Morgunblaðið - 17.07.2001, Page 8

LANDSMÓTIÐ Á EGILSSTÖÐUM
8 B ÞRIÐJUDAGUR 17. JÚLÍ 2001 MORGUNBLAÐIÐ
ÞÓREY Edda Elísdóttir var
ánægð með tvær tilraunir sínar
við nýtt Íslandsmet í stangarstökki
en að sama skapi dálítið vonsvikin
yfir að hafa ekki náð því.
„Ég nálgast metið, ég var nær
núna en á meistaramótinu um síð-
ustu helgi. Ég held ég hafi verið
vel yfir í fyrsta stökkinu, en dreif
ekki nóg inn í stöngina og hefði
þurft að keyra aðeins betur í lok-
in. Ég er bjartsýn á að þetta fari
að koma – mér finnst orðið stutt í
metið,“ sagði Þórey Edda.
Spurð hvort hún sæi fyrir sér
fimm metranaþegar hún færi að
sofa á kvöldin, sagði hún svo ekki
vera: „Ég sé nú ekki svo langt
ennþá. Maður setur sér eitt mark-
mið í einu og reynir að ná því.
Það var virkilega gaman að keppa
hérna.
Það var dálítið kalt þegar það
fór að rigna, en allar aðstæður
eru fínar og það var virkilega
gaman að hafa alla þessa áhorf-
endur sem hjálpuðu mikið,“ sagði
Þórey Edda sem hélt af landi
brott á mánudagsmorguninn
ásamt Völu.
Þær keppa í vikunni í Stokk-
hólmi, síðan í Lundúnum og koma
því næst heim. Hér gera þær
stuttan stans því daginn eftir fara
þær til Kanada á heimsmeist-
aramótið í byrjun ágúst.
Keppnin hófst á hádegi á sunnu-daginn og um morguninn hafði
verið ágætt veður og áhorfendur
fjölmenntu í brekkuna við Vil-
hjálmsvöll. Talið er að þegar mest
var, við stangarstökkskeppnina,
hafi verið um 5.000 manns að fylgj-
ast með. Þegar klukkuna vantaði
fimm mínútur í tólf kom hellirigning
og kliður fór um brekkuna. En þetta
var aðeins skúr og fljótlega stytti
upp. Stúlkurnar fimm, Þórey Edda
og Vala, bandarísku stúlkurnar
Melissa Müller og Kellie Shuttle
auk Hönnu Miu Persons frá Svíþjóð
fengu ágætis veður. Þegar Vala fór
út á brautina í fyrsta sinn var tekið
vel á móti henni og sólin kom fram
úr skýjunum um stundarsakir. Vala
fór yfir 4,01 metra og það gerðu
stúlkurnar allar.
Næst var hækkað í 4,21 og fyrst
var sænska stúlkan sem gerði þarna
atlögu að sænska metinu. Hún felldi
í þrígang eins og Müller og Vala
þannig að Shuttel og Þórey Edda
voru tvær eftir og stöngin sett í 4,31.
Þórey Edda fór yfir 4,21 í fyrstu til-
raun en Shuttel í annarri þannig að
Þórey Edda var með forystu. Báðar
fóru þær yfir 4,31 í þriðju og síðustu
tilraun og nú var hækkað í 4,51,
reynt skyldi við Íslandsmetið.
Fyrsta tilraun Þóreyjar Eddu var
fín, hún var vel yfir ránni en náði
ekki að koma sér frá henni áður en
hún lagði af stð niður úr háloftun-
um. Önnur tilraun hennar mistókst
en í þeirri þriðju var hún hársbreidd
frá því að setja met, en það tókst
ekki og hún verður að bíða enn um
sinn. Miðað við tilraunir hennar við
metið er alveg ljóst að metið fellur
fyrr en síðar.
ENN verður einhver bið á því að Íslandsmet Völu Flosadóttur í
stangarstökki, 4,50 metrar síðan á Ólympíuleikunum í Sydney,
verði slegið. Þórey Edda Elísdóttir gerði harða hríð að því á síðasta
degi landsmóts UMFÍ á Egilsstöðum, var mjög nærri því að fara yfir
4,51 metra í tvígang, en metið hélt.
Íslandsmetið hélt velli
Morgunblaðið/Þorkell
Þórey Edda Elísdóttir slappar af áður en hún stekkur, en sænska stúlkan Hanna Mia Person er tilbúin að stökkva.
