Lesbók Morgunblaðsins - 25.06.1967, Side 15
NÝJA PLATAN
ITLANNA
Bítlarnir hafa lag á því að koma á óvart. Nýjasta LP-platan
þeirra, sem nefnist Sergeant Pepper’s Lonely Hearts Club liand,
er í konsertformi. Hún hefst og endar á titillaginu. A milli
þessara tveggja útsendinga af „Sergeant Pepper“ eru tíu lög,
öll ólík hvert öðru og bráðskemmtileg. Þó er sítarlag Georges,
„Within You, Within You“, eftirminnilegast á plötunni. Lög Pauls,
„When I’m 64“ og „Getting Better“, eru líka mjög góð. Sama
má segja um lag Johns, „She’s Leaving Home“, og hið vinalega
lag Ringos, „With a Little Help from My Friends".
Eltki veit ég hvort þessi plata er bezta plata Bitlanna til
þessa, þar sem ég hef aðeins einu sinni hlustað á hana. Upp-
taka hennar stóð yfir í fimm mánuði, svo að kröfurnar til henn-
ar mega vera miklar. Mér finnst platan mjög góð og hún á eftir
að seljast eins og heitar lummur.
Jöhn og Paul hafa samið öll lögin nema eitt. Það er „Within
You, Within You“, sem George samdi
Hér á eftir ætla ég að reyna að lýsa lögunum í þeirri röð,
sem þau eru á plötunum. Þess ber að geta, að engin hlé eru
á milli laga (konsertformið!)
HLIÐ 1:
Sergeant Pepper’s Lonely Hearts Club Band: Hljómsveit er að
stilla hljóðfæri sín, síðan heyrist ys og þys upptökusalarins.
Að endingu verða gítarar og trommur Bítlanna yfirsterkari.
Það er mikið „beat“ í laginu og Paul syngur um hljóm-
sveitina og hve gaman sé að leika fyrir stóran áheyrenda-
hóp. Laginu lýkur með allsherjar fagnaðarópum og næsta
lag byrjar án tafar ...
With a Little Help from My Friends: Lag með spurningum og
svörum. John og Paul varpa fram spurningum, en Ringo
svarar. Titilsetningin er endurtekin sí og æ. Mjög skemmti-
legt og taktfast lag.
Lucy in tlie Sky with Diamonds: í þessu lagi syngur John hárri
röddu, eins og úr fjarlægð. Eftir því sem líður á lagið færist
rödd hans nær. Kór syngur undir í öðrum og hraðari takti
en John. Lagið er um stúlku og upplýsta bryggju. Lagið
er rólegt en taktfast.
Getting Better: Áþekkt gömlu Bítlalögunum, þ. e. John og Paul
syngja í gamla dúrnum. Paul syngur ljóðlínuna um stúlk-
una sína. Söngurinn bjargar þessu lagi. Undirleikurinn er
stöðugur hávaði.
Fixing a Hole: Prekar rólegt lag, þar sem Paul er aðalsöngvari.
í miðju laginu kemur George með góða gítarsóló.
She’s Leaving Home: John syngur um stúlku, sem er að flýja
að heiman. Útsetning á þessu lagi er frábær. Strengjasveit
aðstoðar og er selló þar mest áberandi. Mjög frumlegur
undirleikur við algengan harmleik.
Beiing for the Benefit of Mr. Kite: Lagið lýsir sirkussýningu
og má sjá fyrir sér loftfimleikamennina og hestana. Þetta
er gömul tónlist færð í nútímabúning og mjög áheyrileg.
John annast sönginn.
Þá eru upptalin lögin á hlið 1. Lögin á hlið 2 koma í næsta
„Glugga“.
ELVI
Hér sjáum við gamla gcða
Elvis klæddan í froskmanns-
búning. Þessi mynd er úr einu
atriði nýrrar kvikmyndar, sem
hann leikur í og ber nafnið,
„Easy Come, Easy Go“.
HAYLEV
MILLS
Aldur: 20 ár.
Hæð: 160.0 sm.
IHár: Ljóst.
Augu: Blá.
