Vísir - 20.12.1969, Síða 9

V í S IR . Laugardagur 20. desember 1969.
9
Alls mun búið að sprauta um 10 þúsund manns við flensunni, þar á meðal margt gamalt fólk og lasburða. Læknar telja þó,
að bömum sé ekki síður hætt við pestinni. Myndin er tekin á heilsuverndarstöðinni. Það em Bragi Ólafsson aðstoðarborg-
arlæknir og ein af hjúkrunarkonum stofnunarinnar, sem munda sprauturnar.
BEINVIRKIR UM JOLIN
Búast má við oð flensan gangi í garð um leið
og hátíðin — Spjallað við nokkra lækna
□ Búast má við, að heilsuf.arið verði heldur bág-
borið hjá fólki um jólin^því nú liggur flensan
í loftinu og búizt er við að hún geri þá og þegar
innrás í borgina, og þéttbýlið við Faxaflóa.
Líklega er hún þegar farin að búa um sig.
□ Þetta verða því fremur dapurleg jól hjá mörg-
um, að minnsta kosti hvað líkamann áhrærir.
Jólakrásirnar verða lítið yndi fyrir magann,
birtan af kertunum mörgu sker í augun. Söng-
ur og gleði verða eyrunum ofraun. — Eins og
fólk var líka búið að hugsa sér að hafa það
notalegt um jólin.
¥jær gleðisnauðu fréttir berast
frá Vestmannaeyjum, aö
helmingur bæjarbúa hafi tekið
pestina og margir liggi þungt
haldnir. — Þar stöðvaðist jóla-
ungirbúningurinn nánast í miðj-
um klíðum. Minna varð úr
bakstri en til stóð og minna um
skrautið.
Vísir ræðir 1 dag'við nokkra
lækna um þessa pest, sem kennd
er við þá alræmdu lastanna
borg Hong Kong, en flensa þessi
hefur þjakað Suðurevrópubúa
síðustu vikumar, svo að hálfgert
neyðarástand hefur ríkt víöa, til
dæmis á Italíu og Spáni. Hún
hefur einnig hertekið annað
hvert mannsbam í Englandi og
síðan hefur hún lagt leið sina
til Norðurlanda, Danmerkur og
Noregs að minnsta kostj og svo
er röðin komin að íslandi. Sam
komuhald hefur aö sjálfsögðu
dofnað og jafnvel lagzt niður
þar sem flensan hefur farið um
og búast má við að öll skemmt
un verði þar fyrir minna sótt hér
í þéttbýlinu um jólin en ella.
□ Skemmtanahald
ekki stöðvað
Við höfum ekki gert neínar
ráðstafanir varðandi skemmt-
anahald og höfum ekki leyfi til
að gera slíkt nema í samráði við
heilbrigðisyfirvöld, sagði Bragi
Ólafsson, aöstoðarborgarlæknir,
sem að undanfömu hefur átt
annríkan dag við að sprauta
fólk með bóluefni gegn flens-
unni. Við höfum ekki sönnur
fyrir þvi ennþá að flensan sé
komin til Reykjavíkur, en nokk-
ur veikindatilfelli benda þó til
þess, sagðj hann. — Við fengum
1500 skammta hingað á heilsu-
vemdarstöðina og auk þess var
læknum og sjúkrahúsum sent
bóluefni.
— Hafið þið haft einhverjar
spumir af flensunni, hvemig
hún lýsir sér.
— Við höfum aðeins frétt af
henni frá Englandi. Hún ber
þessi venjulegu flensueinkenni.
□ Bezta ráðið
rúmlega
Það bezta sem hægt er að
ráðleggja fólki, er aö liggja
í rúminu, sagði Örn Bjarnason,
héraðslæknir í Vestmannaeyjum
en þeir Eyjaskeggjar hafa öðr-
um fremur komizt 1 kast við
flensuna 1 bili að minnsta kosti.
— Visir hringdi heim tii Arnar
í gær, en hann var þá altekinn
af flensunni eins og raunar
megnið af Eyjaskeggjum.
Þetta breiöist mjög hratt út,
sagði hann, óvenjufljótt og þessu'.
fylgir mikill hiti, miklir bein-
verkir og hósti. Við reiknum
með að milli 30 og 40% bæj-
arbúa hafi legið hér samtímis.
Þetta hefur grafið um sig á ör-
fáum dögum. Við uröum fyrst
verulega varir við þetta á föstu-
daginn í fyrri viku.
Á mánudag vantaði eitthvað
115 nemendur í gagnfræðaskól-
ann og á þriðjudag var þriðj-
ungurinn lagztur. Þá var ekki
um annað aö gera en loka skól-
unum.
— Hvemig hefur flensan bor-
izt til Eyja?
— Hingað hafa verið beinar
samgöngur við England. Bæði
hafa bátar héðan verið þar í
söluferðum og eins hafa komið
hingað erlendir sjómenn, bæði
vegna meiðsla og annars. Það
er ekki nokkur vegur að hamla
á móti þvi að þetta berist til
okkar.
— Þið hafið ekki fengið neitt
bóluefni í tíma?
— Nei, við höfum engan bólu-
sett. Við aukakvillum gerum við
auðvitað viðeigandi ráðstafanir
— fúkkalyfin eru þá alltaf til
staðar, en bezta ráðiö er sem
sagt rúmlega.
□ Kemur í ljós
næstu daga
— Ekki get ég fullyrt það með
neinni vissu, að flensan sé kom-
in hingaö, sagði Þóroddur Jónas-
son, héraöslæknir á Akureyri,
það er þá í það minnsta ekkert
sem heitir ennþá að minnsta
kosti, en þetta kemur nú í ljós
næstu daga. Það hefur borið
talsvert á kvef- og hálsbólgutil-
fellum, en hvort þar er flensan
á ferðinni er ekki svo gott aö
segja til um. Við erum að bólu-
setja héma núna. Bóluefnið er
raunar mjög takmarkað.
