Fregnir - 01.02.1991, Side 3

-3-
AFMÆLISÁR HÁSKÓLABÓKASAFNS
Eins og kunnugt er varð Háskólabókasafn 50 ára 1. nóvember síðast
liðinn. Árið 1990 var þvi afmælisár, og var þess minnst með ýmsum hætti.
Verður hér greint frá hinu helsta.
Háskólinn efndi til Opins húss 11. mars 1990, svo sem orðinn er
árlegur viðburður. Að þessu sinni var Þjóðarbókhlaða aðalvettvangur
kynningarinnar, og hafði Háskólabókasafn þar stóran sýningarbás. Dreift
var m.a. nýjum kynningarbæklingi um safnið, sem tekinn hafði verið saman
i tilefni af afmælinu. Þetta var í íysta sinn sem Þjóðarbókhlaða var opin
almenningi og skiptu gestlr þúsundum.
í júní voru haldnar sýningar í anddyri aðalbyggingar Háskólans á meiri
háttar bókagjöfum, fyrst ritum Blackwell-forlagsins, sem verið hafa að
berast undanfarin ár, siðan á bókum Gunnars heitins Böðvarssonar
jarðeðlisfræðings.
Á síðdegissamkomu háskólarektors fýrir starfsmenn Háskólans. sem
haldin var í Odda sunnudaginn 28. október, var afmæli safnsins meðal
dagskráratriða. Flutt voru ávörp og höfð uppi sýning um sögu og þróun
safnsins.
Á afmælisdaginn sjálfan, 1. nóvember, var efnt til siðdegisboðs og
sýningarhalds í hátíðarsal Háskólans (nú lestrarsal) og í anddyri. Meðal
gesta var forseti íslands. Ávörp fluttu háskólarektor, háskólabókavörður og
menntamálaráðherra. Meðal gjafa sem safninu voru afhentar við þetta
tækifæri var ljósprentað eintak af Gutenbergsbiblíu frá Félagi
háskólakennara. myndverk frá Stúdentaráði Háskóla íslands og ársáskrift
á gagnabankann Library and Information Science Abstracts (LISA), frá
Bókavarðafélagi íslands og átta öðrum aðilum : Amtsbókasafninu á Akureyri,
Borgarbókasafni, Félagi bókasafnsfræðinga, Félagi bókavarða í
rannsóknarbókasöfnum. bókasafni Háskólans á Akureyri, Landsbókasafni,
bókasafnl Kennaraháskólans og Þjónustumiðstöð bókasafna.
Bomar voru fram veitingar og Anna Guðný Guðmundsdóttir, Sigurður
Snorrason og Páll Einarsson fluttu gestum tónlist. Samkomuna sóttu á
þriðja hundrað manns.
Háskólabókasafn þakkar öllum þeim, nefndum og ónefndum, sem
minnst hafa safnsins með einum eða öðrum hætti á afmælisárinu og óskar
þeim heilla.
E.S.
FRÉST HEFUR
- að það sé laus staða bókasafnsfræðings í bókasafni Rannsóknastöðvar
Skógræktar rikisins á Mógilsá
- að Þóra Stefánsdóttir sé hætt að vinna i bókasafni Tækniskóla íslands
og farin að vinna á bókasafni Veðurstofu íslands
- að BJargey Amórsdóttir sé farin að vinna í bókasafni Tækniskóla íslands