Morgunblaðið - 27.02.2001, Blaðsíða 12

KNATTSPYRNA
12 B ÞRIÐJUDAGUR 27. FEBRÚAR 2001 MORGUNBLAÐIÐ
Carsten Jancker bjargaðimeisturum Bayern München
frá tapi gegn Köln í þýsku úrvals-
deildinni í knattspyrnu um helg-
ina. Jancker jafnaði metin með
skalla á 65. mínútu eftir auka-
spyrnu Mehmets Scholl en þetta
var í sjötta sinn sem meisturunum
tekst ekki að vinna leik strax eftir
leik í meistaradeildinni.
„Köln lék mjög vel og gerði
okkur mjög erfitt fyrir. Við lékum
illa í fyrri hálfleik en í þeim síðari
var þetta betra. Við vorum beittari
fram á við og sköpuðum okkur
nokkur ágæt færi en tókst ekki að
skora nema eitt mark. Miðað við
gang leiksins þá held ég að þetta
hafi verið réttlát úrslit,“ sagði
Ottmar Hitzfeldt þjálfari Bæjara.
Schalke og Dortmund, tvö af þeim
liðum sem koma til með að veita
Bayern keppni um titilinn, gerðu
markalaust jafntefli í frekar til-
þrifalitlum leik og úrslitin þýða að
Bayern heldur tveggja stiga for-
skoti á toppi deildarinnar.
Eyjólfur Sverrisson og félagar
hans í Herthu Berlin fengu frí um
helgina en leik liðsins gegn Unter-
haching var frestað vegna veðurs
en ólympíuleikvangurinn í Berlín
var á kafi í snjó.
„Liðin báru allt of mikla virð-
ingu hvort fyrir öðru og það var
greinilegt að hvorugt liðið vildi
tapa,“ sagði Huub Stevens, þjálfari
Schalke.
Jancker kom
Bæjurum
til bjargar
STOKE City tapaði þremur dýr-
mætum stigum í ensku 2. deild-
inni á laugardaginn þegar liðið lá
á útivelli fyrir Rotherham 2:1 en
Rotherham er einn af keppinaut-
um Stoke í toppbaráttu deild-
arinnar. Þar með varð Stoke að
játa sig sigrað eftir að hafa spil-
að 15 leiki í röð án taps. Peter
Thorne kom Stoke yfir á 53. mín-
útu leiksins en leikmenn Stoke
voru varla hættir að fagna mark-
inu þegar Mark Robins, fyrrum
leikmaður Manchester United,
jafnaði metin fyrir Rotherham.
Robins var svo aftur á ferðinni
tíu mínútum síðar og þrátt fyrir
þunga sókn Íslendingaliðsins síð-
ustu 20 mínúturnar tókst því
ekki að jafna metin.
„Ég er mjög svekktur með
varnarleikinn okkar, sérstaklega
eftir að við skoruðum markið
okkar. Menn voru enn að fagna
markinu og voru ekki með hug-
ann við leikinn,“ sagði Guðjón
Þórðarson, knattspyrnustjóri
Stoke, eftir leikinn.
Birkir Kristinsson, Bjarni Guð-
jónsson og Ríkharður Daðason
léku allan leikinn. Brynjar Björn
Gunnarsson varð fyrir meiðslum
á 51. mínútu og var borinn af
leikvelli og Stefán Þór Þórðar-
son kom inn á sem varamaður
fyrir Toni Dorigo á 66. mínútu.
Stoke er í sjötta sæti deildar-
innar með 54 stig, Reading 57,
Wigan 58, Rotherham 59, Walsall
60 og á toppnum er Millwall með
68 stig. Tvö efstu liðin fara beint
upp í 1. deildina en liðin frá þrjú
til sex berjast um þriðja lausa
sætið sem í boði er.
Stoke að gefa eftir
Juventus er sex stigum á eftirRoma en Torinóliðið vann auð-
veldan sigur á AC Milan, 3:0. Igor
Tudor, Filippo Inzaghi og Zinedine
Zidane skoruðu mörkin.
Hernan Crespo, framherji Lazio,
var á skotskónum þegar Lazio sigr-
aði Verona í miklum markaleik, 5:3.
Crespo skoraði þrennu fyrir Ítalíu-
meistarana sem hafa ekki játað sig
sigraða í baráttunni um titilinn. Hin
tvö mörk Lazio skoruðu Tékkarnir
Pavel Nedved og Karel Poporsky.
Parma, sem eins og flest ítölsku
liðin er úr leik á Evrópumótunum,
tók Perugia í bakaríið og vann stór-
sigur, 5:0.
Marco Ferrante tryggði Inter sig-
ur gegn Udinese á San Siró en hann
skoraði sigurmarkið einni mínútu
fyrir leikslok.
