Vísir - 04.08.1971, Qupperneq 3

VÉSIR. Miðvíkudagur 4. ágúst. 1971.
É
í MORGUN UTLÖNDK MORGUN UTLÖNO í MORGUN UTLÖNO 3 MORGUN ÚTLÖND
Umsjón: Haukur Helgason
Nýtt Gíneumál:
Öryggisráðið sendir rannsóknar-
nefnd að kanna ákærur um innrás
Öryggisráð Sameinuðu
þjóðanna samþykkti í gær
kvöldi að senda þriggja
manna nefnd til Gíneu til
að kanna, hvað hæft sé í
fullyrðingum um, að Portú
galar hafi gert árás á þetta
ríki í Vestur-Afríku.
Ráðið samþykkti einróma ályktun
artillögu sem lögð var fram af Sóm
alíu, Sierra Leone og fleiri rikjum,
en þar er sagt að verja skyldi sjálf
stseði Gíneu.
Portúgölsk nýlenda sem einnig
heitir Gfnea liggur að lýðveldinu
Gíneu á vesturströnd Afrfku.
Fuiltrúi lýðveldisins Gíneu hjá
Sameinuðu þjóðunum óskaði eftir
sérstökum fundi Öryggisráðsins. —
Hann sagöi, að ríkisstjóm sín hefði
komizt á snoöir um samtöi milli
erlendra flotadeilda og Portúgala.
Af samtölunum hefði komið fram
að brátt mundi reynt að leysa úr
haldi málaliöa og aðra útiendinga,
sem hefðu átt þátt i árás á Gíneu í
nóvember síðastliðnum.
Portúgalar neituðu í fyrrahaust,
að þeir hefðu átt hlut að innrás í
Gfneu en Öryggisráðið fordæmdi þá
engu að síður eftir að rannsóknar-
nefnd hafði farið til Gíneu og gefiö
skýrslu. Fyrir mánuði ákvað Ör-
yggisráðið að senda rannsóknar-
nefnd til Afríkuríkisins Senegal, er
það rfki haföi sakaö Portúgali um
árás. Nefndin hélt frá Senegal fyrir
nokkrum dögum og mun hún brátt
gefa skýrslu.
Eftir fundinn í Öryggisráðinu í
gærkvöildi hafði U Thant fram-
kvæmdastjóri samband við fulltrúa
frá ýmsum ríkjum til að ræða um
skipun rannsóknarnefndar. Er bú-
izt við að í nefndinni verði einn
ful'ltrúi frá vestrænu ríki, einn frá
kommúnistaríki og einn frá hlut
lausu ríki.
Stjórnin í Gíneu hefur látið hand
taka mikinn fjölda fólks, frá því að
samtölin heyrðust á útvarpsbylgj-
um. Herinn er við öllu búinn.
t/ppjbof gegn
Kínverium
á Jövu
Hermenn við alvæpni umkringdu
í morgun kínverska skóla í héraðs
höfuðborg á eyjunni Java í Indónes
íu eftir að 100 indónesískir stúdent
ar höfðu ráðizt á kinverska nem-
endur þar.
Um helmingur af 1,5 milljón
íbúum í þessari borg, sem nefnist
Semarang er af kínversku bergi
brotinn. Upphlaupsflokkar indónes
ískra nemenda æddu um borgina í
gærkvöldi og hrópuðu: „Molum Kín
verjana".
Stjórnvöld tilkvnntu í nótt að
allt mundi gert, sem nauðsynlegt
væri til að varðveita lög og reglu.
SKILDU EFTIR
GERYIHNÖTT
Hringekja haíursins
Þessi teikning gefur góða mynd af ástandinu í Arabaríkjunum, eins og það er nú.
Allt logar í illdeilum. Stjórnum er steypt eða reynt að steypa þeim að undirlagi
annarra Arabaríkja. Við styrjöld liggur milli sumra þeirra.
