Morgunblaðið - 23.04.2002, Síða 45

þau 16. maí. Í september sama ár
fluttu þau til Reykjavíkur og giftu
sig í Dómkirkjunni 27. janúar
1893.
Fyrsta heimili þeirra var á Suð-
urgötu 11. Árið eftir bjuggu þau á
Vesturgötu 17. 17. maí 1894 kaupa
þau húsið á Laugavegi 21 af Magn-
úsi Pálssyni, sem Ole hafði byggt.
Þau eignuðust fimm börn en
misstu tvö þeirra í æsku. Börnin
sem komust upp voru: Haldor Jo-
hann, Ragnar Sevirin og Johanne.
Haldor Johann og kona hans
Guðrún Sigurrós Þorláksdóttir
eignuðust soninn Þorlák sem var
þekktur listmálari. Hann var með
vinnustofu og málverkasölu á
fyrstu hæð hússins á árunum 1964
til 1974.
Systkinin Ragnar og Johanne
bjuggu á efri hæðinni alla ævi. Það
er ekki orðum aukið að þar hafi
tíminn staðið í stað. Þau elduðu á
kolavél eins og fram kemur fram í
viðtali við Ragnar frá árinu 1962 í
Alþýðublaðinu. Greinin er skrifuð
af Stefáni Nikulássyni.
Samkvæmt kirkjubókum fyrstu
tvo áratugina bjó mikill mannfjöldi
í ekki stærra húsi og þegar flest
var, nítján manns á fimm heim-
ilum. En í íbúskrá frá 1910 eru Ole
og Else einu íbúar hússins ásamt
börnum sínum þremur.
Ole J. Haldorsen lést 6. mars
1931. Else Johnsd. lést 30. mars
1954
Í gegnum tíðina hefur verið
verslun eða annar rekstur á neðri
hæð hússins. Haldor Gunnar Hal-
dorsen, sonur Þorláks listmálara,
hefur tekið saman nöfn þeirra sem
voru með atvinnustarfsemi í hús-
inu. Með hans leyfi er birt upp-
talning á þeim sem þar höfðu at-
vinnurekstur.
1897 Ole J. Haldorsen
agent, vagnasmiður,
kalkinnflutningur og vinnsla.
1902 Tómas Halldórsson,
skósmiður.
1903 J. Jónsson, verslun.
1905 Ámundi Árnason, búð/
sláturhús og Haraldur
Sigurðsson með verslun.
1906 Elías Magnússon, verslun.
1907 Sigurður Halldórsson
klæðskeri.
1918 Halldór og Júlíus,
klæðskerar.
1924 Ámundi Árnason, sölubúð.
1926 Kaupfélag Borgnesinga.
1930 Guðmundur B. Vikar,
klæðskeri.
1942 Hannes Erlendsson,
klæðskeri.
1964 Þorlákur R. Haldorsen, gall-
erí og vinnustofa.
1982 Gerður í Flónni, Arndís Jó-
hannsdóttir söðlasmiður.
1989 Jóhannes í Regnfatabúðinni
og Kompan.
Eitt af fyrstu
listagalleríunum
Árið 1964 er Þorlákur R. Hal-
dorsen, sonarsonur Ole og Else
Haroldsen, kominn í húsið með
listagallerí og vinnustofu. Það mun
vera fyrsta eða eitt af fyrstu lista-
galleríum á landinu.
Einhvern tíma á áttunda ára-
tugnum urðu eigendaskipti á hús-
inu og þar með var eignin farin úr
ættinni.
Á níunda áratugnum bjó margt
ungt fólk á efri hæð hússins, sum
af þeim sem þar höfðu viðdvöl eru
þekkt nöfn úr tónlistarheiminum.
Ekki hefur tekist að hafa samband
við þessa aðila og því koma nöfn
þeirra ekki fram í greininni.
Árið 1999 kaupir Kristinn Sæ-
mundsson húsið. Hann býr á efri
hæðinni með syni sínum Sverri. Á
neðri hæðinni er verslunin
Hljómalind og í kjallara eru
geymslur.
Kristinn er búinn að gera húsið
upp að utan en eftir er að gera það
upp að innan. Gamlar og skemmti-
legar innréttingar eru í verslun-
inni en ekki vitað með vissu frá
hvaða tíma þær eru. Um tíma stóð
til að rífa húsið, ef af því hefði orð-
ið hefði verið unnið óbætanlegt
tjón. Varðveislugildi þessa húss er
ómetanlegt þar sem það hefur
óvenjulega mikla sögu að geyma
og er auk þess eitt af elstu húsum
við Laugaveg.
Helstu heimildir: Borgarskjalasafnið,
brunavirðingar og B-skjöl, Húsadeild Ár-
bæjarsafns, kirkjubækur og viðtal við
Haldor Gunnar Haldorsen.
