Morgunblaðið - 21.08.2002, Qupperneq 20

VIÐSKIPTI/ATHAFNALÍF
20 MIÐVIKUDAGUR 21. ÁGÚST 2002 MORGUNBLAÐIÐ
ÁKVEÐIÐ hefur verið að sameina
fjarskiptafyrirtækin Íslandssíma
hf. og Halló-Frjáls fjarskipti undir
merkjum Íslandssíma. Í kjölfarið
verður farið í hlutafjármögnun hins
sameinaða félags með frekari sam-
runa á fjarskiptamarkaði að mark-
miði.
Við samruna Íslandssíma og
Halló eignast hluthafar í Halló ný
hlutabréf í Íslandssíma að nafn-
verði 414 milljónir króna. Í lok júní
sl. nam hlutafé Íslandssíma 1.024
milljónum króna en verður með
þessu 1.438 milljónir. Núverandi
hluthafar í Halló munu því eignast
sem nemur 28,7% af heildarhlutafé
Íslandssíma. Sé miðað við lokaverð
hlutabréfa í Íslandssíma í Kauphöll
Íslands í gær (1,65) er hlutaféð í
Halló alls metið á 683 milljónir
króna í samrunanum.
Tryggja aukið hlutafé
Samrunasamningur félaganna
tryggir hinu sameinaða félagi enn-
fremur fjármögnun til frekari sam-
runa og markaðssóknar. Columbia
Ventures Corporation (CVC), sem
er aðaleigandi Halló og í eigu Ken-
neth Peterson, mun samkvæmt
honum leggja fram nýtt hlutafé í
kjölfar sameiningarinnar auk
Landsbanka Íslands, Búnaðar-
banka Íslands, Talsímafélagsins og
Frumkvöðuls, sem er í eigu Eim-
skipafélagsins. Viðmiðunargengi
hlutafjár í þessari fjármögnun
verður 1,85 eða 12% yfir skráðu
gengi félagsins í gær.
Þessi aukning er í tilkynningu
sögð tryggja fjármögnun til frekari
útrásar Íslandssíma á fjarskipta-
markaði en gangi frekari samruna-
áform ekki eftir er Íslandssíma
samt sem áður tryggt verulegt fé til
öflugrar markaðssóknar.
Ekki einungis íslensk félög
Óskar Magnússon, forstjóri Ís-
landssíma, segir samrunann í sam-
ræmi við yfirlýst markmið Íslands-
síma. Viðræðurnar hafi tekið
skamman tíma og það sé vísbend-
ing um eindreginn vilja til að búa til
öflugri einingu í samkeppninni við
Landssíma Íslands.
„Samhliða þessu höfum við
tryggt okkur fjármagn til þess að
verja í hugsanleg kaup á öðru fjar-
skiptafélagi eða félögum, eftir at-
vikum.
Á hinn bóginn er það svo, að ef
ekki verður af slíku, verðlagning
verður of há eða ekki næst sam-
komulag um áhugaverða kosti í
þeim efnum, þá höfum við fjármagn
til að sækja fram á markaðnum og
ná til okkar viðskiptavinum með
þeim hætti í stað þess að fá þá í
gegnum samruna.“
Hann segist ekki geta gefið upp
hversu mikið fé hið sameinaða félag
mun hugsanlega hafa til umráða
enda veiki það samningsstöðu fé-
lagsins í hugsanlegum samrunavið-
ræðum við aðra.
Óskar segir aðspurður að sam-
runaviðræður hafi ekki átt sér stað
við Tal ennþá. Um önnur félög seg-
ir hann að ekki sé sjálfgefið að um
verði að ræða íslensk fjarskipta-
félög. „Það er alveg hugsanlegt að
félag eins og Íslandssími geti starf-
að með erlendu fjarskiptafélagi,“
segir Óskar og staðfestir að þeir
möguleikar hafi verið athugaðir
samhliða öðru en segir engar við-
ræður í gangi um slíkt.
Hlutfallsskipting
lykillinn að árangri
Bjarni Þorvarðarson, fram-
kvæmdastjóri þróunarsviðs CVC,
aðaleiganda Halló-Frjálsra fjar-
skipta, segir CVC alltaf opið fyrir
góðum fjárfestingartækifærum og
samruni Halló við Íslandssíma
flokkist undir slíkt. Hann segir
þennan möguleika hafa verið lengi í
skoðun, líkt og aðra samrunamögu-
