Tíminn - 07.08.1968, Síða 7

MIÐVIKUDAGUR 7. ágúst 1968.
TIMINN
Frá fjórðungsmóti hestamanna að Iðavöllum á
,Stígðu á bak toff rahesti mínum7
— Viltu ekki koma á bak hest-
inum mínum? Sjáðu, hvað hann
er fallegur, þetta er nefnilega
töfrahestur. Andlitið, sem við
mér brosir, er dæmigert andlit
íslenzks sveitamanns, þrútið, veð-
urbarið, og rist rúnum erfiðrar
lífsreynslu. Hendurnar, sem halda
í tauma töfrahestsins, eru sigg-
grónar og hafa greinilega á ýmsu
tekið um dagana. En ásýnd
mannsins ljómar af gleði, gleði
yfir lífinu, yfir töfrahestinum,
sem gæðir það svo miklum un-
aði á þessu kyrra sumarkvöldi á
Iðavöllum.
Þessi maður á marga sína líka
hér á þessum stað. Austfirzkir
bændur, sem eiga við gífurlega
erfiðleika að etja um þessar
mundir vegna erfiðs árferðis, eru
hér hópum saman, og áhyggjurn-
ar virðast þeim horfnar eins og
dögg fyrir sólu. Þeir eiga allir
sína töfrahesta og þeirra vegna
eru þeir komnir hingað á þennan
stað.
En það eru ekki aðeins bænd-
ur og búalið að austan, sem komn
ir eru til þessa fjórðungamóts
hestamanna. Hér er alls konar
fólk, ungt og gamalt, innisetufólk,
grátt og guggið, stafkarlar, smá-
krakkar og unglingar, og þarna
er einnig talsverður fjöldi af ut-
ansveitaríólki, sem komið hefur
langar vegalengdir, ýmist ríðandi,
fljúgandi eða akandi, allir í sama
tíígangi, að sjá úrval austfirzkra
hesta á Iðavöllum við Grímsá.
Á undanförnum árum hefur ver

ið mjög mikil gróska í hesta-
mennsku á Héraði, og er þar gott
úrval gæðinga. Lífið og sálin í
Freyfaxa, hestamannafélagi Hér-
aðsbúa, er hinn kunni hestamað-
ur, Pétur Jónsson á Egilsstöðum.
Hinn ódrepandi áhugi hans hef-
ur hriíið fjölmargan manninn
þarna eystra, ekki sízt unga fólk-
ið, og hestamennirnir hafa nú
lyft stóru Grettistaki mteð gerð
nýs kappreiðavallar að Iðavöll-
um. Hingað til hafa þeir þurft
að notast við lítinn völl, þýfðan
og óhentugan á flesta lund, en
á Iðavöllum eru eggsléttar grund-
ir og áhorfendastæði prýðileg frá
náttúrunnar hendi. Eigi að síð-
ur hefur þurft aö gera ýmsar lag-
færingar á svæðinu, og hefur það
að sjálfsögðu kostað drjúgan
skilding. Auk Freyfaxa stendur
hestamannafélagið Hornfirðingur
að fjórð'jngsmótinu.
Vígsia vallarins fer fram með
mjög skemmtilegum hætti. Þrjár
ungar konur ríða inn á hann í
söðium að hætti formæðra sinna
og virðulega klæddar í svart og
sítt. Þær fara enga þeysireið, því
að hvorki þær né reiðskjótarnir
eru þessum útbúnaði vön, en þær
bera sig vel, þrátt fyrir litla æf-
ingu, og þessi vígslualhöfn vek-
ur mikla hrifningu mótsgesta.
Pétur Jónsson, formaður Frey-
faxa, flytur síðan vígslu- og sýn-
ingarávarp og mælist honum vel
svo sem vænta mátti. Þá hefst
sýning kynbótahrossa, og gr dóm-
um iýst, en dómnefnd hefur átt
Gula-Gletta gelsist í mark.
mjög annríkt við að gera upp á
milli gæðinga og kynbótahrossa.
Það eru Glói frá Ketilsstöðum á-
samt fjórum afkvæmum sínum,
Gamla-Biesa frá Urriðavatni í
Fellum og afkvæmi hennar, og
Svala, fjögurra vetra hryssa frá
Brunnum í Suðursveit, sem mesta
náð hljóta fyrir augum dómenda.
Veðrið er skínandi gott, og á-
horfendur láta fara vel um sig í
brekkunum ofan við völlinn.
Stemningin er létt og skemmti-
leg, eins og á nestamannamótum
yfirleitt, og milli þess sem fólk
hlustar á dóma og lætur í ljósi
álit sitt á þeim ráðgerir það út-
reiðartúra um kvöldið, og ýmsir
gefa það í skyn, að þeir lumi á
fleygum til kvöldsins.
Fólk er stöðugt að drífa að til
að horfa á það atriði mótsins.
sem mesta eftirvæntingu vekur,
kappreiðarnar. Eftir sýningu kyn
bótahrossa og gæðinga fara fram
úndanrásir kappreiða og milliriðl
ar, en úrslitakeppni ei ekki fyrr
en síðari mótsdaginn. Fyrsta
keppnisgreinin er skeið, og þar
er keppt í þremur riðlum. Það
blæs ekki byrlega í fyrstu, því að
enginn vekringur í fyrsta riðli
getur runnið skeiðið, allir þeirra
stökkva upp í næsta riðli eru
þrír hestar, og tveir þeirra kom-
ast klakklaust í mark, og í þriðja
riðli er það aðeins einn. Buska
úr Reykjavík hefur langbeztan
tíma, enda er það ekki neinn
venjulegur knapi, sem situr hana,
heldur ninn frábæri hestamaður
Sigurður Ólafsson, er stundum er
kallaður galdramaður, hvað hesta
snertir.
Því næst er keppt í 300 metra
stökki og 250 metra folahlaupi,
en það er fyrst í 800 metra
stökki, að eitthvað ber til tíð-
inda. Þytur úr Reykjavík setur
nýtt íslandsmet með því að renna
sprettinn á 63.4 sekúndum.
Það skemmtilega við þetta er,
að Þytur hóf einmitt feril sinn
sem kappreiðahestur á fjórðungs-
móti eystra fyrir fjórum árum,
og sigraði þá í 800 metra stökki.
Eftir hestamannamótið að Skógar
hólum nú í sumar ákvað eigandi
hans, Sveinn K. Sveinsson, að láta
hann hætta kappreiðum, en varð
við þrábeiðni Austfirðinga um að
láta hann keppa á Iðavöllum, og
ljúka ferli sínum, þar sem hann
hefði byrjað. Segja má því með
sanni, að Þytur hætti á hátindi
Framhald á bls 14
rtir. ’ Framhald á bls
..... ................................ •
Kolbrún Kristjánsdóttir á Svip, bezta gæðingnum
Hópreið hestamanna inn á mótssvæðið. Pétur Jónsson fremstur í flokki.