Alþýðublaðið - 06.02.1996, Síða 1
r
■ Olga á skrifstofu Alþýðubandalagsins vegna endurskipulagningar fjármála og starfsmannahalds. Stuðnings-
menn Margrétar Frímannsdóttur kölluðu hana á fund vegna náins samstarfs hennar við Svavar Gestsson
„Margrét reynir að gera Einari
Karli óbærilegt að starfa"
- segir miðstjórnarmaður um samskipti flokksformannsins
við framkvæmdastjórann. Einar Karl var einn helsti stuðn-
ingsmaður Margrétar í formannskjörinu.
„Ég held að Margrét sé einfaldlega
að reyna að gera Einari Karii óbæri-
legt að starfa áfram. Það er þá vænt-
anlega liður í saniningi sem hún hefur
gert við Svavar Gestsson,“ sagði
áhrifamikill miðstjórnarmaður í Al-
þýðubandalaginu í samtali við Alþýðu-
blaðið í gær. Mikil ólga er í Alþýðu-
bandalaginu vegna „endurskipulagn-
ingar og hagræðingar“ á starfsemi
flokksins, svo notuð séu orð Margrétar
Frímannsdóttur um breytingarnar
sem nú er verið að skipuleggja.
Einar Karl Haraldsson fram-
kvæmdastjóri Alþýðubandalagsins
var einn ötulasti stuðningsmaður
Margrétar í formannsslagnum við
Steingrím J. Sigfússon í fyrra. Mið-
stjórnarmaðurinn sem blaðið ræddi
við sagði að þrátt fyrir sigurinn væri
Margrét mjög einangruð í þingflokkn-
um. Hún teldi sig greinilega knúna til
að semja við andstöðuhópinn í flokkn-
um sem ailtaf hefði viljað Iosna við
Einar Karl úr framkvæmdastjóra-
stólnum, enda hefur hann jafnan verið
náinn samstarfsmaður Ólafs Ragnars
Grímssonar.
Annar áhrifamikill alþýðubanda-
lagsmaður sagði að Svavar Gestsson
væri greinilega maðurinn á bakvið þá
skák sem nú er tefld bakvið' tjöldin.
Mönnum ber saman um að Svavar
hafl mjög styrkt stöðu sína, og sé í
raun valdamestur í flokknum.
Margrét sagðist aðspurð bera traust
til Einars Karls Haraldssonar fram-
kvæmdastjóra. Þegar Einar Karl var
beðinn álits á fullyrðingum um vær-
ingar í flokknum og ólgu á skrifstof-
unni var eina svar hans: „No comm-
ent.“
Okosturef
umdeildir
stjórn-
málamenn
sækjast eft-
irforseta-
embættinu
- segir forsetaframbjóð-
andinn Guðrún Péturs-
dóttir í viðtali við Alþýðu-
blaðið.
„Lykilþáttur í mfnu framboði
felst í því að það er ekki af flokks-
pólitískum toga. Eg tel að það sé
ókostur að menn hafi verið um-
deildir stjórnmálaleiðtogar ef þeir
sækjast eftir þessu embætti. Það
verður aldrei full sátt um slíka
menn,“ segir forsetaframbjóðand-
inn Guðrún Pétursdóttir í ítarlegu
viðtali við Alþýðublaðið í dag.
Guðrún ræðir aðdraganda þess
að hún ákvað að bjóða sig fram,
kosningabaráttuna framundan,
Davíð Oddsson, ættmenni í Sjálf-
stæðisflokknum, afstöðu til emb-
ættisins og margt fleira.
Sjá miðopnu
Hugsuðurinn í snjó Þeir eru löngu hættir aö
byggja venjulega snjókarla eöa snjókerlingar með gulrót fyrir nef, dreng-
irnir Vésteinn og Einar Steinn Valgarðssynir, sem eiga heima á Hólatorgi
4. Á sunnudag, eftir að snjór hafði loks fallið að einhverju marki í höfuð-
borginni, tóku þeir sig til og mótuðu í snjó stóreflis eftirmynd af einhverri
frægustu höggmynd allra tima, Hugsuðinum eftir Auguste Rodin. Þeir
standa hér við þessa metnaðarfullu vetrarmynd Vésteinn og Einar Steinn
ásamt vini sínum, Frey Ólafssyni. A-mynd. E.ÓI.