leika á íslenskum fjarskiptamark-
aði. Þarna hafi fyrsta skrefið ein-
faldlega verið tekið.
„Menn hafa í vaxandi mæli áttað
sig á mikilvægi þess að ná saman
og styrkja þessi mörgu en of litlu
fyrirtæki sem eru í þessum geira.
Halló og Íslandssími hafa nú náð
saman auk þess sem eigendur
þeirra hafa ákveðið að setja tals-
vert meira fjármagn inn, vonandi til
þess að stuðla að frekari samruna.
Það er skýr ásetningur og áhugi á
að af því geti orðið,“ segir Bjarni.
Hann segir lykilinn að árangri í
viðræðum Halló og Íslandssíma
hafa verið að átta sig á hver hlut-
fallsleg skipting hvors félags um
sig ætti að vera fremur en hvert
verðmætið væri við samruna.
„Við komumst að því að skipt-
ingin ætti að vera um 28% Halló og
72% Íslandssími. Svo sveiflast verð-
mæti Halló í takt við gengi Íslands-
síma. Við erum mjög sáttir við að
vera komnir inn í öflugt fyrirtæki
og hóp fjárfesta sem eru tilbúnir til
þess að fylgja þessu verkefni þungt
eftir, til að reyna að fá fram frekari
samruna.“
Ekkert tilboð
borist í Tal
Tal hf. er það fjarskiptafyrirtæki
sem einna mest samlegðaráhrif
yrðu líklega af með samruna við Ís-
landssíma og Halló. Morgunblaðið
hefur heimildir fyrir því að þreif-
ingar hafi átt sér stað á síðustu
misserum en ekki náðst saman.
Þórólfur Árnason, forstjóri Tals
hf., segir áhugavert fyrir samruna-
mál á fjarskiptamarkaði að sjá
þessi tvö félög draga sig saman.
„Það eru ýmis tækifæri sem
skapast við þetta. Innkoma Ken-
neth Peterson, sem verður með
þessu leiðandi aðili í Íslandssíma,
er mjög athyglisverð. Ég hef áður
vakið athygli á því að erlendir að-
ilar fjárfestu í Tali og hafa haft þar
fé í uppbyggingu í fimm ár. Það
sýnir sig að fjárfesting Kenneth
Peterson í Halló á sínum tíma hefur
ekki verið tilviljun. Hann ætlar að
standa að frekari uppbyggingu í
fjarskiptum á Íslandi og það er
vel.“
Þórólfur segir enga launung á því
að hlutafé í Tali hafi verið til sölu
síðan í maí árið 2001. Eigendurnir
hafi átt í viðræðum um sölu öðru
hverju en ekki fengið viðunandi til-
boð í eign sína. „Við erum að gera
Tal verðmætara með hverju árinu
og eigendurnir eru mjög ánægðir.
Þeir ráða því hvort þeir selja eða
ekki,“ segir Þórólfur og staðfestir
að ekkert kauptilboð hafi borist
eigendum Tals frá Íslandssíma og
Halló.
Engin áhrif á þjónustu
Í tilkynningu segir að þjónusta
Íslandssíma og Halló verði eftir
samrunann veitt undir nafni Ís-
landssíma og hann muni ekki hafa
nein áhrif á þjónustu við viðskipta-
vini félaganna.
Hjá Íslandssíma starfa 130
manns og er áætlað að velta ársins
verði 2 milljarðar króna. Um 30
manns starfa hjá Halló-Frjálsum
fjarskiptum og áætluð velta er tæp-
lega 500 milljónir á árinu en rúmur
einn milljarður á því næsta.
Samrunasamningur Íslandssíma
og Halló-Frjálsra fjarskipta er
gerður með fyrirvara um kostgæfn-
isathugun beggja félaga, sem skal
lokið eigi síðar en 30. september
nk., auk samþykkis hluthafafunda
félaganna, sem boðað verður til
þegar kostgæfnisathugun liggur
fyrir.
Íslandssími og Halló-
Frjáls fjarskipti sameinast
Stefnt að frekari samruna á
fjarskiptamarkaði með
hlutafjáraukningu í Íslandssíma
Morgunblaðið/Arnaldur
Frá undirritun samrunasamnings Íslandssíma og Halló-Frjálsra fjarskipta:
