Morgunblaðið - 01.03.2002, Blaðsíða 14

HÖFUÐBORGARSVÆÐIÐ
14 FÖSTUDAGUR 1. MARS 2002 MORGUNBLAÐIÐ
Funahöfða 1
www.notadirbilar.is
Vantar bíla,
fellihýsi, tjaldvagna
og vélsleða á skrá.
Polaris xc 700, árg. ´98, ek. 2 þ. km, 10“ fjöðrun, neglt
belti. V erð 600.000. Fleiri sleðar á staðnum og á skrá.
Grand Cherokee Laredo, ´96, ek. 90 þ. km, svartur,
s+v-dekk, ssk., cd., álf., fjarstart., dráttarkrókur. Verð
1.590.000, áhv. 1.000.000. Engin skipti.
Daihatsu Terios, árg. 1998, silfurgrár, ek. 62 þ. km,
s+v-dekk, álfelgur, aukafelgur, cd., grind framan,
skíðabogar o.fl., 5 dyra, 5 gíra, smurbók. Einn eigandi.
Verð 940.000, áhv. 370.000. Skipti ath.
VW Golf Comfortline, 10.08. 2000, ek. 13 þ. km, blár, 3
dyra, álf., cd., 5 gíra. Verð 1.270.000.
Nissan Almera 1800 Luxury, 04.07. 2000, ek. 17 þ. km, 5
dyra, ssk., s+v-dekk, álf., cd., spoiler. Verð 1.590.000.
Eigum einnig til beinsk. Almeru 1,5, ‘01. Verð 1.490.000.
Isuzu Trooper TDI, 27.03. 2001, grænsans., ssk., 33“
breyting, s+v-dekk á álfelgum, ek. 10 þ. km. Verð
4.290.000, áhv. 2.750.000. Skipti ath.
Chevrolet Tahoe lt, árg. ´99, ek. 62 þ. km, v-rauður, ljóst
leður, 33“ dekk, með öllu, gullfallegur bíll. Verð
4.390.000, áhv. 1.600.000. Skipti ath.
Toyota Rav 4, 01.02. 2001, ssk., 5 dyra, hvítur/grár, ek.
21 þ. km, álf., cd., o.fl. Verð 2.430.000, áhv 1.300.000.
Engin skipti.
Nissan Patrol Elegance, 15.08. 2001, blár/grár, ssk., ek.
10 þ. km. Verð 4.800.000. Skipti ath.
STEFNT er að því að ljúka við
lagningu útivistarstígs umhverfis
Vífilsstaðavatn næsta sumar, en
þegar er búið að leggja hluta stígs-
ins.
Þá verður ýmislegt annað gert
umhverfis vatnið til að auðvelda að-
gengi að því svo og auka við útivist-
armöguleika á svæðinu. Bæjarráð
Garðabæjar samþykkti í vikunni til-
lögur garðyrkjustjóra um fram-
kvæmdir við frágang á opnum
svæðum árið 2002 og eru tillögur
að framkvæmdum við Vífils-
staðavatn þeirra á meðal.
Nú þegar er upplýsingaskilti á
bílastæði við Elliðavatnsveg vestan
við vatnið þar sem meðal annars er
að finna kort af útivistarsvæðum
ofan byggðar í Garðabæ.
Þá er göngubrú yfir stíflu á af-
falli vatnsins í byggingu og mun
hún nýtast til stangveiði og vera
hluti af hringleið umhverfis vatnið.
Skýli var reist við vatnið síðast-
liðið haust og fyrirhugað er á þessu
ári að koma upp fræðsluskiltum um
fugla við skýlið og um lífríki vatns-
ins við vatnið, samkvæmt upplýs-
ingum garðyrkjustjórar Garða-
bæjar, Erlu Bil Bjarnardóttur. Hún
segir að einnig sé fyrirhuguð end-
urgerð bryggju til almennrar úti-
vistar og umhverfisfræðslu.
„Ekki er fyrirhugað að leyfa
vélbátaumferð á vatninu,“ segir
Erla. „Svæðið ætti að verða að-
gengilegt fyrir alla, til dæmis hjóla-
stóla, eftir þessar framkvæmdir.“
Vífilsstaðavatn er á vatnsvernd-
arsvæði og því verður að sögn Erlu
að fara sérstaklega varlega í allar
framkvæmdir og hefur heilbrigð-
isfulltrúi gefið leyfi fyrir því.
Óvenju hreint og ómengað vatn
Rannsóknir á lífríki Vífilsstaða-
vatns sem Bjarni Jónsson vistfræð-
ingur hefur unnið fyrir umhverf-
isnefnd Garðabæjar, sýna að sögn
Erlu að Vífilsstaðavatn er með líf-
ríkustu vötnum landsins og óvenju
hreint og ómengað, þótt byggð sé
svo nærri.
„Fyrir utan þá þýðingu sem um-
hverfi vatnsins hefur sem útivist-
arsvæði hefur það verið nýtt í um-
hverfisfræðslu í Flata- og
Hofsstaðaskóla,“ segir Erla.
Á síðasta ári gaf umhverfisnefnd
Garðabæjar út námsefni undir heit-
inu Vífilsstaðavatn, gersemi Garða-
bæjar. Kennslubókin er skrifuð fyr-
ir 11–12 ára nemendur og er lögð
áhersla á að námið fari að hluta til
fram á vettvangi. Námsefnið sem
Sólrún Harðardóttir er höfundur
að, var áður kennt í tilraunaskyni í
tvo vetur og hafa kennarar lýst
ánægju með útikennsluna við Vífils-
staðavatn þar sem Bjarni Jónsson
fræðir nemendur um það helsta
sem viðkemur lífríki vatnsins.
