Lesbók Morgunblaðsins - 22.10.1967, Blaðsíða 8

I
Tl Tl /TíT "pr ■p D)
\i} ULJ ÍÁÍI ]]
ra
I Fossvogi er verið að byggja heilan bæ og mest ber þar á raðhúsum, sem
þannig er komið íyrir, að útsýni nýtist bærilega. í neðstu röðinni eru
einbýlishús og hefur djúpur jarðvegur þar orðið mörgum dýr, enda nefndu
iðnaðarmenn þetta svæði að gamni sínu Feneyjar. A myndinni sjáum við
eitt af þessum húsum, en í baksýn er Borgarsjúkrahúsið.
Ef marka má af því sem komið er, verður kirkja Bústaðarsóknar hið veg-
legasta hús, og er merkilegt hvað einn söfnuður hefur getað færzt í fang
og lokið miklu á skömmum tíma. Þarna er starfandi bræðrafélag og mikið
fjör í málefnum kirkjunnar undir öruggri handleiðslu séra Ólafs Skúla-
sonar. Kirkjan stendur á fallegum stað austanvert við Bústaðarhverfið og
er þaðan fagurt útsýni til hinnar nýju byggðar í Breíðholti.
• Síðan stórvirk tæki voru tekin í notkun við malbikun gatna, hefur mikið
áunnizt í þeim efnum og er nú hægt að fara flestra sinna ferða innanbæj-
ar á malbikuðum götum. En gangstéttir hafa orðið í nokkrum undandrætti
og hefur það valdið því að moldin rennur og veðst út á malbikið, þornar
þar og rýkur upp í þurrkum. A þessu verður mikil breyting til bóta með
gangstéttunum og í sumar hafa íbúar við Langholtsveg fagnað því að fá
ágætar gangstéttir í stað malarinnar.
Hallgrímskirkja hækkar og hækkar, og hvar ætli þetta endi, spyrja menn. Það er í
tízku að vera á móti þessari byggingu; þó einhver hefði aðra skoðun, mundi hann
naumast þora að láta hana í Ijósi. Að vísu ætti fremur á hverjum tíma að byggja eftir
teikningum þeirra arkitekta, sem þá eru starfandi, en burtséð frá því verður Hallgríms-
kirkja líklega hin veglegasta bygging og myndarleg fjöður í hatti borgarinnar. Það hef-
ur verið fundið að því, að tvær eða þrjár stíltegundir komi fyrir í arkitektúr kirkjunnar,
en það er raunar engin nýjung; í fjölmörgum frægustu kiikjum álfunnar, kemur bæði
fyrir býzantísluir stíll, endurreisnarstíll, gótik og jafnvel barrok. Yfirleitt voru þessar
kirkjur líka óratíma í smíðum. Sunnan við Hallgrímskirkju hafa myndhöggvarar helg-
að sér reit og komið fyrir skúlptur, sem oft er unninn í járn, eins og sézt hér á mynd
inni.
22. október 1967