Lesbók Morgunblaðsins - 11.06.1994, Page 1

O R G U N
L A Ð S
S tofnuð 19 25
s
22. tbl. ll.JÚNÍ 1994 — 69. árg.
MATTHIAS JOHANNESSEN
Land þitt og vor
En skógurinn logar í hverfulum huga þér
og himneskur eldur dauðans flöktandi tregi
og haustið fölnar í hnígandi sól og ber
sinn harm inn í skugga af andvana fæddum degi
því dagurinn hnígur og deyr við myrkan ós
og dularfullt landið þagnar við mold og steina
en hugurinn dvelur við mýkra og mildara ljós
en mér tókst að kveikja og logaði íyrir þig eina
en fuglarnir hætta að finna til í þér
og fingur dauðans hjarn á löngum vetri
en þögnin eins og þelmjúk nótt sem fer
sinn þýða dag og minningu öðrum betri
þú leitar skjóls og fuglinn flögrandi slær
sínum frjálsu vængjum að sólargeislunum rauðum
og það sem var tregafull tilhlökkun okkar í gær
er töfrandi vor og land þitt sem rís upp frá dauðum.
Sjá ennfremur bls. 2

HhÉBM