Morgunblaðið - 20.08.2002, Blaðsíða 6

GOLF
6 B ÞRIÐJUDAGUR 20. ÁGÚST 2002 MORGUNBLAÐIÐ
Sigrinum
var spáð
AÐ morgni sunnudagsins sat
Rich Beem fyrir framan tölvu
sína og skoðaði tölvupóstinn
sinn. Þar var eitt bréf frá
Beem-fjölskyldunni í Kansas,
fjölskyldu sem hafði verið í
sambandi við hann um nokk-
urn tíma. „Þar sagði að Beem
myndi vinna PGA með einu
höggi og næstur yrði Tiger
Woods,“ segir Beem, sem tók
þetta ekki alvarlega og sendi
þeim póst til baka þar sem
hann gerði grín að þessu.
Nokkrum klukkustundum
síðar kom í ljós að fjöl-
skyldan í Kansas hafði rétt
fyrir sér.
„Ég verð að senda þeim
golfbolta eða eitthvað, en ég
þori varla að kíkja á tölvu-
póstinn minn núna. Ég hef
stundum áhyggjur af far-
símanum mínum, en núna
veit ég að ég get í það
minnsta borgað næsta reikn-
ing,“ sagði Beem.
FÓLK
Beem lék síðasta hringinn afmiklu öryggi og lét harða at-
lögu Tiger Woods undir lok hringsins
ekkert á sig fá. Hann lék eins og mað-
ur sem hafði engu að tapa. Dró upp
dræverinn sinn á flestum brautum og
var alls óhræddur að taka áhættu.
Eftir fyrri níu holurnar munaði að-
eins einu höggi á honum, Woods og
Justin Leonard. En Beem hélt áfram
ótrauður og hafi einhver efast um
taugar hans þá sannfærðist sá hinn
sami á 11. braut þegar Beem tók þrjú
tré í annað högg og lagði alveg upp að
pinna og fékk örn á holuna á meðan
Woods varð að sætta sig við par. Þar
með skildu tvö högg kappana og eftir
það sló Beem ekki feilnótu. Hann rak
niður langt pútt á 16. flötinni og þá
vissu menn að sigurinn var í höfn.
Reyndar eru síðustu tvær holurnar
nokkuð snúnar en munurinn var orð-
inn það mikill að Beem dugði að leika
af öryggi, ekki varnarleik og þurfti
ekki heldur að sækja of stíft. Þetta
gerði hann snilldarlega og árangur-
inn var fyrsti sigur hans á risamóti.
Hann er tólfti kylfingurinn sem
leikur þetta, að sigra í fyrsta sinn á
risamóti á PGA-meistaramótinu. Það
sem gerir sigur hans þó öðruvísi en
margra forvera hans er maðurinn
sem var á hælum hans síðasta dag-
inn.
Tiger Woods var nokkuð stöðugur
framan af síðasta degi, þrjá undir eft-
ir níu holur og par á þremur næstu
holum, pör þar sem hann var iðulega
að pútta fyrir fugli en ekkert gekk
upp. Síðan kom nokkuð sem ekki sést
á hverjum degi hjá kappanum, tvær
holur í röð þar sem hann fékk skolla
og á annarri þeirra þrípúttaði hann.
Nú héldu margir að hann væri búinn
að gefast upp. En það var langur veg-
ur frá því. Síðustu fjórar holurnar lék
hann af stakri snilld, hvert gullhögg-
ið rak annað og fugl varð niðurstaðan
á þeim öllum. Glæsilegur endir.
Á sama tíma fékk Beem örn á 11.,
fugl á 13 og skolla á 14. og munurinn
var orðinn fimm högg. Það sem eftir
var lék hann á pari, fékk einn skolla
og eitt par þannig að þegar upp var
staðið lék hann á 68 höggum og var í
heildina á tíu höggum undir pari.
„Markmið mitt, og helsta áhyggju-
efni, var að komast í gegnum niður-
skurðinn eftir tvo hringi. Það tókst
og þar með var ég alsæll. Mig
dreymdi ekki einu sinni um að sigra,“
sagði Beem eftir sigurinn.
Reuters
Tiger Woods átti góðan endasprett, en hann kom of seint.
Reuters
Rich Beem með bikarinn
góða, sem hann fékk fyrir
sigur á PGA-mótinu.
Beem
stóðst
atlögu
Woods
BANDARÍKJAMAÐURINN Rich Beem fagnaði ógurlega á 18. flötinni
á Hazeltina National-golfvellinum á sunnudaginn þegar hann
tryggði sér sigur á PGA-meistaramótinu, tíu höggum undir pari og
einu höggi á undan Tiger Woods. Hann hljóp og kyssti bikarinn
góða og dansaði síðan á flötinni. „Ég var örugglega eins og fáviti
þarna, en veistu hvað: Ég vann!“ sagði Beem alsæll nokkru eftir að
hann hafði tekið við bikarnum.
Richard Michael Beem
PGA-MEISTARINN Rich Beem er fæddur 24. ágúst 1970 í
Phoenix. Hann býr í El Paso í Texas.
Faðir hans, Larry Beem, er golfkennari og því fékk Rich
golfið beint í æð, en hann hafði ekki sérlega mikinn áhuga,
sneri sér frekar að hinu ljúfa lífi og hætti í golfi rétt um tví-
tugt. Þá flutti hann til Seattle þar sem hann gerðist sölumaður
og naut lífsins ásamt unnustu sinni. Það eina sem hann kom
nálægt golfi næsta árið var að slá af svölunum á íbúð sinni, yf-
ir nokkur hús og út í tjörn sem var þar ekki langt frá.
Um páskana sá hann fyrrum félaga sinn úr háskóla, Paul
Stankowski, vinna golfmót og þá fékk hann áhugann á ný, fór
frá kærustunni og flutti til El Paso þar sem hann gerðist að-
stoðarmaður golfkennara.

