Lesbók Morgunblaðsins - 28.04.1957, Qupperneq 9
LESBÓK MORGUNBLAÐSINS
245
Þetta eru klettamyndirnar af forsetum Bandaríkjanna. Fyrstur til vinstri er Georg VVashington, þá Thomas Jefferson,
þá Theodor Roosevelt og þá Abraham Lincoln. Myndin af Lincoln er 60 fet frá hársrótum niður á höku.
það landslag mjög í stúf við slétt-
una miklu.
Nafnið á fjöllunum er villandi
vegna þess, að þau eru ekki dimm,
heldur iðjagræn, því að þar vex
mikill skógur og eru trjátegundir
margar. Það er eðlilegt, að Indíán-
um sem lifðu á sléttunni, hafi þótt
fjöll þessi allgeigvænleg, enda var
sú trú þeirra, að þar byggi guðir.
Sagnir þeirra herma, að einu sinni
hafi hinn æðsti guð staðið á tindi
Bear Butte (sem stendur norðan
við aðalfjallgarðinn) og kallað svo
hárri rödd, að heyra mátti í tjald-
búðum Indíána víðs vegar um
sléttuna. Hann sagði þeim að þessi
fjöll væri heilög og þangað mætti
enginn maður stíga fæti sínum.
í fjöllunum hefði hann falið á víð
og dreif glitrandi steina, sem ljóm-
uðu eins og regnboginn. Sálir
hraustra manna fengi að koma til
fjallanna og skoða þessa steina og
venja augu sín við birtuna, áður
en þeir legðu út á hinar miklu og
eilífu veiðilendur. Lifandi Indíánar
mætti koma aö fjallsrótum og sla
þar tjöldum sínum til bráðabirgða
þegar þeir væri á veiðum. En ef
þeir staðnæmdust þar, kvaðst guð-
inn mundu láta hinn dutlungafulla
anda „Wakan“ slá þá, og skap hans
gæti hvorki fórnir né dansar mýkt.
Wakan er sama og elding, enda eru
stórkostleg þrumuveður tíð á þess-
um slóðum. í augum sumra Indí-
ána er Bear Butte enn heilagur
staður. Cheyenne-Indíánar, sem
heima eiga í Montana og Okla-
homa, koma þangað pílagrímsferðir
á hverju sumri. Undir fjallinu fasta
þeir og biðja. „Þeir biðja aðallega
um regn“, segir maður sem þarna
á heima, „og hvort sem þið trúið
því eður ei, þá kemur altaf regn“.
Náttúrufegurð er stórkostleg í
fjöllunum, og hvítir menn sem þar
eiga heima, vilja hvergi annars
staðar vera. Um það er þessi gam-
ansaga: í hvert skifti sem einhver
þeirra kemur til himnaríkis, þá
segir sankti Pétur: „Nú, hann er
frá Dimmafjallgarði þessi; þá er
bezt að fjötra hann undir eins, því
að annars strýkur hann heim aft-
ur“.
Það var á árunum 1863—64 að
Sioux Indíánar sömdu frið við
stjórnina. Var þeim þá fengið til
umráða svæði fyrir austan Dimma-
fjallgarð, og auk þess var talið að
þeir ætti fjöllin, af því að þau
voru þeim heilög.
Árið 1874 fól stjómin George A.
Custer herforingja að rannsaka
fjöllin. Hafði hann með sér marga
hermenn og auk þess voru vísinda-
menn með í förinni, eða alls rúm-
lega 1000 manns í hópnum. Þeír
komu að fjöllunum að vestan og
gengu á hið einkennilega fjall
Inyan Kara, sem er í Wyoming
Nafnið er indíanskt og þýðir „fjall
innan í fjalli“. Þetta er gríðarmikill
gostappi, 6374 fet á hæð. Þaðan
héldu þeir svo eftir Floral Valley
og lýsti Custer leiðinni svo: „Leið
okkar lá í gegn um blómahaf, ang-