Steinþór Baldursson, forstöðumaður fyrirtækjaráðgjafar Landsbanka Ís-
lands, Óskar Magnússon, forstjóri Íslandssíma, og Bjarni Þorvarðarson,
framkvæmdastjóri þróunarsviðs Columbia Ventures Corporation.
Góður
kaupandi
og gott
verð
GRANDI hf. seldi 265,5 milljóna
króna hlut sinn í Þormóði ramma
Sæberg hf. í vikunni til Afls Fjár-
festingarfélags hf. á genginu 5,10.
Um er að ræða 20,24% hlut í félaginu
en hlutur Afls í Þormóði ramma er
eftir viðskiptin 40,45%.
Til samanburðar var síðasta við-
skiptagengi bréfa Þormóðs ramma í
Kauphöllinni í gær 4,60.
Árni Vilhjálmsson, stjórnarfor-
maður og starfandi framkvæmda-
stjóri Granda, segir að helsta ástæða
sölunnar hafi verið gott tilboð frá
góðum kaupanda.
„Það gaf sig fram góður kaupandi
sem er eftirsóknarverður arftaki
okkar hlutar og bauð gott verð. Við
erum búnir að vera hluthafar í Þor-
móði ramma í 8 ár og höfum notið
góðrar ávöxtunar af fjárfestingunni
og átt góð samskipti við fyrirtækið.
Þessi fjárfesting var hætt að gegna
því hlutverki sem hún gegndi áður,
en við fórum út í þetta á sínum tíma
til að fjölþætta rekstur okkar.Við
vorum ekki í rækju fyrir en komum
þarna með óbeinum hætti inn í
rækjuútgerð. Síðan höfum við eign-
ast hluti í öðrum fyrirtækjum í
rækjuvinnslu,“ sagði Árni.
Undanfari frekari samþjöppunar
Í Morgunpunktum greiningar-
deildar Íslandsbanka er fjallað um
viðskiptin og sagt að freistandi sé að
setja kaup Afls í samhengi við aðrar
fjárfestingarfélagsins að undanförnu
í sjávarútvegi og spár um frekari
samþjöppun en orðið hefur í grein-
inni.
„Nýverið festi Afl kaup á 20% hlut
í Þorbirni Fiskanesi hf. en auk þess
er félagið stór hluthafi í Guðmundi
Runólfssyni hf. og Hraðfrystihúsinu
– Gunnvöru hf. Að mati Greiningar
ÍSB verður að teljast líklegt að með
svo stórri fjárfestingu í nokkrum
sjávarútvegsfyrirtækjum búi fleira
að baki en að selja hlutinn síðar. Lík-
legra verður að telja að stefnt sé að
nánu samstarfi eða sameiningu fé-
laganna og er þá fyrst og fremst
horft til Þormóðs ramma - Sæbergs
og Þorbjarnar Fiskaness. Þá er það
mat Greiningar ÍSB að með sölu á
hlutabréfum í Þormóði ramma - Sæ-
bergi sé nú líklegra en áður að
Grandi leitist eftir sameiningu við
annað stórt sjávarútvegsfyrirtæki,“
segir í Morgunpunktunum.
Kaup Afls á hlut
í Þormóði Ramma
HLUTHAFAFUNDI sem halda
átti í Fjárfestingarfélaginu
Straumi í gær var aflýst rúmum
klukkutíma áður en halda átti
fundinn. Til fundarins var boðað að
ósk tveggja hluthafa, Fjárfars og
Dúks, en þeir drógu beiðni sína til
baka.
Ástæðan fyrir því að eigendur
Fjárfars og Dúks, sem samanlagt
eiga um 11% hlut, óskuðu eftir
hluthafafundi var kosning nýrrar
stjórnar í Straumi en í stjórn sitja
Ólafur B. Thors, Kristín Guð-
mundsdóttir og Jón Ásgeir Jó-
hannesson. Samkvæmt heimildum
Morgunblaðsins náðist samkomu-
lag um óbreytta stjórn fyrir fund-
inn og því var honum aflýst.
Nýverið hafa tveir hluthafar í
Straumi selt hlut sinn í félaginu,
Ker sem átti 3,4% hlut og Hlut-
deild, vinnudeilusjóður Samtaka
atvinnulífsins, sem átti innan við
1% hlut. Sjóvá-Almennar keyptu í
liðinni viku 5,38% hlut í Straumi og
eru nú fjórði stærsti hluthafinn.
Hluthafafundi aflýst


