Morgunblaðið - 01.03.2002, Blaðsíða 30

LISTIR
30 FÖSTUDAGUR 1. MARS 2002 MORGUNBLAÐIÐ
ÞÆR Anna Guðný Guðmunds-
dóttir píanóleikari og Sigrún
Hjálmtýsdóttir söngkona fagna 20
ára samstarfsafmæli sínu með tón-
leikum í Salnum í kvöld kl. 20.
Reyndar nær samstarf þeirra
lengra aftur en 20 ár; – þær kynnt-
ust þegar þær voru báðar við nám í
Guildhall School of Music and
Drama í London fyrir 22 árum. Þá
strax fóru þær að vinna saman og
hafa ræktað samstarfið vel allar
götur síðan.
„Ég var mjög heppin að kynnast
Önnu Guðnýju strax þarna úti, því
leiðir okkar áttu eftir að liggja
saman aftur um leið og við komum
heim. Við féllum strax saman eins
og flís við rass og samstarfið hefur
gengið mjög vel,“ segir Diddú.
Anna Guðný og Diddú hafa hald-
ið fjölda tónleika saman, auk þess
sem þær hafa í nógu að snúast að
koma fram á fundum og ráð-
stefnum og við ýmiss konar hátíð-
arhöld. „Við höfum allt of sjaldan
gefið okkur tíma til að vera með
ljóðatónleika eins og þessa,“ segir
Anna Guðný, og Diddú bætir við
að þær hafi oftar verið að flytja
músík í léttari kantinum. „Svona
tónleikar krefjast miklu meiri
vinnu og undirbúnings. Maður
kemst ekki upp með neitt múður,
öll smáatriði þurfa að vera í lagi.“
Að bæta á sig blómum
„Diddú hefur líka haft mikið að
gera við óperusöng, óperan hefur
verið í fyrsta sæti og þær eru ófáar
rullurnar sem hún hefur sungið.
En þetta er eitthvað sem okkur
hefur lengi langað til að gera,“ seg-
ir Anna Guðný. „Mér finnst ég líka
núna svo tilbúin til að takast á við
þetta,“ segir Diddú, „ég var fram-
an af bæði feimin og treg til að
syngja ljóð, þau krefjast ákveðinna
stílbrigða og tungumálakunnáttu.
En maður getur lengi á sig blóm-
um bætt og Anna Guðný hefur ver-
ið stoð mín og stytta við þetta. Nú
er hún komin með svo mikla
reynslu sem leiðbeinandi eftir að
hafa kennt og spilað með söngv-
urum um árabil.“
Á efnisskrá verður lagaflokkur-
inn A Suite of Bairnsangs eftir
skoska tónskáldið Theu Musgrave,
þrír söngvar eftir Olivier Messia-
en, en hann orti sjálfur tvö
ljóðanna, ensk sönglög eftir Parry,
Head, Howells og Frank Bridge,
en eftir hlé verður tónlistin ein-
göngu sótt í smiðju Richards
Strauss.
„Við vildum endilega hafa ensku
lögin með, þau eru þekkt í Eng-
landi en síður hér. Þau eru ákaf-
lega falleg og rómantísk og sér-
staklega ensk, þótt þau séu ólík
innbyrðis. Mann langar mest í te
og skonsur þegar maður heyrir
þau,“ segir Diddú. Anna Guðný
segir að lög Messiaens séu ótrú-
lega falleg og að þeir sem kunni
hrafl í frönsku geti vel skilið ljóðin,
því þau séu einföld. „Þau eru á lág-
væru nótunum en samt er í þeim
mikil dýpt og ástríða.“
Lögin eftir Strauss sem þær
flytja eru sum hver vel þekkt en
önnur minna þekkt. Þjú þeirra eru
úr flokki laga við ljóð eftir Brent-
ano. „Þau eru erfið fyrir píanóið,“
segir Anna Guðný, „þetta er eins
og heil hljómsveit.“ Diddú segist
lengi hafa langað til að læra lög
Strauss almennilega. „Mig langaði
að geta flutt þau með þroska. Mað-
ur lærir svo margt á því að vinna
lög svona ítarlega og þessi lög hef-
ur mig alltaf langað til að syngja.“
Diddú og Anna Guðný fagna samstarfsafmæli
Morgunblaðið/Kristinn Ingvarsson
Anna Guðný Guðmundsdóttir og Sigrún Hjálmtýsdóttir fagna 20 ára samstarfsafmæli í Salnum í kvöld.
