Vísir - 21.04.1978, Síða 11

Föstudagur 21. apríl 1978
11
„tramtíðardraumurmn er að
geyma upplýsingar f töhm"
— Rœtt við Þóri Oddsson vararannsóknarlögreglustjora
,,Starfinu fylgir mikill
erill og álagið oft mikið,
en það sem er skemmti-
legast við starfið er hve
fjölbreytt það er. Engin
tvö mál eru nákvæmlega
eins og maður veit aldrei
hvað dagurinn ber í
skauti sinu", sagði Þórir
Oddsson nýskipaður
vararannsóknarlögreglu-
stjóri ríkisins i stuttu
spjalli við Vísi.
Þórir er faeddur i Reykjavík
19. mai 1941 og er þvi tæplega 37
ára gamall. Hann lauk
stúdentsprófi frá Menntaskól-
anum i Reykjavik árið 1961 og
varð cand. juris frá Háskóla ts-
lands vorið 1968. Að afloknu
prófi gerðist hann fulltrúi hjá
yfirsakadómaranum i Reykja-
vik og var skipaður aðalfulltrúi
þar i janúar 1973.
1 lok marsmánaðar i fyrra var
honum veitt leyfi frá þeim störf-
um til að vinna við undirbúning
að stofnun Rannsóknarlögreglu
rikisins ásamt Hallvarði Ein-
varðssyni rannsóknarlögreglu-
stjóra og þegar Rannsóknarlög-
regla rikisins tók til starfa var
hann settur aðalfulltrúi þar og
staðgengill Hallvarðar. Hann
var skipaður i hið nýja embætti
frá 15. april siðast liðnum.
Frá þvi i september 1975 og til
sama tima árið eftir var Þórir
við nám i refsirétti og réttar-
fari við háskólann i Osló.
„Sumarið sem ég var i Osló
var ég með annan fótinn hjá
rannsóknarlögreglunni þar og
kynnti mér starfshætti hennar
og skipulag”, sagði Þórir Odds-
son.
Ýmis gögn og vitneskja sem
Þörirkom með frá Osló kom að
góðu haldi við stofnun Rann-
sóknarlögreglu ríkisins og má
nefna að nýtt skýrsluform hefur
verið tekið þar upp og við spyrj-
um Þóri um það.
,,Hér er mikið um skýrslu-
gerðir og ég vann ásamt Erlu
Jónsdóttur og Erni Höskulds-
syni við að staðla ný skýrslu-
form. Málin eru þá sett upp
eftir ákveðnu kerfi, sem gerir
þau mun aðgengilegri en áður
var fyrir þá sem um þau fjalla,
án þess að hafa unnið við rann-
sókn málanna, eins og dómara
og rikissaksóknara.
Hverju máli fylgir sér skjala-
skrá og hvert skjal hefur
ákveðið númer. 1 flóknari mál-
um er það mikils virði að geta
afmarkað hvert brotatilvik fyrir
sig og á þetta ekki sist við þegar
um er að ræða mál eins og
tékkamál og skjalafals” sagði
Þórir.
— Eru fleiri breytingar á döf-
inni varðsndi skýrslur eða
spjaldskrár til að létta störfin?
,,Já, við stefnum eindregið að
þvi að auka við þær skrár sem
lögreglan heldur o'g þarf að
halda. Þar eru ýmsar vixflokk-
anir á upplýsingum sem hægt er
að koma fyrir á einu spjaldi,
sem siðan er hægt að hafa i
þrem til fjórum eintökum eða
fleirum. Þá má hafa spjaldskrá
undir nafni viðkomandi manns,
viöurnefni og svo öðrum upplýs-
ingum sem hægt er að nota til
flýtisauka við rannsóknir.
Þegar við flytjum i nýja hús-
næðið i Kópavogi verður hægt
að koma þessu fyrir, en slik
spjaldskrá tekur nokkurt pláss
Oft er svona spjaldskrá það eina
sem hægt er að byrja á þegar
mál er kært til okkar”.
Þórir sagði að framtiðar-
draumurinn væri að geta komið
öllum þessum upplýsingum
fyrir i tölvu. Það kostaði hins
vegar mikið fé og þvi væri þess
vart að vænta alveg á næstunni,
vonandi yrði biðin ekki alltof
löng.
Hins vegar þyrftu að gilda
mjög ákveðnar reglur um hvaða
aðilar ættu aðgang að þessum
upplýsingum og gæta þyrfti
fyllsta öryggis um að óviðkom-
andi aðilar gætu ekki komist
yfir upplýsingar sem settar
væru i tölvuna.
Þórir sagði að á þeim tima
er Rannsóknarlögregla rikisins
hefði starfað, eða frá 1. júli 1977,
hefði skiptingin milli ákæru-
valda og dómsvalds tvimæla-'
laust sannað gildi sitt. Nú væri
auk þess tekin til starfa sérstök
rannsóknardeild hjá lögregju-
stjóraembættinu i Reykjavik
og það létti mikið á Rann-
sóknarlögreglú rikisins. Kvaðst
Þórir vona að samvinna þess-
ara aðila yrði ætið snurðulaus
enda væri gott samstarf for-
senda fyrir góðum árangri.
