Lesbók Morgunblaðsins - 29.08.1998, Blaðsíða 16

Lesbók Morgunblaðsins - 29.08.1998, Blaðsíða 16
KÓRSÖNGUR æfður í kirkju. Morgunblaðið/Jim Smart GOÐAR ASTRIÐUR OG ANDLEG UPPLYFTING í SKÁLHOLTI KÓRA- og organistanámskeið var haldið í 24. sinn dagana 13. til 16. ágúst í Skálholti í Biskups- tungum. Námskeiðið er yfirleitt haldið í Skálholti en hefur einnig verið haldið á Hólum og í Reykjavík. Um tuttugu org- anistar og ríflega 200 félagar úr kirkjukórum landsins mættu til leiks að þessu sinni. Söngmálastjóri þjóðkirkjunnar, Haukur Guðlaugsson, telur starfið sem felst m.a. í kóra- og organistanámskeiðunum afar mikil- vægt öllu kirkju- og kórastarfi í landinu. Fyrsti Söngmálastjóri þjóðkirkjunnar var Sigurður Birkis en embætti Söngmálastjóra var stofnað árið 1941. „Hann lagði ætíð mikið upp úr starfi kóranna, ferðaðist á milli þeirra og stofnaði þá í raun. Sigurður gegndi þessu starfi fram til 1961 þegar doktor Róbert Abraham Óttósson tók við. Ég tók svo við árið 1974 og er því sá þriðji sem gegnir embættinu. Hver okkar hef- ur auðyitað farið að einhverju leyti sínar eigin leiðir. Ég er búinn að vera í þessu í 24 ár." Með námskeiðunum og aðdragandanum að þeim eru kórar landsins og starfsemi þeirra sæmræmd. „Það fer mikill tími í undirbúning. Efhið fyrir þetta námskeið var sent út í vetur til allra þátttakenda. Núna leggjum við m.a. áherslu á verkefni eftir Kodály, Fauré, Passíu- sálmana og raddsetningar eftir Bach. En þetta er nú ekki allt á þungu nótunum. Við erum alltaf með skemmtun í Aratungu þar sem við getum fengið útrás fyrir veraldlegt efni." Starf Söngmálastjóra einskorðast ekki við námskeiðin. Tónskóli Þjóðkirkjunnar er á hans vegum og svo stendur hann að þó nokkuð viða- mikilli útgáfustarfsemi á nótna- og söngvabók- um. Þá er orgelleikurinn Hauki hugleikinn en hann telur að upp á vanti að nægilega margir leggi stund á orgelnám. „Stór þáttur í starfinu felst í því að hitta kórana og halda svona nám- skeið eins og þetta. En þar skipti orgelleikur- inn ekki sístu máli. Ég á mér reyndar draum. Það eru yfirleitt um 50 nemendur í orgelleik á ári en árið 2000 stefni ég að því að þeir verði orðnir 200. Til stendur að halda annað nám- skeið í sambandi við „orgelskólann" minn sem ég kalla svo en það er kennslubók í orgelleik sem ég er núna að leggja lokahöndina á. Orgelleikari í tveimur sólcnum Segja má að fólk á öllum aldri, frá táningum upp í fólk á áttræðisaldri, sæki kóra- og orgel- námskeiðin. Af góðri stemmningu í mann- Haukur Guðlaugsson Kristín Axelsdóttir Guðmundur Sigurðsson Nýlega var haldið árlegt kóra- og organistanámskeið sem Söngmálastjóri þjóokirkjunnar stendur f/rir. GEIR SVANSSON fór á vettvang og ræddi vio þátttakendur og stjórnanda. skapnum er greinilegt að kynslóðabil háir eng- um. Aldursforsetinn að þessu sinni er Kristín Axelsdóttir orgelleikari. Hún hefur sótt nám- skeið söngmálastjóra frá því 1963. „Ég fór til Róberts Abrahams þegar hann hélt fyrsta org- elleikaranámskeiðið sitt." Kristin er fædd og uppalin á Ási í Kelduhverfi en fiutti í Gríms- staði 1948 og hefur verið þar siðan. Var fyrst bóndakona en rekur núna ferðaþjónustu bænda á sumrum en býr á Egilsstöðum yfir vetrartímann. „Ég hef spilað í kirkjunum okkar þarna á Fjöllum. I Möðrudal síðan kirkjan var byggð 1949 og í Víðifellskirkju sem er kirkjan okkar á Grímsstöðum. Möðrudalskirkja er í Múlasýslu en okkar í Norður-Þingeyjarsýslu. Ég nýt því þeirra hlunninda að fá að vera bæði með fólki í Múlaprófastsdæmi og Þingeyjarsýslu! Það er mjög gaman." Kristín segist hafa byrjað snemma að læra. „Tíu ára gömul lagði ég það á mig að fara með skipi frá Kópaskeri til Þórshafnar. Þar bjó móðursystir mín sem vildi gjarna kenna mér á orgel. Svo bara hélt ég áfram þegar ég komst í tæri við