél kostar um 330
þúsund. Ekki borgar sig að flytja
með sér bíl til Ástralíu, nema um
sé að ræða sjaldgæfar og dýrar
tegundir, svo sem Jaguar, Rover
Mercedes Benz eða hliðstæða
bíla.
Lang mest eftirsókn er eftir
menntuðu fólki, sérstaklega á
sviði hvers kyns stjórnunar og
tækni. Þeir menn, sem búast
mega við hæstum launum, eru
þjálfaðir menn í stjórnun og
sölustörfum. Mikill skortur er á
slikum mönnum. Miklu erfiðara
er fyrir iðnaðarmenn að fá kunn-
áttu sína viðurkennda, og marg-
ir menntamenn fá ekki próf sín
viðurkennd. Ráðlegt er talið fyr-
ir alla, sem hyggjast flytja til
Ástralíu, að kanna, hvaða mat er
lagt á menntun þeirra og starfs-
þjálfun.
Skattar eru mjög háir, ekki þó
eins og hér á landi. Þegar komið
er í 1,2 millj. króna tekjur, eru
skattar 56%. Miklir möguleikar
eru þó á að afla sér skattafrá-
dráttar. Algengast er að reka bú,
sem ekki er ætlað að skila hagn-
aði, og margir efnamenn reka lít-
il fyrirtæki með tapi, til að lækka
skatta sína.
Fyrir menn með starfsreynslu
og menntun er ráðlegt að fá
vinnu, áður en farið er til Ástra-
líu. Skiptir þá meira máli að
semja um skattfrjáls fríðindi en
launin sjálf.
Hér fara á eftir nokkur dæmi
um laun, sem voru boðin nýlega
.í auglýsingu í áströlsku blaði.
Tölurnar eru árslaun í ísl. krón-
um.
27
John Gorton, forsætisráðherra.
Lyfjafræðingur 280 þús.
Háskólakennari 600 —
Félagsráðgjafi 400 —
Háskólaprófessor Ein millj.
Bókavörður við háskóla 550 þús.
Jarðfræðingur með
starfsreynslu Ein millj.
Sérfræðingur í starfs-
mannahaldi Ein millj.
Framleiðslustjóri í
verksmiðju 1,6 millj.
Endurskoðandi 400 þús.
Sölustjóri 1,4 millj.
Hjúkrunarkona 280 þús.
Rétt er að leggja áherzlu á, að
hér er aðeins um dæmi að ræða,
og laun í slíkum starfsflokkum
fara oftast eftir stærð fyrirtækja
og stofnana og menntun viðkom-
andi aðila.
Hér á eftir fara nokkur dæmi
um vikulaun verkamanna, iðnað-
armanna og fleiri, í ísl. krónum.
Múrari 7.000
Strætisvagnstjóri 6.000
Námuverkamaður 6.000
Landbúnaðarverkamaður 4.400
Hafnarverkamaður 4.400
Byggingarverkamaður 6.000
Af þeim dæmum, sem hér hafa
verið nefnd, er það augljóst, að
það er miklu efnilegra að flytja
til Ástralíu fyrir menntamenn,
heldur en fyrir ómenntaða menn
eða iðnaðarmenn. Stafar það að
sjálfsögðu af því, að minna fram-
boð er á menntuðum innflytjend-
um.
Sifellt finnast nýjar auðlindir, sem krefjast aukins mannafla.