Alþýðublaðið - 01.05.1996, Blaðsíða 9
MIÐVIKUDAGUR 1. MAÍ1996
ALÞÝÐUBLAÐIÐ
9
■ Kristbergur Pétursson
Iðrunar- og yfirbótasálmur
verkamannsins
Eða: Afturpatapíkan 1. maí 1996
Mig langar ef mér leyfist, til að skrifa orð á blað,
og létta þungu fargi af mínu geði.
Efasemdir þjaka mig, já athugiði það,
áhyggjur og þunglyndi og guð má vita hvað,
af verkalýðsins grimmd og sjálfumgleði.
Að heimta sitt með hörkunni það nær bara engri átt,
þar háttvísi ei fyrir er að fara.
Með kurteisi ogþolinmæði komast munum hátt,
hver veit nema launin hækki líka smátt og smátt,
ef hógværir við hinkrum, bíðum bara.
Að leggja niður vinnu þó að launin séu rýr
er lítilmenna siður eins og sannast.
Hannes segirHólmsteinn að við látum eins og dýr,
hugsun hans og boðskapur er ákaflega skýr:
Skepnuskapur okkar ætti að bannast.
Boðar okkur hugsuðurinn Hólmsteinn mikla frétt
af hugviti og röksemdum sem víðast:
Átök em ofbeldi - hann tekur því ei létt -
gegn auralausum höfðingjum í heldrimannastétt.
Hannes lætur svoddan ekki líðast.
Hlýðið á mig verkafólk, þið heyra munuð senn
í hörkusókn gegn auðvaldinu smáða,
að verkföll em úrelt en þið vaðið áfram enn,
vanvirðið og fótumtroðið ykkur meiri menn
og máttarstólpa þjóðfélagsins þjáða.
Hömpum ekki ættemi við hundingja og flögð ,
er hópum fóm saman fyrr á ámm,
í ofstopa og fáfræði með ótal vélabrögð,
ýmsum var þá mektarmanni snúin snara lögð.
Svíður enn í þeirra gömlu sámm.
Komum ekki nálægt því sem kemur oss ei við,
kveljum ekki húsbændur með hrekkjum.
Mér finnst það vera tímabæit að taka upp fyrri sið,
í trúnaði og sátt við aðframkomið auðvaldið,
og una okkar gömlu og góðu hlekkjum.
„Verzlunarmannafélag Reykjavíkur býðurfélags-
mönnum sínum kaffiveitingar á Grand Hótel við Sig-
tún, eftir útifundinn á Ingólfstorgi 1. maí.
Verzlunarmannafélag Reykjavíkur"
Menntamálaráðuneytið
Staða framkvæmdastjóra Kvikmyndasjóðs íslands er
laus til umsóknar. Laun samkvæmt launakerfi starfs-
manna ríkisips. Umsækjendur skulu hafa haldgóða
þekkingu á rekstri, stjórnun og kvikmyndum og reynslu
og hæfni í alþjóðlegum samskiptum. Æskilegt er að um-
sækjendur hafi lokið háskólaprófi og hafi gott vald á
ensku og einu norðurlandamáli. Staðan verður veitt frá
1. september 1996. Umsóknir, merktar 96040184, ásamt
upplýsingum um menntun, starfsferil og annað það
sem máli skiptir, sendist menntamálaráðuneytinu fyrir
1. júní 1996. Óskir um nafnleynd eru ekki teknar til
greina.
Menntamálaráðuneytið
29. apríl 1996
Vertu með á nótunum fyrir
950 kall á mánuði
Sími 562 5566
Kratakaffi 1. maí
Hið vinsæla og árvissa 1. maí-kaffi Alþýðuflokksfélags
Reykjavíkur verður haldið í Þjóðleikhúskjallaranum í dag.
Húsið verður opnað klukkan 15:00
Allirvelkomnir
Flokksmenn eru sérstaklega hvattir
til að mæta og taka með sér gesti.
Stjórnin