Vísir - 15.06.1971, Blaðsíða 13

VIS 1R . Priojuaagur ið. jum 1 tr/i.
•sss
13
Þegar plönturnar kvefast
— stafar það af rangri v'ókvun i sólskininu
— morgnarnir betri Jil v'ókvunar en kv'óldin
17f einhverjum hefur orðið það
á að starblína á nágrann-
ann vökva grasflötina sína
klukkan fjögur eða fimm að
næturlagi skal sá hinn sami ekki
vera of fljótur á sér að fara
að hugsa um þessa sérvitringa
og minnast með velþóknun, þeg
ar hann sjálfur vökvaði garðinn
í sólskininu síðdegis. Það hefur
nefnilega komiö í ljós í erlend-
um rannsókarstofnunum, að h'k-
lega sé bezti tíminn til gras- og
garðvökvunar einmitt að næt-
urlagi eða í morgunsárinu.
Yfirleitt þurfa garðeigendur
hér sunnanlands ekki að kvarta
undan því að sjá garðinn sinn
skrælna upp vegna þurrka, en
fyrir helgina kom þó þurrka-
kafli, og margir hafa gripið til
garðslöngunnar til að veita
gróðrinum hina nauðsynlegu
vætu. Ástæðan fyrir garðvökv-
un liggur kannski ekki alltaf
svona beint við. Það má finna
sálfræðilega skýringu einnig.
Góða veðrið heillar marga út í
garðinn og þá er tilvalið að
skemmta sér við að sprauta úr
garðslöngunni svona til tilbreyt-
ingar frá letilífi þess, sem ligg-
ur marflatur í sólbaði og svo
er höfuðið kannski búið að fá
nokkuð mikið af sólskini. Einnig
er miklu skemmtilegra að sjá
fallega brúna litinn á moldinni,
þegar búið er að vökva en þurr-
an moldarlitinn eftir sólskins-
dag eða þá grasgrænkuna eftir
að úðað hefur verið á garðinn.
Það eru ekki allir jafnhrifnir af
vökvtmaráhuganum og telja
hann jafnvel skaðlegan gróðri.
Einn þeirra er Ólafur B. Guð-
mundsson ritari í Garðyrkju-
félagi íslands.
J^jölskyldusíðan hafði samband
við hann fyrir helgina og
spurði hvað hann teldi að þyrfti
að vökva garðinn oft.
„Það hefur verið það þurrt
lengi að e. t. v. er nauðsynlegt
að úöa einhverju yfir garðinn,
en annars þurfum við nú lítið
á því að halda hér í Reykjavík
og mér finnst fólk eiginlega
vökva allt of mikið hérna.
Ég held, að það þurfi bein-
línis ekki að vökva nema þar
sem, jarðvegur er sendinn og
sáðsléttur, sem eru fljótar að
þorna, en f flestum görðum hér
í Reykjavík er leirjarðvegur.
í samfoandi við vökvunina þarf
endilega að taka það fram, að
það er betra og áhrifameira að
vökva sjaldnar og betur. Það er
ekki nóg að bleyta bara nokkra
sentimetra ofan í jörðina heldur
þarf rakinn að komast niður
eina eöa tvær skóflustungur.
Þegar vökvað er mjög oft hefur
það þau áforif á plönturnar að
það kælir þær og þær verða
gegnumkaldar og geta „hálfkvef
azt“ eftir heitan dag. Það er
helzt að vökva þurfi moldina
uppi undir húsveggjum, þar er
uppgufun meiri og þornar fyrst.“
— Hvenær sólarhringsins tel-
urðu bezt að vökva?
„I raun og veru er alltaf vökv
að á kvöldin, en ég hef þá trú,
að það sé betra að vökva á
morgnana en á kvöldin og senni
lega væri bezt að vökva milli
4 og 5 á næturnar. Það er betra
að halda sólarhitanum á plönt-
unum fram eftir kvöldinu heldur
en að skella á þær ísköldu vatni
þegar þær eru heitar af sól.
Það er heldur ekki gott að
vökva í mikilli sól, þá vill koma
skorpa ofan á moldina. Svo er
annað atriði, sem kemur þarna
til greina og það er, að ef
fólk þarf að vökva sínar viö-
kvæmu dýru plöntur eins og t.
d. dalíur og slíkar þá má þaö
ekki nota ískalt vatn. í gróður-
húsum tíðkast það að láta vatnið
standa í tunnu úti í sólskininu
og fá þá plönturnar vatnið hæfi-
lega volgt. Yfirleitt er bezt aö
nota vatn, sem hefur sama hita-
stig og loft og jörð. En þetta
er nú varla framkvæmanlegt
nema með dekurbörnin".
— Gildir þessi sama regia um
matjurtagarða?
,,Já, það er sama reglan.
Helzt á ekki að vökva ungjurt-
ir úr ísköldu vatni, heldur vatni
sem hefur verið látið standa í
tunnu, ef um lítinn matjurtagarð
&r að ræða en það er náttúr-
lega ekki framkvæmanlegt þeg-
ar garðarnir eru stórir.“
TTvað geturðu sagt méT fleira
um það, sem garðeigendur
þurfa að gera þessa dagana?
„Það er úðunin. Nú fer allt að
skriða í maðki. Ég ráðlegg fólki,
sem er ekki með því stærri
garða að úða sjálft. Það getur
notað litla úðara og getur sett
lítið á í einu, en stundum þarf
ekki að úða nema eina plöntu.
Það er sjálfsagt að fara varlega
með úðunarefnin og skilja þau
ekki eftiT á glámbekk.“
_ SB
an og lje
|>í i..............................
* *. Vöfcvunin héfúr áhrif á það hvemig garöurinn lítur út. Röng
í VokVui?jfetur-orðið til þess, að plönturnar hálf kvefist.
VISIR i VIKULOKÍN
HANDBÓK HÚSMÆDRANNA
VlSIR I VIKULOKIN
er orðin 360 síðna litprentuð bók í fallegri möppu,
sem inniheldur allt sem viðkemur konunni og
heimilinu.