Börnin fá m.a. að veiða í net og að
veiða ála í gildrur. Að veiði lokinni
er farið með aflann heim í skóla-
stofu og krufin þar.
Þegar vatnið er hins vegar ísilagt
eins og þessa dagana er ekki úr
vegi að draga fram skautana og
renna sér um ísinn sem er renni-
sléttur og ekki spillir vetrarsólin
fyrir stemmningunni.
Útivist
við Vífils-
staðavatn
Morgunblaðið/Golli
Göngubrú yfir stífluna við affall Vífilsstaðavatns.
Garðabær
SAMÞYKKT var í bæjarstjórn
Mosfellsbæjar í vikunni að tillaga
að nýju aðalskipulagi bæjarins fari
í kynningu. Í aðalskipulaginu, sem
gilda á fyrir tímabilið 2002-2024,
er lögð áhersla á umhverfisvæna
stefnu bæjarins með ýmsu móti,
t.d. með sérstökum landbúnaðar-
svæðum og skógræktarsvæðum.
Þá hafabæjarmörkin færst með til-
komu landaskiptasamnings bæjar-
ins og Reykjavíkurborgar sem
gerður var í fyrra. Við Hafravatn
er stefnt að því að byggja upp fjöl-
breytta útivistaraðstöðu. Í gatna-
málum ber það hæst að í framtíð-
inni er fyrirhugað að sett verði
mislæg gatnamót á Vesturlands-
veg á nokkrum stöðum en auk
þess er gert ráð fyrir að sums
staðar geti götur farið undir veg-
inn mislægt án þess að tengjast
honum.
Hægt er að nálgast skipulags-
uppdrætti og greinargerð um að-
alskipulagstillöguna á heimasíðu
Mosfellsbæjar, www.mos.is.
Nýtt aðalskipulag í kynningu
Mosfellsbær
BÆJARSTJÓRN Mosfellsbæjar
harmar þau mistök sem átt hafa
sér stað við lagningu reiðstígs á
Blikastaðanesi og vill í því sam-
bandi leggja áherslu á að með verk-
lagi við framkvæmdir verði tryggt
að slík óhöpp endurtaki sig ekki í
framtíðinni. Svohljóðandi bókun
var samþykkt á fundi bæjarstjórn-
ar Mosfellsbæjar á miðvikudag, en
um er að ræða reiðstíg sem Hesta-
mannafélagið Hörður í Mosfellsbæ
er framkvæmdaraðili að.
Bæði Náttúruvernd og Fornleifa-
vernd ríkisins hafa sent bæjarverk-
fræðingi Mosfellsbæjar bréf um að
mat stofnananna eftir vettvangs-
könnun sé að óleyfilegt hafi verið
að leggja stíginn á tilteknu svæði
án umsagnar stofnananna með til-
liti til þjóðminja- og náttúruvernd-
arlaga. Tryggvi Jónsson, bæjar-
verkfræðingur Mosfellsbæjar, segir
að framkvæmdir hafi verið stöðv-
aðar og óskað eftir viðræðum við
Náttúruvernd og Fornleifavernd
ríksins um framhaldið.
Óleyfilegt að hylja
fornleifar án umsagnar
Í bréfi Fornleifaverndar ríksins
segir að reiðstígurinn liggi m.a. yfir
friðlýstar fornleifar. Hann liggi
m.a. ofan á gömlum reiðstíg, gegn-
um túngarð og yfir gamalt tún.
Einnig liggi hann yfir grjótvegg við
gerði og mannvirki sem þar er og
yfir tóftarbrot við sjávarbakkann. Í
bréfinu er vísað til þjóðminjalaga
þar sem fram kemur að óleyfilegt
er að hylja fornleifar nema með
leyfi Fornleifaverndar ríkisins.
Bendir stofnunin á að í kringum
friðlýstar rústir sé tuttugu metra
friðhelgt svæði. Jafnframt er bent
á að allar búsetuminjar eldri en
hundrað ára, þar með talin tún,
garðar og reiðvegir, séu friðuð
samkvæmt lögum.
Fornleifavernd ríksins segist í
bréfinu fallast á að hreinsað verði
ofan af fornleifunum sem huldar
hafa verið. Komi í ljós við hreins-
unina að rústirnar hafi spillst við
framkvæmdirnar við reiðveginn fer
stofnunin fram á að þær verði
rannsakaðar með fornleifaupp-
greftri „svo unnt verði að bjarga
því sem bjargað verður“, líkt og
segir í bréfinu til bæjarverkfræð-
ingsins.
Náttúruvernd ríkisins bendir
bæjaryfirvöldum á að Leiruvogur
er á náttúruminjaskrá, en við vett-
vangsskoðun stofnunarinnar kom í
ljós að efni hafði verið tekið úr fjör-
unni í umræddan reiðveg. Svæðið
er á náttúruminjaskrá vegna fjöl-
breytilegs strandgróðurs, lífríkra
fjara og mikils fuglalífs, en leita
þarf umsagnar stofnunarinnar um
framkvæmdir þar sem hætta er á
að spillt verði svæðum sem eru á
náttúruminjaskrá. Efnistaka í
Leiruvogi er því óheimil, segir í
bréfi Náttúruverndarinnar.
Tryggvi segir að ekki hafi verið
leitað umsagnar hjá þessum stofn-
unum áður en framkvæmdir hófust
þar sem bæjaryfirvöld hafi ekki
gert sér grein fyrir umfangi fram-
kvæmdanna. Talið hafði verið að
um væri að ræða lagfæringu á
gömlum reiðvegi en annað hafi
komið á daginn.
Reiðvegur lagður yfir forn-
leifar á náttúruverndarsvæði
Mosfellsbær