  













! " !  #$%


     
! "&'( )" 
 !"# "
$ %!! "
&'" "

'()*+,-
 "
!!% "
 !"# .
/ "
&'"!-" 01!!! "

2 ( "
3$ "
+415,!(--
6'
5!& 7-8!!1 "
09- :2,%1
+
;#-<!(--
!!% "
+  -
+=+:

 >
>
>
>
 >
>
>
 >
>
>
>
>
>
>
>
  >
 >
>
 >
> 
> 
> 
>
>
> 
>
>
>
>
>
>
>
>
>
Óbreytt stjórn Fjárfestingarfélagsins Straums hf.
FYRIRTÆKÐ Bonus Stores í
Bandaríkjunum, sem er í meirihluta-
eigu Baugs, hefur höfðað mál gegn
fyrrverandi forstjóra fyrirtækisins,
Jim Schafer, sem var nýlega sagt upp
störfum. Tilkynning þessa efnis var
birt á fréttavef Kauphallar Íslands í
gær. Þar kemur fram, eins og áður
hefur verið greint frá í fréttum, að
brottvikning Schafers hafi verið
vegna viðskipta sem fyrirtæki sem
Schafer á hlut í hafi átt við Bonus Sto-
res. Í tilkynningunni segir ennfremur
að stjórn fyrirtækisins hafi á síðustu
vikum orðið þessi viðskipti ljós og að
könnun á þeim og öðrum málum
standi yfir.
Stjórnarformaður Bonus Stores,
Tryggvi Jónsson, forstjóri Baugs,
vildi í gær ekki tjá sig um málshöfð-
unina og sagðist aðspurður ekki vita
hversu langan tíma hún gæti tekið.
Ekki náðist í Jim Schafer vegna
málsins. Jim Schafer og annar fyrr-
verandi yfirmaður Bonus Stores hafa,
eins og sagt var frá í fréttum í síðasta
mánuði, þegar stefnt Bonus Stores og
krafist 10 milljóna dala skaðabóta,
sem er jafnvirði yfir 850 milljóna
króna.
Skammt í að nýr
forstjóri verði ráðinn
Stjórn Bonus Stores vinnur nú að
ráðningu nýs forstjóra, en til bráða-
birgða hefur rekstur fyrirtækisins
verið í höndum annarra yfirmanna fé-
lagsins, stjórnarformannsins og
stjórnarmannsins Williams Fields,
sem er fyrrverandi forstjóri Wal-
mart. Þegar hann var spurður hvern-
ig gengi að ráða nýjan forstjóra sagði
Tryggvi að það væri langt komið. Bú-
ið væri að ræða við nokkra vegna
stöðunnar og væntanlega yrði ráðið í
starfið innan skamms.
Bonus Stores
stefna fyrrverandi
forstjóra sínum