Alþýðublaðið - 26.03.1987, Blaðsíða 9

Fimmtudagur 26. mars 1987
9
Segja má að stjórn-
málaþróunin hér á
landi hafi á undan-
förnum árum snúist í
einskonar vítahring,
sem aftur og aftur hef-
ur lokast með sam-
stjórnum Sjálfstæðis-
flokks og Framsókn-
arflokks. Sú ríkis-
stjórn, sem nú situr er
hin þriðja í röðinni,
samblanda frjáls-
hyggju og framsóknar.
Eflum Alþýðuflokkinn
sem nýtt landsstjórnarafl!
„AUt er, þegar þrennt er“ segir
málshátturinn. Mun þetta sannast í
komandi alþingiskosningum? Fær
framsókn frí og verður þessi ríkis-
stjórn kvödd? Ljóst er að um þetta
og fleira verður kosið í komandi al-
þingiskosningum. En meginmálið í
þessum kosningum verður þó tví-
mælalaust hvort áðurnefndur víta-
hringur verður endanlega rofinn.“
Með öðrum orðum verður hinn
gamalgróni valdamúr stjórnar-
flokkanna brotinn svo rækilega að
leiðir opnist fyrir nýtt landsstjórn-
arafl Alþýðuflokksins.
Alþýðuflokkurinn hefur gengið í
gegnum mikla endurnýjun undan-
farið og óhætt mun vera að fullyrða
að nýtt landsstjórnarafl hans hafi
verið að myndast. En spurningin er
nú hvort kjósendur bera gæfu til að
leiða jafnaðarstefnuna til öndvegis
i stjórnmálunum í alþingiskosning-
unum 25. apríl n.k. Ef einhver von
á að vera til þess að þessar kosning-
ar marki raunverulega þáttaskil
verður það áreiðanlega ekki með
öðrum hætti en að Alþýðuflokkur-
inn komi frá þeim með meira fylgi
en hann hefur áður fengið.
Frá því síðustu alþingiskosningar
fóru fram hefur Alþýðuflokkurinn
tekið miklum stakkaskiptum og má
í því efni minna á eftirfarandi:
Á flokksþingi 1984 tók Jón
Baldvin Hannibalsson við for-
mennsku í Alþýðuflokknum og
hefur hann verið mjög kraftmikill
og tilþrifaríkur sem formaður.
Enda var hann endurkjörinn for-
maður á síðasta flokksþingi með
nær einróma stuðningi.
í bæjar- og sveitarstjórn-
arkosningunum á síðasta vori
fékk Alþýðuflokkurinn góða út-
komu um allt land. í mörgum
stærri bæjarfélögum er flokkurinn
nú forustuafl og áhrif hans hafa
ekki verið jafn mikil á þeim vett-
vangi í langan tíma.
Á flokksþingi hinna
„sögulegu sætta“ í haust
gengu liðsmenn Bandalags jafnað-
armanna inn í raðir Alþýðuflokks-
ins og er það nú úr sögunni sem
slíkt, eins og skoðanakannanir
sýna.
Málefnagrundvöllur Al-
þýðuflokksins hefur verið
mjög skýr og hefur boðskapur
flokksins náð betur til fólks en oft-
ast áður. Þar á forusta flokksins og
þingmenn að sjálfsögðu stærstan
hlut.
Meiri samstaða er í röðum
Alþýðuflokksins en gerist í
öðrum flokkum. Við ákvörðun
framboða verða ætíð einhver átök í
flokkum. í Alþýðuflokknum hefur
slíkur ágreiningur verið jafnaður
meðan hatramur klofningur er nú í
öðrum flokkum, eins og landsmenn
hafa orðið vitni að síðustu daga.
í efstu sætum framboðs-
lista Alþýðuflokksins er
margt dugandi hæfileikafólk og ný-
ir menn hafa komið til starfa fyrir
flokkinn. Ber þar án efa hæst, að
Jón Sigurðsson, fyrrum þjóðhags-
stjóri, skipar efsta sætið á lista
flokksins í Reykjavík.
Hlutur kvenna hjá Al-
þýðuflokknum er nú myndar-
legri en áður hefur verið á fram-
boðslistum flokksins. Má búast við
að hlutur kvenna í þingmannahóp
Alþýðuflokksins verði stærri að af-
loknum kosningum en áður hefur
verið. í því sambandi er vert að geta
þess, að Jóhanna Sigurðardóttir,
varaformaður Alþýðuflokksins,
nýtur mikils álits fyrir dugnað og
málafylgju á Alþingi.
Það sem hér hefur verið nefnt,
hefur örugglega valdið því, að hver
skoðanakönnunin af annarri sýnir
að Alþýðuflokkurinn hefur verið
að festa sig í sessi sem næststærsta
stjórnmálaafl þjóðarinnar. Auðvit-
að hefur andstæðingum Alþýðu-
flokksins staðið mikill stuggur af
þessari þróun mála og hafa þeir
beint árásum sínum óspart að Al-
þýðuflokknum að undanförnu og
mun svo örugglega verða fram að
kosningum.
Sjálfstæðisflokkurinn hefur lýst
því yfir að Alþýðuflokkurinn væri
„aðalkeppinauturinn" við kom-
andi kosningar og var hleypt af stað
sérstakri „leiftursókn“ gegn Al-
þýðuflokknum kringum Iandsfund
þeirra Sjálfstæðismanna á dögun-
um. Hver endir ,verður á þeirri
„leiftursókn“ skal ósagt Iátið. En
hætt er við að Albertmálin eigi eftir
að setja þar einhver strik í reikning-
inn.
Allt útlit er fyrir spennandi og
viðburðaríkar kosningar hinn 25.
apríl n.k. Margt bendir óneitanlega
til þess að kjósendur hafi fullan hug
á því að stokka upp hin pólitísku
spil og umbreyta stjórnarfarinu og
flokkaskipaninni. Framboð og
flokkar verða nú fleiri í boði en áð-
ur hefur verið. Þannig að ljóst er að
margir kjósendur ætla sér að segja
skilið við þá flokka, sem farið hafa
með völdin síðustu ár, Sjálfstæðis-
flokk, Alþýðubandalag og Fram-
sóknarflokk. Enda er tími örugg-
lega til þess kominn að leita sér að
nýjum valkosti, sem vart getur verið
annar, en að efla Alþýðuflokkinn
sem nýtt landsstjórnarafl á kom-
andi árum.
Fœr framsókn frí og verður þessi
ríkisstjórn kvödd?
...hatrammur klofningur er nú í
öðrum flokkum, eins og lands-
menn hafa orðið vitni að undan-
farna daga.
Margt bendir óneitanlega til að
kjósendur hafi fullan hug á því að
stokka upp hin pólitísku spil...
alþýðu
SKAGINN —
VESTURLAND
sendir öllum
Ólafsvíkingum
hjartanlegar
hamingjuóskir
á 300 ára
verslunarafmœlinu
og árnar þeim allra
heilla í framtíðinni.