Eins og flís við rass
NÚ stendur yfir Vetrarhátíð
Reykjavíkur, Ljós í myrkri. Dag-
skráin í dag er á þessa leið:
Kl. 8: Laugardalslaug. Vatnsleik-
fimi undir stjórn Lovísu Einarsdótt-
ur. Boðið upp á kaffi við kertaljós.
Kl. 10: Ráðhús Reykjavíkur.
Myndlistarsýning Þuríðar Sigurðar-
dóttur, „Í nýju ljósi“. Til 3. mars.
Kl. 10-17: Fjölskyldu- og hús-
dýragarðurinn. Fjölbreytt dagskrá.
Grasagarðurinn, Garðskáli. Mynda-
sýningin Ekkert líf án ljóss.
Kl. 16–20: Skautahöllinn. Skau-
tadiskó fyrir börn og unglinga.
Kl. 19–24: Aðalstræti 6. Verð-
launaverk eftir Jón Sæmund Auðar-
son. Orkuveita Reykjavíkur varpar
mynd af íslenskum fossi á framhlið
hússins með tilheyrandi fossnið. Ís-
listamaður formar skúlptúr úr ís
með ljósum á Ingólfstorgi.
Kl. 20: Hitt húsið. Skrúðganga frá
Aðalstræti 2 að Pósthússtræti 3–5,
en þangað flytur Hitt húsið. Götu-
leikhús, eldblásarar, dansarar og
trumbusláttur. Opnunarhátíð kl.
20.30–22. Draugagangur í kjallaran-
um, ljósberar og rokk á háalofti.
Kirsuberjatréð v. Vesturgötu.
Draugasögur við kertaljós. Til kl. 21.
Sundhöll Reykjavíkur. Ljósatón-
leikar á bólakafi. Stafrænn Hákon
heldur neðansjávartónleika. Plötu-
snúðurinn Dj a la casa sér svo um að
tónlistarflutninginnþað sem eftir er
kvöldsins. Dýfingakeppni verður háð
af báðum pöllum og laugin verður
lýst upp með neonljósum og tilheyr-
andi. Ætlað unglingum á aldrinum
13–16 ára. Til kl. 22.
Kl. 21: Lækjartorg að Hallgríms-
kirkju. Via Dolorosa - píslaraganga:
Vegur Krists að krossinum. Verð-
launaverk Guðlaugs Valgarðssonar.
Gengið undir leiðsögn sr. Halldórs
Reynissonar. Kaffi Reykjavík. Guit-
ar Islancio leikur djassaða útgáfu af
íslenskum þjóðlögum. Til kl. 23. Há-
skóli Íslands. Aðalbyggingin skiptir
litum og birt eru skilaboð til borg-
arbúa. Til kl. 24.
Kl. 22: Hallgrímskirkja. Camer-
arctica flytur tónlist m.a. eftir Moz-
art, við kertaljós. Vilborg Dagbjarts-
dóttir les ljóð og Hrafnkell Egilsson
sellóleikari flytur 5. svítu Bachs.
Kaffi Romance. Lis Gammon píanó-
leikari frá Wales leikur.
Gallerí i8, Klapparstíg 33: Sýning
Helenu Hietanen.
Gallerí Reykjavík: Guðfinna Ey-
dal, Ingibjörg Klemenzdóttir, Guð-
mundur Björgvinsson.
Listasalurinn Man: Glerlistasýn-
ingin Birta. Verkin eru eftir þær
Ingibjörgu Hjartardóttur, Kristínu
J. Guðmundsdóttur og Rebekku
Gunnarsdóttur.
Ljós í
myrkri
MENNINGARVERÐLAUN DV
voru veitt í 24. skipti í gær og hlutu
eftirtaldir listamenn verðlaunin: Í
bókmenntum: Sjón fyrir skáldsög-
una Með titrandi tár. Í leiklist: Viðar
Eggertsson fyrir þrjár uppsetningar
í þremur leikhúsum. Í byggingarlist:
Arkitektastofurnar Andersen & Sig-
urðsson I/S og Holm & Grut A/S í
Kaupmannahöfn í samstarfi við
Steinar Sigurðsson, Manfreð Vil-
hjálmsson Arkitektar ehf., fyrir
Flugstöð Leifs Eiríkssonar, stækk-
un. Í listhönnun: Handverk og hönn-
un fyrir sýningarhald og kynningar-
starf. Í tónlist: Hörður Áskelsson,
kantor Hallgrímskirkju. Í kvik-
myndalist: Þorfinnur Guðnason fyrir
heimildarmyndina Lalli Johns og í
myndlist: Steingrímur Eyfjörð fyrir
sýningu í Gerðarsafni.
