Lesbók Morgunblaðsins - 22.09.1979, Blaðsíða 11

Ein aí endastöðunum í úthverf-
um Kaupmannahafnarborgar,
þangað sem lestir þjóta með
skömmu millibili lúngann úr sólar-
hringnum. nefnist Ballerup. Þaðan
getur fólk á sérstakri brautarstöð
tekið áætlunarbíla, er fara vítt og
breytt um nágrennið, m.a. til stað-
ar, er nefnist Veksö, smáþorps með
bóndabýlum og blómlegum gras-
völlum allt um kring. Einstaklega
friðsæll og yndislegur staður. Þar
eru bóndabýli í eyði, lfklega gamalt
herrasetur, er nefnist Veksölund.
og skilst mér, að þar fari fram
svipuð starfsemi og Myndhöggvara-
félagið okkar rekur að Korpúlfs-
stöðum. A.m.k. þóttist ég verða var
við vinnustofur myndhöggvara og
listiðnaðarmanna í húsunum.
Fyrir ári var tekinn upp sá
háttur að halda þar úti- og innisýn-
ingu á skúlptúr, og tókst framtakið
svo vel, að það var endurtckið í ár
og mun stefnt að því, að um
árvissan viðburð verði að ræða í
framtíðinni. Mér hafði verið sagt
frá því, að þessi sýning hefði fengið
sérstaklega góða dóma í f jölmiðlum
og listamanna á mcðal, — cinhverja
þá beztu, sem skúiptúr-sýning hefði
fengið í Danmörk um árabil. Ég
hélt því þangað einn sólbjartan
sumardag í júlí s.l., og var það eini
heili sólardagurinn, sem ég fékk f
Danmörk að þessu sinni. Þctta varð
sólskinsdagur hjá mér að öllu leyti,
því að sýningin þótti mér frábær, í
senn fjölbreytileg og áhrifarfk. Ifér
sá maður þau átök. baráttu við efni
og form, ásamt efnislegri kcnnd er
gripu skoðendur föstum tökum. Þá
bættist hér við hið þekkilega um-
hverfi með lítilli rauðri þorpskirkj-
unni sem bakgrunni sumra mynd-
verkanna og eina verzlunin í þorp-
inu var svo skemmtilega kramar-
búðarleg. — Þctta er svo stutt frá
stórborginni og samt hefur maður
það á tilfinningunni, að maður sé
kominn upp f sveit og unir glaður
við sitt, fær sér góðan bjór í
þorpskranni, áður en haldið er til
borgarinnar aftur. Ekki má gleyma
heilnæmu og tæru loftinu og eru
það mikil viðbrigði frá púströra-
mettuðu borgarloftinu.
En þannig cr þctta, það er vfða
stutt að fara úr borgarkjarna
Kaupmannahafnar á friðsæla staði,
þar sem mcnn geta slegið upp
matarveizlum ef vill (picnic). Stór-
borgin hefur sem sagt á sér margar
hliðar, og er ég þess fullviss, að
fæstir íslendingar, er þar dvelja
eða búa, þekki þær nema að litlu
leyti. Svo var því einnig farið með
sjálfan mig, og ég hef þó dvalið þar
f nokkur ár og komið þar við ótal
sinnum, — ég er stöðugt að upp-
götva nýjar hliðar á borginni og
umhverfi hennar og tengjast henni
nánari böndum.
— En ég var að herma frá hinni
hrifmiklu skúlptúr-sýningu og best
fer á því að halda sér við cfnið. Þó
að einungis 9 listamenn tækju þátt
f sýningunni, 8 danir og 1 ameríku-
maður hafði hún firnasterk áhrif á
mig, einkum, svo sem fyrr segir
vegna þess hve efnismeðferðin var
fjölþætt og fagmannlega staðið að
verki. Ilér var það bersýnilegt, að
hver og cinn var í kafi í listsköpun
sinni og að fátt annað kæmist að
þvf að slík verk gera mcnn ckki af
skyldurækni, í hjáverkum né að
gamni sfnu til að vera með ...
Myndirnar hér á síðunum tala
sfnu máli, vona ég, en sjálft andrúm
staðarins gat ég þvf miður ekki
flutt með mér. Heimsókn mfn til
Veksölund var mér mikil uppbót á
þvf, að ég átti þess ekki kost að sjá
hinar risavöxnu útihöggmyndasýn-
ingar í Antwerpcn og Brilssel, en
það er trúa mfn, að fáir hafi verið
mikið betri á þcim sýningum en
nfumcnningarnir í Veksölund.
Bragi Ásgeirsson
Waltcr Dusenbery USA: Skúlptúr 1978— 79.
Sören Georg Jensen: Skúlptúr, marmari 1978.
Herrasetrið ad Veksölund.
Gert Nielsen: Skúlptúr 1974—78, svartur marmari.
Jörgen Hauge Sörensen „Intcrruption“ Bronz 1979. Aísteypa af þessari litlu mynd var föl
fyrir litlar 2200 danskar krónur þ.e. 155.000 ísl. kr. En þar sem eintökin eru 35 talsins
má ætla að brúttótekjur listamannsins verði rúmlega 7 milljónir ísl. kr. Almennt verð
mynda á þessari sýningu þætti svimandi hátt á íslandi.