Lesbók Morgunblaðsins - 12.03.1950, Blaðsíða 15

LESBÓK MORGUNBLAÐSTNS
155
i.
AMERÍSKAR KÍMNISÖGUR
EINU SINNI birtist í blaði auglýs-
ing írá einhverjum heiðursmanni,
sem átti heima í Hálfmánastræti
nr. 5. Hann kvaðst vera að fara í
rannsóknaför til Afríku og vildi fá
ungan mann með sjer. Þessi ungi
maður átti að vera góð skytta, vera
vanur ferðalögum í hitabeltinu og
kunna eitthvað í málum Svertingj-
anna.
Sama kvöldið sat ungur maður í
drykkjukrá. Hann tók af rælni
blað, sem lá þar á borði og rendi
augum yfir það. Þá rakst hann á
þessa auglýsingu, og þegar hann
hafði lesið hana sagði hann við
sjálfan sig:
„Þarna er Englendingum rjett
lýst. Engum nema Englending, sem
býr í Hálfmánagötu mundi geta
komið til hugar að fara til Afríku
og hafa með sjer bláókunnugan
mann.“
Hann var að hugsa um þetta alt
kvöldið. Og eftir því sem hann
drakk meira, eftir því fanst hon-
um þetta skrítnara, og eftir því sem
honum fanst það skrítnara eftir því
drakk hann meira. Að lokum var
hann orðinn ofurölvi og dragnaðist
á stað klukkan eitt um nóttina og
ætlaði heim til sín. í ölvímunnr
gætti hann þess ekki hvert hann
fór og hann áttaði síg ekki fyr en
hann var kominn í Hálfmánagötu.
Og það vildi nú svo til að hann
hafði staðnæmst íyrir framan nr.
5. Þegar hann sá húsnúmerið minti
það hann á eitthvað og hann fór
að gruíla og grufla. Seinast mundi
hann — þarna bjó maðurinn, sem
ætlaði að fara rannsóknaíör til
Afríku.
Hann staulaðist upp dyraþrepin
og hringdi bjöllu. Eftir drykklanga
stund var komið til dyra. Hálf-
klæddur þjónn opnaði.
— Hvað viljið þjer? spurði hann.
— Jeg þarf nauðsynlega að tala
við húsbónda yðar undir eins.
— Það er ekki hægt, hann er
háttaður og sofnaður Get jeg ekki
skilað einhverju til hans í fyrra-
málið?
— Gengur ekki — gengur alls
ekki, urraði í hinum ölvaða. Það er
bráðnauðsynlegt að jeg tali við
hann sjálfur nú þegar. Þetta má
ekki fara annara á milli.
Nú var ekki um annað að gera
fyrir þjóninn en vekja húsbónda
sinn. Hann kom — miðaldra maður
í morgunslopp, syfjaður og úrillur
út af -því að vera rifinn upp úr
fasta svefni um miðja nótt.
_ — Hvað er yður á höndum?
spurði hann.
— Eruð það þjer, sem settuð aug-
lýsingu í blaðið um það að fá ungan
mann til þess að fara með yður til
Afríku?
— Já, og hvers vegna spyrjið
þjer um það?
— Af því að svo vildi til að jeg
átti leið hjerna fram hjá þá kom
jeg við til þess að segja yður frá
því sjálfur að jeg kæri mig ekki
um að fara með yður.
EINHVER skemtilegasti sögumað-
ur, sem jeg hef þekt, var leikarinn
Charlie Case. Hann hafði altaf
gamansögur á reiðum höndum og
ílestar voru um föður hans, sem
hefur verið allmikill óreglumaður,
eftir sögunum að dæma. Ein þeirra
var þannig:
— Einu sinni lá við að pabbi
kæmist í hann krappan. Fjöldi
manns krafðist þess að hann yrði
tekinn fastur fyrir það að hafa
aflað sjer fjár með svikum. En
hann sneri sig út úr því.
Málavextir voru þessir: Fjallbúi
nokkur bruggaði ramsterkt viský
og pabbi komst í það hjá honum.
Hann drakk þrjá væna teyga og
svo fór hann rakleitt til þorpsins
og leigði þar búð. Svo bauð hann
fólki að koma inn og skoða þar alls
konar dýr og snáka. Aðgangur
kostaði 10 cent. Fólk flyktist þarna
að, en sá ekki neitt í búðinni nema
bert gólf og veggi. En pabbi sá
öll þessi dýr sjálfur.
Nú urðu menn vitlausir og fóru
til sýslumannsins og kærðu pabba
fyrir svik. Þeir heimtuðu að hann
yrði tekinn fastur og þeir fengi
peninga sína aftur. Sýslumaður fór
í einkennisbúninginn sinn og kom
á staðinn.
Hann ætlaði að taka pabba fast-
an. En pabbi bauð honum inn fyrir
og gaf honum að súpa á viskýinu,
og svo seldi hann sýslumanni helm-
inginn í fyrirtækinu fyrir 300 doll-
ara.
V V V V V
Flugvjelarnar eru nú altaf að
verða hraðfleygari og hraðfleygari,
og það getur svo sem vel verið að
þar komi að þær fljúgi jafn hratt
og jörðin snýst. Og þá koma þess-
ar spurningar til úrlausnar:
1. Hve lengi verður sú flugvjel
að fijúga umhverfis hnöttinn,
a. ef hún flýgur í austur,
b. ef hún flýgur í vestur?
Setjum nú svo að einhver flug-
vjel iari háKu hraðar en jörðin
snýst, hvað verður hún þá lengi
að fljúga umhverfis jörðina,
a. í austurátt,
b. í vesturátt?
V V -L 4* -W ‘
í SPURNINGATÍMA
— Hver er þessi Lysenko?
— Það er maðurinn, sem íann upp
aðferð til þessa að breyta sauðum í
hal'ra.