einhverja kennara. Ég fór tvo vetur þarna á milli og var í þrjá mánuði í senn. Ég fór svo til Akureyrar og komst þar í kynni við Sigurgeir Jónsson gamlan organista við Akur- eyrarkirkju og lærði af honum. í hvert sinn sem ég komst í návist við einhverja sem gátu kennt, þá greip ég tækifærið, alltaf! Það er alveg sérstakt að vera hérna í Skál- holti. Þetta gefur manni svo mikið; söngurinn, kennararnir og staðurinn. Ekki síst staðurinn. Haukur er frábær sem kennari og hann er sál- fræðingur held ég líka! Hann hefur líka alltaf valið með sér framúrskarandi kennara. Maður kemur endurnærður frá námskeiðunum hérna og eiginlega ekki hægt að lýsa því hvað þetta er mikil upplyfting. Jónas Ingimundar var nú kennarinn okkar hérna einu sinni og hann sagði að tónlistin væri drottning allra lista og ekkert gæfi manni eins mikið og að vera með í músík. Þetta gildir fyrir alla. Þetta er ástríða eins og margt annað. Góð ástríða, held ég." Organisli i afleysingum Guðmundur Sigurðsson telst í yngri kanti námskeiðsgesta. Hann er Reykvíkingur, fædd- ur 1972. Hann leggur stund á orgelleik og hef- ur sungið í kórum. „Ég byrjaði í píanóleik 8 ára gamall og lauk því námi 16 ára. Fór líka í gegn- um þetta hefðbundna nám og lauk stúdents- prófi frá Menntaskólanum í Hamrahlíð árið ¦ 1994. í Tónskóla þjóðkirkjunnar hóf ég nám í orgelleik 1990 en Cantosprófi eða kirkjutón- listarprófi lauk ég þaðan árið 1996." Þessa dagana er Guðmundur organisti í af- leysingum en það segist hann hafa gert alla tíð, jafnframt náminu. Hann hyggur á frekara nám og stefnir til útlanda eftir áramót. Ekki þó á „hefðbundnar" slóðir organista. „Eg ætla að brjóta út af venjunni og fara til Bandaríkjanna. Ég veit ekki um neinn Islending sem hefur far- ið þangað í kirkjumúsík, kórstjórn og því um líkt. Ég ætla að prófa þetta og sjá hvað setur. Skólinn heitir Westminster Choir College í Princeton í New Jersey. Eg var þar í einka- námi síðasta haust en fer inn í skólann núna. Námið sjálft er tvö ár en ég reikna með að verða þrjú. Að því loknu stefni ég að því að komast að í kirkju hér heima." Guðmundur var að þessu sinni aðstoðarmað- ur Söngmálastjóra. Hann hefur áður aðstoðað við kennslu en gegndi núna viðameira hlut- verki. „Þetta er í fyrsta sinn sem ég er með Hauki í skipulaginu, við að undirbúa námskeið- ið. Þó hann velji verkefnin þá er ýmislegt sem þarf að sýsla í kringum þetta." Guðmundur var í hópí þeirra organista sem kenndu verkin. „Við skiptum okkur niður í svona raddkennslu- stöðvar, sópraninn kannski í kirkjunni, altinn kannski einhvers staðar allt annars staðar, ten- ór og bassi á sínum stöðum. Við tókum s.s. að okkur eina rödd hver fyrir sig og kenndum ákveðin verk. Síðan voru samæfingar sem stjórnendur verkanna sáu um sjálfir." Niður aldanna, grátur bernslcunnar Guðmundur hefur sótt fjögur sumarnám- skeið, öll skiptin nema eitt í Skálholti. „Nám- skeiðin eru einkum skemmtileg vegna þess að hérna koma saman kirkjukórar frá öllum landshlutum. Yfir tvöhundruð manns! Ef það næst upp góð stemmning í svona hóp þá er þetta ofboðslega skemmtilegt. Hérna mætast allar kynslóðir. Maður heyrir nið aldanna í sumum og grát bernskunnar hjá öðrum. Allur skalinn mættur! Ég tel að námskeiðin séu mjög mikils virði fyrir hinn almenna kirkjukórsmeðlim á íslandi. Þetta hristir upp í fólki, það kynnist nýjum verkefnum, nýjum stjórnendum og vinnu- brögðum. Síðast en ekki síst þá er þetta bara svo hvetjandi fyrir fólk að koma saman og fá að vita að aðrir eru að gera svipaða hluti í þjón- ustu fyrir kirkjuna. Þannig hafa þessi nám- skeið á vegum Söngmálastjóra verið mikil lyfti- stöng fyrir kirkjukóralíf á íslandi. 1 6 LESBÓK MORGUNBLAÐSINS ~ MENNING/LISTIR 29. ÁGÚST 1998

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.