Lesbók Morgunblaðsins - 28.04.1984, Blaðsíða 9
Veitingaskálinn, sem snýst um sjálfan sig á tindi Schilthorn í2.970 metra hæd.
Drjúgur verður
síðasti áfanginn
EFTIR GÍSLA SIGURÐSSON
egar fjallgöngumenn eru spurðir, hversvegna í ósköpunum
þeir þurfi að ráðast á ókleifa tinda, þá er svarið: Vegna þess
að þeir eru þarna. Nú bar að vísu enga brýna nauðsyn til
þess að halda áfram með togbrautinni, sem liggur frá Miirr-
en og allar götur uppá tindinn Schilthorn í 2.971 metra hæð.
En vegna þess að kláfurinn var þarna — og skyggni gott
— þótti rétt að fá sér þynnra loft í lungun og skreppa
upp. Frá Miirren er langur og brattur áfangi á næsta
tind; lengsta haf, sem nokkur kláfur gengur eftir, les
maður í upplýsingunum um staðinn og ég sel það ekki
dýrara en ég keypti. Frá þeirri skiptistöð er aftur á
móti stuttur áfangi uppá tindinn Schilthorn og þunna
loftið finnst vel, þegar gengið er tröppurnar upp í veit-
ingahúsið; sumir aldraðir ferðalangar stóðu á öndinni
af mæði.
En veitingahúsið snýst um öxul og aldrei hefur maður
snætt hádegisverð með annað eins útsýni. Ég mæli
sumsé með rispunni þarna uppeftir, jafnvel þótt skrens-
inn kosti 50 franka á mann. Kláfarnir fara þétt; alltaf
troðfullir af fólki, — já, svona fara Svisslendingar að
því að selja landið.
Þegar kemur niður í dalinn að nýju lítur þorpið Múrr-
en út eins og hrafnshreiður uppi á bjargbrúninni, en við
höldum til Wengen, sem er frægur skíða- og sportstaður
uppi á brúninni austanvert
við dalinn. Þangað er ekki
heldur fært á bíl, en járn-
brautarlest gengur þangað
frá Lauterbrunnen. Svo þar
var bílnum lagt; það nauð-
synlegasta af farangrinum
tekið með og stigið uppí
þessa merkilegu lest, sem
klifrar upp brekkuna á
tannhjóli. Svona klifurlestir eru hentugar í Sviss og
lestin sú arna heldur áfram uppfrá Wengen, um skíða-
löndin, í jarðgöngum gegnum Eigertind og endastöðin
er í 3 þúsund metra hæð í skarði á milli tindanna
Jungfrau og Mönch.
Útsýnið þaðan hlýtur að vera mikið til það sama og af
Schilthorn, svo við fórum aðeins með lestinni upp til
Wengen, þar sem hægt er að fá inni á 27 hótelum —
sum voru raunar lokuð; eftir 21. sept. er millibilsástand
fram í desember, að skíðavertíðin hefst. Við fengum
herbergi á Hótel Eiger, sem er nýlegt og stendur alveg
við járnbrautarstöðina.
Wengen er stórkostlega fallegur staður og hér er líf í
tuskunum eftir að skíðatíminn hefst, en í september
WENGI
Interlaken
Yfirlitsmynd yfír fjallasvædid
Berncr Oberland. Nedst á mynd-
inni er bærinn Interlaken og beint
upp frá honum er dalurinn, þar
sem farid er til Miirren og Weng-
en, en Jungfrau og adrir tignarleg-
ir tindar að baki. Örin lengst til
hægri vísar á tindinn Schilthorn,
midörin vísar á þorpið Miirren á
bjargbrúninni, sem lýst var í síð-
asta blaði, en örin til vinstri vísar á
skíðastaðinn Wengen.
LESBÖK MORGUNBLAÐSINS 28. APRlL 1984 9