Þrengsli eru mikil hjá Rann-
sóknarlögreglunni meðan nýja
húsnæðið er ekki tilbúið en Þórir
sagði að góður andi rikti meðal
starfsfólksins og menn væru
ákveðnir i aþ þrauka og gera sitt
besta við bágar aðstæður.
Eiginkona Þóris Oddssonar er
Jóhanna Ottesen sem er við-
skiptafræðingur að mennt og
eiga þau einn son sem Oddur
heitir og er fæddur 5. mai 1970.
Þórir sést gjarnan i hópi
áhorfenda á skákmótum og
sagðist hann talsvert iðka skák i
tómstundum. Það væri gott til
að dreifa huganum, en hann
' tæki ekki þátt i opinberum skák-
mótum. Hins vegar kom það á
daginn að hann hafði nokkrum
sinnum teflt á skákmótum
meðan hann var i skóla og tekið
þátt i innanfélagsmótum.
Það er stundum talað um tafl-
borð mannlifsins og eflaust á
Þórir eftir að glima við erfiðar
þrautir á þeim vettvangi i starfi
sinu þar sem skákin er tefld af
fyllstu alvoru.
—SG
„Suðurnesin
ekki þýðingar-
meiri en
Melgraseyri
og Hesteyri”
— segir formaður Alþýdusam-
bands Vestfjarða
Vestfirdingar fylgi stefnu
Verkamannasambandsins
Betra seint en atdrei
Hvað er eiginlega hlaupið i
mennina? Þrjú frumvörp i
sömu vikunni, öll um mannrétt-
indamál!
Kosningar nálgast.
Ekki fer á milli mála að nú
liður óðum að kosningum og
gamalkunn merki um lýðræðis-
ást þingmanna koma nú i ljós á
degi hverjum. En af hverju ekki
fyrr? Hafa þingmenn ekki haft
tima né tækifæri til að koma
þessum málum á framfæri und-
anfarin fjögur ár — eða hefur
áhugann vantað?
Framboöslistarnir
Athyglisvert er, að beðið
hefur verið með þessi frumvörp
þar til framboðslistar hafa verið
birtir og ljóst er hverjir eru út-
valdir og hverjir ekki.
Enginn þingmaður vill eiga
þátt i að góður félagi og flokks-
bróðir hverfi úr hópnum, hvað
sem öllu lyðræði liður.
Stjórnarskrárnefnd hefur
„starfað” siðan 1972 án sýnilegs
árangurs, ef til vill var aldrei
reiknað með öðru.
\
Landsbyggðin
Getur það verið skoðun
manna, að lýðræði og byggða-
jafnvægi eigi ekki samleið? Svo
virðist vera, ef taka má mark á
sumu þvi, sem sagt hefur verið
og skrifað um kjördæmamálið
undanfarin ár.
Vissulega verður að taka tillit
til dreifbýlisins og þess aðstöðu-
munar, sem þvi fylgir að vera
utan seilingar stjórnarráðsins
en „fyrr má nú aldeilis fyrr-
vera”, ef munurinn þarf að vera
1:4 eða 5.
Þéttbýlið
Einhver kann að spyrja: Eru
þingmenn þéttbýisins ekki nógu
margir? Hefur ekki þurft að
auglýsa eftir þeim i fjölmiðlum,
til þess að þeir létu frá sér
heyra? Suðurnesin eru við-
kvæmtsvæði atvinnulega séð og
þurfa stöðuga athygli stjórn-
valda, að þvi er varðar atvinnu-
öryggi. Á Suðurnesjum búa 13-
14 þúsund manns og þó að for-
maður Alþýðusambands Vest-
fjarða telji tillegg þeirra i þjóð-
arbúið „ekki þýðingarmeira en
Melgraseyrar og Hesteyrar”,
held ég að fáir séu honum
sammála. Þessi þéttbýlissvæði
þurfa sina fulltrúa til þess að
gæta hagsmuna sinna jafnvel
ennþá fremur en „Melgraseyri
og Hesteyri” sem fyrr var til
vitnað.
Hvað verður?
Allt útlit er fyrir áframhald-
andi þóf um þetta viðkvæma
mál, sem ætti raunar að vera
kappsmál allra lýðræðissinn-
aðra þingmanna að leysa. Lé-
legar afsakariir um duglitla
stjórnarskrárnefnd eða tima-
skort verða ekki teknar gildar
öllu lengur. Þéttbýlið við Faxa-
flóaerstaðreynd.sem háttvirtir
þingmenn verða að sætta sig við
og lita á sem fullgilda borgara
„lýðveldisins” Islands.
Sigurgeir
Sigurðsson
bœjarstjéri
á Seltjarnar-
nesi skriffar