Lesbók Morgunblaðsins - 05.05.1990, Blaðsíða 11
BMW518
Ný og ódýran gerð af Fimmunni
Síðan BMW kom með nýju gerðina af Fimmunni
1988, má segja að sá bíll hafi farið óslitna sigur-
för. í skoðanakönnun meðal lesenda bílablaðsins
Auto Motor und Sport, sem birt var hér 7. apríl,
kom fram að enginn bíll hafði aðra eins yfirburði
Með 518-gerðinni er
reynt að breikka
kaupendahóp
Fimmunnar, því verðið
er um 300 þúsundum
lægra en á 520-gerðinni.
í sínum flokki; 57,9% af 114 þúsund lesend-
um blaðsins töldu hann vera beztan í efri
milliflokki. Þá er flokkað eftir stærð, en
alls ekki eftir verði.
í útlendri umijollun um BMW 520 hefur
mátt sjá, að eina gagnrýnin beinist að gömlu
6 strokka vélinni úr eldri Fimmunni, sem
af einhveijum óskiljanlegum ástæðum var
notuð áfram. Sú vél var orðin úrelt á þess-
um síðustu fjölventlatímum, engan veginn
nógu spræk og fremur eyðslufrek. Það urðu
mörgum vonbrigði, að boðið skyldi áfram
uppá þá vél í nýjum bíl sem var að öðru
leyti gerbeyttur til bóta. Til að fá vél, sem
samsvarar bílnum, verður að kaupa 525-
gftrðina, sem er hinsvegar dæmd út af
markaðnum hér með tollaákvæðum.
Markaður fyrir 520-gerðina er næsta tak-
markaður einnig, því hann kostar ekki
minna en 2.3 milljónir. Það er að sönnu
mikið fé, en kannski réttlætanlegt í ljósi
þess hvað aðrir bílar kosta, sem mikið vant-
ar uppá að standist samanburð. Nú er hins-
vegar kominn valkostur til viðbótar: BMW
518, sem kostar rétt innan við 2 milljónir
og um hann verður lítlega ijallað hér að
afloknum reynsluakstri. í fáum orðum sagt:
518 er að öllu leyti samskonar bíll og 520-
gerðin, nema hvað hann er búinn vélinni
úr 318-gerðinni, sem er ijögurra strokka,
16 ventla og 113 hestöfl..
Sú spurning hlýtur að vakna, hvort sú
lausn sé ekki vond. Hvort hann verði ekki
ákaflega vélvana í ljósi þess, að 6 strokka
vélin er þó 129 hestöfl. Þótt merkilegt megi
vírðast, er ekki svo. Að vísu er viðbragðið
í hundraðið fáeinum sekúntubrotum lakara,
eða 12,8 á móti 11,9. En sá munur finnst
ekki; þvert á móti gæti maður ímyndað sér
að óreyndu, að jfjögurra strokka vélin væri
ögn sprækari. í því sambandi hjálpar það
til, að með fjögurra strokka vélinni er bíllinn
90 kg. léttari, 1450 kg í stað 1540.
Sá sem hér var tekinn til kostanna, var
beinskiptur og maður getur aðeins sagt, að
áreiðanlega væri hann ennþá skemmtilegri
með stærri véi. En þessi er sannarlega ekk-
ert til að kvarta yfir. Og þrátt fyrir aðeins
íjóra strokka, er vélin ekki háværari en hin.
Sá sem þetta ritar ætti að hafa sæmileg-
an samanburð við eldri gerðina, BMW 520,
sem hefur verið daglegur farkostur skrifar-
ans í þrjú ár. Það er einföld niðurstaða, að
svo til allt í þessari nýju Fimmu hefur verið
endurbætt, utan það sem var svo gott, að
endurbætur geta naumast farið fram. Þá á
ég til dæmis við formið á sætunum, allan
frágang og útfærslu á mælaborði.
Hinsvegar er fjöðrunin miklu mýkri og
þar heftir aukin þyngd bílsins bætandi
áhrif. A 518-gerðinni eru diskahemlar að
framan, en borðar að aftan. Diskarnir hafa
verið stækkaðir og hemlunin er til muna
fljótvirkari en áður. Gírskiptingin hefur af
einhveijum ástæðum aldrei verið í hæsta
gæðaflokki í BMW þar til nú, að. hún gerist
með áður óþekktri mýkt og nákvæmni, svo
unun er að skipta.