Geimfararnir í Apollo 15
taka í kvöld stefnu á jörð
eftir sinn mikla vísinda-
leiðangur á tunglinu. Aðal-
vél skal ræst kl. 21.18 til
að færa geimfarið á stefnu
til jarðar. Áður er heimferð
in byrjar, á að setja lítinn
gervihnött á braut um
tunglið. Gervihnötturinn á
að geta enzt í eitt ár og
mæla segulmagn. Þetta er
fyrsta tilraun sinnar teg-
undar í sögunni.
Um átján klukkustundum eftir
að aðalvélin hefur sett Apollo 15 á
braut til jarðar á A1 Worden að
fara í geimgöngu. Meðal annars er
honum ætlað að sækja ljósmynda-
filmur úr kassa utan á geimfarinu.
Geimfararnir áttu rólegan dag í
gær og þeir létu sjálfvirka Kerfið
safna flestum upplýsingum við
rannsókn þá, sem þeir gerðu á tungl
inu. Áður en þeir hvíldust í nótt,
skýröi Scott geimfari frá því að
enn einu sinni væri kominn leki að
drykkjarvatnsgeyipinum en sér
hefði tekizt að þétta án vandræða.
Lítilsháttar flóð varö i farinu í
gær vegna leka úr geyminum, áð
ur en orsökin fáhiigl. '
Samkvæmt seinustu tilkynning-
um frá geimvísindastöðinni í Houst
on vegur grjótið, sem þeir félagar
hafa meö sér um 77 kg.
Ef allt gengur samkvæmt áætlun
mun Apollo 15 koma niður í Kyrra
hafið á laugardag um kl. 20.46,
295 klukkustundum og 12 mínútum
eftir að honum var skotið upp frá
Kennedyhöfða.
□
n
I
Pakistan og Grikkland 0
Ö
Samþykkt i fulltrúadeildinni:
Hætt skuli aðstoð við
Fulltrúadeild Bandaríkja
þings samþykkti í gær-
kvöldi tillögu um að hætta
öllum hernaðarlegum og
efnahagslegum stuðningi
/ið Pakistan og Grikkland.
Samt er í samþykktinni
smuga sem stjórnin mundi
væntanlega notfæra sér til
að halda áfram að styrkja
Grikkland, að sögn Gerald
Fords leiðtoga repúblíkana
í deildinni.
í frumvarpinu segir, að ekki skuli
setja vopnabann á ríki, ef vopna-
sendingar séu alger nauðsyn fyrir
öryggi Bandaríkjanna.
Það var utanríkisnefnd fulltrúa-
deildarinnar, sem samdi frumvarp-
ið, fyrir mánuði. Þar er sagt, að
stöðva skuli fyrst um sinn aðstoð-
ina við Pakistan og Grikkland til
að sýna, að Bandaríkjamenn séu
hvergi nærri ánægðir með ástandið
í innanríkismálum í Pakistan og
Grikklandi.
Þessar tillögur voru hluti af frum
varpi um heimild til ríkisstjórnar-
innar um að verja ákveðnu fjár-
magni til aðstoðar við erlend ríki.
Frumvarpið var í heild sinni sam-
þykkt með 200 atkvæðum gegn 192
og fer nú til öldungadeildarinnar.
Stjórn Nixon haföi í upphafi ætl-
að að veita Pakistan efnahags- og
hernaðaraðstoð, sem næmi um 10
milijörðum á þessu fjárhagsári.
6. 7. og 8. ágúst
er fjörið í Eyjum
Dagana 6., 7. og 8. ágúst er fjöriö í
Eyjum.
Á DAGSKRÁ er m.a.:
Hljómsveit Ingimars Eydal og
Þorstelns Guðmundssonar,
Ómar Ragnarsson,
Bessi og Gunnar,
Big Ben, , •
Guðmundur Jónsson,
Rió tríó,
Þrjú á palli,
brenna, bjargsig, flugeldasýning,
íþróttir, knattspyrna o.fl.
a
8