■ Lítill hljómgrunnur í þingflokki Framsóknar við þau orð Hjálm-
ars Árnasonar þingmanns að skoða eigi veiðileyfagjald
r
Eg veit ekki hvaðan
þessir menn koma
- segir Stefán Guðmundsson þingmaður. Ólafur Örn Haraldsson: Þarf
að skoða þetta mál mjög rækilega. ísólfur Gylfi: Vil fremur skattleggja
fyrirtækin en leggja á veiðileyfagjald.
„Ég er alfarið á móti veiðileyfa-
gjaldi. Ég hef miklu meiri áhyggjur af
rekstrarafkomu sjávarútvegsins heldur
en það að ég vilji leggja á hann nýja
skatta,“ sagði Stefán Guðmundsson
þingmaður Framsóknarflokks á Norð-
urlandi vestra þegar Alþýðublaðið
spurði hvort hann teldi koma til greina
að Framsóknarflokkurinn endurskoð-
aði afstöðu sína til veiðileyfagjalds.
Hjálmar Arnason þingmaður Éram-
sóknar á Reykjanesi hefur sagt að
nokkrir þingmenn flokksins séu að
skoða útfærslu á veiðileyfagjaldi.
Framsóknarflokkurinn hefur til þessa
aldrei ljáð máls á slíkum hugmyndum.
Um þetta sagði Stefán Guðmundsson:
„Ég hélt að þetta snerist allt um að
koma rekstrargrundvelli undir grein-
ina. Þess vegna skil ég ekki þá menn
sem eru að tala um að skattleggja
þessa grein. Ég veit ekki hvaðan þeir
koma.“ Hjá öðrum þingmönnum
flokksins sem blaðið ræddi við í gær
kvað við svipaðan tón. ísólfur Gylfí
Pálmason þingmaður flokksins á Suð-
urlandi sagðist andvígur veiðileyfa-
gjaldi og kvaðst óttast að það myndi
leiða til þess að kvótinn lent í höndum -
örfárra manna og einungis þeirra sem
mest ættu undir sér. „Fremur en að
leggja á veiðileyfagjald vil ég skatt-
leggja íyrirtækin, þannig að þau borgi
tekjuskatt af hagnaði. Það yrði mjög
skýr og góð stefna,“ sagði Isólfur.
Magnús Stefánsson þingmaður á
Vesturlandi sagði að engin ástæða
væri fyrir Framsóknarflokkinn að end-
urskoða afstöðu sína til veiðileyfa-
gjalds og sagðist ekki hafa orðið var
við að hljómgrunnur væri fyrir breyttri
stefnu í þeim málum. Þingmennimir
Siv Freiðleifsdóttir og Ólafur Örn
Haraldsson vildu lítið láta hafa eftir
sér um málið og sögðu ótímabært að
koma með yfirlýsingar áður en það
hefði verið rætt til hlítar í þingflokkn-
um. „Þetta er greinilega mjög flókið
viðfangsefni, miklir hagsmunir í húfi
og það þarf að skoða þetta mál mjög
rækilega," sagði Ólafur Öm.
■ Bandarískir hvalavinir safna stórfé til að koma háhyrningnum Keiko í sjó við
ísland. Stjórnvöld hér kveða þvert nei við að hann komi aftur í íslenskt hafsvæði.
Safna hundruðum, milljóna
þrátt fyrir neiyrði Islendinga
„Auglýsingabrella", segir Jóhann Sigurjónsson hjá Hafrannsóknarstofnun.
