Lesbók Morgunblaðsins - 16.01.1999, Blaðsíða 7

Á NÁMSKEIÐI í leirmótun fyrir 12-15 ára hjá Kolbrúnu Kjarval.
lögð áhersla á þróun undirbúningsnáms á
framhaldsskólastigi í sjónlistum, sem hefur
skilað sér í mjög vaxandi fjölda nemenda á því
námsstigi. Og í þriðja lagi höfum við allt
áhugafólkið. Hér gefum við almenningi tæki-
færi til að kynnast heimi sjónlistanna, afla sér
þekkingar á myndlist sem njótendur en líka
sem skapendur, og fá hvíld frá sínum daglega
erli. Það eru mjög margir sem koma hérna til
þess að skipta um umhverfi og komast í aðra
vídd, þar sem allt snýst um hið sjónræna,"
segir Þóra. „Nám á borð við það sem hér er
boðið upp á stuðlar að næmi fólks fyrir um-
hverfi sínu, jafnt daglegu sem listrænu, jafn-
framt því að efla skapandi hugsun og skerpa
sjónskynjun þess. Við viljum opna fólki dyr
inn í heim sjónlista og byggja upp njótendur
lista. Það er ekki markmið í sjálfu sér að ala
upp myndlistarmenn, heldur að opna þennan
heim sem er svo mörgum lokaður, vegna þess
að þessi menntun hefur ekki verið sem skyldi
í þjóðfélaginu, þó að það sé nú sem betur fer
mikið að breytast.“
Það er mikill léttir fyrir starfsmenn og nem-
endur skólans að hafa loks fengið fastan sama-
stað. „Það sem skiptir sköpum á þessum tíma-
mótum er að við erum komin í húsnæði þar
sem við getum verið í friði. Það skiptir óskap-
lega miklu máli upp á það að geta einbeitt
kröftunum að skólastarfinu, því það hafa farið
ómældh' kraftar í það í gegnum tíðina að flytja,
finna nýtt húsnæði og innrétta. Nú höfum við
loksins vinnufrið. Við höfum líka þurft að nota
mikla ki-afta í að sannfæra ráðamenn um mikil-
vægi starfsins hér til þess að fá meira fé inn í
starfsemina. Því skólinn hefur verið á ystu nöf
hvað eftir annað og í rauninni er það með ólík-
indum að hann skuli vera starfandi ennþá. Það
er engu að þakka nema seiglu og eldmóð þeirra
sem að honum hafa staðið," segir Þóra.
GÓÐUR UNDIRBUNINGUR
FYRIR FREKARA
MYNDLISTARNÁM
„ÉG ákvað mjög snemma að fara í
Myndlista- og handíðaskólann,“ segir
Ingibjörg Böðvarsdóttir, sem er 21 árs
nemi í MHI og Myndlistaskólanum í
Reykjavík. „Eg byrjaði á barnanám-
skeiði í Myndlista- og handíðaskólanum
sex ára gömul. Svo hættu þau þegar ég
var níu ára og þá fór ég í Myndlistaskól-
ann í Reykjav/k og er búin að vera þar
meira og minna síðan. Ég byrjaði á
barna- og síðar unglinganámskeiðum, þá
fór ég á almenn námskeið, leir, teiknun
og módelteiknun. Svo hef ég verið í mót-
un mannslíkamans og nú er ég í keram-
ik,“ segir Ingibjörg.
Hún hóf nám í MHI á síðasta ári, í
fornámsdeild, og er nú á fyrsta ári í
grafík. Hún er ekki í nokkrum vafa um
að námskeiðin í Myndlistaskólanum
hafí verið góður undirbúningur fyrir
frekara myndlistarnám. Þar hafí hún
prófað svo margt, alveg frá því að hún
var barn. Þannig hafí hún fengið aðeins
meiri innsýn og viti betur út á hvað
hlutirnir gangi.
„Þetta er það sem ég hef
óhuga á"
„Mér fínnst mjög gott að hafa farið í
gegnum þetta og ég er mjög ánægð
með það,“ segir hún og bætir við að
hún hafi ofsalega gaman af myndlistar-
náminu. „Þetta er það sem ég hef
áhuga á.“ Hún segir mjög gott, and-
rúmsloft í Myndlistaskólanum í Reykja-
vík. „í MHÍ eru gerðar miklu meiri
kröfur til manns og stundum er meira
stress í gangi þar, en það er allt af-
slappaðra og þægilegra niðurfrá,“ segir
Ingibjörg.
Morgunblaðið/Ásdís
BRAGI Þór Guðjónsson einbeittur á svip með pensilinn.
GOH ANDRUMSLOFT OG
EKKERT KYNSLÓÐABIL
svolítið í þessu áður, ég var hálfan vetur í
Myndlistaskóla Reykjavíkur 1951, inni á
Laugavegi í Víðishúsinu. Ég var líka í
Handíða- og myndlistaskóianum á hiaup-
um á kvöldnámskeiðum, á árunum 1960-
1964. Svo fór ég á myndlistarsvið í öld-
ungadeild í Fjölbraut í Breiðholti tvo vet-
ur, í undirbúning fyrir myndlist."
Bragi þarf svo sannarlega ekki að
kvíða iðjuleysi, þó að hann sé hættur
launavinnu. „Það er stórkostlegt að hafa
þetta, maður hefur alltaf nóg að gera,“
segir hann. Segja má að ævistarf hans,
húsasmíðarnar, sé ekki alls óskylt því
sem hann fæst við núna. „Maður var nú
dálítið í teikningum í Iðnskólanum á sín-
um tíma.“ Hann segir andrúmsloftið í
Myndlistaskólanum alveg sérstaklega
gott og kynslóðabilið ekkert. „Ég hef
ekki kynnst nema góðu fólki hérna,“ seg-
ir hann.
BRAGI Þór Guðjónsson er einn þeirra sem
alltaf koma aftur á nárnskeið í Myndlista-
skólanum í Reykjavík. „Ég byrjaði árið
1989 og síðan hef ég verið hér á hverjum
vetri,“ segir Bragi, sem er húsasmiður að
mennt en er nú 71 árs gamall og kominn á
eftirlaun. En hefur þó alltaf nóg að gera -
í myndlistinni.
Hann byrjaði i olíumálun, sem hann hef-
ur lagt stund á æ síðan, og sömuleiðis
vatnslit og pastel. Hann hefur einnig tekið
námskeið i teikningu, módelteiknun og
-málun. „Núna er ég í ftjálsri málun hjá
honum Kristjáni Steingrími og módelmál-
un hjá Jóni Axel og Sigurði Orlygssyni,"
segir hann.
Hef ekki kynnst nemn
góðu fólki hérna
Bragi segist alltaf hafa haft áhuga fyrir
myndlistinni. „Ég var nú búinn að vera
Morgunblaðið/Ásdís
INGIBJÖRG Böðvarsdóttir mótar leir í Myndlistaskólanum á kvöldin og leggur stund á grafík
í Myndlista- og handíðaskólanum á daginn.
LESBÓK MORGUNBLAÐSINS ~ MENNING/LISTIR 16. JANÚAR 1999 7