Morgunblaðið - 26.04.2002, Side 19

LISTIR
MORGUNBLAÐIÐ FÖSTUDAGUR 26. APRÍL 2002 19
HALDNIR verða tónleikar í
Salnum, tónlistarhúsi Kópa-
vogs, í kvöld kl. 20 þar sem
verða frumflutt verk nemenda
úr tónsmíða- og tónfræða-
deild Tónlistarskólans í
Reykjavík.
Efnisskrá er fjölbreytt, ein-
leiksverk fyrir fiðlu, píanó og
flautu, kvartett fyrir fiðlu,
selló, kontrabassa og píanó og
tríó fyrir flautu, klarínettu og
bassaklarínettu. Einnig er
verk fyrir átta einsöngvara og
raftónlistarverk. Flytjendur
eru aðallega hljóðfæra- og
söngnemendur Tónlistarskól-
ans í Reykjavík, en nokkrir
gestir taka einnig þátt í flutn-
ingi.
Nemendur úr tónsmíða-
deild eru Guðmundur St.
Gunnarsson, Kolbrún Hulda
Tryggvadóttir, Benedikt H.
Hermannsson, Stefán Steins-
son og Páll Tómas Viðarsson
og úr tónfræðadeild Daníel
Bjarnason og Kristján Guð-
jónsson.
Aðgangur er ókeypis.
Verk eftir
tónsmíða-
nema
ANNA Gunnhildur Ólafsdóttir,
blaðamaður og rithöfundur, hlaut
í gær, sumardaginn fyrsta, vor-
vindaviðurkenningu Íslands-
deildar IBBY-samtakanna fyrir
unglingaskáldsöguna Niko sem út
kom fyrir síðustu jól. Viðurkenn-
ingin er ein af þremur sem Ís-
landsdeild IBBY veitir ár hvert
fyrir menningarstarf í þágu barna
og unglinga, en auk Önnu Gunn-
hildar hlutu Guðjón Sveinsson rit-
höfundur viðurkenningu fyrir rit-
störf sín í þágu barna- og
unglingamenningar og Leikfélag
Kópavogs sem hlaut viðurkenn-
ingu fyrir áhugaverða leikgerð á
Grimmsævintýrum. Efnt var til
samkomu af þessu tilefni í Nor-
ræna húsinu í gær, þar sem flutt
voru tónlistar- og leikatriði, jafn-
framt því sem verðlaunahafar
tóku við viðurkenningarskjali og
blómvendi.
Að miðla reynslu
Vorvindaviðurkenning Íslands-
deildar IBBY til íslenskrar barna-
og unglingabókar er veitt ár hvert
og kom nú í hlut höfundar sem var
að senda frá sér sína fyrstu bók,
en Niko fjallar um ungling sem er
fjórtán ára þegar borgarastyrjöld
brýst út í heimaborg hans Saraj-
evo í fyrrum Júgóslavíu.
Aðspurð segir Anna Gunnhildur
að vorvindaviðurkenningin veiti
sér í senn hvatningu og staðfest-
ingu á því að boðskapur bókar-
innar hafi náð eyrum barna og
fullorðinna. „Með bókinni langaði
mig til að vekja forvitni og áhuga
íslenskra barna um að kynnast
bakgrunni og reynslu flóttafólks
og innflytjenda sem hingað koma
frá framandi slóðum. Ég held að
mikilvægasta leiðin til að slá á for-
dóma sé að kynnast fólki persónu-
lega. Þannig getur það bæði verið
þroskandi að kynnast einhverju
sem maður þekkti ekki áður og
komast um leið að því hversu lík
við öll erum.“
Eitt af áherslumálum alþjóðlegu
IBBY-samtakanna sem stofnuð
voru í Basel í Sviss árið 1953 er að
miðla skilningi milli þjóða heims
með barnabókum og -menningu.
Anna Gunnhildur kynntist veru-
leika stríðsins í fyrrum Júgóslavíu
í gegnum manninn sinn, Davor,
sem alinn er upp í Sarajevo. En
hvernig fannst Önnu Gunnhildi ís-
lenskum börnum og unglingum
ganga að samsama sig þeim veru-
leika sem lýst er í bókinni?
„Ég fór í marga skóla fyrir jól-
in, las upp úr bókinni og sagði
nemendum frá þeim raunveru-
leika sem ég hafði kynnst í gegn-
um manninn minn. Þar fórum við
inn á ýmis umræðuefni og sýndi
ég þeim m.a. sprengjubrot sem
fjarlægð voru úr Davor. Krakk-
arnir voru mjög áhugasamir,
spurðu mikið og fannst for-
vitnilegt að velta þessu fyrir sér.
Þar með var tilganginum náð að
mínu mati, þ.e. að leyfa fleirum að
kynnast veruleika Nikos og barna
í hans sporum,“ segir Anna Gunn-
hildur.
Þrír aðilar hljóta Vorvindaviðurkenningar Íslandsdeildar IBBY árið 2002
Sagan Niko verðlaunuð
Morgunblaðið/Ómar
Handhafar Vorvindaviður-
kenninga Íslandsdeildar IBBY:
Guðjón Sveinsson rithöfundur,
Anna Gunnhildur Ólafsdóttir,
blaðamaður og höfundur ung-
lingaskáldsögunnar Niko, og
Hörður Sigurðarson, formaður
Leikfélags Kópavogs.