Lesbók Morgunblaðsins - 10.07.1977, Blaðsíða 2
\
I
i
í
Svæðið umhverfis Hafnarfjörð er frá
hendi náttúrunnar eitthvert fegursta
bæjarstæði, sem völ er á hérlendis. Að
vísu er fegurð svo afstætt hugtak, að
bezt er að fullyrða sem minnst um það
og jafnvel hugsanlegt, að einhverjum
þyki enn fegurra á Raufarhöfn eða
Selfossi. Látum það gott heita. Það
skiptir ekki máli, hvar er fallegast,
heldur hitt að það sem landið hefur
uppá að bjóða fái að njóta sín. Vel gróið
hraun getur verið undraland náttúru-
fegurðar eins og til dæmis kemur í Ijós
umhverfis Þingvelli og í Hafnarfjarðar-
hrauni.
Það er vegsemd að eiga þess kost að
byggja bæ í slíku byggingarlandi, en
eins og venjulega fylgir vegsemdinni
nokkur vandi. Sá vandi var prýðilega
ieystur hér fyrr meir, meðan jarðýtan
heyrði framtfðinni til og menn byggðu
íbúðarhús, sem voru að flatarmáli á við
tvö barnaherbergi á vorum dögum. Þá
réði landslagið bæði legu götunnar og
staðsetningu húsanna, en tignarlegir
hraunhólar fengu að standa óáreyttir
og urðu ásamt með hraunbollunum
slíkt efni f skrúðgarða, að tilbúnir
garðar af manna höndum verða hégómi
einn við hliðina á þeim. Gamli bærinn í
Hafnarfirði er sfgilt dæmi um þess-
konar byggð og stendur enn f fullu gildi
vfðast. Eftir að upp rann steinstypuöld,
var haldið áfram í sama anda og ekki
hróflað við landinu meira en þörf var á.
En með byggingu norðurbæjarins f
Hafnarfirði hefjast heldur dapurleg
þáttaskil. Að vfsu eru blokkirnar sjálfar
og byggðin öll með miklum myndar-
brag. En náttúran hefur hreinlega verið
afmáð; jarðýturnar látnar slétta allt út
svo hægt yrði að framkvæma reglu-
stikuskipulagið, sem verður til á
kontórum. Þegar þannig er að farið,
skiptir aungvu máli, hvort byggt er á
uppblásnum melum eða fagurlega
grónu hrauni.
Gísli Sigurðsson.
©
VANDINN AÐ
BYGGJA Á EINU
FEGURSTA
BÆJARSTÆÐI
LANDSINS
Hafnarfjarðarbær sækir fram til norðurs og vesturs og þar er byggt á landi eins og sést hér að ofan:
Hraunhólar og hraunbollar meðfallegum gróðri skiptast á. En því miður fær þetta ekki að halda sér og á
neðri myndinni sést, hvernig landið lítur út, þegar húsin eru komin upp.