RICH Beem vann við það fyrir sjö
árum að selja hljómflutningstæki og
farsíma fyrir sjö dollara á tímann.
Núna heldur hann örugglega veg-
lega upp á afmæli sitt, en kappinn
verður 32 ára á laugardaginn.

FYRIR sigurinn fékk hann um 85
milljónir króna og fyrir tæpum mán-
uði sigraði hann á International
mótinu þar sem hann fékk rúmar 40
milljónir króna. Góð mánaðarlaun
það!

BEEM fær einnig fimm ára boðs-
kort á PGA mótaröðina.

ÞETTA er í fyrsta sinn sem Tiger
Woods verður í öðru sæti á risamóti í
golfi.

FAÐIR Beem, Larry Beem, er
golfkennari og hann var meðal áhorf-
enda. „Ég var ekki í rónni fyrr en
síðasta púttið datt,“ sagði faðirinn.

HANN sagði Rich fæddan á loka-
degi PGA meistaramótsins 1970. Þá
var lokadeginum frestað fram á
mánudag og hann fæddist á mánu-
deginum.

BEEM fagnaði ógurlega þegar
hann setti langt pútt niður fyrir fugli
á 16. flötinni. Tók boltann upp úr hol-
unni og grýtti honum til áhorfenda.

JUSTIN Leonard hafði þriggja
högga forystu fyrir síðasta hring.
Þar gekk allt á afturfótunum og
hann lauk leik á fimm yfir pari og
endaði í fimmta sæti.

FIMM efstu sætin gefa rétt til að
leika á Masters næsta ár þannig að
Leonard náði því.

TOM Watson bætti sig um 16 högg
á sunnudeginum. „Það er hræðilegt
að koma inn á 83 höggum og ég var
ákveðinn í að sanna fyrir sjálfum
mér í dag að ég gæti leikið betur,“
sagði Watson eftir að hann lauk síð-
asta deginum á 67 höggum.

HINN 26 ára gamli Pat Perez lék
einn síðasta hringinn og hann var
snöggur að því. Hann lauk leik á
einni klukkustund, 53 mínútum og 30
sekúndum. „Ég hefði getað verið
fljótari en tafðist á síðustu flötinni,“
sagði kappinn, sem lauk leik á fjór-
um yfir síðasta daginn og 21 yfir í
heildina. Næstneðsta sætið.