Menningar-
verðlaun
DV veitt
Fjölbrautaskólinn á Akranesi.
Hagyrðingakvöld Lionsklúbbsins
Eiðna á Akranesi kl. 20. Fimm
kunnir hagyrðingar taka þátt: Björn
Þórleifsson, Björn Ingólfsson,
Hjálmar Freysteinsson, Ingi Stein-
ar Gunnlaugsson og Þórdís Sig-
urbjörnsdóttir. Stjórnandi er Birgir
Sveinbjörnsson.
Allur ágóði rennur til líknarmála.
Í DAG
GUÐNÝ Björk Guðjónsdóttir opnar
sýningu í sal Íslenskrar grafíkur,
Tryggvagötu 17, á morgun, laugar-
dag. Sýningin heitir „Ekkert er aft-
ur“ og er vísun í aðferð myndlist-
arkonunnar í notkun þrykksins.
Þetta er fyrsta einkasýning Guðnýj-
ar en verk hennar hafa verið valin á
fjölda samsýninga, hér heima og er-
lendis, frá því að hún lauk námi vorið
1997.
„Grafíkin gefur mér möguleika til
að vinna með endurtekninguna sem
ekki er til, gera aftur og aftur sama
verkið sem verður ekki sama verk-
ið,“ segir Guðný.
„Þegar ættar koparplöturnar eru
þrykktar með mismunandi þrykk-
aðferðum og litum næst tilvísun í
ólíka upplifun frá augnabliki til
augnabliks, gleði til sorgar, einum
horfanda til annars. Í einni svipan
sérðu heild. Í næstu andrá hið eina
sem er ekki hið sama og annað, það
er eitt – einstakt – grunnur og þó
ekki því að þegar þú ætlar að ganga
að því aftur er ekkert það sama.“
Sýningin er opin fimmtudaga til
sunnudaga kl. 14-18 og stendur til
24. mars.
Vísun í notk-
un þrykksins
NÍTUGASTA sýning á leikriti
Eve Ensler, Píkusögum, verð-
ur í Borgarleikhúsinu annað
kvöld, laugardagskvöld. Leik-
ritið hefur gengið fyrir fullu
húsi frá því á síðasta leikári,
en einnig var farið með það í
leikferð til sex staða á suður-,
vestur- og norðurlandi sl.
haust. Leikkonur í Píkusögum
eru þær Halldóra Geirharðs-
dóttir, Jóhanna Vigdís Arnar-
dóttir og Sóley Elíasdóttir.
Leikstjóri er Sigrún Edda
Björnsdóttir.
90. sýning á
Píkusögum
LEIKFÉLAG Kópavogs frumsýnir
leikverk byggð á Grimmsævintýrum
í kvöld, föstudagskvöld kl. 20. M.a.
Hans og Grétu, Klaufa-Bárð, Rauð-
hettu og Mjallhvíti. Leikstjóri er
Ágústa Skúladóttir.
Tíu leikarar taka þátt í sýningunni
og leikur hver nokkur hlutverk. Auk
þeirra eru tónlistarmenn virkir þátt-
takendur í sýningunni. Frosti Frið-
riksson hannaði leikmynd, Alexand-
er Ólafsson og Skúli Hilmarsson sjá
um lýsingu og Þórey Björk Viggós-
dóttir og Þórunn Eva Hallsdóttir um
búninga.
Grimmsævin-
týri í Kópavogi
♦ ♦ ♦
♦ ♦ ♦
Listasafn Reykjavíkur
– Hafnarhús
Sýningu Bernd Koberling lýkur á
sunnudag. Þar gefur að líta áttatíu
olíu- og vatnslitamyndir sem Koberl-
ing hefur unnið á árunum 1988 til
dagsins í dag.
Sýningin fer héðan til sýningar í
Saarland Museum í Saarbrucken, í
Þýskalandi. Leiðsögn verður um
sýninguna á sunnudag kl. 16.
Straumur, Hafnarfirði
Ljósmyndasýningu Bjarka Reyrs
Ásmundssonar og Arsineh Houspian
frá Ástralíu lýkur á sunnudag. Af því
tilefni mun listamaðurinn Buzby
leika á ástralska frumbyggjahljóð-
færið didgeridoo kl. 15 á sunnudag.
Sýningum lýkur