MORGUNBLAÐIÐ ÞRIÐJUDAGUR 23. APRÍL 2002 C 45HeimiliFasteignir
Þ
EGAR Anna Dana Daníels-
dóttir hóf búskap, fyrir tíu
árum, fylgdu henni tvær
skjaldbökur og nokkrir
gullfiskar í búri. Heimanmundurinn
var sem sagt í formi gæludýra.
Nú á Anna Dana mann, þrjú börn,
nokkra gullfiska, páfagauk, þrjár
kanínur, hund og 11 ketti, þar af ný-
gotna læðu með 8 kettlinga.
Hún hefur átt gæludýr frá barns-
aldri og getur ekki hugsað sér fjöl-
skyldu án þeirra. Hún býr í einbýlis-
húsi án gólfefna og stefnir að því að
flísaleggja gólfin, því hundar rispa
parkett yfirleitt mjög mikið. Gólfefni
er í raun það eina sem fólk þarf að
taka tillit til á heimili hunda. Hundar
renna til á timburgólfi og rispa það,
þannig að flestir hundeigendur velja
sér einfaldlega hentugra gólfefni.
Fuglar, kettir og nagdýr
Þeir sem eiga eða hafa hug á að fá
sér fugla, til dæmis páfagauka, ættu
að gæta þess að hafa gluggatjöld
dregin fyrir glugga þegar fugl flýgur
laus, því fuglum hættir til að fljúga á
rúðu og rotast, nema henni sé skýlt
með gluggatjöldum.
Þá er vert að geta þess að ekki er
nokkur leið að venja páfagauka á að
gera þarfir sínar á ákveðinn stað. Á
fuglaheimilum leynast því oft kless-
ur fastar við vegg bak við málverk
og spegla. Á móti kemur að páfa-
gaukar eru skemmtileg gæludýr og
með natni er hægt að kenna gárum
að tala, blístra og fara í boltaleik.
Þar sem kettir búa, er rétt að hafa
kassa með kattasandi innandyra,
sérstaklega að vetrarlagi. Einnig er
snjallt að hafa klórugrind fyrir ketti,
til að varna því að þeir brýni klærnar
á verðmætum teppum eða húsgögn-
um. Ef um er að ræða kött sem má
fara út, er ekki úr vegi að hafa katta-
lúgu, svo hann geti farið inn og út að
vild.
Þarfir nagdýra og fiska eru eink-
um bundnar við fóðrun og hreinsun
á búrum, auk þess sem rétt er að
nagdýr venjist því að vera í fangi
eigenda sinna. Hins vegar gildir það
sama um þau og fugla, ómögulegt er
að kenna þeim að gera þarfir sínar á
ákveðinn stað.
Langar í hænsni
Anna Dana keypti hús á Álftanesi
og segir að Bessastaðahreppur hafi
orðið fyrir valinu hjá sér og fjöl-
skyldu sinni, því sig hafi alltaf
dreymt um að hafa kanínur og
hænsni í garðinum. Draumur henn-
ar er einmitt að bæta hænsnum í
dýrahópinn sem fyrst og helst öðr-
um hundi líka.
Engar sérstakar ráðstafanir eru
gerðar á heimili Önnu Dönu vegna
dýranna, fyrir utan púða sem hafður
er við hliðina á rúmi húsmóðurinnar
fyrir tíkina Palomu. Hún vill hvergi
annars staðar sofa en í hjónaher-
berginu og segir Anna Dana að eig-
inmaðurinn hafi í byrjun átt erfitt
með að sætta sig við það en sé nú
farinn að venjast hrotum hundsins.
„Fiskarnir eru bara í búrinu sínu
og fuglinn líka. Hundurinn og kett-
irnir fá að vera þar sem þeir vilja
vera, rétt eins og aðrir í fjölskyld-
unni. Úti í garði er kanínukofi og
girðing allt um kring. Þegar kalt er í
veðri kveiki ég á hitaperu í kanínu-
kofanum, en að öðru leyti er þetta
heimili bara eins og hvert annað.
Hún segir að Shih Tzu-tíkin Pal-
oma sýni kanínunum mikinn áhuga.
„Hún fer oft í heimsókn til þeirra og
reynir að koma þeim til í leik. Þótt
þær sýni henni lítinn sem engan
áhuga, heldur hún samt alltaf áfram
að reyna.
Kettlingar í fataskáp
Anna Dana segir að áður en læðan
Lucky gaut átta kettlingum hafi hún
útbúið fæðingar- og kettlingasvæði.
„Ég útbjó fyrir hana, að því er ég
taldi, mjög gott bæli á rólegum og
notalegum stað á efri hæð hússins.
Læðan ákvað hins vegar að gjóta í
fataskápnum mínum. Ég færði alla
kettlingana upp, en Lucky gerði sér
lítið fyrir og bar hvern einasta kett-
ling aftur inn í fataskápinn. Ég sá að
hún yrði að fá að ráða þessu, svo hún
er enn í fataskápnum með kett-
lingana.
