Lesbók Morgunblaðsins - 03.01.1998, Blaðsíða 2

Lesbók Morgunblaðsins - 03.01.1998, Blaðsíða 2
Morgunblaöið/Ámi Sæberg NÝÁRSTÓNLEIKAR Tríós Reykjavíkur verða sannkölluð fiðluveisla. í þau 24 ár sem Guðný Guðmundsdóttir hefur starfað sem konsert- meistari Sinfóníuhljómsveitar íslands hefur hún kennt fiðluleik við Tónlistarskólann í Reykjavík og þeir eru orðnir margir fiðluleikararn- ir sem notið hafa tilsagnar hennar f gegnum árin. Með Guðnýju og nemendum hennar á myndinni eru þeir Peter Máté píanóleikari og Þorkell Sígurbjörnsson tónskáld. Nýárstónleikar Tríós Reykjavíkur og Hafnarborgar • • FJOLMENN FIÐLUVEISLA NÝÁRSTÓNLEIKAR Tríós Reykjavíkur og menningar- og listastofhunar Hafharfjarðar, Hafnarborgar, verða haldnir í Hafnarborg á morgun, sunnudaginn 4. janúar, kl. 20. í til- efni af fimmtugsafmæli Guðnýjar Guðmunds- dóttur fiðluleikara 11. janúar nk. verður sann- kölluð fiðluveisla í boði á þessum þriðju tón- leikum tríósins í vetur sem skipað er þeim Gunnari Kvaran, sellóleikara og Peter Máté, píanóleikara, ásamt Guðnýju. Gestir verða fyrrverandi og núverandi nemendur Guðnýj- ar ásamt fleiri strengjaleikurum. Frumflutt verður verkið Ljósbogar eftir Þorkel Sigur- björnsson og er það fyrsta íslenska tónverkið sem samið er eingöngu fyrir fiðlur. Þorkell lýsir verki sínu Ljósbogum sem einföldum tónaleik. „Ljósbogar er vinar- kveðja til Guðnýjar og hennar ágætu nem- enda og titillinn vísar til allra fiðluboganna." Verkið flytja 26 fyrrverandi og núverandi nemendur Guðnýjar ásamt henni. Þá verður flutt fúga eftir Bach úr einleiks- sónötu fyrir fiðlu í g-moll í útsetningu Guðnýj- ar fyrir fiðlusveit. Þessi einleiksfúga þykir töluvert erfið og Guðnýju fannst skemmtÖegt að útsetja hana fyrir fiðlusveit og segja má að með því hafi þolraun fiðluleikarans verið ein- földuð. Þriðja verkið á efnisskránni er Hol- bergssvíta Griegs samin fyrir einleikspíanó og síðar útsett fyrir strengjasveit, á 200 ára dán- arafmæli Holbergs, árið 1884. Skáldið Hol- berg hefur oft verið nefndur Moliére norðurs- ins og í verkinu notast Grieg við form svítunn- ar og byggir á dönsum frá 17. öld. Síðast á efnisskrá tónleikanna er konsert fyrir píanó, fiðlu og strengjasveit eftir Mendelsohn sem var samin árið 1823 en þá var tónskáldið 14 ára gamalt og Gunnar segir að það sé með ólíkindum hversu mikinn þroska Mendelsohn hafði til að bera svo ung- ur að aldri. Mendelsohn var undrabarn eins og Mozart og þess þekkjast ekki önnur dæmi um jafn þroskuð verk tónskálda svo snemma á ævinni. Verkið gleymdist í meira en 100 ár en fyrir rúmum 30 árum fundu hjónin Eugene List, píanóleikari og Carroll Glenn, fiðluleik- ari, verkið og hófu til vegs og virðingar á nýj- an leik. Carol Glenn varð síðar kennari Guð- nýjar þegar hún var við nám í Bandaríkjun- um. Einleikarar verksins eru Peter Máté og Guðný. „Verkið er mjög