Hópur Bandaríkjamanna sem kallar
sig Free Willy Foundation stendur nú
fyrir íjársöfnun til að flytja háhyming-
inn Keiko í hafið við ísland, en þar var
hann upphallega fangaður fyrir um 16
ámm. Islensk stjómvöld hafa lýst yfir að
það sé óhugsandi að heimila að hvaln-
um verði sleppt í hafið við ísland, enda
stafi af honum smithætta og ólíklegt sé
að hann fái þrifist við svo erfiðar kring-
umstæður. Þrátt fyrir afstöðu íslendinga
halda Bandaríkjamennirnir áfram að
safna fé; segir á heimasfðu Free Willy
Foundation á Intemetinu að áætlaður
kosmaður við verkefnið sé alls 10 millj-
ónir Bandaríkjadollara, eða tæpar 700
milljónir íslenskra króna. Þar er ekki
minnst orði á að Islendingar séu því
andsnúnir að hvalurinn komi hingað.
Keiko öðlaðist eins konar heimsfrægð
þegar hann lék „aðalhlutverk“ í bíó-
myndinni Free Willy sem naut gríðar-
legra vinsælda. Hann hefur lengst af
verið geymdu; í dýragarði í Mexíkó-
borg. Þar hafa aðstæður ekki þótt nógu
góðar; ýmiss konar lasleiki hefur hijáð
dýrið, og nýskeð var það flutt í kaldara
loftslag í Newport í Oregon-fylki. Þar
hefur Free Willy Foundation staðið fyrir
byggingu gríðarlegrar sundlaugar fyrir
skepnuna, meðal annars með tveggja
milljóna dollara Ijárstuðningi ífá risafyr-
irtækinu Warner Brothers sem fram-
leiddi bíómyndina.
Þótt dýrinu ætti að geta liðið vel í Or-
egon, láta hvalavinimir amerísku ekki
við svo búið sitja heldur em staðráðnir í
að koma hvalnum aftur í sjóinn við ís-
land. Ekki hefur það gerst fyrr að há-
hymingur sem hefur alið aldur sinn í
dýragarði sé sendur aftur í sitt náttúm-
lega umhverfi, en sá var einmitt sögu-
þráðurinn í kvikmyndinni vinsælu. Á
heimasíðu Free Willy Foundation segir
að Keiko verði settur í „endurhæfingu",
svo hann megi aiiur þrífast í söltum sjó.
Er rætt um að síðar gætu fleiri hvalir og
höfrungar fylgt í kjölfarið, notið endur-
hæfingar í sundlauginni miklu - og synt
sína leið. Engu er logið um vinsældir
Free Willy, en framhald hennar, Free
Willy 2, er nú sýnt í Sambíóunum. Því
er óhætt að fullyrða að hvalavinunum
ætti ekki að verða skotaskuld úr að
safna allmiklu meira fé út á íslandsæv-
intýrið. I nýju tölublaði mánaðarritsins
Iceland Reporter segir Jóhann Sigur-
jónsson, sérffæðingur á Hafrannsóknar-
stofnun, skoðun sína á jressum fyrirætl-
unum hvalavinanna. Jóhann segir að ís-
lendingar hafi skýrt afstöðu sína strax
1992 þegar aðrir aðilar vildu fá að
sleppa háhymingi við landið. Þá vom
sérfræðingar kallaðir til og varð loks úr
að sjávarútvegsráðuneytið hafnaði
málaleitaninni vegna sjúkdómshættu. f
viðtalinu við segist Jóhann efast um
hversu mannúðleg sjónarmið Banda-
ríkjamannanna séu: „Skepnan var föng-
uð þegar hún var tveggja ára. Hún hefur
eytt mestri ævi sinni í vernduðu um-
hverfi þar sem henni er gefið að éta. Ég
efast mjög um að hún yrði samkeppnis-
fær í umhverfi þar sem einungis hinir
hæfustu lifa af.“ Jóhann Sigurjónsson
segir einnig að hvalavinimir gætu fund-
ið betri not fyrir peningana ef þeir hefðu
í rauninni áhuga á náttúmvemd. ,,Ég hef
á tilfinningunni að allt þetta fyrirtæki sé
auglýsingabrella," segir hann.