Hún segir sambýli dýranna ganga
prýðilega, læðunni Lollý finnist til
dæmis mjög gaman að fylgjast með
fiskunum synda og hún uni sér tím-
unum saman við að horfa á þá. Tíkin,
Paloma, reynir ekki bara að leika við
kanínurnar, heldur líka persneska
köttinn Ými. Hann hefur aftur á
móti engan húmor fyrir henni, hvæs-
ir á hana þegar hún stekkur á hann,
og gengur síðan í burtu eins og
móðgaður herramaður.
Ljóst er á máli Önnu Dönu að dýr-
unum líður vel heima hjá henni og
góð sátt ríkir milli manna og dýra,
þrátt fyrir einstaka sprell hjá sum-
um þeirra.
Mamma, mig langar í dýr…
Langflest börn biðja foreldra sína
einhvern tímann á lífsleiðinni að
leyfa sér að fá gæludýr. Það er án
nokkurs vafa bæði þroskandi og gef-
andi að umgangast dýr og á það
jafnt við um börn sem fullorðna.
Hins vegar er rétt að benda á það að
foreldrar verða að bera ábyrgð á
dýrum barna sinna og oftast endar
með því að það kemur í hlut þeirra
að sinna bæði líkamlegum og and-
legum þörfum dýranna.
Gæludýr, sérstaklega kettir og
hundar, hafa tilhneigingu til að eigna
sér svæði í híbýlum manna. Þetta
gera þau smám saman, oft án þess
að eigendur verði þess varir. Allt í
einu er köttur kominn til fóta í
hjónarúmi eða hundur farinn að
hreiðra um sig í tveggja sæta sófa
fyrir framan sjónvarpið. Þetta er í
sjálfu sér ekkert óeðlilegt, dýr hæn-
ast að eigendum sínum og vilja vera
nálægt þeim. Á sama hátt hænast
eigendur að dýrum sínum og vilja
hafa þau nálægt sér.
Þegar vel tekst til í samskiptum
dýra og manna eru þau samskipti
bæði þroskandi og skemmtileg. Þeg-
ar allir eru ánægðir, bæði pabbi,
mamma, börn og dýr, hlýtur ham-
ingjan að brosa við manni.
Heimili gæludýranna
Í þessu húsi við Blikastíg 12 á
Álftanesi búa þær mæðgur
Anna Dana og Dominique ásamt
gæludýrum sínum.
Kettir leita oft að hlýjum stað, gjarnan innan um fatnað eigenda sinna, til dæm-
is inni í skápum eða í þvottakörfum.
Morgunblaðið/Þorkell
Anna Dana Daníelsdóttir og dóttir hennar, Dominique, ásamt hluta af gæludýr-
um fjölskyldunnar, kanínunum Kalla, Prins og Kaninku, köttunum Lollý og Ými
og tíkinni Palomu.
Gæludýr hafa tilhneigingu til að eigna
sér svæði í híbýlum manna, eins og
þessi hundur sem heldur að tveggja
sæta sófi hafi verið keyptur fyrir sig.
Ekki þarf að gera sér-
stakar ráðstafanir við
skipulag og hönnun
heimilis þótt gæludýr
deili því með eigendum
sínum. Brynja Tomer,
sem hefur 30 ára reynslu
af sambúð með gæludýr-
um, segir að menn verði
þó að gera ráð fyrir því
að heimili og heimilishald
breytist dálítið eftir að
gæludýr flytja inn.
Þingvallahreppur - Fasteignamið-
stöðin er með í sölu núna sumarhús,
byggt 1967, í Gjábakkalandi við
Þingvelli. Stærð lóðar er 14 hekt-
arar og er hún öll skógi og kjarri
vaxin. Útsýni er frá húsinu yfir
Þingvallavatn.
„Hér er um að ræða virðulegt hús
á glæsilegum útsýnisstað, sem hefur
verið mjög vandað til í upphafi og
hefur greinilega fengið gott viðhald
– þetta er hús fyrir vandláta,“ sagði
Magnús Leópoldsson hjá Fasteigna-
miðstöðinni.
„Stór og góð verönd er við húsið,
sem er úr timbri og 90 fermetrar.
Rafmagn er í húsinu frá dísilrafstöð
sem er í sér húsi. Olíukynding er og
heitt og kalt vatn. Gaseldavél í eld-
húsi. Leigusamningur er til tíu ára
með sömu skilmálum og gerist í
þjóðgarðinum. Ásett verð er 29
millj. kr.“
Sumarhús á
Þingvöllum
Húsið er úr timbri og 90 ferm. að stærð. Lóðin er 14 hektarar og er hún öll skógi og kjarri vaxin. Ásett verð er 29 millj.
kr., en sumarhúsið er til sölu hjá Fasteignamiðstöðinni.