Æviágrip:
Hayley Mills er yngst hinnar
frægu Mills-fjölskyldu. Hún
lék í sinni fyrstu kvikmynd
12 ára gömul og fékk þá leik-
verðlaun. Vann hjá Walt Disn-
ey í Hollywood um tíma. Hún
er nú að verða fullorðin stjarna
og er ákveðin í að komast
áfram og giftast ekki fyrr en
26 ára gömul.
Fyrsta myndin: Tiger Bay.
Næsta mynd: Wedlocked, or
All in Good Time.
f umslón Baldvins Jónssonar
og Bergs Cuðnasonar
ir Hœ^ mB
hseffa hgá Kinks?
Það er haft fyrir satt að for-
ingi The Kinks, Ray Davies,
muni á næstunni hætta að
koma fram á hljómleikum með
hljómsveitinni og snúa sér að
tónsmíði. Þá gegndi hann svip-
uðu hlutverki fyrir Kinks og
Brian Wilson fyrir The Beach
Boys, þ. e. a. s. yrði lagasmið-
ur og framleiðandi. Höfuð-
ástæðan til þessarar ákvörðun-
ar Rays er sú, að hann skortir
tíma til þess að semja lög The
Kinks, ef hann þarf að koma
fram á öllum hljómleikum
þeirra. Hann segir sjálfur að
maður komi í manns stað. Þó
segist hann munu virða alla
samninga, sem þegar hafa ver-
ið gerðir. „Ég hef bara ekki
tíma til að koma fram á hljóm-
leikum og vinna líka að lögun-
um. Þegar við förum í hljóm-
leikaferðir verð ég að hætta
öllum tónsmíðum, þó ég sé
í miðju kafi, og svo hefur
þetta líka slæm áhrif á félaga
mína í hljómsveitinni. Ég
mun halda áfram að syngja inn
á plötur með hljómsveitinni,
því lög mín eru samin með
tilliti til þeirra, sem nú eru í
henni. Það er engin ástæða til
að slíta sambandi mínu við
strákana. Ég hef líka hugsað
mér að taka að mér sjálfstæða
vinnu, ef hún getur samræmzt
starfi mínu fyrir The Kinks“.
Þrátt fyrir þessar staðhæf-
ingar Ray Davies vísaði um-
boðsmaður hljómsveitarinnar,
Robert Wace, öllu þessu á bug.
Hann sagði að það væri hrein-
asta fjarstæða að Ray væri
að hætta í hljómsveitinni, ekki
einu sinni um stundarsakir.
Orðrétt sagði hann: „Þetta er
hreinn uppspuni. Þeir sem
komið hafa þessu af stað,
hljóta að vera illa innrættir."
Hvað er hið sanna í þessu
máli? Tíminn einn sker úr því.
Ekki vantar heimildirnar! Við
skulum vona að umboðsmaður-
inn hafi rétt fyrir sér. The
Kinks eru mjög vinsælir hér-
lendis og á Ray Davies örugg-
lega stærstan þátt í því. Við
getum þó treyst því að hljóm-
sveitin verður óbreytt, a. m. k.
þegar hún leikur inn á plötur.
ENGLAND:
1. A White Shade of Pale ......... Procol Harum
2. There Goes My Everthing Engelbert Humperdinck
3. Waterloo Sunset....................The Kinks
4. Silence is Golden .................. Tremeloes
5. The Happening ..................... Supremes
6. Dedicated to the One I Love .. The Mama’s and the
Papa’s
7. Finchley Central.........New Vaudeville Band
8. Carrie Anne ...................... The Hollies
9. Sweet Soul Music .............. Arthur Conley
10. Then I Kissed Her ............... Beach Boys
ISLAND:
1. Ha, ha, Said the Clown ........ Mannfred Mann
2. This is my Song ................ Petula Clark
3. Waterloo Sunset ............... The Kinks
4. Puppet on a String .............. Sandie Shaw
5. Carrie Anne .......................... Hollies
6. Something Stupid ..... Frank og Nancy Sinatra
7. Mister Plesent ................... The Kinks
8. Now is the Hour .............. Rocking Ghosts
9. Ðedicated to the One I Love . . Mama’s og Papa’s
10. Then I Kissed Her ............... Beach Boys
Þess má að lokum geta, að lagið í 7. sæti á íslenzka
listanum er enn ekki komið á markað í Bretlandi.
25. júní 1967
LESBÓK MORGUNBLAÐSINS 15