Heildarlengdin er 4.72m. en hönnunin er
með þeim hætti, að bíllinn leynir stærðinni,
bæði að utan og innan. Einhveiju af innra
rými hefur verið fórnað frá eldri gerðinni
og kemur hvorttveggja til, að aukið.
straumlínulag á sinn þátt i því, en einnig
hitt, að bíllinn er svo efnismikill að innan.
Það er þykkara og sverara í öllu en gömlu
gerðinni og það gefur að sumu leyti góða
tilfinningu og öryggiskennd, en er á kostnað
rýmisins.
Aksturseiginleikar þessa bíls eru stór-
kostlegir; „ég verð að segja það“, eins og
forsætisráðherrann mundi orða það. Það er
tilfinning, sem verður að telja sér á parti
að aka honum. En eins og jafnan áður, birt-
ast kostirnir ekki í viðbragðshraða og engin
hætta að neinn fari úr hálsliðnum, þegar
tekið er af stað á ljósum. Þegar komið er
yfir hundraðið finnst fyrst til fulls, hvílíkur
gæðingur Fimman er. Það er því ljóst, að
sumir beztu kostir hans, svo sem hrað-
brautaakstur, getur ekki fengið að njóta sín
á Islandi. En vitaskuld er það aðeins einn
af kostunum og sannarlega eru nógu marg-
ir eftir, sem njóta sín til fulls hér, ekki sízt
hin frábæra fjöðrun, sem kemur að góðu
gagni á íslenzkum vegum. Niðurstaðan
verður sú, að 518-gerðin standi 520-gerð-
inni svo lítið að baki, að verðmismuninum,
rúmum 300 þúsundum sé undarlega varið.
Menn borga það fé þá fyrir vitneskju um 6
strokka vél undir húddinu, en ekki vegna
þess að það finnist.
GS
Framtíðin sótt í fortíðina
Ekkert er nýtt undir sólinni og ekki
skyldu menn láta sér bregða þótt
eitthvað sé kunnuglegt við svo-
nefnda framtíðarbíla sem fram-
leiðendur sýna gjarnan á bílasýningum til
að bera snilli sinni vitni. Rúm 40 ár skilja
þessa tvo bíla að í tímanum, hálfur hnöttur-
inn aðskilur framleiðendur og heill hafsjór
af tæknibreytingum. Þó eru þeir sláandi
líkir, nánast eins og framtíðarvagninn sé
rökrétt áframhald sömu gerðar frá sama
framleiðanda.
Líklega vefst það ekki fyrir neinum hvor
er eldri. Hann heitir Frazer Manhattan og
er amerískur, árgerð 1948. Saga hans er
nokkuð flókin, framleiðslan var á þessum
árum í höndum fyrirtækjanna Graham-
Paige, Frazer, Kaiser og ýmissa kombína-
sjóna þeirra. Þessi bíll var með 112 hest-
afla sex strokka vél og þótti afbragðs vel
smíðaður og er í dag eftirsóttur af söfnurum.
Framtíðarbíllinn er frá Nissan í Japan
og heitir NEO-X. Hann er 26 sentimetrum
styttri á milli hjóla en sá gamli. Vélin er
V-8 af fullkomnustu gerð og allt sem hugs-
ast getur er töivustýrt, vél, fjöðrun, mið-
stöð, sæti og hvaðeina. I NEO-X er fullkom-
inn fjarskiptabúnaður til samanburðar við
gamla lamparadíóið í Frazernum.
Það sem vekur einkum athygli við að
bera saman þessa tvo vagna, er að engu
er líkara en að Japanirnir hafi skoðað sig
um í fortíðinni, áður en þeir drógu línur
framtíðarbilsins. Nissaninn er vitaskuld hinn
nútímalegasti að útliti, en yfirbragðið er
sláandi líkt Frazernum, sem gæti eftir útlit-
inu að dæma verið „afi“ eða „langafi"
NEO-X. Svona getur tískan gengið aftur
og öðlast nýtt líf. Skyldum við kannski eiga
eftir að sjá utanáliggjandi bretti á einhverj-
um hátækniframtíðarbílnum á næstunni?
ÞJ
LESBÖK MORGUNBLAÐSINS 5. MAÍ 1990 1 1