Giuseppe Signori skoraði bæði
mörk Bologna í 2:1 sigri gegn Napoli
og þar með hefur þessi mikli marka-
skorari skorað 100 mörk fyrir félagið.
Carew með þrjú mörk
Á Spáni gerðu meistarar Deport-
ivo La Coruna og Evrópumeistarar
Real Madrid, 2:2, í stórleik umferð-
arinnar. Real Madrid fékk óskabyrj-
un því strax á 6. mínútu varð varn-
armaður Deportivo fyrir því óláni að
skora í eigið mark og ekki leit vel út
fyrir heimamenn þegar Luis Figo
bætti við öðru marki úr vítaspyrnu á
lokamínútu fyrri hálfleiks. Djalminha
minnkaði muninn strax á annarri
mínútu eftir leikhléið og sex mínútum
fyrir leikslok jafnaði varamaðurinn
Diego Tristan metin og þar við sat.
Norski landsliðsmiðherjinn John
Carew stal senunni í grannaslag Val-
encia og Villareal en þessi hávaxni
leikmaður skoraði öll mörk sinna
manna sem unnu leikinn, 3:1.
Hollenski landsliðsmiðherjinn Pat-
rick Kluivert skoraði tvö af mörkum
Barcelona sem sigraði Real Socied-
ad, 3:0. Þetta voru fyrstu mörk Kluiv-
erts í tíu leikjum og Börsungar eru í
fjórða sæti deildarinnar, níu stigum á
eftir erkifjendunum í Real Madrid.
Markaregn
á Ítalíu
LEIKMENN Roma, í sárum eftir
að hafa verið slegnir út af Liver-
pool í UEFA-keppninni í knatt-
spyrnu í síðustu viku, héldu
uppteknum hætti í ítölsku 1.
deildinni í fyrradag en Rómverj-
ar lögðu Vicenza á útivelli, 2:0,
og skoruðu Vincenzo Montello
og Emerson mörkin á síðustu
20 mínútum leiksins. Vondu
fréttirnar fyrir Rómverja voru
þær að Argentínumaðurinn
Gabriel Batistuta haltraði
meiddur af velli. Mikið var skor-
að á Ítalíu en 31 mark leit dags-
ins ljós í níu leikjum.
Reuters
Franski landsliðsmaðurinn Zinedine Zidane hjá Juventus
fagnar hér marki sínu gegn AC Milan ásamt félögum sínum,
Igor Tudor og Gianluca Zambrottai, 3:0.
SEX ára bið Liverpool eftir titli er
loks á enda en þetta sigursælasta lið
ensku knattspyrnunnar tryggði sér
í fyrradag sigur í ensku deildarbik-
arkeppninni. Þetta var í sjötta sinn
sem Liverpool vinnur þennan titil
og það er oftar en nokkru öðru liði
hefur tekist.
Liverpool sigraði 1. deildarlið
Birmingham í dramatískum úrslita-
leik, sem fram fór á þúsaldarvell-
inum í Wales, og réðust úrslitin í
vítaspyrnukeppni en staðan eftir
venjulegan leiktíma og framleng-
ingu var jöfn, 1:1. Þegar liðin höfðu
lokið við fimm spyrnur var staðan
enn jöfn, 4:4, en markverðir liðanna
vörðu eina spyrnu hvor. Í sjöttu um-
ferðinni réðust úrslitin. Jamie Carr-
agher skoraði örugglega úr sinni
spyrnu fyrir Liverpool en Andrew
Johnson lét Sander Westerweld
verja frá sér.
Liverpool á möguleika á að bæta
tveimur öðrum bikurum í sitt stóra
safn á þessari leiktíð en „rauði her-
inn“ er komið í 8 liða úrslit í bæði
ensku bikarkeppninni og UEFA-
keppninni.
Það stefndi allt í sigur Liverpool
á venjulegum leiktíma. Robbie
Fowler kom Liverpool í forystu á
30. mínútu með glæsilegu marki en
á lokamínútunni jafnaði Darren
Pursen metin fyrir Birmingham
með marki úr vítaspyrnu. Bæði lið
áttu góð færi í framlengingunni og
minnstu munaði að Dietmar Haman
skoraði en þrumuskot hans small í
stönginni.
„Þetta var frábær úrslitaleikur
og ég verð að hrósa Birmingham
fyrir góða frammistöðu. Það var
erfitt að þurfa að fara út í framleng-
ingu enda er þetta fjórði leikur okk-
ar á tíu dögum en mínum mönnum
til hróss sýndu þeir góðan karakter
í framlengingunni,“ sagði Gerard
Houllier, knattspyrnustjóri Liver-
pool, glaður í bragði eftir leikinn.
ReutersRobbie Fowler, fyrirliði Liverpool, með bikarinn. Fowler sagði að nýtt sigurtímabil Liverpool væri runnið upp.
Sex ára bið
Liverpool
á enda