Þórey Edda
Elísdóttir nálgast
Íslandsmet Völu
í stangarstökki
Það er
orðið
stutt í
metið
Morgunblaðið/Þorkell
Þórey Edda reynir við Íslandsmetið, en felldi naumlega.
Ég keppti fyrst á Hvanneyri ogsigraði þar í þremur hlaupa-
greinum og komst í úrslit í lang-
stökki þar sem ég
endaði í þriðja sæti.
Annars var fyrsta
mótið mitt drengja-
meistaramótið 1942,
þá buðu KR-ingar mér og Tómasi
Árnasyni að taka þátt. Mótið var
haldið í Reykjavík og ég man að ég
fór akandi suður og það tók tvo
daga en ég held að Tómas hafi far-
ið með skipi, en við urðum sam-
ferða austur að mótinu loknu. Ég
náði að sigra í 100 metra hlaupinu
en þarna kepptu margir góðir pilt-
ar, upprennandi stjörnur í íþrótt-
inni hér á landi. Við Tómas fórum
austur með fimm meistarastig, ég
vann í 100, 400 og langstökki og
Tómas í spjótkasti og stangar-
stökki auk þess sem hann komst í
úrslit í kúlu og kringlu, náði meðal
annars að sigra Jón Sigurðsson.
Þetta var mikil frægðarför okkar
Austfirðinganna og ég náði að setja
Íslandsmet drengja í 400 metrun-
um og kempan Finnbjörn Torfason
varð að sætta sig við annað sætið.
Ég keppti á næstu fjórum lands-
mótum og endaði á Akureyri 1955
með því að keppa í 4x100 metra
boðhlaupi með Vilhjálmi Reynis-
syni, Guðmundi Hallgrímssyni og
Rafni Sigurðssyni. Við settum
landsmótsmet í greininni og mér
skilst að það hafi staðið ansi lengi.“
Þrátt fyrir að aðstæður hafi breyst
mikið til hins betra þá hlaupa
menn 100 metrana ekki mikið bet-
ur en Guttormur gerði á sínum
tíma og hann hefði farið langt með
að sigra í 100 metrunum í ár miðað
við hans besta tíma.
„Aðstæðurnar hafa breyst mikið.
Við kepptum venjulega á grasvelli
og oft var þetta hálfgerður mosi
sem við hlupum á, það var bara í
Reykjavík sem við komumst á mal-
arbrautir. Aðstaðan hér á Egils-
stöðum er sérlega glæsileg og allt
umhverfið er svo fallegt að þetta á
sér enga hliðstæðu hér á landi.
Íþróttamennirnir standa sig
ágætlega en mér finnst ansi mikil
lægð í frjálsíþróttum hér á landi.
Raunar virðist þetta ganga dálítið í
bylgjum og það er gaman að fylgj-
ast með vaskri sveit frá Skagafirði,
þar virðast frjálsíþróttir vera í
blóma. Ég vil helst kenna fjölmiðl-
unum um hvernig komið er fyrir
íþróttinni því þeir gera henni allt
of lítil skil. Máttur fjölmiðla er
mikill og hann er vandmeðfarinn
og þetta á við á miklu fleiri sviðum
en íþróttum,“ sagði Guttormur sem
var síðan rokinn til að veita verð-
laun fyrir 100 metra hlaup karla.
„Ég sagði piltunum að þeir yrðu að
standa sig vel, annars fengju þeir
engin verðlaun,“ sagði hlauparinn
gamalkunni og hafði greinilega
gaman af, enda fylgist hann vel
með þrátt fyrir að 46 ár séu liðin
síðan hann lagði hlaupaskóna á
hilluna.
Guttormur Þormar
heiðursgestur
Morgunblaðið/Þorkell
Guttormur Þormar, heiðurs-
gestur landsmóts UMFÍ.
GUTTORMUR Þormar frá Geitagerði í Fljótsdal var heiðursgestur
landsmótsins, en hann er 78 ára gamall og keppti á árum áður í
frjálsum íþróttum þar sem stjarna hans skein skærast í hlaupum
þótt hann væri vel liðtækur í langstökki og þrístökki. Guttormur
keppti á fimm landsmótum, varð stigahæsti einstaklingurinn á sínu
fyrsta móti, á Hvanneyri 1943 en þar sigraði hann í 100, 200 og 400
metra hlaupi.
Skúli Unnar
Sveinsson
skrifar