Alþýðublaðið - 20.12.1994, Page 7
ÞRIÐJUDAGUR 20. DESEMBER 1994
ALÞÝÐUBLAÐIÐ
7
Menning
Skáldsagan er tölvuvírus
Geirlaugur Magnús-
son sendi nýverið
frá sér ljóðabókina
„Þrisvar sinnum
þrettán“. Stefán
Hrafn Hagalín átti
samtal við skáldið í
gær og þeir fóru um
víðan völl... Geir-
laugur segist yrkja
undir áhrifum „frá
krepputalinu í hel-
vítis fjölmiðlunum“
og aðeins tvær góð-
ar ljóðabækur hafa
komið út á árinu.
-Geirlaugur?
, Já. Það er hann.“
Komdu sœll, ég heiti Stefán Hrafn
Hagalín, blaðamaður á Alþýðublað-
inu, og œtlaði að eiga við þig stutt
samtal... Vœriþað ílagi?
,Já, já. En þú verður þá að Ieyfa
mér að fara fram og kveikja mér í
sígarettu...“ (Og skáldið fer og
kveikir sér í einni Gauloises - sterk-
ustu líkkistunöglum á jarðríki - sam-
kvæmt traustum heimildum blaðs-
ins. Snýr aftur.)
-Hvernig unir heimsmaður á borð
við þig - sem verið hefur langdvöl-
um í Frakklandi, Póllandi og Rúss-
landi - sér í smábœ á borð við Sauð-
árkrók? Leggst dreifbýlið vel iþig?
,Jaaaaa, ég held að það séu alls-
staðar smábæir. Eg er ekki heims-
borgari frekar en aðrir menn. Eflaust
hefúr þetta flakk mitt í kringum 1970
þó haft einhver áhrif á mig og
kannski hef ég tekið breytingum við
það. Eg veit það ekki. En menn
verða ekki heimsborgarar afþví að
ferðast. Staðir eru eitthvað sem lifir
sjálfstæðu lífi innra með manni.“
-Hvað gerirðu þama Ijóðskáldið á
Sauðárkróki? Er það rétt skilið að
þú sért kennari?
„Eg kenni frönsku, íslensku og
svolitla heimspeki við Fjölbrauta-
skólann héma; er svona fúskari og
þykist stundum vita dálítið meira en
aðrir um suma hluti. Nei, ég sigli
ekki undir fölsku flaggi hér á Sauð-
árkróki. Þetta heitir að vera sjálfs-
gagnrýninn."
-Um hvað ertu að yrkja í Þrisvar
sinnum þrettán? Er einn ákveðinn
þráður i gegnum alla bókina eða...
„Það er kannski svolítið erfitt að
segja frá því... Bókin er þrískipt.
Upprunalega kom þetta til vegna
þess sem ég var vinna og þá í tvennu
lagi. Annarsvegar var ég að yrkja út-
frá ýmsum stöðum sem ég hafði
komið á. Eg var svolítið í því, að fara
sem leiðsögumaður með túristum
um landið og í þessum fyrsta hluta er
ég að segja frá þeirn áhrifum sem ég
hef orðið fyrir á þessum ferðum mín-
um. Þetta spannar allt frá eldhús-
borðinu hér heima til Moskvu. Hins-
vegar var ég síðan að yrkja kreppu-
Ijóð. Maður verður nefnilega fyrir
áhrifum frá krepputalinu í helvítis
fjölmiðlunum. Utfrá þessum yrkis-
efnum mínum - stöðunum og krepp-
unni - spratt síðan þriðji hluti bókar-
innar sem einskonar ntálamiðlun.
Þar er ég í raun að yrkja um yrkisefn-
in og Ijóðlistina sjálfa. Maður er allt-
af að nota orð og þau eru svo vand-
meðferðin; taka stundum völdin af
manni."
-Hvernig yrkirðu, seturðu þig í
stellingar og skapar Ijóðvœnt and-
rúmsloft eða er þetta að gerjast i þér
daga og nœtur?
„Ég byrja yfirleitt á ljóðunum með
penna og lýk þeim í tölvu. Ljóðin
byrja oftast með einhverri setningu
eða orði - einhverju sem maður hef-
ur heyrt eða séð - og maður fer að
spinna í kringum þetta. Það er margt
lík með djassi og póesíu: Þetta er
spuni. Ef við lítum til dæmis á Líkt
og aðrir í nýju bókinni þá er það gott
dæmi um hvemig Ijóðin kvikna:
fangaverðir elska hann einkum
kliðmjúkafugla í gylltum búrum
dumbrauða fiska í gruggugum
kerjum
mœlir daga sína
í túrum og sjálfsaumkvun
elskar þó framar öðru
nagdýrin
sem éta stöðugt hvort
annað
veslast síðan upp
afsígráðugum hanni
undarlegir eru draumar
hans
umfriðsœld auðnanna
gcesku vargsins
Þetta ljóð kom þannig til
að konan mín sagði mér frá
því, að stjúpsynir mínir
hefðu eitt sinn átt hamstra
sem em að því er mér skilst
afar merkileg dýr. Síðan
gerðist það að karlhamstur-
inn át alla fjölskyldu sína og
dó síðan úr harmi stuttu síð-
ar. Þessi saga var búin að
velkjast lengi í mér og kom
svona út.“
-A sitthvorum staðnum í
nýju bókinni eru tilvitnanir í
T.S. Eliot, bandarískan
frumkvöðul nútíma Ijóða-
gerðar, og André Breton,
einn höfuðpaur súrrealist-
anna... Eru þetta hetjurnar;
þín áhrif?