— Hverjir njóta forréttinda í
bólusetningu hjá ykkur?
— Það er alls staðar sama
regla um forréttindahópa varð-
andi bólusetningu. Þaö er lög-
reglan og slökkviliðið,' Starfsfólk
sjúkrahúsa, apóteka og toll-
verðir. Nú svo reynum viö aö
sprauta að minnsta kosti einn
mann á hverjum bæ f sveitinni
hér f kring, svo einhver verði
uppstandandi til þess að sinna
búinu. Ef þetta hleypur þá
ekki í ham áður en bóluefniö fer
aö verka. Nú, svo reynum við
að bólusetja gamalmenni og
sjúklinga.
□ Beint samband með
bátunum frá Englandi
Búast má við að flensan stingi
sér fljótlega niður á ólíklegustu
stöðum, ekki sízt í sjávarpláss-
unum, vegna þess aö beinn sam-
gangur hefur verið við enskar
hafnir. Islenzkum bátum hefur
orðið tfðförult til Hull, Grimsby
og vfðar f fisksölu. — Til dæmis
munu líklega vera komin upp
nokkur tilfelli af flensunni 1
Keflavík og líklega vfðar þar suð
ur með sjó.
Og noröur við Grímsey hefur
skipshöfnin á togaranum Kald-
bak legið um borð í skipi sínu,
sjálfviljug f sóttkví. Helmingur
skipshafnarinnar lagðist á ör-
skömmum tíma eftir að búið var
að losa fisk í Grimsby og skip-
verjar hafa ógjama vilja fá þaö
orð á sig að þeir kæmu meö
flensuna til Akuréyrar. Þeir hafa
því tekið þann kostinn, þótt
naumast sé hann fýsilegur að
leggjast fyrir akkeri og liggja úr
sér flensuna um borð. En þessi
ráðstöfun verður þó naumast
annað en gálgafrestur fyrir Ak-
ureyringa, sem og aðra. — Allar
líkur benda til að flensan fari
einmitt að „grassera“ þegar há-
tíðin stendur sem hæst. — Sem
sagt beinverkir og hóstakjöltur
um jólin.
\
□ 18 ára eða hvað?
Ein 11 ára símaöi í gær: Mér
finnst Bryndís Schram of tepru-
leg sem þulur í sjónvarpinu með
allar þessar hárgreiðslur sínar
og eymalokka. Hún reynir líka
að vera of lengi á skerminum í
einu. Heldur hún kannski aö
hún sé 18 ára, eða hvað?
Ekki er umsjónarmaður þessa
dálks á sama máli. Bryndís er
ákaflega geðug stúlka. Hún
mun vera rétt liðlega þrítug,
hefur ágæta framkomu til aö
bera til að kynna okkur dag-
skrá sjónvarpsins og að auki er
hún leikskólamenntuð, sem
heyra má af óvenjugóðum fram
burði hennar.
Afbrýðisemin virðist byrja
snemma hjá þvf ágæta „veika
kyni“, eða hvað finnst lesendum
um það?
□ Kappakstur á
strætisvagni
Ég er nú varla enn búinn að
ná mér eftir hræðsluna, samt eru
liðnir tveir dagar, síðan ég
varð þátttakandi í ógurlegum
kappakstri í strætisvagni niður
Skúlagötuna, nánar tiltekið í
Álftamýrarvagninum.
Forsaga málsins er sú, aö
ég var a leið í vinnuna héma á
fimmtudagsmorguninn rétt fyrir
klukkan níu og allir muna nú
hvemig færðin og veðurhamur-
inn var þá. Ég sat auðvitað í
strætisvagninum eins og venju-
lega og þá gerist það, að ógur-
lega stór vömbíll „svínaði" fyrir
strætisvagninn, sem auðvitað er
alveg bannað og alls ekki afsak-
anlegt. Það sem verra var aftur
á móti, var að bílstjóri strætis-
vagnsins brást svo reiður við
þessari framkomu bílstjórans á
vörubílnum, að hann i skapofsa
steig „bensínið í botn“, og áfram
þaut vagninn á ofsahraða f hálk-
unni og myrkrinu, með 40 far-
þega innanborðs.
Ég er svo sannarlega ekki bú-
inn að ná mér eftir þá hræðslu,
sem læsti sig um mig þennan
fimmtudagsmorgun.
Skjálfandi.
□ Lítið jólatré
Ég ætlaði að kaupa mér lftið
og huggulegt rauðgreni-jóla-
tré til að hafa f herbergi
mínu, sem ekki er mjög stórt og
þvf mátuleg stærð fyrir mig
svona 1 metra tré.
En mér til skelfingar komst ég
bara að því, að þau eru öll búin
og ekkert eftir nema þau, sem
eru tæpir tveir metrar og svo
þaðan af stærri. Ég verö þvf ann-
að hvort að gera það upp við mig
í hvelli, hvort ég á alls ekkert
jólatré að kaupa, eða leysa
vandann með því aö kaupa gervi-
jólatré, en það er bara það, að
þau eru alls ekkert skemmtileg,
það er nú enginn greniilmur af
þeim. Ég vildi því bara biðja þá
þarna hjá Landgræðslusjóði og
Alaska að flytja nú inn fleiri lítil
og hugguleg jólatré fyrir næstu
jól heldur en þeir hafa gert nú
í ár, eða að minnsta kosti að til-
kynna rækilega uro komu þeirra
til landsins, svo að maður geti
bara keypt sér eitt á sldpsfjöl.
Heimasæta.