Alþýðublaðið - 23.04.1987, Blaðsíða 12

12
Fimmtudagur 23. aprfl 1987
Ingi Hafliði Gunnarsson:
Hvaða flokk kýst þú?
Það fer víst ekki framhjá neinum
að kosningar eru í nánd. Aliir fjöl-
miðlar eru uppfullir af hinum og
þessum slagorðum um ágæti hinna
ýmsu flokka og manna.
Aldrei áður hefur vöruúrvalið i
ísienskri pólitík verið eins mikið og
aldrei áður hafa verið eins miklar
breytingar á íslenskri pólitík á jafn
skömmum tíma.
En hvað stendur uppúr?
Eru það stjórnarflokkarnir sem
með sinni stefnu síðastliðin fjögur
ár:
Hafa aukið bilið milli ríkra og fá-
tækra.
Hafa lýst yfir miklu góðæri öll-
um til handa en samt logar allt í
kjaradeilum.
Segjast hafa bjargað húsnæðis-
málakerfinu en samt getur húsnæð-
ismálastjórn ekki staðið við Ioforð
um lánveitingu vegna þess að ríkið
stóð ekki við sín loforð um fjár-
magn eins og gert var ráð fyrir.
Hafa búið svo um hnútana að
fólk sem að greiðir sín lífeyrisjóðs-
gjöld í litla vanmegnuga lífeyris-
sjóði hefur engin lánsréttindi vegna
þess að þeirra sjóðir geta ekki greitt
umsamdar prósentur til húsnæðis-
málastjórnar eins og febrúarsamn-
ingarnir gerðu ráð fyrir.
Hafa náð niður verðbólgunni
sem að vissu leyti er rétt en þeir
gleyma því að það voru verkalýðs-
félögin og fólkið í landinu sem herti
sultarólina meðan milliliðir og
verslunareigendur sátu að kjötkötl-
unum og gera enn.
Er það
A Iþýðubandalagið?
Sem spilar sömu plötuna kosn-
ingar eftir kosningar um stóreigna-
skatt og hækkandi laun en sýndi
það eftirminnilega 1979—1983 að
kjarkinn vantaði til að breyta hlut-
unum þegar á hólminn var komið.
Sem bauð uppá kosningabanda-
lag við jafnaðarmenn löngu áður
en hin eiginlega kosningabarátta
byrjaði en gengur nú fram með
friðarpostulann í broddi fylkingar í
Reykjanesi með eintómt skítkast og
róg útí þá menn sem eru að stjórna
bæjarfélögum í anda jafnaðar-
mennsku og félagshyggju. Ekki eru
svona vinnubrögð vel til þess fallin
að mynda gagnkvæmt traust uppá
samstarf í framtíðinni.
Er það Kvennalistinn?
Sem segist ekki vilja spurning-
ar um húsnæðismál. Sbr. útvarps-
þátturinn Hringiðan sem sendur
var út 14. apríl síðastliðinn. Hefur
Kvennalistinn ekkert fram að færa
þar eða telja þær þetta ekki vera
kvenmannsverk? Eru þær ekki að
setja mörkin um það sem konur
eiga að gera?
Sem tala mikið um jafnrétti kynj-
anna en myndu ekki leyfa þeim
karlmönnum sem að vilja berjast
fyrir þeirra málefnum að taka sér
sæti á þeirra framboðslistum. Er
þetta jafnrétti?
Er það
Borgaraflokkurinn?
Sem er hugarfóstur nokkurra
manna sem eru eingöngu að hugsa
um sína eigin hagsmuni til þess að
geta matað krókinn enn frekar.
Sem samdi sína stefnuskrá á 2—3
tímum og lofar þar öllu fögru en
ekki eitt orð um hvernig gera eigi
hlutina heldur sýnir sig að er bara
sparðatíningur úr hinum og þessum
áttum. Þar sem menn hafa Iýst
því yfir að þeir séu og munu vera
„fyrirgreiðslupólitíkusar". Þá spyr
ég. Fyrir hvern? Á kostnað hverra?
Verður fólk virkilega að komast í
kunningsskap við þessa menn til að
geta fengið lán eða lóðaveitingar og
þess háttar hluti.
En' hvað stendur þá uppúr þessu
öllu saman?
Lítum á nokkrar staðreyndir áð-
ur en við svörum þessari spurningu.
Hvaða flokkur hefur lagt fram
ítarlega lausn á húsnæðismálum
unga fólksins með tiilögum um
kaupleiguíbúðir sem fela í sér að í
stað hárra afborgana og hárra vaxta
komi hóflegar mánaöargreiðslur
sem allir ráða við án óhóflegrar
vinnu fram á rauða nótt?
Hvaða flokkur hefur lagt fram
itarlegar tillögur um sameiginlegan
lífeyrissjóð allra landsmanna þar
sem að allir landsmenn munu fá
sinn réttláta lífeyri?
Hvaða flokkur hefur sagt að
þingmenn eigi ekki að gegna hinum
og þessum störfum í kerfinu svo
sem að sitja í bankaráðum?
Hvaða flokkur hefur sagt að
dreifa skuli fjármagns- og fram-
kvæmdavaldi til landsbyggðarinn-
ar?
Hvaða flokkur hefur sett fram
stefnu í því marki að stokka upp
ríkisbúskapinn og uppræta spill-
ingu í stjórnkerfinu þar sem „fyrir-
greiðslupóiitíkusar“ stjórna sér og
sínum til handa?
Hvaða flokkur hefur sagt ár eftir
ár að skattiausa þjóðin þ.e.a.s. stór-
eignamenn og fjármagnseigendur
eigi loks að borga sinn skerf til sam-
eiginlegra þarfa?
Hver fékk samþykkt lög um
framkvæmdasjóð fatlaðra sem rík-
ið hefur síðan svo gróflega svikist
um að greiða til umsamdar upp-
hæðir?
Veist þú svarið kjósandi góður?
Má ég heyra?... Og það var rétt. Það
er Alþýðuflokkurinn.
Kjósandi góður. Þú veist það
einnig jafnvel og ég að Alþýðu-
flokkurinn er:
Eini flokkurinn sem að hefur
sýnt samstöðu um stefnumál og
markmið fyrir komandi kosningar.
Eini flokkurinn þar sem eigin
hagsmunasjónarmið ráða ekki ríkj-
um.
Eini flokkurinn sem stendur af
sér umrót pólitískra slagsmála sem
mjög er í tísku um þessar mundir.
Eini flokkurinn sem þorir að
breyta hlutunum.
I kjörklefanurn kjósandi góður
hugsaðu málið, í hvað er atkvæðið
þitt að fara? Fer það íeinskisnýt
flokksbrot? Fer það í flokka þar
sem eiginhagsmunir ráða ríkjum?
Eða fer það til flokks sem vill breyt-
ingar landsmönnum öllum til
góða?
GERÐU EINS OG ÉG OG ALL-
IR HINIR. KJÓSTU A-LISTANN.
,lanosvegub
HESTHÁLS
KRÓKHAí-S
YMGHAsV-S
HÖFUM OPNAD AÐRA VERSLUN
Veriö velkomin
AUKIN ÞJÓNUSTA
- YKKAR HAGUR
Sérverslun með pípulagningarefni
VATNSVIRKINN HF.
Lynghálsi 3 Símar 673415 - 673416