Lesbók Morgunblaðsins - 10.07.1977, Qupperneq 8

Valtýr Pétursson skrifar um
hina stórmerku Kjarvalssýningu
sem nú stendur vfir á Kjarvalsstöðum
Hlustað á fossinn. Eigandi Guðmundur Jónsson.
SÝNING MEÐ
„FÍNA NÁTTÚRU”
Vor. Eigandi Perla Kolka
Um þessar mundir stendur yfir
sýning á verkum eftir Jóhannes
Sveinsson Kjarval, sem fengin
hafa verið að láni hjá einstakling-
um og fyrirtækjum. Hér koma
fram margar perlur Kjarvals, sem
ekki hafa áður komið fyrir sjónir
almennings. Þetta er stór og viða-
mikil sýning og fyllir Kjarvalssal.
Aðeins tvö verk á þessari sýningu
eru í eigu Reykjavíkurborgar, en
það eru hin kunnu verk „Sól og
sumar" og „Krítik". Að flatarmáli
eru þau verk með stærstu, ef ekki
allra stærstu verk, sem liggja eftir
Kjarval, en það þýðir auðvitað
ekki, að þau séu í hópi bestu
verka hans. Það kemur enda mjög
greinilega í Ijós á þessari sýningu,
að þessar stóru myndir standast
hvergi samanburð við obbann af
þeim listaverkum, sem á
sýningunni eru. Það leynist
heldur ekki, að Reykjavíkurborg
er raunalega fátæk af verkum
Kjarvals, þrátt fyrir hina miklu
gjöf, er borgin öðlaðist að lista-
manninum látnum. Þá er það
annað. sem blasir hér við, en það
er þörfin á þvi að fá skrásett verk
Kjarvals og gera tilraun til að
komast fyrir um það, hvert lífs-
starf hans var að vöxtum og hvar
það er niður komið.
Ég hef haft nokkuð með list
Jóhannesar Kjarvals að gera um
dagana. í tvö skipti hef ég ásamt
öðrurrí staðið fyrir yfirlitssýningu
á verkum hans og i því sambandi
skoðað mikinn fjölda verka eftir
Kjarval, en nú sé ég, að margt
hefur farið fram hjá okkur. Eitt
merkilegasta listaverk, sem
Jóhannes Kjarval virðist hafa látið
eftir sig, er á þessari sýningu. Hér
verður að fullyrða með fyrirvara.