krefjandi fyrir ein- leikarana en létt og skemmtilegt áheyrnar og blæbrigði þess minna mjög á Mozart," segir Gunnar. MENNING/ LISTIR NÆSTU VIKU MYNDLIST Þjóðminjasafn Islands I Bogasal: Allir fá þá eitthvað fallegt. Jóla- sýning, til 5. janúar. Listasafn Sigurjóns Ölafssonar Sýning vetrarins, Svífandi form. Verk Sig- urjóns Ólafsson. Safnið verður opið sam- kvæmt samkomulagi í janúar. Ásmundarsafn - Sigtúni Yfirlitssýning á verkum Ásmundar Sveins- sonar. Kjarvalsstaðir - Flókagötu Jóhannes Kjarval í austursal. Sýning á að- föngum safnsins árið 1997 í vestursal og miðrými. Á sýningarvegg í austursal eru sýndar húsateikningar. Safn Ásgríms Jdnssonar - Bergstaða- stræti 74 Kyrralífs- og blómamyndir ásamt myndum úr Reykjavík og nágrenni. Til febrúarloka. Þjóðarbdkhlaðan „Verð ég þá gleymd" - og búin saga. Brot úr sögu íslenskra skáldkvenna. Sýning á ritum og munum úr Kvennasögusafni. Til 31.jan. Stóðlakot, Bdkhlöðustíg 6 Snorri Ásmundsson. Til 19. jan. Gallerí Listakot „Gnægtarborðið", samsýning til. 3. jan. Galleríkeðjan Sýnirými Sýnibox: André Tribbensee. Gallerí Barmur: Ráðhildur Ingadóttir. Gallerí Hlust: Gunnar Magnús Andrésson. Síminn er 5514348. Ingólfsstræti 8 - IngóTfsstræti 8 Haraldur Jónsson sýnir til 11. jan. Listhús 39 Strandgötu 39, Hafnarflrði Samsýning 14 listamanna. Gerðuberg Valdimar Bjarnfreðsson. Til 18. janúar. Laugardagur 3. janúar Seltjarnarneskirkja: Kristján Eldjárn heldur gítartónleika kl. 16. Sunnudagur 4. janúar Glerárkirkja, Akureyri: Sinfóníuhljómsveit Akureyrar heldur tónl. kl. 17. Hafnarborg: Nýárstónleikar. Piðluveisla kl.20. Fimmtudagur 8. jandar Háskólabíó: SÍ. Vínartónleikar. Einsöngv- ari Sólrún Bragadóttir. Þjóðleikhúsið Hamlet, sun. 4., fim. 8., fós. 9. jan. Grandavegur 7, lau. 3. jan. Borgarleikhúsið Feður og synir, frums. fós. 9. jan. Galdrakarlinn í Oz, sun. 4. jan. Augun þín blá, sun. 4. jan. Njála, fós. 9. jan. Loftkastalinn Fjögur hjörtu, fós. 9. jan. Listaverkið, lau. 3. jan. ARNI RUNAR í GALLERÍ HORNINU ÁRNI Rúnar Sverrisson opnar sýningu á nýjum verkum í Gallerí Horninu, Hafnar- stræti 15 í dag kl. 15-17. Árni Rúnar lauk sveinsprófi í húsasmíði 1977 og stundaði eftir það nám við Myndlista- skólann í Reykjavík og Myndlista- og handíða- skóla íslands. Hann hef- ur haldið nokkrar einka- sýningar á verkum sín- um. Sýningin verður opin alla daga kl. 11-23.30, en sérinngangur er opinn kl. 14-18. Sýningin stendur til 21. janúar. GÍTARTÓNLEIKAR KRISTJÁNS ELDJÁRNS KRISTJÁN Eldjárn gítarleikari heldur tón- leika í Seltjarnarneskirkju í dag, laugardag kl. 16. Á efnisskrá eru verk eftir J.S. Bach, Fern- ando Sor, Leo Brouwer og Einojuhani Rauta- vaara. Kristján lauk burtfararprófi í djassgítar- leik frá Tónlistarskóla FÍH vorið 1995 og burt- fararprófi í klassískum gítarleik frá Tónskóla Sigursveins vorið 1996 þar sem hann naut leið- sagnar