„Nei, það held ég ekki.
Ekkert frekar en aðrir. Ég að
vísu les mjög mikið af Ijóð-
um og þeir hafa haft áhrif á
mig, en ekkert meira. Að
suntu leyti fara báðir þessir
menn í taugamar á mér.“
-Ég frétti að Gyrðir El-
íasson hafi verið einn nem-
enda þinna í Fjölbrauta-
skóhmwn. Fer vel á með
ykkur - er Gyrðir gott
skáld?
„Hann var nemandi minn
einn vetur og jú, jú, það fer
ágætlega á með okkur.
Annars lærði ég fullteins-
mikið af honum og hann af
mér.“
-Hvað finnst þér um önn-
ur skáld - sérílagi þessa
kóma afyngri kynslóðinni?
„Já, já. Þetta er ein af
þessum gildruspumingum -
er það ekki? Það em náttúr-
lega mörg ágætis skáld; Is-
ak Harðarson, Sigurlaugur
Elíasson, Oskar Ami og
fleiri. Ég held hinsvegar, að það svo-
lítil stöðnun í ljóðlistinni. Annars er
eríitt að átta sig á þessu. Mér virðist
sem ljóðið komi mönnum ákaflega
lítið við. Ég held samtsem áður, að
Ijóðlistin sé ekki dauð og hef fulla trú
á, að nú fömm við að sjá stærri
sveiflur. Gömlu ljóðin em farin að
láta kveða að sér aftur og menn
sækja í þá hefð sem fyrir er. Undan-
fama áratugi hefur skapast önnur
hefð en þessi gamla og þessi nýja
hefð hefur sennilega ekki þróast
mjög vel og þama er stöðnun."
-Hvað með skáldsöguna - er
staðanþar einsog íIjóðinu?
„Ég vil helst ekki úttala mig
um skáldsöguna sem virðist nú
bara vera tölvuvíms hér á fs-
landi. Það er orðið svo auðvelt
að slá á tölvuna og svo birtast
orðin á skjánum. Þetta sýnist
allt svo áreynslulaust og létt.“
-Fylgistu með holskeflu
jólabókamarkaðarins? Hvern-
ig lístþér á?
„Ég hef ekki orðið var við
þessa holskeflu og hvað þá
flóðin. Mér sýnist lítið koma út
af ljóðabókum. Ég fylgist
kannski ekki nægilega vel með
þessari neðanjarðarútgáfu, en
það er mjög lítið að gerast. Það
hafa komið út tvær góðar
ljóðabækur á árinu: Stokkseyri
eftir ísak Harðarson og Rauð-
hjallar eftir Baldur Óskarsson
sem er eitt athyglisverðasta
ljóðskáld okkar og afar van-
metinn. Ég var síðan að sjá
tímaritið Andblæ sem mér
skilst að einhvetjir ungir menn
séu að gefa út. Mér leist ekki
illa á þá útgáfu. Það em alltaf
einhverjir...“
-Heyrðu já, þetta er bara
orðið mjög gott.
, Já. Þú biður þá um að senda
mér blaðið þegar þetta kemur
út. Það hefur eitthvað brugðist
hjá ykkur dreifingin héma á
landsbyggðinni. Erfitt að nálgast Al-
þýðublaðið."
-Já, einmitt. Við vorum annars um
daginn að hugsa um fara tölusetja
hvert einasta eintak. Gera blaðið að -Þakka þér.
svona alvöru rariteti.
„Mér líst vel á það - og eiginhand-
arárita það?“
-Kannski.
,Þakka þér fyrir spjallið.“
Vinningstölur
laugardaginn: |___17-des. 1994
VINNINGAR FJÖLDI VINNINGA UPPHÆÐ Á HVERN VINNING
EB 5 af 5 1 1.985.300
a +4af 5 3 115.090
a 4 af 5 94 6.330
3 af 5 2.927 470
BÓNUSTALA:
33
Heildarupphæð þessa viku
kr. 4.301.280
UPPLVSINGAR, SlMSVARI 91-68 1S 11
LUKKULlNA 9910 00 - TEXTAVARP 451
ORÐSENDING TIL TEKKAREIKNINGSEIGENDA OG VIÐTAKENDA TÉKKA
Um næstu áramót falla
öll Bankakort úr gildi
Eins og fram kom í kynningu á Debetkortum fyrr á þessu ári var ákveðið að tékkaábyrgð Bankakorta félli
úr gildi um þessi áramót. Jafnframt verður ekki hægt að nota Bankakort í Hraðbönkum frá sama tíma.
Debetkortin taka við hlutverki Bankakortanna um áramótin og verða þau framvegis hin nýju
tékkaábyrgðarkort og hraðbankakort. Þetta á einnig við um viðskiptavini íslandsbanka, þó hann hafi ekki
gefið út Bankakort áður. Nauðsynlegt er að framvísa Debetkorti við greiðslu með tékka til að tékkaábyrgð
banka og sparisjóða gildi. Tékkaábyrgðin gildir um tékka sem eru að fjárhæð 10.000 kr. eða lægri.
Nú þegar hefur stór hluti tékkareikningseigenda, eða um 85 þúsund einstaklingar, fengið Debetkort.
Sölu- og þjónustuaðilar hér á landi, sem taka við Debetkortum, eru um 2.500.
Mundu að hafa Debetkortið ávallt meðferðis þegar þú greiðir með tékka.
debet
kort
FIÖGUR KORT í EINU
BÚNAÐARBANKI
ÍSLANDS
ISLANDSBANKI
L
Landsbanki
íslands
Banki allra landsmanna
n
SPARISJOÐIRNIR