Einars Kristjáns Einarssonar. Kristján stundar nú nám við tón- listarháskólann í Turku í Finnlandi, kennari hans þar er Timo Korhonen. Kristján Eldjárn Arni Rúnar Sverrisson NYARSTONLEIK- AR í SELTJARN- ARNESKIRKJU SELKÓRINN á Seltjarnarnesi efnir til nýárstónleika í Seltjarnarneskirkju sunnu- daginn 4. janúar kl. 20.30. A efnisskrá eru íslensk og erlend tónverk, m.a. eftir Þorkel Sigurbjörnsson, Báru Grímsdóttur, raddsetningar Jóns Þórarins- sonar, J.S. Bach, Berlioz og Mendelssohn. Tónlistin er að mestu tengd jólum. Einsöng með kórnum syngur Þuríður G. Sigurðardóttir við píanóundirleik Arndísar Ingu Sverrisdóttur. Karen Jóhannsdóttir og Berglind Sveinsdóttir leika á þverflautu í einu laganna. Þessir tónleikar marka upphaf 30. aftnælis- árs Selkórsins. Stjórnandi er Jón Karl Ein- SINFONIAN SEMUR UM IAUNAHÆKKUN SAMKOMULAG náðist á gamlársdag í kjara- viðræðum hljóðfæraleikara í Sinfóníuhljóm- sveit íslands við samninganefnd ríkisins og framkvæmdastjórn Sinfóníunnar. Nýir kjara- samningar hljóða upp á 25-30% launahækkun. Gengið var að kröfu hljóðfæraleikara um breyttan vinnutíma. Samningurinn verður borinn undir atkvæði hljóðfæraleikara SÍ í byrjun næstu viku. Kostnaðarhækkun vegna samningsins í heild er 30%. Þá hefur samninganefnd ríkis- ins gengið að kröfu hljóðfæraleikara um eina fasta tónleika í viku og 6 tónleika á laugardög- um á ári en aðrir tónleikar verða greiddir í yf- irvinnu. Vinnuskylda hljóðfæraleikaranna á sviði eru 22 tímar á viku og að viðbættri heimavinnu hljóða vikulegir vinnutímar upp á 40 stundir. Runólfur Birgir Leifsson, framkvæmda- stjóri Sinfóníuhljómsveitar íslands, lýsir ánægju sinni með að samningar skuli hafa náðst um bætt kjör hljóðfæraleikara SÍ. „Ég er mjög ánægður með þær launahækkanir sem hljóðfæraleikararnir hafa fengið þótt ég hefði engu að síður viljað sjá meiri sveigjan- leika í samningnum," segir Runólfur Birgir. „En það þýðir ekki annað en vera ánægður þegar búið er að semja." Hann segir að eins og fjárhagsstaða Sinfóníunnar sé í dag standi hún ekki undir greiðslum fyrir fleiri en 5-6 aukatónleikum á ári. „Samningurinn dregur úr möguleikum á endurteknum tónleikum því að kostnaður við hverja aukatónleika verður meiri en áður." Hlíf Sigurjónsdóttir, formaður starfs- mannafélags SÍ, vill lítið tjá sig um nýja kjarasamninginn fyrr en hann hefur verið kynntur félagsmönnum. „Okkur þótti samn- ingurinn þó koma það mikið til móts við okkar kröfur að við samþykktum hann svo félags- menn okkur fengju sjálfir að dæma um," segir Hlíf. „Þessi tillaga sáttasemjara hjó á stóran hnút varðandi vinnutímaskilgreininguna og mér þykir ekki ósennílegt að félagsmenn gangi að þessu samkomulagi úr því að við gát- um fellt okkur við það." 1 LESBÓK MORGUNBLAÐSINS ~ MENNING/LISTIR 3. JANÚAR 1998 3=

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.